India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News February 4, 2026
வேலூரில் நள்ளிரவில் பயங்கரம்!
குடியாத்தத்தில் இருந்து மினிவேன் ஒன்று நேற்று இரவு (பிப்.3) ராணிப்பேட்டை நோக்கி சென்று கொண்டிருந்தது. அப்போது அப்துல்லாபுரம் அருகே சாலையை பெண் ஒருவர் கடக்க முயன்றார். இதை பார்த்த டிரைவர் பிரேக் போட்டார். இதனால் கட்டுப்பாட்டை இழந்த மினிவேன் சென்டர் மீடியனில் மோதி தேசிய நெடுஞ்சாலையில் கவிழ்ந்தது. இதில் அப்பெண் சிறு காயங்களுடன் தப்பினார். பின்னர் வேன் கிரேன் மூலம் அப்புறப்படுத்தப்பட்டது.
News February 4, 2026
திண்டுக்கல்லில் நாளை இங்கெல்லாம் மின்தடை!
கன்னிவாடி பேரூராட்சி, பண்ணப்பட்டி, குரும்பப்பட்டி, காரமடை.சக்கரகவுண்டன் சாலை, கீழத்திப்பம்பட்டி, புதுப்பட்டி, சுரக்காய்ப்பட்டி.தெத்துப்பட்டி, மலையாண்டிபுரம், தருமத்துப்பட்டி,பழைய கன்னிவாடி, ராமலிங்கம்பட்டி, தோனிமலை, மேலத்திப்பம்பட்டி, வெள்ளமரத்துப்பட்டி, சிறுநாயக்கன்பட்டி, முத்துராம்பட்டி, டி.கோம்பை, மல்லையாபுரம் பகுதிகளில் நாளை (வியாழக்கிழமை) காலை 9 மணி முதல் மாலை 4 மணி வரை மின்தடை.
News February 4, 2026
தூத்துக்குடி: விபத்தில் இளைஞர் பரிதாப பலி
தூத்துக்குடி அல்லிக்குளம் பகுதியை சேர்ந்த தாடிக்காரன் (19) தனது நண்பருடன் பைக்கில் நேற்று (பிப்.3) புதுக்கோட்டை சென்றுள்ளார். அப்போது மங்களகிரி விலக்கு அருகே தனியார் பள்ளி பேருந்தில் உரசியதில் நிலை தடுமாறி நடந்து சென்ற காட்வின் என்பவர் மீது பைக் மோதியது. இதில் தாடிக்காரன் படுகாயமடைந்து உயிரிழந்தார். காட்வின் தனியார் மருத்துவமனையில் சிகிச்சை பெற்று வருகிறார். புதுக்கோட்டை போலீசார் விசாரணை.
News February 4, 2026
தேனியில் 852 பேர் அதிரடி கைது
தேனி பள்ளிவாசல் தெரு பகுதியில் நேற்று (பிப்.3) அங்கன்வாடி ஊழியர்கள் குறைந்தபட்ச ஓய்வூதியம், அகவிலைப்படி உள்ளிட்ட பல்வேறு கோரிக்கைகளை வலியுறுத்தி போராட்டத்தில் ஈடுபட்டனர். இவர்கள் கோஷங்கள் எழுப்பி ஊர்வலம் செல்ல முயன்றபோது போலீசார் அவர்களை தடுத்தி நிறுத்தினர். இதனால் அவர்கள் சாலை மறியலில் ஈடுபட தொடங்கினர். இதில் போராட்டத்தில் ஈடுப்பட்ட 852 பேரை போலீசார் கைது செய்து நேற்று மாலை விடுவித்தனர்.
News February 4, 2026
சேலத்தில் வசமாக சிக்கிய பெண்கள்!
சேலம் கிச்சிபாளையம் காவல் நிலைய குற்றவழக்கில் தொடர்புடைய ஸ்ரீதேவி (48), செண்பகவடிவு (51) ஆகிய இருவர் மீதான வழக்கு விசாரணை, சேலம் நீதிமன்ற நடுவர் எண் 1-ல் நேற்று நிறைவடைந்து தீர்ப்பு வழங்கப்பட இருந்தது. அப்போது நீதிபதியை ஒருமையில் பேசி அவமதித்ததோடு, ஆர்ப்பாட்டத்திலும் ஈடுபட்டதாக கூறப்படுகிறது. இது குறித்து விசாரணை மேற்கொண்ட அஸ்தம்பட்டி போலீசார் இருவரையும் கைது செய்து சிறையில் அடைத்தனர்.
