India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nagapattinam
News September 29, 2024
4ஆம் தேதி விவசாயிகள் குறை தீர்கூட்டம்
நாகை மாவட்டத்தில் விவசாயிகள் குறை தீர் கூட்டம் வருகின்ற 4ந் தேதி வெள்ளிக்கிழமை காலை 10 மணிக்கு மாவட்ட ஆட்சியரக முதன்மை கூட்டரங்கில் மாவட்ட ஆட்சியர் தலைமையில் நடக்கிறது.
இதில் விவசாய சங்க பிரதிநிதிகள், விவசாயிகள் பங்கேற்று தங்கள் குறைகளை தெரிவித்து பயன் பெறலாம் என மாவட்ட ஆட்சியர் ஆகாஷ் தெரிவித்துள்ளார்.
News September 28, 2024
வட்டாட்சியர் அலுவலகத்தில் அதிரடியாக நுழைந்த ஆட்சியர்
வேதாரண்யம் ஒன்றியத்தில் மாவட்ட ஆட்சியர் ஆகாஷ் வளர்ச்சி திட்டப் பணிகளை நேற்று மாலை ஆய்வு செய்தார். அப்போது திடீரென வட்டாட்சியர் அலுவலகத்திற்கு சென்ற அவர் பதிவேடுகள் பராமரிக்கப்படும் இடத்தை பார்வையிட்டார். தொடர்ந்து அங்கு அரசு அலுவலர்கள் பணிபுரியும் இடங்களுக்கு சென்று ஊழியர்களிடம் குறைகள் கேட்டறிந்து பொதுமக்களிடம் கனிவாக நடந்து அவர்களின் கோரிக்கைகளை நிறைவேற்ற வேண்டுமென அறிவுறுத்தினார்.
News September 28, 2024
நாகையில் சுகாதாரமற்ற முறையில் செயல்பட்ட பேக்கரிக்கு சீல்
நாகை அரசு மருத்துவமனை அருகில் செயல்பட்டு வரும் பேக்கிரியில் சுகாதாரமற்ற முறையில் உணவு பொருட்கள் தயாரித்ததாக, நாகை மாவட்ட உணவு பாதுகாப்பு அலுவலா் தலைமையிலான அதிகாரிகள் சம்பந்தப்பட்ட பேக்கரியில் நேற்று திடீா் ஆய்வு செய்தனா். பேக்கரி சுகாதாரமற்ற முறையிலும், உணவுப் பாதுகாப்பு உரிமம் இல்லாமலும் கடை செயல்பட்டது தெரியவந்தது. அதனையடுத்து அந்த கடைக்கு அதிகாரிகள் சீல் வைத்தனர்.
News September 27, 2024
நாகையில் பள்ளி செல்லா குழந்தைகள் கணக்கெடுப்பு
நாகப்பட்டினம் மாவட்ட ஆட்சியர் அலுவலகத்தில் பள்ளி செல்லா குழந்தைகள் கணக்கெடுப்பு பணிகள், பள்ளி செல்லா குழந்தைகள் மற்றும் இடைநின்ற குழந்தைகள் மீள பள்ளியில் சேர்த்தல் தொடர்பான ஆலோசனைக்கூட்டம் மாவட்ட ஆட்சியர் ஆகாஷ் தலைமையில் இன்று (27.09.2024) நடைபெற்றது. இக்கூட்டத்தில் அரசு துறையை சேர்ந்த அலுவலர்கள் கலந்துக்கொண்டனர்.
News September 27, 2024
கூலித்தொழிலாளி தீக்குளித்து தற்கொலை
திருக்கண்ணபுரம் அங்காளம்மன் கோவிலை சேர்ந்தவர் நடராஜன் (57). கூலித் தொழிலாளியான இவர்
வீட்டில் யாரும் இல்லாத நேரத்தில் வீட்டில் இருந்த மண்ணெண்ணெய் எடுத்து மேலே ஊற்றி கொண்டு தீ பற்ற வைத்துக் கொண்டார். நடராஜனின் அலறல் சத்தம் கேட்டு வந்த அக்கம்பக்கத்தினர் 108 ஆம்புலன்ஸில் மருத்துவமனை கொண்டு சென்ற நிலையில் செல்லும் வழியிலேயே உயிரிழந்தார்.
