India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News February 2, 2026
சிவகாசியில் பத்திரகாளியம்மன் கோவில் பணம் கொள்ளை
சிவகாசியில் பிரசித்திபெற்ற பத்திரகாளியம்மன் கோவில் அலுவலகத்தில் கிரகதுரை (63) என்பவர் நிர்வாக ஊழியராக பணியாற்றி வருகிறார். இவர் பக்தர்கள் வழங்கிய நன்கொடை பணம் ரூ.30 ஆயிரத்தை அலுவலக அறைக்குள் வைத்துவிட்டு இரவு வீட்டுக்கு சென்றதாக கூறப்படுகிறது. மறுநாள் காலையில் வந்து பார்த்தபோது அலுவலக அறை கதவு திறக்கப்பட்டு உள்ள இருந்த ரூ.30000 பணம் திருடப்பட்டது தெரியவந்த நிலையில் போலீசில் புகார் அளித்துள்ளார்.
News February 2, 2026
சார்பதிவாளருக்கு எதிராக பாமகவினர் ஆர்ப்பாட்டம்
திருமங்கலம் செக்காரனூரணி சார்பதிவாளராக உமாதேவி உள்ளார். இவர் அங்கீகாரம் இல்லாத பத்திரப்பதிவுகளுக்கு சென்ட்க்கு ரூ.10,000 வீதம் பட்டா மாறுதல் இல்லாத பதிவுகளுக்கு சொத்து மதிப்புக்கு ஏற்ப ரூ.20000 முதல் ரூ.50000 லஞ்சம் பெறுவதாக கூறி அவர் மீது அரசு நடவடிக்கை எடுக்கக் கோரி மதுரை மாவட்ட பாமக சார்பில் மாவட்ட ஆட்சியர் அலுவலகத்தில் பாமகவினர் முழக்கங்கள் எழுப்பி ஆர்ப்பாட்டத்தில் ஈடுபட்டனர்.
News February 2, 2026
புதுச்சேரி கவர்னர் அதிரடி உத்தரவு
புதுச்சேரியில் புதிதாக பொறுப்பேற்கும் ஆட்சியாளர்கள் அவரவர் விருப்பப்பட்ட அரசு ஊழியர்களை சர்வீஸ் பிளேஸ்மென்ட் அடிப்படையில் சொந்த பணிக்கு அழைத்துக் கொள்வது வழக்கமானது. இதனால் அனைத்து துறைகளிலும் மற்ற அரசு ஊழியர்களுக்கு கூடுதல் பணி சுமை ஏற்படுவதாக கவர்னர் கைலாஷ்நாதனுக்கு புகார் சென்றது. இதை தொடர்ந்து இந்த சர்வீஸ் பிளேஸ்மென்டை நேற்று அதிரடியாக ரத்து செய்ய கவர்னர் உத்தரவு பிறப்பித்துள்ளார்.
News February 2, 2026
தங்கப்பதக்கம் வென்ற கூடங்குளம் மாணவன்
கூடன்குளம் பகுதியைச் சேர்ந்த சுடலைமணி – திருமணி செல்வி தம்பதியினரின் மகன் சித்திரை சதீஷ் என்பவர் நேற்று (பிப் 1) நடைபெற்ற 7th ஜூனியர் பால் பேட்மிட்டன் போட்டியில் தமிழ்நாடு அணிக்காக சிறப்பாக விளையாடி தங்கப் பதக்கம் வென்றுள்ளார். இவர் ஏற்கனவே மாவட்ட அளவிலும் பல்வேறு போட்டிகளில் பதக்கம் பெற்றுள்ளார். எனவே மாணவரின் சாதனையை பலரும் பாராட்டி வருகின்றனர்.
News February 2, 2026
கிரிவலம் முடிந்து தூய்மை பணிகள் தீவிரம் மாவட்ட ஆட்சியர் ஆய்வு
திருவண்ணாமலையில் தை மாத பௌர்ணமி கிரிவலம் நேற்று நடைபெற்றது. அதனை தொடர்ந்து, கிரிவலப் பாதைகளில் துப்புரவு பணியாளர்கள் மூலம் தூய்மை பணிகள் மேற்கொள்ளப்பட்டு வருகின்றது. இந்நிலையில் இன்று (பிப்.02) ஆட்சியர் க.தர்ப்பகராஜ் கிரிவலப் பாதைகளை நேரில் பார்வையிட்டு, துப்புரவு பணிகளின் நிலை குறித்து ஆய்வு மேற்கொண்டார்.
