India's largestHyperlocal short
news App
Get daily news updates that are tailored for you based on your preferred language & location.

ஈரோட்டில் இருந்து காலை 8:05 மணிக்கு புறப்படும் ஈரோடு – திருச்சி பயணிகள் ரயிலானது வரும் ஏப்.10-ம் தேதி ஒரு நாள் மட்டும், ஈரோடு – திருச்சி ஜங்ஷன் ரயில் நிலையம் இடையே பகுதியாக ரத்து செய்யப்படுகிறது. இந்த ரயில் ஈரோடு ஜங்ஷன் ரயில் நிலையத்தில் இருந்து, திருச்சி கோட்டை ரயில் நிலையம் வரை மட்டுமே இயக்கப்படும் என ரயில்வே நிர்வாகம் தெரிவித்துள்ளது.

மயிலாடுதுறை மாவட்டத்தில் உள்ள மயிலாடுதுறை பூம்புகார் சீர்காழி ஆகிய மூன்று சட்டமன்ற தொகுதிகளில், மொத்தம் 83 பேர் வேட்பு மனு தாக்கல் செய்துள்ளனர். சட்டமன்ற தேர்தல் வேட்பு மனுதாக்கல் நேற்றுடன் நிறைவடைந்த நிலையில் மயிலாடுதுறை தொகுதியில் 33 நபர்கள், சீர்காழி தொகுதியில் 25 பேர் மற்றும் பூம்புகார் தொகுதியில் 25 பேர் என, மொத்தம் 83 பேர் தேர்தலில் போட்டியிடுவதற்காக வேட்பு மனு தாக்கல் செய்துள்ளனர்.

சென்னை பெரம்பூர் தொகுதியில் தவெக தலைவர் விஜய் சி.ஜோசப் விஜய் என்ற பெயரில் போட்டியிடுகிறார். இந்த நிலையில், ஜி.விஜய், கே.விஜய், எஸ்.ஜோசப், எம்.ஜோசப் என வேட்புமனு தாக்கல் செய்தவர்களின் மனுவும் ஏற்கப்பட்டுள்ளது. எனவே ஜோசப் விஜய் என்ற பெயரில் 4 பேர் போட்டியிடுகின்றனர். தவெக தலைவரோடு சேர்த்து 5 பேர் ஜோசப் விஜய் பெயரில் களம் காண்கின்றனர்.

ஈரோடு மாவட்டம் கோபி சட்டமன்ற தொகுதி தவெக வேட்பாளராக முன்னாள் அமைச்சர் செங்கோட்டையன் அறிவிக்கப்பட்டார். செங்கோட்டையன் கோபியில் வேட்புமனு தாக்கல் செய்த நிலையில், இன்று அவரது வேட்புமனுவில் பிழை இருப்பதாக கூறி தற்போது பரிசீலனை நிறுத்திவைக்கப்பட்டது. எழுத்துப்பூர்வமாக கடிதம் எழுதிக் கொடுத்த பிறகு மனு ஏற்றுக் கொள்ளப்படும் என தேர்தல் அலுவலகர் சார்பில் விளக்கம் அளிக்கப்பட்டுள்ளது.

சிதம்பரம் சட்டமன்றத் தொகுதியில் தவெக சார்பில் வேட்பாளராக டாக்டர் பாரி அறிவிக்கப்பட்டார். வேட்புமனு தாக்கல் கடைசி நாளாக நேற்று சிதம்பரம் சார் ஆட்சியர் அலுவலகத்தில் அவரது வேட்புமனுவைத் தக்கல் செய்தார். இன்று வேட்புமனு பரிசீலிக்கும் பணிகள் நடைபெற்றதை அடுத்து, அவர் வேட்புமனு பல்வேறு பிழைகள் இருப்பதால் தள்ளுபடி செய்யப்பட்டதாகவும், அவரது தந்தை நெடுஞ்செழியனின் மனு ஏற்கப்பட்டதாகவும் தகவல் வெளியாகியுள்ளது.

