India's largestHyperlocal short
news App
Get daily news updates that are tailored for you based on your preferred language & location.
download Way2News app now
Mayiladuthurai
News October 9, 2024
மாற்றுத்திறனாளிகளுக்கு குறைதீர்க்கும் கூட்டம்
மயிலாடுதுறை மாவட்டத்தில் மாற்றுத்திறனாளிகளுக்கான சிறப்பு குறைதீர்க்கும் நாள் கூட்டம் மயிலாடுதுறை வருவாய் கோட்டத்திற்கு அக்டோபர் 10ஆம் தேதி அன்றும் , சீர்காழி வருவாய் கோட்டத்திற்கு அக்டோபர் 25ஆம் தேதி அன்றும் நடைபெற உள்ளதாக மாவட்ட ஆட்சியர் மகாபாரதி நேற்று வெளியிட்டுள்ள செய்தி குறிப்பில் தெரிவித்துள்ளார். தொடர்ந்து மாற்றுத்திறனாளிகள் இதனை பயன்படுத்திக் கொள்ளுமாறு வேண்டுகோள் விடுத்துள்ளார்.
News October 9, 2024
மயிலாடுதுறை மக்களுக்கு ஆட்சியர் முக்கிய அறிவிப்பு
மயிலாடுதுறை மாவட்டத்தில் வடகிழக்கு பருவமழை, புயல், வெள்ளம், இடி உள்ளிட்ட இயற்கை இடர்பாடுகள் தொடர்பான முன்னெச்சரிக்கை தகவல்கள் மற்றும் வானிலை முன்னறிவிப்பு, மீனவர்களுக்கான எச்சரிக்கை ஆகியவற்றை அறிந்து கொள்ளும் வகையில் TN-ALERT என்ற கைப்பேசி செயலியை பதிவிறக்கம் செய்து கொள்ளுமாறு ஆட்சியர் மகாபாரதி நேற்று தெரிவித்துள்ளார். பேரிடர் தொடர்பான புகார்களையும் இதில் பதிவு செய்யலாம் என கூறப்பட்டுள்ளது.
News October 9, 2024
மயிலாடுதுறை ரயில் சேவையில் மாற்றம்
மயிலாடுதுறையில் இருந்து தினசரி இரவு 7.35 மணிக்கு புறப்பட்டு தஞ்சாவூர், திருச்சி செல்லும் ரயில் வரும் அக்டோபர் 9ஆம் தேதி முதல் இரவு 7.10 மணிக்கு புறப்படும் என ரயில்வே நிர்வாகம் சார்பில் நேற்று தெரிவிக்கப்பட்டுள்ளது. மேலும் திருச்சிக்கு இரவு 10.30 மணிக்கு இந்த ரயில் சென்றடைகிறது என்பது குறிப்பிடத்தக்கது.
News October 8, 2024
மயிலாடுதுறையில் புகார் தெரிவிக்க தொலைபேசி எண் வெளியீடு
மயிலாடுதுறை மாவட்டத்தில் சாதி வன்கொடுமையால் பாதிக்கப்பட்ட ஆதிதிராவிடர் மற்றும் பழங்குடியினர் இனத்தை சேர்ந்த நபர்கள் மற்றும் பாதிக்கப்பட்டவர்கள் தங்கள் முறையீடுகளை 18002021989 என்ற தொலைபேசி எண் அல்லது 14566 என்ற எண்ணை தொடர்பு கொண்டு புகார் பதிவு செய்யலாம் என மாவட்ட ஆட்சியர் மகாபாரதி நேற்று தெரிவித்துள்ளார். மேலும் அலுவலக நாட்களில் புகார் தெரிவிக்கும்படி கேட்டுக் கொள்ளப்பட்டுள்ளது.
News October 8, 2024
மயிலாடுதுறை மாவட்டத்திற்கு பொறுப்பு அமைச்சர் நியமனம்
தமிழ்நாடு அமைச்சரவையில் சமீபத்தில் மாற்றம் செய்யப்பட்டு புதிய அமைச்சர்கள் பொறுப்பேற்றனர். அமைச்சரவையில் மாற்றம் ஏற்பட்ட பின் முதல் அமைச்சரவை கூட்டம் இன்று நடைபெற்றது. இந்நிலையில், 13 மாவட்டங்களுக்கு பொறுப்பு அமையச்சர்களை நியமனம் செய்து முதல்வர் ஸ்டாலின் உத்தரவிட்டுள்ளார். அதன்படி, மயிலாடுதுறை மாவட்ட பொறுப்பு அமைச்சராக சி.வெ. மெய்யநாதன் நியமிக்கப்பட்டுள்ளார்.
