Tamilnadu

News April 7, 2026

எங்க அம்மாக்கு ஓட்டு போடுங்க..ஜோலார்பேட்டையில் நெகிழ்ச்சி!

image

ஜோலார்பேட்டை சட்டமன்ற தொகுதியின் திமுக வேட்பாளராக கவிதா தண்டபாணி அறிவிக்கப்பட்டுள்ளார். இந்த நிலையில் அவரது மகள் மற்றும் மகன், “எங்க அம்மாக்கு ஒரு முறை வாய்ப்பு கொடுங்க. அம்மா நிக்குற உதய சூரியன் சின்னத்திற்கு ஓட்டு போடுங்க” என்று வீடு வீடாக வாக்கு சேகரித்து வருவது நெகிழ்ச்சியை ஏற்படுத்தியுள்ளது.

News April 7, 2026

கள்ளக்குறிச்ச்சி: ஒரே பெயரில் மூன்று வேட்பாளர்கள்!

image

கள்ளக்குறிச்சி தனி தொகுதியில் அதிமுக சார்பில் வேட்பாளராக சு.ராஜீவ் காந்தி களம் இறங்கியுள்ள நிலையில், சு.ராஜீவ் காந்தி, பா ராஜீவ் காந்தி, என்ற பெயரில் மேலும் இரண்டு சுயேச்சை வேட்பாளர்கள் களம் காண்கின்றனர், இதனால், கள்ளக்குறிச்சி தனி தொகுதியில் ஒரே பெயரில் மூன்று பேர் வேட்பாளர்களாக களம் காண்கின்றனர்.

News April 7, 2026

நாகை: திமுகவிலிருந்து விலகி அதிமுகவில் ஐக்கியம்

image

நாகை மாவட்டம், நேற்று திருமருகல் தெற்கு ஒன்றியம், கீழப்பூதனூர் ஊராட்சி மேலப்பூதனூர் சேர்ந்த பிரபு (எ)எஸ்.பிரபாகரன் நாகை சட்டமன்ற வேட்பாளர், தங்க.கதிரவன் முன்னிலையில், திமுகவிலிருந்து விலகி, அதிமுகவில் தன்னை இணைத்து கொண்டார். இந்நிகழ்வில் தெற்கு ஒன்றிய செயலாளர் ராதாகிருஷ்ணன் மற்றும் கழக நிர்வாகிகள், கூட்டணி கட்சியினர் கலந்துகொண்டு சிறப்பித்தனர்.

News April 7, 2026

புதுச்சேரியில் தேர்தல் கண்காணிப்பு தீவிரம்

image

புதுச்சேரி மாநில தலைமைத் தேர்தல் அதிகாரி வெளியிட்டுள்ள அறிவிப்பின்படி, தேர்தல் நடத்தை விதிமுறைகள் அமலில் உள்ள நிலையில், வாக்காளர்களுக்கு பணம், மது மற்றும் பரிசுப் பொருட்கள் விநியோகத்தைத் தடுக்க 99 பறக்கும் படைகள் தீவிர கண்காணிப்பில் ஈடுபட்டுள்ளன. மேலும், சிலர் UPI (G-Pay, PhonePe) உள்ளிட்ட ஆன்லைன் வங்கி சேவைகள் மூலம் வாக்காளர்களைத் தூண்ட முயற்சிப்பதாக தகவல்கள் கிடைத்தள்ளதாக தெரிவித்தனர்.

News April 7, 2026

நாமக்கல்: மனைவி கண்டித்ததால் கணவன் தற்கொலை!

image

சேந்தமங்கலம் பகுதியை சேர்ந்தவர் மாரிமுத்து (46). இவருக்கு குடிப்பழக்கம் இருந்து வந்ததாக கூறப்படுகிறது. அவரது மனைவி செல்வி கண்டித்துள்ளார். இந்நிலையில், நேற்று காலை அவரது பக்கத்து வீட்டை சேர்ந்த சிலர், மாரிமுத்து மாடியில் தூக்கில் தொங்குவதை கண்டு அதிர்ச்சி அடைந்தனர். அவரை மீட்டு சேந்தமங்கலம் GH- க்கு கொண்டு சென்ற நிலையில், ஏற்கனவே இறந்து விட்டதாக டாக்டர் தெரிவித்தனர். சேந்தமங்கலம் போலீசார் விசாரணை.

