India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News February 2, 2026
விழுப்புரத்தில் துடிதுடித்து பலி!
விழுப்புரம்: கீழ்பெரும்பாக்கம் பகுதியைச் சோ்ந்தவா் த.தமிழ்வாணன் (40), தனியாா் நிறுவனத்தில் மருந்து விற்பனை பிரதிநிதியாக வேலைப் பாா்த்து வந்தாா். அய்யூர், அகரம் பகுதியில் உள்ள மேம்பாலத்தில் பைக்கில் சென்றபோது, கட்டுப்பாட்டை இழந்து பால தடுப்புக் கட்டையில் மோதியதில், பலத்த காயமடைந்து, சம்பவ இடத்திலேயே உயிரிழந்தார். இதுகுறித்து போலீசார் விசாரணை மேற்கொண்டுள்ளனர்.
News February 2, 2026
சிவகங்கை: தகராறில் ஒருவருக்கு அரிவாள் வெட்டு
புலியடித்தம்பத்தை சேர்ந்த வேலு என்பவரின் அக்கா வீட்டின் மாடியில் தேங்காய் உலர வைக்கப்பட்டிருந்தது. வேலு, அந்த தேங்காய்களை தன் அக்கா வீட்டின் தேங்காய் என நினைத்து அள்ளிக் கொண்டிருந்ததாகவும் அப்போது அங்கு வந்த முருகேசன், “ஏன் தனது தேங்காயை அள்ளுகிறாய்?” என கேட்டு தகராறு செய்துள்ளார். இதில் முருகேசன் அரிவாளால் வேலுவை வெட்டியதாக கூறப்படுகிறது. இதுகுறித்து காளையார்கோவில் போலீசார் விசாரிக்கின்றனர்.
News February 2, 2026
பெசன்ட் நகர் கடற்கரையில் மிளிர்ந்த ‘with Love’
சென்னை பெசன்ட் நகர் கடற்கரையில் with love படக் குழுவினர் படத்தை பிரபலப்படுத்தும் வகையிலும் அனைவரும் கவரும் வகையிலும் புதிய ட்ரென்டிங்கான ஆகாய ட்ரோன் ஷோ ஒன்றை நடத்தினர். மேலும் விடுமுறை நாளான நேற்று பெசன்ட் நகர் கடற்கரைக்கு வந்த மக்கள் வானில் ‘with Love’ என்ற வடிவில் பறந்த ட்ரோன்கள் கண்டு வியந்தனர்.
News February 2, 2026
தேனி: மூளைச்சாவு அடைந்தவரின் உடல் உறுப்புகள் தானம்
அரண்மனை புதூர் பகுதியை சேர்ந்தவர் சந்திரசேகரன். இவர் ஜன.27 அன்று மாட்டுத்தாவணி பஸ் நிலையம் அருகே திடீரென மயங்கி விழுந்த நிலையில் மதுரை GH-க்கு கொண்டு செல்லப்பட்டார். உள்நோயாளியாக இருந்த அவருக்கு நேற்று முன் தினம் மூளைச்சாவு ஏற்பட்டதாக மருத்துவர்கள் தெரிவித்தனர். இதையடுத்து அவரது உடல் உறுப்புகளை தானம் செய்ய மனைவி ஒப்புதல் அளித்தார். இதன் மூலம் 4 பேர் மறுவாழ்வு பெறுவதாக மருத்துவர்கள் தெரிவித்தனர்.
News February 2, 2026
நெல்லை சைபர் கிரைமில் ஈடுபட்ட வங்கி ஊழியர்
வள்ளியூரை சார்ந்த நபர் DIGITAL ARREST என்ற சைபர் கிரைம் மோசடியில் லட்ச கணக்கில் பணம் இழந்தது தொடர்பாக சைபர் கிரைமில் புகார் கொடுத்தார். இதுகுறித்து பாண்டிச்சேரி மாநிலம் உப்பளத்தை சேர்ந்த வங்கி ஊழியர் ஒருவரை விசாரித்த போது அவர் வேறு வங்கிகளில் கணக்குகளை உருவாக்கி கொடுத்து பல சைபர் குற்றங்கள் புரிய உடந்தையாக இருந்தது கண்டுபிடிக்கப்பட்டதால் அவரை நேற்று கைது செய்தனர்.
