India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News January 27, 2026
வேலூர்: அறிவியல் மையத்தில் பாலியல் சர்ச்சை!
வேலூர் மாவட்ட அறிவியல் மையம் பொறுப்பாளராக பணிபுரிபவர் சதீஷ் குமார். இந்த மையத்தில் தற்காலிக அடிப்படையில் பணியாளராக வேலை செய்து வந்த பெண்ணுக்கு சத்தீஷ்குமார் பாலியல் தொல்லை கொடுத்ததாக கூறப்படுகிறது. இது குறித்து அந்த பெண் வேலூர் அனைத்து மகளிர் போலீஸ் நிலையத்தில் புகார் செய்தார். மேலும் போலீசார் வழக்குப்பதிவு செய்து விசாரணை நடத்தி வருகின்றனர்.
News January 27, 2026
சென்னையில் மின் தடை; உங்க ஏரியா இருக்கா?
சென்னையில் 27.01.2026 அன்று காலை 09:00 மணி முதல் மதியம் 2:00 மணி வரை மின் வாரிய பராமரிப்பு பணி காரணமாக கீழ்காணும் இடங்களில் மின் விநியோகம் நிறுத்தப்படும். அடையார், கேனால் பேங்க் சாலை, கேன்சர் மருத்துவமனை, காந்தி நகர், கேனால் கிராஸ் சாலை, விவேக்ஸ் ஷோரூம், கிரசென்ட் அவென்யூ, காமராஜ் கல்லூரி, பம்பிங் ஸ்டேஷன்,மலர் மருத்துவமனை உள்ளிட்ட சுற்றுவட்டார பகுதிகளில் மின் விநியோகம் தடை செய்யப்படும்.
News January 27, 2026
வேலூரில் போலீசார் அதிரடி!
வேலூர் மாவட்டம் முழுவதும், காவல் ஆய்வாளர்களின் தலைமையிலான போலீசார் நேற்று (ஜன.26) நடத்தப்பட்ட சோதனையில் 273 மது பாட்டில்கள் பறிமுதல் செய்யப்பட்டது. இது தொடர்பாக 6 மதுவிலக்கு வழக்குகள் பதிவு செய்யப்பட்டுள்ளது. இதுபோன்ற குற்றச் செயல்களில் ஈடுபடுபவர் மீது, கடுமையான நடவடிக்கை எடுக்கப்படும் என மாவட்ட காவல் கண்காணிப்பாளர் மயில்வாகனன் விடுத்துள்ள செய்தி குறிப்பில் எச்சரித்துள்ளார்.
News January 27, 2026
உதகையில் மக்கள் கடும் அவதி
உதகையில் நேற்று திடீரென மூடுபனியுடன் கூடிய சாரல் மழை பெய்தது. இதனால் நிலவிய கடும் குளிரின் காரணமாக பொதுமக்களின் இயல்பு வாழ்க்கை பெருமளவு பாதிக்கப்பட்டது. சாரல் மழையுடன் மூடுபனியின் தாக்கம் அதிகமாக இருந்ததால், சாலைகளில் எதிரே வரும் வாகனங்கள் தெரியாத நிலை ஏற்பட்டது. இதன் காரணமாக வாகன ஓட்டிகள் பகல் நேரத்திலேயே முகப்பு விளக்குகளை எரிய விட்டபடி சென்றனர்.
News January 27, 2026
மயிலாடுதுறை: நேரில் சென்று அஞ்சலி செலுத்திய வைகோ
மொழிப்போர் தியாகிகள் நினைவு நாளை முன்னிட்டு மயிலாடுதுறை மன்னம்பந்தல் ஏவிசி கல்லூரி வாயிலில் அமைக்கப்பட்டுள்ள மொழிப் போர் தியாகி சாரங்கபாணி நினைவு தூணில் மதிமுக பொதுச்செயலாளர் வைகோ மலர்வளையம் வைத்து அஞ்சலி செலுத்தினார். இந்நிகழ்வின் போது கட்சியின் துணை பொதுச்செயலாளர் ஆடுதுறை முருகன், மாவட்ட செயலாளர் கொளஞ்சி, மாநில மாணவர் அணி அமைப்பாளர் ஆசைதம்பி உள்ளிட்ட பலர் கலந்து கொண்டனர்.
