India's largestHyperlocal short
news App
Get daily news updates that are tailored for you based on your preferred language & location.

அரியலூர் மாவட்டத்தில் தேர்தலில் 100% வாக்களிப்பது குறித்து தொடர்ந்து விழிப்புணர்வு ஏற்படுத்தப்பட்டு வருகிறது. இதில் ஒருபகுதியாக நேற்று அரியலூர் மாவட்ட ஆட்சியர் அலுவலக வளாகத்தில் கேஸ் சிலிண்டகளில் “தேர்தல் திருவிழா தமிழ்நாட்டின் பெருவிழா, ஏப்ரல் 23 அன்று 100% வாக்களிப்போம், என் வாக்கு விற்பனைக்கு அல்ல” என்ற விழிப்புணர்வு ஸ்டிக்கர்கள் ஒட்டப்பட்டது.

திருப்பத்தூர் மாவட்டத்தில் நேற்று (ஏப்.7 ) கடும் வெப்பம் பதிவாகியுள்ளது. அதிகபட்சமாக 39.20°C (102.56°F) மற்றும் குறைந்தபட்சமாக 26.40°C (79.52°F) வெப்பநிலை நிலவியுள்ளது. இந்த வெப்ப நிலை, கடந்த சில நாட்களை விட அதிகமாக உயர்ந்துள்ளது. நேற்று முழுவதும் வெயில் தீவிரமாக இருந்ததால் பொது மக்கள் கடும் அவதி அடைந்தனர்.

திருப்பூர் மாவட்டத்தில் உள்ள 8 சட்டமன்ற தொகுதிகளில் நேற்று (ஏப் 7) வேட்பு மனு சரிபார்க்கப்பட்டது. இதில் மொத்தம் 134 வேட்பாளர்களின் மனு தகுதி செய்யப்பட்டது. 44 மனுக்கள் நிராகரிக்கப்பட்டுள்ளன. அதன்படி,
திருப்பூர் வடக்கு – 17 – 11(நி)
திருப்பூர் தெற்கு – 28 – 3(நி)
பல்லடம் – 19 – 9(நி)
அவிநாசி – 14 – 3(நி)
தாராபுரம் – 10 – 6(நி)
காங்கயம் – 17 – 4(நி)
உடுமலை – 16 – 4(நி)
மடத்துக்குளம் – 13 – 4(நி).

சென்னிமலை பசுவபட்டி ஊராட்சி வெங்கமேடு கிராம மக்கள், அடிப்படை வசதிகள் இன்றி தவிப்பதாகக் கூறி தேர்தல் புறக்கணிப்பு பேனர் வைத்துள்ளனர். “எங்கள் ஊருக்குள் யாரும் ஓட்டு கேட்டு வர வேண்டாம்; இனி அரசியல்வாதிகளை நம்பி ஏமாற மாட்டோம்” என அதில் குறிப்பிட்டுள்ளனர். பல வருட கோரிக்கைகள் நிறைவேறாததால் மக்கள் எடுத்துள்ள இந்த அதிரடி முடிவு, சென்னிமலை பகுதியில் பெரும் பரபரப்பையும் அதிர்வலையையும் ஏற்படுத்தியுள்ளது.

நாமக்கல் கால்நடை மருத்துவக் கல்லுாரி மற்றும் வானிலை ஆய்வு மையம் செய்திக்குறிப்பு வெளியிட்டது. அதில், மாவட்டத்தில் இன்று முதல் 11ம் தேதி வரை லேசான மழை பெய்ய வாய்ப்புள்ளது. காற்றின் ஈரப்பதம், 35 – 75% தென்மேற்கு வரை இருக்கும். தெற்கு, தென்கிழக்கு திசையில் மற்றும் இருந்து மணிக்கு 2 கிமீ, வேகத்தில் காற்று வீசக் கூடும். இன்று 6 மி.மீ, நாளை 6 மி.மீ, 10ல் 5 மி.மீ, 11ல் 3 மி.மீ, மழை பெய்ய வாய்ப்புள்ளது.