News October 8, 2024
பொதுமக்கள் குறை தீர்க்கும் கூட்டத்தில் 309 மனுக்கள் பெறப்பட்டது
மயிலாடுதுறை மாவட்ட ஆட்சியரக கூட்ட அரங்கில் மாவட்ட ஆட்சியர் ஏ.பி.மகாபாரதி தலைமையில் நடைபெற்ற பொதுமக்கள் குறைதீர்க்கும் நாள் கூட்டத்தில்
309 மனுக்கள் பெறப்பட்டன. வீட்டுமனை பட்டா, முதியோர் உதவித்தொகை, மாற்றுத்திறனாளி உதவித்தொகை, கடன் கேட்டு விண்ணப்பம், விதவை உதவித்தொகை போன்ற மனுக்கள் தரப்பட்டன இவற்றின் மீது உடனடியாக நடவடிக்கை எடுக்க மாவட்ட ஆட்சியர் மகாபாரதி உத்தரவிட்டார்.
News October 6, 2024
கோமல் ரயில்வே கேட் மூடல்
மயிலாடுதுறை குத்தாலம் இடையே ரயில்வே லைனில் நாளை பராமரிப்பு பணிகள் மேற்கொள்ளப்படுகிறது. இதனை முன்னிட்டு தேரழுந்தூர் அருகே கோமல் ரோடு ரயில்வே கேட் நாளை காலை ஒன்பது மணி முதல் மாலை 6 மணி வரை ரயில்வே கேட் மூடப்படுகிறது என்று ரயில்வே நிர்வாகம் அறிவித்துள்ளது. பொதுமக்கள் மாற்று வழியில் செல்லுமாறு கேட்டுக்கொள்ளப்பட்டுள்ளது.
News October 6, 2024
மயிலாடுதுறை விவசாயிகளுக்கு முக்கிய அறிவிப்பு
மயிலாடுதுறை மாவட்டத்தில் தோட்டக்கலை மற்றும் மலைப்பயிர்கள் துறை சார்பில் நடப்பு நிதி ஆண்டில் மாநில தோட்டக்கலை அபிவிருத்தித் திட்டத்தின் கீழ் 50.29 இலட்சம் நிதி ஒதுக்கீடு செய்யப்பட்டுள்ளது. எனவே விவசாயிகள் http//www/tnhorticulture.tn.gov.in/tnhortnet என்ற இணையதளத்தில் பதிவு செய்து பயன் பெறலாம் என மாவட்ட ஆட்சியர் மகாபாரதி நேற்று தெரிவித்துள்ளார்.
News October 6, 2024
வெடி தொழிற்சாலைகளுக்கு பறந்த அதிரடி உத்தரவு
மயிலாடுதுறை மாவட்டத்தில் செயல்பட்டு வரும் 4 வெடிப்பொருள் தயாரிப்பு நிறுவனங்களில் வெடி தயாரிக்கும் தொழிலை தற்காலிகமாக நிறுத்த மாவட்ட ஆட்சியர் மகாபாரதி நேற்று உத்தரவிட்டுள்ளார். தொடர்ந்து சீர்காழி தாலுகா திட்டை கிராமத்தில் உள்ள வெடி தொழிற்சாலை, குத்தாலம் அருகே திருவாலங்காடு பகுதியில் உள்ள 2 தொழிற்சாலை, மூவலூர் கிராமத்தில் உள்ள தொழிற்சாலை உள்ளிட்டவற்றை தற்காலிக நிறுத்தம் செய்ய உத்திரவிடப்பட்டுள்ளது.
News October 6, 2024
மயிலாடுதுறை-சென்னை இடையே புதிய ரயில் அறிமுகம்
திருச்சியில் இருந்து சென்னைக்கு மயிலாடுதுறை வழியாக பகல் நேரத்தில் இன்டர்சிட்டி எக்ஸ்பிரஸ் ரயில் வரும் அக்டோபர் 11-ஆம் தேதி முதல் இயக்கப்படுவதாக தஞ்சை எம்.பி முரசொலி நேற்று செய்தியாளர்களிடம் தெரிவித்தார். திருச்சியிலிருந்து அதிகாலை 5.35 புறப்பட்டு, தஞ்சைக்கு 6.25 மணிக்கு வந்தடையும் ரயில் மயிலாடுதுறை, சீர்காழி வழியாக தாம்பரத்திற்கு மதியம் 12.35 மணிக்கு சென்றடையும் என தெரிவிக்கப்பட்டுள்ளது.
Featured News
Sorry, no posts matched your criteria.