India's largestHyperlocal short
news App
Get daily news updates that are tailored for you based on your preferred language & location.
download Way2News app now
Mayiladuthurai
News June 4, 2024
மயிலாடுதுறை தொகுதியில் காங்கிரஸ் முன்னிலை
மயிலாடுதுறை நாடாளுமன்ற தொகுதிக்குட்பட்ட மயிலாடுதுறை மற்றும் பூம்புகார் சட்டமன்ற தொகுதிகளின் வாக்குகள் எண்ணப்பட்டு வருகிறது. மயிலாடுதுறை சட்டமன்ற தொகுதி வாக்கு எண்ணிக்கையில் காங்கிரஸ் வேட்பாளர் சுதா 4153 வாக்குகள் பெற்று முன்னிலையில் உள்ளார். தொடர்ந்து அதிமுக வேட்பாளர் பாபு 2125 வாக்குகளும், பாமக வேட்பாளர் ம.க. ஸ்டாலின் 1579 வாக்குகளும், நாதக காளியம்மாள் 911 வாக்குகளும் பெற்றுள்ளனர்.
News June 4, 2024
மயிலாடுதுறை தபால் வாக்கு – காங்கிரஸ் முன்னிலை
மயிலாடுதுறை பாராளுமன்ற தொகுதிக்கான தபால் வாக்குகள் எண்ணிக்கையில் காங்கிரஸ் தற்போது முன்னிலை வகித்து வருகிறது. தொடர்ந்து இரண்டு சுற்றுகளாக தபால் வாக்குகள் எண்ணப்பட்டு வருகிறது. மேலும் ஏராளமான அலுவலர்கள் தீவிரமாக தபால் வாக்குகளை எண்ணும் பணியில் ஈடுபட்டுள்ளனர். இன்னும் சற்று நேரத்தில் தபால் வாக்கு முடிவுகள் தெரியவரும் என எதிர்பார்க்கப்படுகிறது.
News June 4, 2024
மயிலாடுதுறையில் வாக்கு எண்ணிக்கை தொடங்கியது!
நாடே எதிர்பார்க்கும் மக்களவைத் தேர்தலுக்கான வாக்கு எண்ணிக்கை சற்றுமுன் தொடங்கியது. அதன்படி, மயிலாடுதுறை மாவட்டத்தில் பதிவான வாக்குகள் எண்ணப்பட்டு வருகின்றன. ஒவ்வொரு சுற்றுகளின் முடிவுக்காக அரசியல் கட்சி முகவர்கள், அரசியல் தலைவர்கள், தொண்டர்கள் ஆவலுடன் எதிர்பார்த்து காத்துக்கொண்டுள்ளனர். முதலில் தபால் வாக்குகள் எண்ணப்படுகின்றன.
News June 4, 2024
கலைஞர் நூற்றாண்டு நிறைவு விழாவில் தருமை ஆதீனம் பங்கேற்பு
கலைஞரின் நூற்றாண்டு நிறைவு விழா நேற்று சென்னையில் சிறப்பாக நடைபெற்றது. இதனிடையே இந்த நிகழ்வில் தருமபுரம் ஆதீனம் 27 வது குருமகா சன்னிதானம் ஸ்ரீலஸ்ரீ மாசிலாமணி தேசிக ஞானசம்பந்த பரமாச்சாரியார் சுவாமிகள் பங்கேற்றார். அதனை தொடர்ந்து சிறப்புரையாற்றினார். இதில் திமுக நிர்வாகிகள் உட்பட ஏராளமானோர் பங்கேற்றனர்.
News June 4, 2024
மயிலாடுதுறையின் மகுடம் யாருக்கு?
2024 மக்களவைத் தேர்தலில் மயிலாடுதுறை தொகுதியில் மொத்தம் 70.06% வாக்குகள் பதிவாகி உள்ளன. வேட்பாளராக காங்கிரஸ் சார்பில் சுதா, அதிமுக சார்பில் பாபு, பாமக சார்பில் ஸ்டாலின், நாம் தமிழர் சார்பில் காளியம்மாள் போட்டியிட்டுள்ளனர். இவர்களில் வெற்றி பெறப்போவது யார்? தேர்தல் முடிவுகளை உடனுக்குடன் தெரிந்துகொள்ள Way2News உடன் இணைந்திருங்கள்.
