India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News January 31, 2026
சிவகங்கை: மின் தடை பகுதிகள் அறிவிப்பு
பூசலக்குடி, அமராவதி புதூர் துணை மின் நிலையங்களில் இன்று (ஜன.31) மாதாந்திர பராமரிப்பு பணிகள் நடைபெற உள்ளது. இதனால் கண்ணங்குடி, கப்பலூர், அனுமந்தங்குடி, கண்டியூர், சாத்தனகோட்டை, சிறுவாச்சி, ஜமீன்தார் காலனி, நாகவயல் சாலை, காதி நகர், சங்கராபுரம், எஸ்.ஆர். பட்டணம், ஆறாவயல், விசாலயங்கோட்டை, கல்லுப்பட்டி மற்றும் அதனை சுற்றியுள்ள பகுதிகளில் காலை 10 மணி முதல் மாலை 5 மணி வரை மின் விநியோகம் இருக்காது. SHARE
News January 31, 2026
தஞ்சை: இன்று இங்கெல்லாம் மின்தடை!
தஞ்சை மாவட்டத்தில் உள்ள சேதுபாவச்சத்திரம், திருமலைசமுத்திரம், கும்பகோணம், பட்டுக்கோட்டை, ஒரத்தநாடு, திருக்காட்டுப்பள்ளி, தஞ்சாவூர் ஆகிய துணை மின் நிலையங்களில் இன்று (ஜன.31) மாதந்திர பராமரிப்பு பணிகள் நடைபெறவுள்ளது. இதன் காரணமாக இங்கிருந்து மின் விநியோகம் பெரும் அனைத்து பகுதிகளிலும் இன்று காலை 9 மணி முதல் மாலை 3 மணி வரை மின் நிறுத்தம் செய்யப்படும் என அறிவிக்கப்பட்டுள்ளது. SHARE பண்ணுங்க!
News January 31, 2026
திருச்சி: அன்பு சோலை மையம் குறித்த அறிவிப்பு
சமூக நலன் & மகளிர் உரிமை துறை சார்பில், திருச்சி பெட்டவாய்த்தலை மற்றும் கொட்டப்பட்டு பகுதியில் மூத்த குடிமக்களுக்கான அன்பு சோலை மையம் செயல்பட்டு வருகிறது. காலை 9 மணி முதல் மாலை 5 மணி வரை செயல்படும் இந்த மையத்தில் உணவு, இயன்முறை மருத்துவ வசதிகள் உள்ளிட்ட பல்வேறு வசதிகள் செய்யப்பட்டுள்ளது. இது குறித்த விவரங்களுக்கு 0431-2413796 என்ற எண்ணில் தொடர்பு கொள்ளலாம் என ஆட்சியர் சரவணன் தெரிவித்துள்ளார்.
News January 31, 2026
தேனி: இன்று இங்கெல்லாம் கரண்ட் கட்..!
வைகை அணை துணை மின் நிலையத்தில் இன்று (ஜன.31) மாதாந்திரப் பராமரிப்புப் பணிகள் நடைபெறவுள்ளது. அதன் காரணமாக ஜெயமங்கலம், குள்ளப்புரம், வைகை புதூா், ஜல்லிபுத்தூா், மருகால்பட்டி, வைகை அணை மற்றும் அதன் சுற்றுவட்டாரப் பகுதிகளில் காலை 10 மணி முதல் மாலை 4 மணி வரை மின் விநியோகம் நிறுத்தப்படும் என மின்வாரியத்தினர் தகவல் தெரிவித்துள்ளனர். இந்த தகவலை எல்லோருக்கும் SHARE பண்ணுங்க.
News January 31, 2026
சென்னை: பெண்ணிடம் ஆபாச சைகை; அதிரடி காட்டிய போலீஸ்!
சென்னை ரெட்டேரி பகுதியைச் சேர்ந்த 47 வயது பெண், நேற்று முன்தினம் கோயம்பேடு பூ மார்கெட்டில் பூக்கள் வாங்கி பேருந்து நிலையத்தில் நின்றுள்ளார். அப்போது அங்கிருந்த ஒருவர் ஆபாச சைகை செய்து, தகாத வார்த்தைகளால் பேசி, கொலை மிரட்டல் விடுத்து தப்பித்து சென்றார். அவர் அளித்த புகாரின் பேரில் K-11 CMBT போலீசார் வழக்குப் பதிவு செய்து, விசாரணையில் வேலூரைச் சேர்ந்த மாரியப்பனை நேற்று கைது செய்தனர்.