சென்னை எழும்பூர் ரயில் நிலையத்தில் மறுசீரமைப்புபணி நடைபெற்று வருகிறது. இதன் காரணமாக எழும்பூர் நிலையத்தில் இருந்து இயக்கக்கூடிய சில ரயில்கள் தாம்பரம் நிலையத்தில் இருந்து இயக்கப்படும் என தெற்கு ரயில்வே தெரிவித்துள்ளது. நெல்லையில் இருந்து எழும்பூர் வரை இயக்கப்படும் நெல்லை எக்ஸ்பிரஸ் ரெயில் இன்று முதல் வருகிற 21-ந்தேதி வரை தாம்பரம் வரை இயக்கப்படுகிறது. ஆனால் எழும்பூரில் இருந்து புறப்பட்டு செல்லும்.

குமரியில் தேர்தல் நடத்தை விதிகளை மீறி பணம், பரிசு பொருட்கள் எடுத்து செல்வது தொடர்பாக புகார்கள் அளிக்க எண்கள் அறிவிக்கப்பட்டுள்ளன. அதாவது மாவட்ட போலீஸ் சூப்பிரண்டு- 8122223319, சட்டமன்ற தொகுதி வாரியாக நாகர்கோவில்-7358776100, குளச்சல்-7358068100, கிள்ளியூர் 7358034100, குமரி -7305282100, விளவங்கோடு- 7358063100 மற்றும் பத்மநாபபுரம்-7397463100 ஆகிய செல்போன் எண்களில் பொதுமக்கள் தகவல் கூறலாம்.

புதுச்சேரிக்கு வருகை புரிந்த பாஜக மூத்த தலைவர் ஜே.பி நட்டா, இன்று மணக்குள விநாயகர் கோயிலில் சுவாமி தரிசனம் செய்தார். தொடர்ந்து செய்தியாளர்களை சந்தித்த அவர் தமிழகம் மற்றும் புதுச்சேரியில் தேசிய ஜனநாயக கூட்டணி அமோக வெற்றி பெற்று ஆட்சியை அமைக்கும் என்று குறிப்பிட்டார். ஜே.பி நட்டாவின் வருகையை ஒட்டி மணக்குள விநாயகர் கோயில் வளாகம் முழுவதும் பலத்த போலீஸ் பாதுகாப்பு போடப்பட்டிருந்தது.

தமிழகத்தில் சட்டமன்ற தேர்தல் நெருங்கி வரும் நிலையில், நேற்றுடன் வேட்பு மனு தாக்கல் நிறைவடைந்த நிலையில், வேட்பாளர்களின் மனுக்கள் ஏற்கப்பட்டு வருகின்றன. அதன்படி திருச்செந்தூர் சட்டமன்ற தொகுதியில் அனிதா ராதாகிருஷ்ணன் வேட்புமனு தாக்கல் செய்திருந்த நிலையில், 10 ம் வகுப்பு கல்வித் தகுதி குறித்தும் மற்றும் பல்வேறு முரண்பாடான தகவல் காரணமாக அவரது வேட்புமனு நிறுத்தி வைக்கப்பட்டுள்ளதாக அறிவிக்கப்பட்டுள்ளது.

புதுச்சேரி சட்டமன்ற தேர்தல் வருகின்ற 9ஆம் தேதி நடைபெற உள்ளது. அதில் தேர்தல்கள் நேர்மையாகவும் அமைதியாகவும் நடைபெறுவதை உறுதி செய்வது அவசியம் என்பதால், காரைக்கால் மாவட்டத்தில் உள்ள அனைத்து சாராயக்கடை, கல்லு கடை மற்றும் மதுபானக் கடைகள், பார்கள் மற்றும் மதுபானம் வழங்கும் உணவகங்கள் இன்று 7ஆம் தேதி முதல் வருகின்ற 9ஆம் தேதி வரை மூன்று நாட்களுக்கு மூட உத்தரவிடப்பட்டுள்ளது.
Sorry, no posts matched your criteria.