News September 27, 2024
பெரம்பலூர் மாவட்ட அளவிலான கலைப் போட்டிகள்
தஞ்சை மண்டலம் சார்பில், நாகை சவகர் சிறுவர் மன்றம் சார்பாக, மாவட்ட அளவிலான மாவட்ட அளவிலான குரலிசை, பரதநாட்டியம், ஓவியம், கிராமிய நடனம் குறித்த கலைப் போட்டிகள் 06.10.2024 அன்று தமயந்தி நடராஜர் மேல்நிலை பள்ளியில் நடைபெறவுள்ளது. இப்போட்டிகளில் பள்ளி மாணவ மாணவிகள் பங்கு பெறலாம். மேலும் விவரங்களுக்கு 9442507705 என்ற எண்ணை தொடர்ப்பு கொள்ள ஆட்சியர் அறிவித்துள்ளார்.
News September 27, 2024
நாகை: விளையாட்டு போட்டிகளில் வெற்றி பெற்றவர்களுக்கு பாராட்டு
நாகப்பட்டினம் மாவட்ட ஆட்சியர் அலுவலகத்தில் மாவட்டத்தில் இதுவரை நடைபெற்ற முதலமைச்சர் கோப்பை மாவட்ட அளவிலான விளையாட்டுப் போட்டிகளில் கலந்து கொண்டு வெற்றி பெற்றவர்களுக்கு, பாராட்டு சான்றிதழ்களை மாவட்ட ஆட்சியர் ஆகாஷ், கீழ்வேளுர் சட்டமன்ற உறுப்பினர் வி.பி.நாகை மாலி ஆகியோர் நேற்று வழங்கினர்.
News September 27, 2024
மரக்கன்றுகள் வழங்கிய மாவட்ட ஆட்சியர்
நாகை மாவட்ட நிர்வாகம் மற்றும் மாற்றுத் திறனாளிகள் நலத்துறை சார்பில் இன்று சர்வதேச காது கேளாதோர் தினம் மற்றும் இந்திய சைகை மொழி தினம் மாவட்ட ஆட்சியரகத்தில் அனுசரிக்கப்பட்டது.
இதையொட்டி மாற்றுத்திறனாளிகளுக்கு மரக்கன்றுகளை மாவட்ட ஆட்சியர் ஆகாஷ் வழங்கினார். அப்போது மாற்றுத் திறனாளிகள் நல அலுவலர் கார்த்திகேயன் உடனிருந்தார்.
News September 26, 2024
நாகை மாவட்டத்தில் தாட்கோ மூலம் ஆதிதிராவிடர் மகளிருக்கு உதவி
தமிழ்நாடு ஆதிதிராவிடர் வீட்டு வசதி மற்றும் மேம்பாட்டுக் கழகம் (தாட்கோ) மூலமாக, ஆதிதிராவிடர் மற்றும் பழங்குடியினர் இனத்தைச் சார்ந்தவர்களுக்கு, நன்னிலம் மகளிர் நில உடமை திட்டத்தின் கீழ், விவசாய நிலம் வாங்குவதற்கு தாட்கோ மானியத்துடன், குறைந்த வட்டியில் கடனாக பெற்று வாங்கலாம்.என ஆட்சியர் ப.ஆகாஷ் தெரிவித்துள்ளார்.
News September 26, 2024
நாகையில் மானியத்துடன் கூடிய வங்கி கடன் திட்டத்தில் விண்ணப்பிக்கலாம்
கால்நடை சார்ந்த கோழி பண்ணை செம்மறி மற்றும் வெள்ளாடு, பன்றி பண்ணை அமைத்தல், தீவன மதிப்பு கூட்டல் போன்ற தொழில் மேற்கொள்ள மானியத்துடன் கூடிய வங்கி கடன் வழங்கும் திட்டத்தின் கீழ் தொழில்முனைவோர், விவசாய உற்பத்தி அமைப்புகள் தனியார் மற்றும் சிறுகுறு நடுத்தர தொழில் நிறுவனங்கள் விண்ணப்பிக்கலாம் என ஆட்சியர் ஆகாஷ் தெரிவித்துள்ளார்.
Featured News
Sorry, no posts matched your criteria.