கொங்குநாடு மக்கள் தேசிய கட்சியின் கொள்கை பரப்பு செயலாளர் அசோகன் தலைமையில், கிருஷ்ணகிரி (ம) தருமபுரிமாவட்ட ஆதரவாளர்கள் நேற்று அதிமுக பொதுச்செயலாளர் எடப்பாடி பழனிசாமி முன்னிலையில் அதிமுகவில் இணைந்தனர். தேர்தல் நேரத்தில் முக்கிய நிர்வாகிகள் திரளாக விலகி அதிமுகவில் இணைந்திருப்பது, கொமதேக தலைமைக்கு பெரும் அதிர்ச்சியை ஏற்படுத்தியுள்ளதுடன், அம்மாவட்டங்களில் அரசியல் பரபரப்பை உண்டாக்கியுள்ளது.

திருப்போரூர் கூட்டுச்சாலை பகுதியில் நேற்று அதிவேகமாக வந்த லாரி, முன்னால் சென்ற இருசக்கர வாகனம் மீது பயங்கரமாக மோதியது. இந்த விபத்தில் வாகனத்தில் சென்ற தாத்தா மற்றும் அவரது பேரன் ஆகிய இருவரும் சம்பவ இடத்திலேயே தூக்கி வீசப்பட்டு உயிரிழந்தனர். விபத்து குறித்து வழக்குப்பதிவு செய்துள்ள போலீசார், லாரி ஓட்டுநரை பிடித்து விசாரணை நடத்தி வருகின்றனர். இச்சம்பவம் அப்பகுதியில் பெரும் சோகத்தை ஏற்படுத்தியுள்ளது.

தமிழக சட்டப்பேரவை தேர்தல் 2026 வருகிற 23-ம் தேதி நடைபெறவுள்ளது. இதனை முன்னிட்டு, பெரம்பலூர் மாவட்டத்தில் உள்ள இரண்டு சட்டமன்றத் தொகுதிகளான பெரம்பலூர் மற்றும் குன்னம் ஆகிய தொகுதிகளுக்கு உட்பட்ட பல்வேறு பகுதிகளில் அமைக்கப்பட்டுள்ள வாக்குச்சாவடி மையங்களின் அடிப்படை வசதிகள் மற்றும் பாதுகாப்பு அம்சங்கள் குறித்து மாவட்ட தேர்தல் அலுவலர் மிருணாளினி நேரில் சென்று பார்வையிட்டு ஆய்வு செய்தார்.

திருநெல்வேலி மாவட்டம், கூடங்குளம் காவல் நிலைய காவல் சரகத்திற்கு உட்பட்ட ஊரல்வாய்மொழி செல்லும் சாலையில் உள்ள மீன் கம்பெனி அருகே உடைமரத்தின் பக்கத்தில் சுமார் 70 வயது மதிக்கத்தக்க ஆண் ஒருவர் உயிரிழந்த நிலையில் சடலமாக கிடந்தது பரபரப்பை ஏற்படுத்தியுள்ளது. இந்த சம்பவம் தொடர்பாக ஊரல்வாய்மொழி கிராம நிர்வாக அதிகாரி செல்வகுமார் புகாரின் பேரில் காவல்துறையினர் உடலை கைப்பற்றி விசாரணை செய்து வருகின்றனர்.

கள்ளக்குறிச்சி: மோ.வன்னஞ்சூர் கிராமத்தைச் சேர்ந்தவர் சங்கர் குமார்(28). இவருக்கும் கலைவாணி(28) என்பவருக்கும் 4 ஆண்டுகளுக்கு முன் திருமணம் நடைபெற்று, 2 குழந்தைகள் உள்ளனர். இந்நிலையில், சில மாதங்களுக்கு முன்பு கலைவாணி வேலையில் இருந்து நின்றார். ஆனால், அவருக்கான போனஸ் தொகை ரூ.12,000 பணத்தை நிறுவனம் தராததால் மனமுடைந்த சங்கர் குமார், நேற்று முன் தினம் தூக்கிட்டு தற்கொலை செய்து கொண்டார்.
Sorry, no posts matched your criteria.