India's largestHyperlocal short
news App
Get daily news updates that are tailored for you based on your preferred language & location.

நெல்லை மாவட்டம் கீழப்பாட்டம் பஸ் ஸ்டாப் அருகே மூதாட்டி ஒருவர் நடந்து சென்றபோது பைக்கில் வந்த அடையாளம் தெரியாத நபர் ஒருவர் மூதாட்டியிடம் செயினை பறிக்க முயற்சி செய்தார். போலீஸ் விசாரணையில் மருதூரை சேர்ந்த உதயகுமார் (19) என்பவர் வழிப்பறி முயற்சியில் ஈடுபட்டது தெரிய வந்தது. இதுக்குறித்து தாலுகா காவல் நிலைய போலீசார் வழக்கு பதிந்து உதயகுமாரை இன்று கைது செய்தனர்.

நாமக்கல் மாவட்டம் மங்களபுரம் – தாண்டகவுண்டன்பாளையத்தில் இன்று (பிப்.13) நடைபெறவிருந்த ஜல்லிக்கட்டு போட்டி, தவிர்க்க முடியாத காரணங்களால் மீண்டும் ஒத்திவைக்கப்பட்டுள்ளது. ஏற்கனவே பிப்.7-ம் தேதி நடைபெறவிருந்து மாற்றப்பட்ட நிலையில், இன்று பாதுகாப்பு ஏற்பாடுகள் தயார் நிலையில் இருந்தும் போட்டி தள்ளிவைக்கப்பட்டுள்ளது. இதற்கான மாற்றுத் தேதி விரைவில் அறிவிக்கப்படும் என விழாக்குழுவினர் தெரிவித்துள்ளனர்.

கிருஷ்ணகிரி மாவட்டத்தில் உள்ள KRP அணையில் இன்று (பிப்.13) நீர்மட்டம் 49.3 முதல் 49.35 அடி வரை உயர்ந்துள்ளது. அணையின் முழு கொள்ளளவு 52 அடி ஆகும். மேலும் தொடர் மழை மற்றும் நீர்வரத்து காரணமாக அணை நிரம்பும் நிலையில் உள்ளது. இதனால் விவசாயிகள் மகிழ்ச்சி அடைந்துள்ளனர். மேலும் நீர்வளத்துறை அதிகாரிகள் அணையை தொடர்ந்து கண்காணித்து வருகின்றனர்.

சிவகாசி அருகே மாரனேரி போலீசார் காக்கிவாடன்பட்டி எஸ்.ஆர்.காலனியில் ரோந்து பணியில் ஈடுபட்டிருந்தனர். அப்போது அங்குள்ள ஒரு தகர செட்டில் சட்ட விரோதமாக ஷாட் வகை பட்டாசுகள் தயாரிப்பது தெரியவந்தது. அதனை தொடர்ந்து அவற்றை பறிமுதல் செய்த போலீசார் மாரனேரி வரதகோபால்சாமிநகரை சேர்ந்த ரத்தினம் மகன் ஹேமத்ராஜன்(39) என்பவரை கைது செயதனர்.

பாலக்கோடையை சேர்ந்த பெண்ணுக்கு (23) தருமபுரியை சேர்ந்த அய்யப்பன் (27) என்பவருடன் பழக்கம் ஏற்பட்டது. கணவரை பிரிந்து வாழ்ந்த இவர் தனது பெண் குழந்தையோடு (3) அய்யப்பனுடன் வசித்து வந்தார். ஆனால் அய்யப்பன் குழந்தையின் உடலில் சிகரெட்டால் சூடு வைத்தும் இருவரையும் வீட்டுக்குள் பூட்டியும் கொடுமைபடுத்தி உள்ளார். இது குறித்து போலீசார் விசாரித்து வருகின்றனர்.

