Tamilnadu

News February 7, 2026

வேலைவாய்ப்பு: திருச்சி கலெக்டர் அறிவிப்பு

image

தமிழ்நாடு அரசு வாழ்வாதார இயக்கத்தின் கீழ், வாழ்வாதார நடவடிக்கைகளை மேற்கொள்ள புள்ளம்பாடி, உப்பிலியபுரம், வையம்பட்டி மணப்பாறை, மணிகண்டம், துறையூர் ஆகிய வட்டாரங்களில் காலியாக உள்ள 6 வட்டார ஒருங்கிணைப்பாளர் பணியிடங்கள் நிரப்பப்பட உள்ளன. இப்பணிக்கு விண்ணப்பிக்க விரும்புவோர் 0431-2412726 என்ற எண்ணிற்கு தொடர்பு கொண்டு பயன்பெறுமாறு மாவட்ட ஆட்சியர் சரவணனன் தெரிவித்துள்ளார்.

News February 7, 2026

கோவை அருகே குழந்தை உயிரிழப்பு

image

கோவையைச் சேர்ந்த சுதா என்பவருக்கு திருமணமாகி நீண்ட நாட்களாக குழந்தை இல்லை. அவருக்கு, அவரது தங்கை கவிதா ஒரு யோசனை கூறியுள்ளார். அதன்படி, அங்குள்ள ஒரு திருமணமாகாத பெண்ணுக்கு கடந்த 4-ம் தேதி பிறந்த குழந்தையை, ஒரு செவிலியர் உதவியுடன் சுதாவிற்கு பெற்று தந்துள்ளார். ஆனால், குழந்தை பேச்சு மூச்சின்று இருந்ததால் மருத்துவமனைக்கு கொண்டு சென்ற போது குழந்தை உயிரிழந்தது. இதுகுறித்து போலீசார் விசாரிக்கின்றனர்.

News February 7, 2026

புதுச்சேரியில் நர்சிங் மாணவி மாயம்

image

புதுச்சேரி மாநிலம் தருமபுரி கலைமகள் நகரைச் சேர்ந்த முருகவேலின் மகள் மோகனப்பிரியா (19), நர்சிங் படித்து வருகிறார். இந்நிலையில், கடந்த இரண்டு நாட்களுக்கு முன்பு கல்லூரிக்கு சென்ற இவர், வீடு திரும்பவில்லை என கூறப்படுகிறது. பல இடங்களில் தேடியும் கிடைக்காததால், அவரது தந்தை மேட்டுப்பாளையம் காவல் நிலையத்தில் புகார் அளித்தார். இதன் பேரில், போலீசார் வழக்குப் பதிவு செய்து மாணவியை தீவிரமாக தேடி வருகின்றனர்.

News February 7, 2026

கிருஷ்ணகிரி: பேருந்து மோதி ராணுவ வீரரின் மனைவி பலி!

image

போச்சம்பள்ளி, காட்டுக்கொள்ளை கிராமத்தைச் சேர்ந்த ராணுவ வீரர் சத்தியகுமார்(30), விடுமுறையில் ஊர் திரும்பியிருந்தார். கடந்த பிப்.4-ம் தேதி, தனது மனைவி திவ்யா & குழந்தைகளுடன் டூவீலரில் காய்கறி வாங்கிவிட்டு சென்றாயன்பட்டி பகுதியில் வந்தபோது, தனியார் பேருந்து மோதி விபத்துக்குள்ளானது. பின், கிருஷ்ணகிரி அரசு மருத்துவமனையில் சிகிச்சை பெற்று வந்த நிலையில், அவரது மனைவி திவ்யா பரிதாபமாக உயிரிழந்தார்.

News February 7, 2026

நாகை: ரூ.49 லட்சம் மோசடி செய்த நபர் அதிரடி கைது

image

சிங்கப்பூரில் வேலை வாங்கித் தருவதாக கூறி, ஒருவர் வேதாரண்யம் பகுதியைச் சேர்ந்த 13 பேரிடம் ரூ.49 லட்சம் மோசடி செய்ததாக நாகை எஸ்.பி பாலகிருஷ்ணனிடம் பாதிக்கப்பட்ட நபர்கள் புகார் அளித்தனர். இதையடுத்து எஸ்.பி உத்தரவின் பேரில், மாவட்ட குற்றப்பிரிவு போலீசார் மோசடியில் ஈடுபட்ட கள்ளக்குறிச்சி மாவட்டம், உளுந்தூர்பேட்டையைச் சேர்ந்த திருமலை (32) என்ற இளைஞரை கைது செய்தனர்.

