India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News February 3, 2026
குமரியில் நாளை இங்கெல்லாம் மின் தடை..!
குமரி (ம) கேப் இன்டோர் துணை மின் நிலையங்களில் நாளை (பிப்.4) மாதாந்திர பராமரிப்பு பணிகள் நடைபெற உள்ளது. இதனால் குமரி, கோவளம், ராஜாவூர், மயிலாடி, வழுக்கம்பாறை, சுசீந்திரம், சின்னமுட்டம், கீழமணக்குடி, அழகப்பபுரம், கொட்டாரம், சாமித்தோப்பு, அஞ்சுகிராமம், ஆரோக்கியபுரம், வாரியூர், மருங்கூர், புதுகிராமம் மற்றும் அதனை சுற்றியுள்ள பகுதிகளில் காலை 9மணி முதல் மதியம் 3மணி வரை மின் விநியோகம் இருக்காது. SHARE IT
News February 3, 2026
செங்கல்பட்டு: நொடி பொழுதில் கோரம்; தலைநசுங்கி பலி
தாம்பரம் அடுத்த படப்பையில், கணவரைப் பார்க்க ஆவலோடு சென்ற மனைவி பைக் விபத்தில் உயிரிழந்த சம்பவம் பெரும் சோகத்தை ஏற்படுத்தியுள்ளது. தனது கணவரைப் பார்ப்பதற்கு நேற்று (பிப்.2) துபாய் செல்ல இருந்த வர்ஷா என்பவர் தனது இருசக்கர வாகனத்தில் சென்றபோது, வேனின் கதவு திடீரென திறக்கப்பட்டதால், அதில் மோதிய வர்ஷா கீழே விழுந்துள்ளார். அப்போது பின்னால் வந்த வாகனம் மோதியதில் சம்பவ இடத்திலேயே தலைநசுங்கி உயிரிழந்தார்.
News February 3, 2026
புதுச்சேரி: இன்று இங்கெல்லாம் மின்தடை!
காரைக்காலில் இன்று (03.02.2026) சிங்காரவேலர் சாலை முதல் பை பாஸ் ரோடு வரை, மாஸ் நகர், டி.கே.நகர், ஆடிட்டர் சாகுல் ஹமீது நகர் மற்றும் அதன் சுற்றுவட்டார பகுதிகளில் மின் பராமரிப்பு பணிகள் நடைபெற உள்ளது. இதன் காரணமாக இன்று காலை 10.00 மணி முதல் மாலை 5.00 மணி வரை மின் விநியோகம் இருக்காது என்று தெரிவிக்கப்பட்டுள்ளது. இத்தகவல் மற்றவர்களுக்கும் பயன்பெற SHARE பண்ணுங்க!
News February 3, 2026
அரியலூர் மாவட்ட ஆட்சியர் முக்கிய அறிவிப்பு
அரியலூர் மாவட்ட முன்னாள் படை வீரர் மற்றும் அவர்தம் குடும்பத்தினருக்கான சிறப்பு குறைதீர்க்கும் கூட்டம் வருகிற பிப்ரவரி 13-ஆம் தேதியன்று நடைபெற உள்ளது. மாவட்ட ஆட்சியர் அலுவலகத்தில் நடைபெறும் இந்த கூட்டத்தில் முன்னாள் படை வீரர்கள் மற்றும் அவரது குடும்பத்தை சார்ந்தோர் கலந்து கொண்டு தங்களது கோரிக்கையினை மனுவாக அளித்து பயன்பெறலாம் என மாவட்ட ஆட்சியர் ரத்தினசாமி தெரிவித்துள்ளார்.
News February 3, 2026
தேனி: இன்றைய மின் தடை பகுதிகள் அறிவிப்பு
தேனி மாவட்டம், ராசிங்காபுரம் துணை மின் நிலையத்தில் இன்று (பிப்.03) செவ்வாய்கிழமை மாதாந்திர மின் பராமரிப்புப் பணிகள் நடைபெற உள்ளது. இதனால் ராசிங்காபுரம், சிலமலை, டி.ரங்கநாதபுரம், சங்கராபுரம், நாகலாபுரம், சூலப்புரம், பொட்டிப்புரம், சில்லமரத்துப்பட்டி ஆகிய பகுதிகளில் காலை 10 மணி முதல் மாலை 4 மணி வரை மின் விநியோகம் இருக்காது. இந்த பயனுள்ள தகவலை எல்லோருக்கும் SHARE பண்ணுங்க.