News January 27, 2026
திண்டுக்கல்லில் 3 பேர் அதிரடி கைது
திண்டுக்கல், பாலமரத்துப்பட்டியைச் சேர்ந்த சின்னையா என்பவரின் மனைவி சுப்புலட்சுமி மற்றும் அவரது மகள்கள் பஞ்சவர்ணம், கருத்தம்மாள் ஆகிய மூவரையும், கடந்த 24-ம் தேதி 4 பேர் கொண்ட கும்பல் அரிவாளால் வெட்டிவிட்டு தப்பியோடியது. இதுகுறித்த புகாரின் பேரில் வழக்குப்பதிவு செய்த போலீசார், அதே ஊரைச் சேர்ந்த விஜய், ஆறுமுகம், முருகேசன் ஆகிய 3 பேரை கைது செய்தனர். தலைமறைவாக உள்ள மணிராஜன் என்பவரை தேடி வருகின்றனர்.
News January 27, 2026
தருமபுரி: தறிகெட்டு ஓடிய பைக்; பறிபோன உயிர்!
திருவண்ணாமலையை சேர்ந்த தொழிலாளி மணிகண்டன் (26). இவர், தருமபுரி, கல்லாடிப்பட்டியில் தங்கி வேலை செய்து வந்தார். இந்நிலையில் மணிகண்டன் பைக் ஓட்ட ரமேஷ் பின்னால் அமர்ந்து லிங்காபுரம் நோக்கி சென்றனர். இதில் கட்டுப்பாட்டை இழந்த பைக் சாலையோர மரத்தில் மோதியது. இதில் படுகாயம் அடைந்த மணிகண்டன் சம்பவ இடத்திலேயே பரிதாபமாக இறந்தார். இது குறித்து அரூர் போலீசார் விசாரணை நடத்தி வருகின்றனர்.
News January 27, 2026
திருச்சி: கிணற்றில் மூழ்கி கல்லூரி மாணவன் பலி
திருச்சி வரகனேரி சந்தனபுரம் பகுதியை சேர்ந்தவர் சிராஜுதீன் (19). இவர் தனியார் கல்லூரியில் முதலாம் ஆண்டு படித்து வந்தார். இந்நிலையில் நேற்று முன்தினம் நண்பர்களுடன் சேர்ந்து சோமரசம்பேட்டை அருகே உள்ள கிணற்றில் குளிக்க சென்றார். அப்போது அவருக்கு வலிப்பு ஏற்பட்டு, தண்ணீரில் மூழ்கினார். உடனே அவரை மீட்டு திருச்சி GH-க்கு கொண்டு சென்றனர். அவரை பரிசோதித்த டாக்டர் அவர் ஏற்கெனவே இறந்து விட்டதாக கூறினார்.
News January 27, 2026
நாகை: வீடு புகுந்து நகை, பணம் கொள்ளை
நாகை மகாலட்சுமி நகரை சேர்ந்த மாதரிசி, கடந்த 22ம் தேதி குடும்பத்துடன் விருதாச்சலம் அருகே உள்ள கோனார் குப்பம் மாதா கோயிலுக்கு சென்றுள்ளார். இந்நிலையில், வீட்டிற்கு திரும்பி வந்து பார்த்தபோது, வீட்டில் இருந்த 3 சவரன் தங்க நகை, 85 கிராம் வெள்ளி, 15 ஆயிரம் ரொக்கம் ஆகியவை திருடு போயிருப்பதை கண்டு அதிர்ச்சி அடைந்தார். இதுகுறித்து அவர் அளித்த புகாரின் பேரில் போலீசார் விசாரணை நடத்தி வருகின்றனர்.
News January 27, 2026
திருவாரூர்: கடலோர எல்லையில் குடியேறும் போராட்டம்
திருவாரூர் மாவட்டம் முத்துப்பேட்டையில் விடுதலை சிறுத்தைகள் கட்சி சார்பில் நேற்று (ஜன.26) குடியரசு தினத்தை முன்னிட்டு கிராம சபை கூட்டம் நடைபெற்றது. அதனை புறக்கணித்து கடலோர ஊராட்சிகளில் வாழும் மக்களை பேரிடர்களிலிருந்து பாதுகாத்திட குடிமனை, இலவச வீடு கேட்டு ஜாம்புவானோடை கடலோர எல்லையில் மாவட்ட செயலாளர் வெற்றி தலைமையில் சுமார் 50 பேர் குடியேறும் போராட்டத்தில் ஈடுபட்டனர்.
Featured News
Sorry, no posts matched your criteria.