India's largestHyperlocal short
news App
Get daily news updates that are tailored for you based on your preferred language & location.
download Way2News app now
Tamilnadu
News April 9, 2026
சென்னையில் 2ஆவது நாளாக EPS பிரச்சாரம்
அதிமுக பொதுச்செயலாளர் எடப்பாடி பழனிசாமி நேற்று சென்னையில் பிரச்சாரம் செய்தார். வேளச்சேரி, சைதாப்பேட்டை ,அண்ணா நகர், டி நகர், விருகம்பாக்கம், வில்லிவாக்கம், கொளத்தூர், பெரம்பூர் ஆகிய தொகுதிகளில் நேற்று பிரச்சாரம் செய்திருந்தார். இரண்டாவது நாளாக இன்று சேப்பாக்கம்-திருவல்லிக்கேணி, ஆயிரம் விளக்கு, துறைமுகம், ராயபுரம், திரு.வி.க நகர் மற்றும் எழும்பூர் ஆகிய தொகுதிகளில் இன்று பிரச்சாரம் செய்கிறார்.
News April 9, 2026
புதுச்சேரி கண்காணிப்பு மற்றும் புகார் எண்கள் அறிவிப்பு
புதுச்சேரி தேர்தலை முன்னிட்டு, வாக்குப்பதிவு தொடர்பான புகார்களை பொதுமக்கள் தெரிவிக்க சிறப்பு தொடர்பு எண்கள் அறிவிக்கப்பட்டுள்ளன. ஒருங்கிணைந்த கண்காணிப்பு மற்றும் கட்டுப்பாட்டு மையம் (ICCC) – 0413-1950, 99658 37377, 94434 34972 என்ற எண்களில் தொடர்புகொள்ளலாம். மேலும், மாவட்டத் தேர்தல் அதிகாரியின் அலுவலக கட்டுப்பாட்டு அறை 0413-2299558, 94433 75089 என்ற எண்களிலும் புகார்கள் அளிக்கலாம்.
News April 9, 2026
புதுச்சேரி: நம்பிக்கை தெரிவித்த முன்னாள் நாராயணசாமி
புதுச்சேரியில் தனது வாக்கை பதிவு செய்த முன்னாள் முதலமைச்சர் நாராயணசாமி, பின்னர் திமுக-காங்கிரஸ் கூட்டணிக்கு மக்கள் மத்தியில் நல்ல வரவேற்பு கிடைத்து வருவதாக தெரிவித்தார். ஸ்டாலின் மற்றும் ராகுல் காந்தி புதுச்சேரியில் பிரச்சாரம் செய்து வாக்குறுதிகள் அறிவித்ததன் தாக்கமாக, மக்கள் மனநிலையில் மாற்றம் ஏற்பட்டுள்ளதாகவும், இதன் அடிப்படையில் கூட்டணி ஆட்சி அமைக்கும் எனவும் நம்பிக்கை தெரிவித்துள்ளார்.
News April 9, 2026
காரைக்காலில் அமைக்கப்பட்ட தனித்துவமான வாக்குச்சாவடி
புதுச்சேரி மாநில சட்டமன்ற தேர்தல் முன்னிட்டு, காரைக்கால் உள்ள புதிய பேருந்து நிலையம் அருகே அமைந்துள்ள தந்தை பெரியார் அரசு மேல்நிலைப் பள்ளியில் தேர்தல் துறை சார்பில், வாழை இலை கட்டி தனித்துவமான வாக்குச்சாவடி அமைக்கப்பட்டிருந்தது. இந்த வாக்குச்சாவடியில் பாரம்பரிய தொழிலான மீன்பிடித்தல், விவசாயம், கைவினைப் பொருட்கள் கண்காட்சியினை வாக்காளர்கள் பார்வையிட்டு வாக்களித்து வருகிறார்கள்.