News February 7, 2026

புஞ்சைபுளியம்பட்டி: இளம் பெண் தற்கொலை

image

புஞ்சைபுளியம்பட்டி பகுதியைச் சேர்ந்த 19-வயது இளம் பெண்ணின் பெற்றோர் திட்டியதாக கூறப்படுகிறது. இதனால் மனம்உடைந்த இளம் பெண், வீட்டின் பின்புறம் பயன்படுத்தப்படாத நிலையில் இருந்த அங்கன்வாடி கட்டிடத்திற்கு உள்ளே சென்று தூக்கிட்டு தற்கொலை செய்து கொண்டார். தகவல் அறிந்து சென்ற போலீசார், சடலத்தை மீட்டு பிரேத பரிசோதனைக்காக GH-க்கு அனுப்பி வைத்தனர்.

News February 7, 2026

தஞ்சை: இன்று இங்கெல்லாம் மின்தடை!

image

தஞ்சாவூர் மாவட்டத்தில் உள்ள திருப்பனந்தாள், தஞ்சாவூர், பாபநாசம், திருப்புறம்பியம் ஆகிய துணை மின் நிலையங்களில் இன்று (பிப்.07) மாதாந்திர பராமரிப்பு பணிகள் நடைபெறவுள்ளது. இதன் காரணமாக இங்கிருந்து மின் விநியோகம் பெறும் அனைத்து பகுதிகளிலும் இன்று காலை 9 மணி முதல் மாலை 3 மணி வரை மின் விநியோகம் இருக்காது என அறிவிக்கப்பட்டுள்ளது. இத்தகவல் மற்றவர்களுக்கும் பயன்பெற ஷேர் பண்ணுங்க!

News February 7, 2026

அரியலூர்: குற்றவாளி மீது பாய்ந்த குண்டாஸ்

image

ஜெயங்கொண்டம் சூரியமணல் அருகே கடலூர் மாவட்டம் பாசிகுளம் கிராமத்தை சேர்ந்த கருப்புசாமி என்பவர், கடந்த ஜன.10ம் தேதி விற்பனை செய்வதற்காக வைத்திருந்த 1.100 கிலோ கஞ்சாவை அரியலூர் மதுவிலக்கு அமல் பிரிவு போலீசார் பறிமுதல் செய்தனர். தொடர்ந்து, அவரை கைது செய்தனர். இந்நிலையில், கருப்புசாமியை குண்டர் தடுப்பு சட்டத்தில் சிரியா சிறையில் அடைக்க மாவட்ட ஆட்சியர் ரத்தினசாமி உத்தரவிட்டுள்ளார்.

News February 7, 2026

விருதுநகர்: பள்ளிக்குள் புகுந்து ரூ.76 ஆயிரம் திருட்டு!

image

விருதுநகர் மாவட்டம், ஸ்ரீவில்லிபுத்தூரில், சிவகாசி ரோட்டில் தனியார் பள்ளி ஒன்று இயங்கி வருகிறது. இந்த பள்ளியின் பின்புறம் சென்ற திருடர்கள், ஒரு ஜன்னலின் கம்பிகளை வளைத்து உள்ளே புகுந்தனர். பின்னர் பள்ளி அலுவலக அறைக்குள் புகுந்து, அங்கு வைத்து இருந்த ரூ.76 ஆயிரத்தை திருடிச் சென்றனர். இதுகுறித்து பள்ளியின் முதல்வர் சிவகுமார் அளித்த புகாரின் பேரில் மல்லி போலீசார் வழக்குப்ப திவு செய்தனர்.

News February 7, 2026

தேனி: அரசு பஸ்சில் கஞ்சா கடத்திய பெண்

image

ஆந்திராவிலிருந்து தேனி வழியாக பஸ்சில் கஞ்சா கடத்தி செல்வதாக தேனி போதைப் பொருள் நுண்ணறிவு பிரிவு போலீஸாருக்கு நேற்று (பிப்.6) ரகசியத் தகவல் கிடைத்தது. இதையடுத்து பெரியகுளம் அருகே கோவை – குமுளி அரசுப் பேருந்தை நிறுத்தி சோதனை நடத்தினார். சோதனையில் உமாதேவி (50) என்பவர் 24.590 கிலோ கஞ்சாவை கடத்திச் சென்றது தெரிய வந்தது. இதையடுத்து அவரிடமிருந்து கஞ்சாவை பறிமுதல் செய்த போலீசார் உமாதேவியை கைது செய்தனர்.

error: Content is protected !!
↑