News June 3, 2024
உங்கள் தொகுதி யாருக்கு?
2019இல் மயிலாடுதுறை மக்களவைத் தொகுதியில் திமுக சார்பில் போட்டியிட்ட ராமலிங்கம் 23.91% வாக்குகள் வித்தியாசத்தில் வெற்றி பெற்றார். அதிமுக சார்பில் போட்டியிட்ட எஸ்.ஆசைமணி 261,314 வாக்குகள் வித்தியாசத்தில் தோல்வி அடைந்தார். இம்முறை 2024 மக்களவைத் தேர்தலில், திமுக – காங்கிரஸ் கூட்டணியில் சுதாவும், அதிமுக சார்பில் பாபுவும் போட்டியிட்டுள்ளனர். இவர்களில் வெற்றி பெறப்போவது யார்?
News June 3, 2024
மயிலாடுதுறையில் முக்கிய குற்றவாளி கைது
மயிலாடுதுறை கச்சேரி சாலையில் நகராட்சிக்கு சொந்தமான கட்டடத்தில் உள்ள தனியார் பிரியாணி கடையில் ஆய்வுக்கு சென்ற நகராட்சி அதிகாரிகளை தாக்கிய விவகாரத்தில் முதல் குற்றவாளியான கடை நிர்வாகி அஃபில் (37). நேற்று கைது செய்யப்பட்டு சிறையில் அடைக்கப்பட்டார்.மேலும் அமர் உள்ளிட்ட சிலரை மயிலாடுதுறை போலீசார் தேடி வருகின்றனர்.
News June 2, 2024
மயிலாடுதுறையில் திமுக சார்பில் ஆலோசனைக் கூட்டம்
மயிலாடுதுறையில் உள்ள தனியார் திருமண மண்டபத்தில் திமுக சார்பில் காணொளி காட்சி வாயிலாக தலைமை முகவர்கள் மற்றும் வாக்கு எண்ணிக்கை முகவர்களுக்கான ஆலோசனைக் கூட்டம் நேற்று நடைபெற்றது. இதில் மாவட்ட செயலாளரும் , பூம்புகார் எம்எல்ஏவுமான நிவேதா முருகன் பங்கேற்று சிறப்புரையாற்றினார். அதனைத் தொடர்ந்து மேற்கொள்ள வேண்டிய பணிகள் குறித்து ஆலோசனைகள் வழங்கப்பட்டது.
News June 2, 2024
மயிலாடுதுறை:இருசக்கர வாகன காப்பகம் மூடல்
மயிலாடுதுறை ரயில் நிலையத்தில் பராமரிப்பு பணிகள் நடைபெறுவதால்
ரயில் நிலையத்தில் உள்ள
இருசக்ககர வாகன காப்பகம் ஜூன்-1 முதல் 90 நாட்களுக்கு ரத்து செய்யப்பட்டுள்ளது.ஏற்கனவே ரயில் நிலையத்தில் வாகனம் நிறுத்தி வைத்துள்ளவர்கள் அதிகபட்சமாக 10 நாட்களுக்குள் தங்கள் வண்டியை எடுத்துக்கொள்ள அறிவுறுத்தப்படுகிறது என ரயில் பயணிகள் சங்கத்தின் சார்பாக தெரிவிக்கப்பட்டுள்ளது.
News June 1, 2024
மயிலாடுதுறையில் பள்ளி மேலாண்மை குழு கூட்டம்
மயிலாடுதுறை மாவட்ட ஆட்சியர் அலுவலக கூட்டரங்கில் மாவட்ட அளவிலான கண்காணிப்பு மற்றும் பள்ளி மேலாண்மை குழு கூட்டம் இன்று நடைபெற்றது. இதில் மாவட்ட ஆட்சியர் ஏ.பி.மகாபாரதி கலந்துகொண்டு பல்வேறு ஆலோசனைகளை வழங்கினார். அப்போது முதன்மை கல்வி அலுவலர் அம்பிகாபதி உட்பட பல்வேறு துறையை சேர்ந்த அதிகாரிகள் உடன் இருந்தனர்.
Featured News
Sorry, no posts matched your criteria.