India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News April 13, 2025
தபால் நிலையங்களில் சிறப்பு முகாம்
தஞ்சாவூர் கோட்ட முதுநிலை தபால் கண்காணிப்பாளர் தங்கமணி வெளியிட்டுள்ள செய்தி குறிப்பில், ஆதார் மற்றும் சர்வதேச தபால் சேவை சிறப்பு முகாம் வருகிற 15ம் தேதி முதல் 30ம் தேதி வரை நடைபெறவுள்ளது. அந்தந்த கோட்டத்தில் நடைபெறும் இந்த சிறப்பு முகாமில் பொதுமக்கள் கலந்து கொண்டு ஆதார் அட்டை திருத்தம், பெயர் மாற்றம், தொலைபேசி எண் மாற்றம் உள்ளிட்ட சேவைகளை பயன்படுத்திக் கொள்ளலாம் என தெரிவித்துள்ளார். ஷேர் பண்ணுங்க
News April 13, 2025
நிறுவனங்களின் பெயர் பலகை தமிழில் எழுத உத்தரவு
செங்கல்பட்டு கலெக்டர் தலைமையில், சமூக பொறுப்பு தொடர்பான கலந்தாய்வு கூட்டம் நடைபெற்றது. அதில் அனைத்து நிறுவனங்களின் பெயர் பலகைகள் தமிழில் இருக்க வேண்டும் என வலியுறுத்தப்பட்டது. வணிக வளாகங்கள், கல்வி நிறுவனங்கள், கடைகள், உணவகங்கள் என எல்லாவற்றிக்கும் தமிழில் பெயர் பலகை இருக்க வேண்டும் எனவும் தமிழில் பெயர் பலகைகள் மே மாதம் 15ம் தேதிக்குள் வைக்க வேண்டும் என மாவட்ட ஆட்சியர் தெரிவித்தார்.
News April 13, 2025
கிரேனில் இருந்து மரம் விழுந்து தொழிலாளி பலி
புழல் கதிர்வேடு பகுதியில், குஜராத்தை சேர்ந்த சஞ்சித் என்பவருக்கு சொந்தமான மர கிடங்கு உள்ளது.கதிர்வேடு விநாயகர் கோவில் தெருவில் வசிக்கும் ராஜேஷ் என்கிற ஜான், 33.நேற்று மதியம், லாரியில் இருந்து கிரேன் வாயிலாக மரங்களை இறக்கும் போது திடீரென கிரேனில் இருந்த மரம் ஜான் மீது விழுந்தது. இதில் சம்பவ இடத்திலேயே ஜான் தலை நசுங்கி பலியானார்.புழல் போலீசார் உடலை மீட்டு, ஸ்டான்லி மருத்துவமனைக்கு அனுப்பி வைத்தனர்.
News April 13, 2025
தண்ணீரில் மூழ்கி பள்ளி மாணவன் பலி
பள்ளிப்பட்டு வட்டம் பொதட்டூர்பேட்டை பகுதியை சேர்ந்தவர் அண்ணாமலை. இவரது மகன் குமரேசன் வயது (16). அந்த பகுதியில் உள்ள பள்ளியில் படித்து வருகிறார். இவர் நேற்று (ஏப்ரல்.12) மாலை, நகரி திண்டிவனம் ரயில் பாதைக்காக தோண்டப்பட்ட பள்ளத்தில் குளிக்க சென்றுள்ளார். அப்போது தண்ணீரில் மூழ்கி இறந்துள்ளார். இது குறித்து பொதட்டூர்பேட்டை போலீசார் வழக்கு பதிந்து விசாரிக்கின்றனர்.
News April 13, 2025
அரியலூரில் தமிழ் கட்டாயம்
அரியலூர் மாவட்டத்தில் உள்ள அனைத்து கடைகள் மற்றும் வணிக வளாகங்களிலும் தமிழில் பெயர் பலகை கட்டாயம் என மாவட்ட ஆட்சியர் டி.ஆர்.பி. ரத்தினசாமி அறிவித்துள்ளார். மேலும் தமிழ் மற்ற மொழிகளை விட முதன்மை பெற்றிருக்க வேண்டும் என்றும் அறிவித்துள்ளார். ஏப்ரல் 15 ஆம் தேதிக்குள் இந்த பெயர் பலகைகள் வைக்க பட வேண்டும் என்றும், தவறும் பட்சத்தில் அபராதமும் விதிக்கப்படும் என்றும் அறிவித்துள்ளார்.