News April 7, 2026

சென்னையில் மீண்டும் மீண்டும் விஜய்யின் பரப்புரை ரத்து!

image

2026 சட்டமன்ற தேர்தலில் தமிழக வெற்றி கழக தலைவர் விஜய் பெரம்பூர் மற்றும் திருச்சி கிழக்கு ஆகிய தொகுதிகளில் போட்டியிடுகிறார். இந்த நிலையில், தவெக தலைவர் விஜய் சைதாப்பேட்டை தொகுதியில் பரப்புரை மேற்கொள்ள திட்டமிட்டிருந்த நிலையில், தற்போது ரத்து செய்யப்பட்டுள்ளது. பரப்புரைக்கு போலீசார் அனுமதி கொடுத்தாலும் நேர கட்டுப்பாட்டால் பரப்புரை ரத்து செய்யப்படுவதாக தெரிவிக்கப்பட்டுள்ளது.

News April 7, 2026

செங்கல்பட்டில் 238 வேட்பு மனுக்கள் தாக்கல்

image

செங்கல்பட்டு மாவட்டத்தில் 7 தொகுதிகளில் மொத்தம் 238 வேட்பு மனுக்கள் தாக்கல் செய்யப்பட்டுள்ளன. நேற்று மட்டும் 117 பேர் மனு தாக்கல் செய்தனர்.
நாளை மனுக்கள் பரிசீலனை நடைபெற உள்ளது. மேலும், 9ம் தேதி வரை மனுக்கள் வாபஸ் பெற வாய்ப்பு வழங்கப்பட்டுள்ளது. பின்னர் இறுதி வேட்பாளர் பட்டியல் அறிவிக்கப்படும்.

News April 7, 2026

அரூர் அருகே தடுமாறி விழுந்தவர் உயிரிழப்பு

image

தருமபுரி மாவட்டம், அரூர் பகுதியைச் சேர்ந்தவர் கோவிந்தன்(53). இவர் நேற்று முன்தினம் பைக்கில் சென்றபோது தீர்த்தமலை சாலையில் நிலைதடுமாறி விழுந்து படுகாயமடைந்தார். தருமபுரி அரசு மருத்துவமனையில் அனுமதிக்கப்பட்ட அவர் சிகிச்சை பலனின்றி உயிரிழந்தார். இச்சம்பவம் குறித்து போலீசார் வழக்குப்பதிவு செய்து விசாரணை நடத்தி வருகின்றனர்.

News April 7, 2026

வேலூர்: பைக் விபத்தில் தவெக நிர்வாகி பலி

image

குடியாத்தம் செங்குன்றம் பகுதியை சேர்ந்தவர்கள் சுஜன்பாபு(28), வைதீஸ்(20), ரமேஷ்பாபு(28) தவெக நிர்வாகிகள். இவர்கள் 3 பேரும் தேர்தல் பிரச்சாரத்தை முடித்து விட்டு ஒரே பைக்கில் வீடு திரும்பி கொண்டிருந்தனர். அப்போது அர்ஜுனாபுரம் அருகே எதிரே வந்த பைக் மீது மோதி 3 பேரும் படுகாயமடைந்தனர். அவர்களை மக்கள் மீட்டு அரசு மருத்துவமனைக்கு அனுப்பி வைத்தனர். இதில் சுஜன்பாபு சிகிச்சை பலனின்றி நேற்றிரவு உயிரிழந்தார்.

News April 7, 2026

புதுகை: தலை நசுங்கி சம்பவ இடத்திலேயே பலி

image

பட்டுக்கோட்டையிலிருந்து திருவோணத்திற்கு நேற்று அருள்பாண்டி (33) என்பவர் பைக்கில் சென்றுள்ளார். அப்போது புதுக்கோட்டை மாவட்டம் கரம்பக்குடி அடுத்த காட்டாத்தியில், சாலையோரம் உள்ள வீட்டின் சுற்றுச்சுவரில் பைக்மோதியதில் அவருக்கு தலையில் பலத்த காயம் ஏற்பட்டு சம்பவ இடத்திலேயே பரிதாபமாக உயிரிழந்தார். இதுகுறித்து அவரது தாய் பாப்பாயி அளித்த புகாரில் கரம்பக்குடி போலீசார் விசாரணை நடத்தி வருகின்றனர்.

error: Content is protected !!
↑