Namakkal

News March 19, 2025

வேண்டிய வரம் அருளும் நாமக்கல் ஆஞ்சநேயர்

தமிழகத்தில் பிரசித்தி பெற்ற அனுமன் கோயில்களில் முதன்மையானது நாமக்கல் ஆஞ்சநேயர் கோயில். இங்குள்ள ஆஞ்சநேயர், எதிரில் உள்ள நரசிம்மரை திறந்த விழிகளுடன் கைகூப்பி வணங்கிய நிலையில் காட்சி தருகிறார். இங்கு வழிபட்டால், வாழ்வில் மறுமலர்ச்சி உண்டாகும். கடுமையான வியாதிகள் குணமாகும், எதிரிகளின் தொல்லை நீங்கி வெற்றி கிடைக்கும் என்பது நம்பிக்கை. இதை மற்ற பக்தர்களுக்கும் ஷேர் செய்யுங்கள்.

News March 19, 2025

இந்திய அளவில் சிட்டிங் வாலிபால்: திருச்செங்கோட்டில் துவக்கம்

அகில இந்திய அளவிலான சிட்டிங் வாலிபால் போட்டி திருச்செங்கோடு கே.எஸ்.ஆர். கல்வி நிறுவன வளாகத்தில் மார்ச் 21இல் தொடங்கி, மூன்று நாட்கள் நடைபெறுகிறது. தமிழகம், கேரளா, கர்நாடகா, ஆந்திரா, டெல்லி, ஹரியானா, உத்தரப்பிரதேசம், மகாராஷ்டிரா, புதுச்சேரி, தெலங்கானா, உத்தரகண்ட், பீகார், சிக்கிம், இமாச்சலம், மேற்கு வங்கம், ஒடிசா, ராஜஸ்தான் உள்ளிட்ட 20 மாநிலங்களை சேர்ந்த 400 வீரர், வீராங்கனைகள் பங்கேற்கின்றனர்.

News March 18, 2025

நாமக்கல்லில் விவசாயிகள் குறைதீர் கூட்டம்

நாமக்கல் மற்றும் திருச்செங்கோடு வருவாய் கோட்டாட்சியர்கள் தலைமையில் விவசாயிகள் குறைதீர் கூட்டம் வரும் 21.03.2025 நடைபெற உள்ளது.நாமக்கல் கோட்டத்திற்கு நாமக்கல் ஒன்றிய அலுவலக கூட்டரங்கிலும், திருச்செங்கோடு கோட்டத்திற்கு பரமத்தி ஒன்றிய அலுவலக கூட்டரங்கிலும் நடைபெற உள்ளது. இதில் விவசாயிகள் கலந்துகொண்டு மனு அளிக்கலாம் என ஆட்சியர் உமா‌ இன்று அறிக்கை மூலம் தெரிவித்துள்ளார்.

News March 18, 2025

நாமக்கல் ; இன்றைய இரவு ரோந்து அலுவலர்கள் விவரம்

நாமக்கல் மாவட்டத்தில் தினமும் 4 காவல் அதிகாரிகள் இரவு ரோந்து பணிக்காக எஸ்பி நியமிக்கிறார். அதன்படி இன்று (18/03/2025) இரவு ரோந்து பணி அதிகாரிகள் விவரம்: நாமக்கல் – கோமதி (9498167680), ராசிபுரம் – சங்கரபாண்டியன் (9655230300), திருச்செங்கோடு – முருகேசன் (9498133890) ,வேலூர் – இந்திராணி (9498169033) ஆகியோர் இன்று இரவு ரோந்து பணியில் ஈடுபடுவார்கள் என மாவட்ட எஸ்பி அறிவித்துள்ளார்.

News March 18, 2025

நாமக்கல்லில் இலவச மீன்வளர்ப்பு பயிற்சி

நாமக்கல் கால்நடை மருத்துவ கல்லூரி வளாகத்தில் உள்ள வேளாண்மை அறிவியல் நிலையத்தில் வரும் 26ஆம் தேதி காலை 10 மணிக்கு மகூர் மீன் வளர்ப்பு குறித்த இலவச பயிற்சி வகுப்பு நடைபெற உள்ளது. இப்பயிற்சியில், மீன் பண்ணைக் குட்டை அமைக்க இடம் தேர்வு, மண் மற்றும் நீர் பரிசோதனை, பண்ணைக் குட்டை அமைக்கும் முறைகள் குறித்து விளக்கம் அளிக்கப்படும். மேலும் விபரங்களுக்கு 04286 – 266345, 266650, 73585 94841 தொடர்புகொள்ளலாம்.