News April 13, 2025
காஞ்சிபுரத்தில் உதயமாகும் இரு பிர்காக்கள்
சட்டசபை மானிய கோரிக்கை அறிவிப்பில், வருவாய் துறை சார்பில் வெளியிடப்பட்ட அறிவிப்பில், காஞ்சிபுரத்தில் புதிதாக இரண்டு பிர்காக்கள் உருவாக்கப்படும் என, தெரிவித்தது. காஞ்சிபுரம் பிர்காவை பிரித்து, செவிலிமேடு மற்றும் விஷ்ணுகாஞ்சி என, இரண்டு பிர்கா உருவாக்க, வருவாய் துறையினர், கருத்துரு அனுப்பியுள்ளது. காஞ்சிபுரம் பிர்காவை பிரிக்க வருவாய் துறையினர் நீண்ட நாட்களாக கோரி வந்தது குறிப்பிடத்தக்கது.
News April 13, 2025
சாமி கும்பிட வந்தவர் குளத்தில் தவறி விழுந்து உயிரிழப்பு
திருவாரூர் மாவட்டம் தியாகராஜ சுவாமி கோயிலில் நேற்று பக்த காட்சி நிகழ்ச்சி நடைபெற்றது. இதில் கள்ளக்குறிச்சி மாவட்டம் வாணாபுரம் பகுதியைச் சேர்ந்த கோபி என்பவர் நண்பர்களுடன் சாமி கும்பிடுவதற்காக நேற்று வந்தார். இந்நிலையில் தியாகராஜ சாமி கோயிலுக்கு சொந்தமான கமலாலய குளத்தில் இறங்கியவர் தவறி விழுந்து தண்ணீரில் மூழ்கி உயிரிழந்தார். காவல்துறையினர் உடலை மீட்டு விசாரணை மேற்கொண்டுள்ளனர்.
News April 13, 2025
திறனறிவு தேர்வில் 508 பேர் தேர்ச்சி பெற்று மாநில சாதனை
மாநில அளவில் தேசிய வருவாய் வழி திறனறிவு தேர்வு கடந்த பிப்ரவரி மாதம் நடத்தப்பட்டது. சுமார் 2 லட்சத்து 65 ஆயிரம் பேர் எழுதி, இந்த தேர்வில் மாநில அளவில் 6595பேர் தேர்ச்சி பெற்றுள்ளனர். இதில் அதிகபட்சமாக நெல்லை மாவட்டத்தை சேர்ந்த 508 பேர் தேர்ச்சி பெற்று மாநில அளவில் முதலிடம் சாதனை பிடித்துள்ளனர். தேர்ச்சி பெற்ற மாணவர்களுக்கு, பிளஸ் 2 பயிலும் வரை மாதம் ஆயிரம் ரூபாய் கல்வி உதவித்தொகை வழங்கப்படும்.
News April 13, 2025
ராமேசுவரம் கடலில் மிதந்த இளைஞா் உடல் மீட்பு
ராமேசுவரம் மீனவா்கள் சனிக்கிழமை காலை மீன்பிடிக்க புறப்பட்டனா். அப்போது, அந்தோணியாா் ஆலயம் எதிரே கரையோரம் கடலில் ஆண் உடல் மிதந்தது. இதுகுறித்து கடலோரப் பாதுகாப்புக் குழும போலீஸாருக்கு மீனவா்கள் தகவல் தெரிவித்தனா். போலீஸாா் சென்று இளைஞரின் உடலை மீட்டு, அரசு மருத்துவமனைக்கு கூறாய்வுக்காக அனுப்பினா்.இறந்தவருக்கு 30 வயது இருக்கும் என போலீஸாா் தெரிவித்தனா் எப்படி இறந்தாா் என விசாரணை நடத்தி வருகின்றனா்.
News April 13, 2025
போலி செய்திகளைப் பயன்படுத்தி மோசடி; போலீஸ் எச்சரிக்கை
முதலீட்டு வலைத்தளங்களை ஊக்குவிக்கும் சமூக ஊடகப் பதிவுகள் குறித்து காவல்துறை சார்பில் எச்சரிக்கை விடப்பட்டுள்ளது. அதில், சந்தேகத்திற்கிடமான இணைப்புகள் அல்லது இடுகைகளைக் கிளிக் செய்வதைத் தவிர்க்க வேண்டும் எனவும், அதிகாரப்பூர்வ வலைத்தளங்கள் அல்லது நம்பகமான ஊடகங்கள் மூலம் செய்திகள் மற்றும் விளம்பரங்களை சரிபார்க்கவும் எனவும் தெரிவிக்கப்பட்டுள்ளது.
Featured News
Sorry, no posts matched your criteria.