News February 2, 2026
BREAKING கோவையில் மூன்று பேர் தற்கொலை!
கோவை பெரியநாயக்கன்பாளையத்தை அடுத்த பிரஸ் காலனி தம்பு நகரை சேர்ந்த தம்பதி கமலேஷ் – இலக்கியா. இவர்களது மகள் யச்சிதா ஏஞ்சல்(10). கமலேஷ் மின்வாரிய அதிகாரி. மூவரும் நேற்றிரவு உறவினர்களுக்கு வீடியோ மூலம் தற்கொலை செய்து கொள்வதாக தகவல் அனுப்பியுள்ளனர். விரைந்து சென்ற உறவினர்கள் போலீசார் உதவியுடன் கதவை திறந்து பார்த்த போது, மூவரும் தற்கொலை செய்து தெரிந்தது. பெரியநாயக்கன்பாளையம் போலீசார் விசாரிக்கின்றனர்.
News February 2, 2026
கிருஷ்ணகிரியில் 7 வயது சிறுமி பரிதாப பலி!
கெலமங்கலத்தை சேர்ந்த கோபால கிருஷ்ணன் என்பவருடைய 7 வயது மகள் பிரநிதி. அப்பகுதியில் 2 வகுப்பு படித்து வந்த சிறுமி உடல் நலக்குறைவால் ஓசூர் அரசு மருத்துவமனையில் சிகிச்சை பெற்று வந்தார். இந்நிலையில் நேற்று மாலை (பிப்.1) மருத்துவமனையில் சிகிச்சை பலனின்றி உயிரிழந்தார். இது குறித்து போலீசார் வழக்குப்பதிவு செய்து விசாரணை நடத்தி வருகின்றனர். இச்சம்பவம் அப்பகுதியில் சோகத்தை ஏற்படுத்தி உள்ளது.
News February 2, 2026
வேலூரில் இரைகொல்லி பறவைகள் கணக்கெடுப்பு
வேலூர், ராணிப்பேட்டை மாவட்டங்களில் 7 இடங்களில் இரைகொல்லி பறவைகள் குறித்த சிறப்பு கணக்கெடுப்பு நடைபெற்றது. இதில் ஆந்தை, கழுகு, கரும்பருந்து உள்ளிட்ட ஐந்து வகைகளைச் சேர்ந்த மொத்தம் 92 இரைகொல்லி பறவைகள் இருப்பது கண்டறியப்பட்டது. அழிவின் விளிம்பில் உள்ள பறவைகளை பாதுகாக்க நடவடிக்கை எடுக்கப்படும் என வனத்துறை தெரிவித்துள்ளது.
News February 2, 2026
கிருஷ்ணகிரி: பாட்டியை அடித்து கொன்ற கொடூர பேரன்!
ஊத்தங்கரையை அடுத்த சென்னப்பநாயக்கனூா் கிராமத்தைச் சோ்ந்தவா் ராணி (57). இவா் தனது மகன்வழி பேரன் சிரஞ்சீவிக்கு (25) தனது பெயரில் புதிதாக பொக்லைன் எந்திரம் வாங்கிக் கொடுத்துள்ளாா். இந்நிலையில் நேற்று சிரஞ்சீவி வண்டிக்கான கடனை கட்டுவதற்கு பணம் கேட்டுள்ளார். இதில் ஏற்பட்ட தகராறில் சிரஞ்சீவி ராணியை அடித்ததில் அவர் சம்பவ இடத்திலேயே உயிரந்தார். இதையடுத்து போலீசார் சிரஞ்சீவியை கைது செய்தனர்.
News February 2, 2026
BREAKING: வால்பாறை அருகே நேருக்கு நேர் மோதி விபத்து
பழனியிலிருந்து வால்பாறை நோக்கி அரசு பேருந்து வந்து கொண்டிருந்தது. 2-வது கொண்டை ஊசி வளைவு பகுதியில் திரும்பியபோது, எதிரே வந்த சுற்றுலாப் பயணிகளின் வாகனம் எதிர்பாராத விதமாக பேருந்துடன் மோதியது. இவ்விபத்தில் அதிர்ஷ்டவசமாக வாகனங்களில் இருந்த பயணிகள் காயங்களுடன் உயிர் தப்பினர். இவ்விபத்தின் காரணமாக அந்த மலைச்சாலையில் சிறிது நேரம் போக்குவரத்து பாதிக்கப்பட்டது.
Featured News
Sorry, no posts matched your criteria.