News February 4, 2026
ராமநாதபுரத்தில் 461 பேர் அதிரடி கைது
ராமநாதபுரம் கலெக்டர் அலுவலகம் முன்பு நேற்று (பிப்.3) சத்துணவு ஊழியர்கள் போராட்டம் நடத்தினர். தமிழ்நாடு சத்துணவு ஊழியர் சங்க துணை தலைவர் தனலட்சுமி இதற்கு தலைமை தாங்கினார். இதில், ஓய்வூதியம், அகவிலைப்படி உள்ளிட்ட கோரிக்கைகளை வலியுறுத்தி மறியல் போராட்டத்தில் அவர்கள் ஈடுபட முயன்றனர். அப்போது போராட்டத்தில் ஈடுபட்ட 461 பேரை போலீசார் கைது செய்து நேற்று மாலை விடுவித்தனர்.
News February 4, 2026
கடலூர்: கார் மோதி பாதயாத்திரை சென்ற பெண் பலி
கள்ளக்குறிச்சி மாவட்டம் ராமநாதபுரத்தை சேர்ந்தவர் சாமிதுரை என்பவரது மனைவி அசோதை (60). இவர் தனது ஊரைச் சேர்ந்தவர்களுடன் நேற்று மாலை சமயபுரம் மாரியம்மன் கோயிலுக்கு பாத யாத்திரை சென்றார். மாலை 6 மணியளவில் வேப்பூர் அடுத்த சேப்பாக்கம் மேம்பாலம் அருகே சென்றபோது, பின்னால் வந்த கார் மோதியதில், படுகாயமடைந்த அசோதை சம்பவ இடத்திலேயே உயிரிழந்தார். இதுகுறித்து வேப்பூர் போலீசார் வழக்கு பதிந்து விசாரிக்கின்றனர்.
News February 4, 2026
திருவாரூர் கலெக்டரின் முக்கிய அறிவிப்பு
திருவாரூர் மாவட்டத்தில் மாற்றுத்திறனாளிகளை பணியில் அமர்த்தும் தனியார் நிறுவனங்களுக்கு மானிய தொகை வழங்கப்படும் என அறிவிக்கப்பட்டுள்ளது. பணியமர்த்தப்பட்டுள்ள மாற்றுத்திறனாளிகளுக்கு மாதம் ரூ.2000 வீதம் வருடத்திற்கு ரூ.24,000 ஊதிய மானியமாக வழங்கப்படும் எனவும் https://forms.gle/kpThjwGTCKVGiyfw என்ற இணையதளம் மூலம் விண்ணப்பிக்க மாவட்ட ஆட்சியரகம் சார்பில் அறிவிக்கப்பட்டுள்ளது.
News February 4, 2026
மயிலாடுதுறை: WhatsApp பயன்படுத்துவோருக்கு எச்சரிக்கை
மயிலாடுதுறை மாவட்ட பொதுமக்கள் தங்களது WhatsApp-க்கு வரும் பங்குசந்தை முதலீடு குறித்த லிங்குகளை கிளிக் செய்ய வேண்டாம். இதன் மூலம் உங்களது பணத்தை இழக்க நேரிடலாம். எனவே பொதுமக்கள் எச்சரிக்கையுடன் இருக்கும்படி மாவட்ட காவல்துறை அறிவுறுத்தியுள்ளது. மேலும் இதுபோன்ற சைபர் குற்றங்கள் குறித்து 1930 என்ற எண்ணிற்கு தொடர்பு கொண்டு புகார் தெரிவிக்கலாம் எனத் தெரிவித்துள்ளனர்.
News February 4, 2026
திருப்பத்தூர்: நம்ப வைத்து முதுகில் குத்திய காதல் மன்னன்- TWIST!
ஜோலார்பேட்டை அருகே சந்தைக்கோடியூர் கேசவ ரெட்டி தெருவை சேர்ந்தவர் சிவகுமார் மகன் சதீஷ் (33) இவருக்கு திருமணமாகி மூன்று வயதில் குழந்தை ஒன்று உள்ளது. தனக்கு திருமணமானதை மறைத்து ஜோலார்பேட்டை சேர்ந்த இளம் பெண் ஒருவரிடம் திருமண ஆசை வார்த்தை கூறி சதீஷ் உல்லாசமாக இருந்ததாக கூறப்படுகிறது. பாதிக்கப்பட்ட பெண் கொடுத்த புகாரில் ஜோலார்பேட்டை போலிசார் நேற்று (பிப்.3)சதிஷ் கைது செய்து சிறையில் அடைத்தனர்.
Featured News
Sorry, no posts matched your criteria.