News February 3, 2026
சதுரகிரி மலையேறிய பக்தர் திடீர் உயிரிழப்பு
சென்னை வண்ணாரப்பேட்டை பகுதியைச் சேர்ந்தவர் ராஜா. இவர் நண்பர்கள் 38 பேருடன் குழுவாக நேற்று காலை சதுரகிரி சுந்தர மகாலிங்கம் கோயிலுக்கு வந்தார். தாணிப்பாறை அடிவாரம் வழியாக சதுரகிரி மலையேறி சென்றனர். அப்போது கடல் மட்டத்தில் இருந்து 2 ஆயிரம் அடி உயரத்தில் இரட்டை லிங்கம் அருகே சென்ற போது மூச்சு திணறல் ஏற்பட்டு உயிரிழந்தார். பின்னர் அவரது உடல் டோலி மூலமாக அடிவாரம் கொண்டு வரப்பட்டது.
News February 3, 2026
ராணிப்பேட்டையில் தூக்கில் தொங்கிய மாணவி!
கலவை, இருங்கூரை சேர்ந்த +1 மாணவி மதுமதி. நேற்று முன்தினம் மாணவிக்கு வீட்டில் பிறந்தநாள் விழா கொண்டாடபட்டது. இந்நிலையில் நேற்று (ஜன.2) வீட்டில் தனியாக இருந்த மதுமதி காலை 10 மணியளவில் வீட்டில் தூக்குப்போட்டுக் கொண்டுள்ளார். இதுகுறித்து தகவலறிந்த வாழைப்பந்தல் போலீசார் மாணவியின் உடலை கைப்பற்றி பிரேத பரிசோதனைக்காக செய்யாறு அரசு மருத்துவமனைக்கு அனுப்பி வைத்தனர்.
News February 3, 2026
தூத்துக்குடி ESI மருத்துவமனை திறப்பு: மக்களவையில் உறுதி
தூத்துக்குடி இஎஸ்ஐ மருத்துவமனை கட்டுமானப் பணிகள் 98% முடிந்தும், பணியாளர்கள் இல்லாததால் இன்னும் திறக்கப்படாதது குறித்து மக்களவையில் இன்று (பிப்.02) எம்பி கனிமொழி கேள்வி எழுப்பினார். இதற்கு பதிலளித்த ஒன்றிய அமைச்சர் மன்சுக் மாண்டவியா, வரும் மார்ச் இறுதிக்குள் பணியாளர்கள் நியமிக்கப்பட்டு மருத்துவமனை மக்கள் பயன்பாட்டிற்கு வரும் என உறுதியளித்தார்.
News February 3, 2026
ஈரோடு கலெக்டர் அதிரடி உத்தரவு!
ஈரோடு மாவட்டத்தில் பல்லாயிரக்கணக்கான தோட்டத்தில் பனை மரங்கள் பயிரிடப்பட்டுள்ளது. இந்தப் பனை மரங்கள் பல்வேறு மக்களின் வாழ்வாதாரமாக உள்ளது. பல்வேறு கலைப் பொருட்கள், பதநீர் போன்றவற்றிற்காக மக்கள் பலர் இதனை சார்ந்து வாழ்கின்றனர். அந்த வகையில் ஈரோடு மாவட்டத்தில் பனை மரங்கள் வெட்ட ஈரோடு மாவட்ட ஆட்சித் தலைவரின் அனுமதி கடிதம் இல்லாமல் வெட்டக்கூடாது என மாவட்ட ஆட்சித் தலைவர் சி கந்தசாமி தெரிவித்துள்ளார்
News February 3, 2026
கிருஷ்ணகிரி: பாட்டியை ஜேசிபி ஏற்றி கொன்ற கொடூரன்!
ஊத்தங்கரை அடுத்த சென்னப்பநாயக்கனூரை சேர்ந்தவர் ராணி. இவர் தன்னுடைய பேரன் சிரஞ்சீவிக்கு (28) சில நாட்களுக்கு முன் ஜேசிபி இயந்திரம் வாங்கி கொடுத்துள்ளார். இந்நிலையில் வண்டிக்கான கடன் தவணையை ராணி தர மறுத்ததால் ஆத்திரமடைந்த சிரஞ்சீவி, ஜேசிபி இயந்திரத்தாலேயே தனது பாட்டியைத் தாக்கியுள்ளார். இதில் சம்பவ இடத்திலேயே ராணி பரிதாபமாக உயிரிழந்தார். இதையடுத்து போலீசார் சிரஞ்சீவியை கைது செய்தனர்.
Featured News
Sorry, no posts matched your criteria.