News January 31, 2026
தி.மலை: ஒரே இரவில் அடுத்தடுத்து கொள்ளை!
ஆரணி, மாமண்டூர் கிராமத்தில் நேற்று முன்தினம் ஒரே இரவில் அடுத்தடுத்து 7 வீடுகளில் மர்மநபர்கள் திருட்டில் ஈடுபட்டனர். பீரோக்களை உடைத்து தாலிச் செயின், கம்பல் என 10 சவரன் தங்க ஆபரணங்கள், கால் கொலுசு காப்பு என 200 கிராம் வெள்ளி மற்றும் 40 ஆயிரம் ரொக்கம் கொள்ளையடிக்கப்பட்டதாக தெரிவிக்கப்பட்டுள்ளது. இந்த சம்பவம் தொடர்பாக ஆரணி தாலுகா காவல்துறையினர் வழக்குப் பதிவு செய்து, விசாரிக்கின்றனர்.
News January 31, 2026
திருப்பத்தூர்: கல்லூரி பேருந்து ஆட்டோ மீது மோதி விபத்து
ஜோலார்பேட்டை அடுத்த மண்டலவாடி பகுதியில் செயல்பட்டு வரும், தனியார் கல்லூரி பேருந்து நேற்று (ஜன.30) கல்லூரி முடித்துவிட்டு, மாணவர்களை ஏற்றிக்கொண்டு, வாணியம்பாடி நோக்கி வந்துகொண்டிருந்தது. அப்போது சின்னமோட்டூர் அருகே முன்னால் பேனர் கம்பிகளை ஏற்றிச்சென்ற ஆட்டோ மீது திடீரென கல்லூரி பேருந்து மோதி விபத்துக்குள்ளானது. இதில் கல்லூரி மாணவர்கள் அதிர்ஷ்டவசமாக உயிர்தப்பினர்.
News January 31, 2026
அறிவித்தார் திருப்பூர் கலெக்டர்!
வடலூர் ராமலிங்க அடிகளார் நினைவு நாளை முன்னிட்டு, பிப்ரவரி 1-ம் தேதி திருப்பூர் மாவட்டம் முழுவதும் உள்ள டாஸ்மாக் கடைகள், மதுபானக்கூடங்கள் மற்றும் தனியார் மதுபான விடுதிகளை நாள் முழுவதும் அடைக்க வேண்டும் மாவட்ட ஆட்சியர் மனிஷ் உத்தரவிட்டுள்ளார். இந்த உத்தரவை மீறி மது விற்பனையில் ஈடுபடுபவர்கள் மீது கடும் நடவடிக்கை எடுக்கப்படும் எனவும் அவர் எச்சரிக்கை விடுத்துள்ளார்.
News January 31, 2026
ரூ.1லட்சம் பரிசு: அறிவித்தார் நீலகிரி கலெக்டர்
திருநங்கைகளை கௌரவிக்கும் வகையில் தமிழக அரசு ஆண்டுதோறும் ஏப்.15ம் தேதி மாநில அளவிலான விருதினை வழங்கி வருகிறது. இந்நிலையில் இந்த ஆண்டிற்கான விருது பெற விரும்பும் நபர்கள் வரும் பிப்.18ம் தேதிக்குள் https://awards.tn.gov.in என்ற இணையதளத்தில் விண்ணப்பிக்கலாம் என நீலகிரி கலெக்டர் லட்சுமி பவ்யா தண்ணீரு அறிவித்துள்ளார். தேர்வு செய்யப்படுபவருக்கு ரூ.1 லட்சம் காசோலை (ம) பாராட்டு சான்றிதழ் வழங்கப்படும்.
News January 31, 2026
அறிவித்தார் நாமக்கல் கலெக்டர்!
நாமக்கல் மாவட்ட ஆட்சியர் துர்க்காமூர்த்தி வெளியிட்டுள்ள செய்திக்குறிப்பில், மாவட்டத்தில் நாளொன்றுக்கு சராசரியாக 82 ஆயிரம் லிட்டர் பால் கொள்முதல் செய்யப்பட்டு, 355 முகவர்கள் மூலம் விநியோகிக்கப்படுவதாகத் தெரிவித்துள்ளார். பிப்ரவரி 1-ஆம் தேதி முதல், முகவர்கள் தங்களுக்குத் தேவையான பால் மற்றும் உபபொருட்களைப் புதிய ஆவின் செயலி (Aavin App) மூலமாகவே முன்பதிவு செய்ய வேண்டும் என்று அவர் உத்தரவிட்டுள்ளார்.
Featured News
Sorry, no posts matched your criteria.