News March 18, 2025

சிறப்பு அலங்காரத்தில் நாமக்கல் ஆஞ்சநேயர்

நாமக்கல் நகர் மையப் பகுதியில், உலக பிரசித்தி பெற்ற நாமக்கல் ஆஞ்சநேயர் கோயில் அமைந்துள்ளது. இங்கு, பங்குனி மாத செவ்வாய்க்கிழமையை முன்னிட்டு இன்று அதிகாலை நடை திறக்கப்பட்டு, காலை 10:30 மணிக்கு பஞ்சாமிருதம் ,பால், தயிர், மஞ்சள், சந்தனம், சொர்ணம் கொண்டு சிறப்பு அபிஷேகம் நடைபெற்றது. பின்னர் சிறப்பு அலங்காரத்தில் ஆஞ்சநேயர் பக்தர்களுக்கு காட்சி தந்தார். இதில் ஏராளமான பக்தர்கள் தரிசனம் பெற்றனர்.

News March 18, 2025

நாமக்கல்லில் கறிக்கோழி, முட்டை விலை நிலவரம்

நாமக்கல் மாவட்டத்தில் இன்றைய (18-03-2025) நிலவரப்படி, கறிக்கோழி கிலோ பண்ணை விலை (உயிருடன்) ரூ.106-க்கும், முட்டை கோழி கிலோ (உயிருடன்) ரூ.65-க்கும் விற்பனை செய்யப்படுகிறது. முட்டை விலையைப் பொறுத்தவரையில், ரூ.3.90 ஆக இருந்த முட்டை விலை நேற்று 10 காசுகள் உயர்ந்து ரூ.4 ஆக விற்பனை செய்யப்படுகிறது. கடந்த 2 நாட்களில் முட்டை விலை 20 காசுகள் உயர்ந்தது குறிப்பிடத்தக்கது.

News March 18, 2025

நாமக்கல் அரசு வேலை வேண்டுமா? இங்கு போங்க

நாமக்கல் மாவட்ட வேலைவாய்ப்பு அலுவலகத்தில் குரூப்-4 தேர்விற்கு, வரும் 25-ஆம் தேதி முதல் இலவச பயிற்சி வகுப்புகள் தொடங்கப்படவுள்ளது
இந்த வகுப்பானாது காலை 10.30 மணிக்கு தொடங்கும் என தெரிவிக்கப்பட்டுள்ளது. மேலும் விவரங்களுக்கு 04286-222260 என்ற எண்ணுக்கு அழைக்கலாம் என தெரிவிக்கப்பட்டுள்ளது. போட்டித்தேர்விற்கு தயாராகும் உங்களது நண்பர்களுக்கு இதை ஷேர் செய்யுங்கள்.

News March 18, 2025

பரமத்தி வேலூர் அருகே விபத்து இரண்டு இளைஞர்கள் பலி

பரமத்தி வேலூர் திரெளபதி அம்மன் கோவில் தெருவை சேர்ந்தவர் தமிழரசன் இரு சக்கர வாகனத்தில் சென்று கொண்டிருந்தார். அப்போது எதிரே வந்த இரு சக்கர வாகனம் ஒன்று தமிழரசன் இரு சக்கர வாகனத்தின் மீது‌ நேருக்கு நேர் மோதியுள்ளது. இதில் தமிழரசன் மற்றும் எதிரே மோதிய இன்னொரு நபரும் சம்பவ இடத்திலேயே உயிரிழந்தனர். இந்த விபத்து குறித்து போலீசார் வழக்கு பதிவு செய்து விசாரணை நடத்தி வருகின்றனர்.

News March 18, 2025

நாமக்கல்லில் கிராம சபைக் கூட்டம் 23-க்கு ஒத்திவைப்பு

நாமக்கல் மாவட்டத்தில் உள்ள 310 கிராம ஊராட்சிகளிலும் வருகிற 22-ந் தேதி நடைபெற வேண்டிய உலக தண்ணீர் தின கிராமசபை கூட்டம் நிர்வாக காரணங்களால் 23-ந்தேதி காலை 11மணி அளவில் நடைபெற உள்ளது.இதில் உலக தண்ணீர் தினத்தின் கருப்பொருள் பற்றியும், கிராம ஊராட்சி நிர்வாகம் மற்றும் பொது நிதி செலவினம் குறித்தும், சுத்தமான குடிநீர் வினியோகத்தினை உறுதி செய்வது குறித்தும் விவாதிக்கப்பட உள்ளது என ஆட்சியர் தெரிவித்துள்ளார்

…

158

…

Featured News

Sorry, no posts matched your criteria.

error: Content is protected !!

↑