தி.மலை மாவட்டத்தில் மத்திய தொழிற்சங்கங்கள் சார்பில் வேலை நிறுத்த போராட்டம் 9 இடங்களில் நடந்தது. தி.மலை, ஆரணி, சேத்துப்பட்டு போன்ற பல்வேறு இடங்களில் நேற்று இந்த போராட்டம் நடைபெற்றது. இதில் ஈடுபட்ட சுமார் 800 பேரை போலீ சார் கூண்டோடு கைது செய்தனர். மத்திய தொழிற்சங்கங்கள் சார்பில் நேற்று தொழிலாளர் விரோத 4 சட்டத் தொகுப்பை திரும்பப் பெற வேண்டும் என்பன உள்ளிட்ட கோரிக்கைகளை வலியுறுத்தி போராட்டம் நடந்தது.

குழிப்பட்டியை சேர்ந்த முத்துப்பிரியா டிச., மாதம் மதிப்பனூர் பகுதியில் ஒரு நிலம் வாங்கியுள்ளார். அந்த நிலத்திற்கு பட்டா பரிந்துரை செய்யக்கோரி மதிப்பானூர் VAO காசிராஜனை சந்தித்தார். அவர் பரிந்துரை செய்ய ரூ.5500 லஞ்சம் கேட்டுள்ளார். லஞ்சம் கொடுக்க விரும்பாத முத்துப்பிரியா லஞ்ச ஒழிப்பு போலீசில் புகாரளித்தார். இதையடுத்து ரசாயன பவுடர் தடவிய பணத்தை காசிராஜன் வாங்கும்போது போலீசார் அவரை கைது செய்தனர்.

தமிழ்நாடு அரசின் தாட்கோ மற்றும் சென்னையின் தனியார் நிறுவனம் இணைந்து இளைஞர்களுக்கு பல்வேறு பயிற்சிகள் வழங்கவுள்ளனர். இதில், +2 முதித்தவர்கள் முதல் டிப்ளமோ, ஐடிஐ, டிகிரி முடித்தவர்களுக்கான திறன் பயிற்சி வழங்கப்படுகிறது. www.tahdco.com என்ற இணையதள முகவரியில் விண்ணப்பிக்கலாம். பயிற்சிக்கான கால அளவு 3 மாதங்கள். இதில், கள்ளக்குறிச்சி மக்கள் பயனடையுமாறு கலெக்டர் தெரிவித்துள்ளார்.

தமிழ்நாடு அரசு கட்டுமான தொழிலாளர்கள் நல வாரியத்தில் பதிவு செய்துள்ள தொழிலாளர்களின் குழந்தைகளுக்கு இணையவழி திறன் மேம்பாட்டுப் பயிற்சி அளிக்கப்பட உள்ளது. இதற்கு நடப்பு ஆண்டில் பட்டப்படிப்பு அல்லது பட்டமேற்படிப்பு படிக்கும் மாணவர்கள், ஓரிக்கையில் அமைந்துள்ள தொழிலாளர் உதவி ஆணையர் அலுவலகத்தில் நேரிலோ, 044-29593177 என்ற எண்ணிலோ தொடர்பு கொண்டு விண்ணப்பிக்கலாம் என காஞ்சிபுரம் கலெக்டர் தெரிவித்துள்ளார்.

திருவாலங்காடு, வேணுகோபாலபுரம் கிராமத்தைச் சேர்ந்தவர் முனியம்மாள்(52). நேற்று முன் தினம் மாலை வழக்கம் போல் ஏரிக்கரைப் பகுதியில் மாடுகளை மேச்சலுக்கு அழைத்துச் சென்றார். அப்போது ஏரிக் கால்வாய் அருகே பைக்கில் வந்த 2 வாலிபர்கள் மது அருந்தி, முனியம்மாளிடம் பணம் கேட்டு மிரட்டினர். அவர் மறுத்ததால் ஆத்திரமடைந்து பீர் பாட்டிலால் தாக்கி, கழுத்தில் இருந்த 2 பவுன் நகையை பறித்துச் சென்றனர்.
Sorry, no posts matched your criteria.