News April 9, 2026
மதிமுக வேட்பாளரை ஆதரித்து வைகோ பரப்புரை
மதுரை தெற்கு சட்டமன்றத் தொகுதியில் போட்டியிடும் மு.பூமிநாதனை ஆதரித்து மதுரை முனிச்சாலை டி.எம்.சௌந்தரராஜன் சிலை அருகில் நடைபெற்ற திமுக கூட்டணி சார்பில் தேர்தல் பிரச்சார பொதுக் கூட்டம் நடைபெற்றது. இதில் கலந்து கொண்டு மதிமுக பொதுச்செயலாளர் வைகோ சிறப்புரையாற்றினார். முன்னாள் எம்எல்ஏ வ.வேலுசாமி, மதிமுக மாவட்ட செயலாளர் முனியசாமி மற்றும் திமுக கூட்டணி கட்சியினர், ஏராளமான பொதுமக்கள் கலந்து கொண்டனர்.
News April 9, 2026
புதுவையில் வாக்களித்தார் அமைச்சர் நமச்சிவாயம்
புதுச்சேரி மாநிலத்தில் சட்டமன்றத் தேர்தல் வாக்குப்பதிவு மாநிலம் முழுவதும் இன்று காலை தொடங்கி நடைபெற்று வரும் நிலையில், மண்ணாடிப்பட்டு தொகுதிக்குட்பட்ட திருக்கனூரில் அமைந்துள்ள அரசு உயர்நிலை பள்ளி வாக்குச்சாவடியில், இன்று அமைச்சர் நமச்சிவாயம் தனது துணைவியார் வசந்தி அவர்களுடன் வந்து தனது வாக்கினை பதிவிட்டார்.
News April 9, 2026
BREAKING: வாக்களித்தார் புதுச்சேரி முதல்வர் ரங்கசாமி
புதுச்சேரி இன்று சட்டப்பேரவை தேர்தல் காலை 7 மணி முதல் விறுவிறுப்பாக நடைபெற்று வருகிறது. இந்நிலையில், புதுச்சேரி முதலமைச்சர் ரங்கசாமி இருசக்கர வாகனத்தில் வருகை தந்து திலாஸ்பேட்டை அரசு ஆண்கள் பள்ளியில் உள்ள வாக்குச்சாவடியில் தனது வாக்கை செலுத்தினார்.
News April 9, 2026
புதுவையில் வாக்களித்த ஆளுநர் கைலாஷ்நாதன்
புதுச்சேரி மாநில சட்டமன்றத் தேர்தல் முன்னிட்டு, 30 தொகுதிகளில் வாக்குப்பதிவு இன்று காலை தொடங்கி நடைபெற்று வரும் நிலையில், புதுச்சேரி மாநில துணை நிலைய ஆளுநர் கைலாஷ்நாதன் ராஜ்பவன், தொகுதிக்குட்பட்ட சுகாதாரத்துறை இயக்குனர் அலுவலக கட்டிடத்தில் அமைக்கப்பட்டுள்ள வாக்குச்சாவடி மையத்தில் தனது வாக்கினை பதிவு செய்தார்.
News April 9, 2026
புதுச்சேரியில் 17.41% வாக்கு பதிவு
புதுச்சேரி இன்று சட்டப்பேரவை தேர்தல் காலை 7 மணி முதல் விறுவிறுப்பாக நடைபெற்று வருகிறது. இந்நிலையில், இன்று காலை 9 மணி நிலவரப்படி 17.41% வாக்கு பதிவு செய்யப்பட்டுள்ளதாக தகவல் வெளியாகியுள்ளது. இங்கு மொத்தம் 9,50,639 வாக்காளர்கள் உள்ளனர் என்பது குறிப்பிடத்தக்கது. நீங்கள் வாக்கை செலுத்திவிட்டீர்களா? கமெண்ட் பண்ணுங்க!
News April 9, 2026
வேலூர் காவல் பார்வையாளரிடம் புகார் தெரிவிக்கலாம்
தமிழ்நாடு சட்டமன்ற தேர்தலை முன்னிட்டு வேலூர் மாவட்டத்தில் உள்ள 5 சட்டமன்ற தொகுதிகளுக்கும் காவல் பார்வையாளராக கவுஸ்தூப் ஷர்மா நியமிக்கப்பட்டு உள்ளார். இவரை வேலூர் சுற்றுலா மாளிகையில் காலை 10 மணி முதல் காலை 11 மணி வரை சந்தித்து பொதுமக்கள் புகார் மற்றும் கருத்துகளை தெரிவிக்கலாம் என மாவட்ட ஆட்சித்தலைவர் சுப்புலட்சுமி தெரிவித்துள்ளார்.
Featured News
Sorry, no posts matched your criteria.