News February 2, 2026
சேலம் அருகே பயங்கர விபத்து: ஒருவர் பலி
நாமக்கல்லைச் சேர்ந்த தனசேகர் என்பவர், தனது மனைவி மற்றும் மகனுடன் ஒரே இருசக்கர வாகனத்தில் சென்று கொண்டிருந்தார். அப்போது பின்னால் வந்த லாரி எதிர்பாராத விதமாக அவர்கள் மீது மோதியது. இவ்விபத்தில் தனசேகர் சம்பவ இடத்திலேயே பரிதாபமாக உயிரிழந்தார். படுகாயமடைந்த அவரது மனைவி மற்றும் மகன் இருவரும் மீட்கப்பட்டு, GH-ல் தீவிர சிகிச்சைக்காக அனுமதிக்கப்பட்டுள்ளனர்.
News February 2, 2026
கரூரில் வசமாக சிக்கிய பெண்கள் உட்பட 5 பேர்: அதிரடி கைது
கரூர் மாவட்டம் லாலாபேட்டை, வெங்கமேடு, சின்னதாராபுரம் மற்றும் மாயனூர் காவல் நிலைய பகுதிகளில் சட்டவிரோதமாக மது விற்பனை செய்ததாக போலீசாருக்கு தகவல் கிடைத்தது. அதன்படி போலீசார் நடவடிக்கை எடுத்து நதியா (38), பாலசுப்பிரமணியன் (33), செந்தில்குமார் (40), தண்டபாணி (45), பூமா (48) ஆகிய 5 பேரை கைது செய்தனர். மேலும் விற்பனைக்கு வைத்திருந்த 120 மது பாட்டில்கள் பறிமுதல் செய்யப்பட்டது.
News February 2, 2026
தாராபுரம் அருகே வசமாக சிக்கிய நபர்: அதிரடி கைது
தாராபுரம் அருகே அலங்கியம் ஊராட்சி சின்னக்கம்பாளையம் பகுதியில், வள்ளலார் பிறந்தநாளையொட்டி மதுக்கடைகள் விடுமுறை அளிக்கப்பட்டிருந்த நிலையில், சட்டவிரோதமாகச் சாராயம் காய்ச்சிய சுந்தரம் என்பவர் கைது செய்யப்பட்டார். பொதுமக்கள் மற்றும் விவசாயிகள் அதிகம் வசிக்கும் இப்பகுதியில், அலங்கியம் காவல்துறையினர் அதிரடி சோதனை நடத்தி இவரைக் கைது செய்தனர். அவரிடம் தற்போது தீவிர விசாரணை மேற்கொள்ளப்பட்டு வருகிறது.
News February 2, 2026
அம்மாபேட்டையில் தட்டி தூக்கிய போலீஸ்: அதிரடி கைது!
அம்மாபேட்டை காவல் நிலைய எல்லைக்குட்பட்ட பூனாச்சியில் போலீசார் ரோந்து பணியில் ஈடுபட்டிருந்தனர். அப்போது அப்பகுதியில் சந்தேகப்படும்படி நின்ற நபரை பிடித்து விசாரித்ததில் அவர் அதே பகுதியைச் சேர்ந்த ஜெயச்சந்திரன் வயது 41 அவர் கர்நாடக மாநில மது பாட்டில்கள் குட்கா விற்பனைக்காக வைத்திருந்தது கண்டுபிடிக்கப்பட்டது. போலீசார் அவர் மீது வழக்கு பதிவு செய்து அவரை கைது செய்து விசாரணை நடத்தி வருகின்றனர்.
News February 2, 2026
தருமபுரி: தூக்கில் தொங்கிய தொழிலாளி!
தருமபுரி அழகாபுரியை சேர்ந்த பெயிண்டர் பச்சமுத்து (58). இவர் கடந்த சில மாதங்களுக்கு முன்பு இருசக்கர வாகனத்தில் இருந்து கீழே விழுந்து காயமடைந்து சிகிட்ச்சை பெற்று வந்தார். இருப்பினும் வலியால் துடித்த இவர் வீட்டின் அருகே உள்ள கட்டிடத்தில் தூக்குப்போட்டு தற்கொலை செய்து கொண்டார். இது குறித்து தருமபுரி டவுன் போலீசார் வழக்கு பதிவு செய்து விசாரணை நடத்தி வருகின்றனர்.
Featured News
Sorry, no posts matched your criteria.