Krishnagiri

News October 1, 2024

கிருஷ்ணகிரியில் இன்று கனமழைக்கு வாய்ப்பு

குமரிக்கடல் மற்றும் தமிழக பகுதிகளின் மேல் ஒரு வளிமண்டல கீழடுக்கு சுழற்சி நிலவுகிறது. இதனால், தமிழகத்தில் ஒருசில இடங்களிலும், புதுச்சேரி மற்றும் காரைக்கால் பகுதிகளிலும், இடி, மின்னலுடன் கூடிய லேசானது முதல் மிதமான மழை பெய்யக் கூடும் என சென்னை வானிலை ஆய்வு மையம் தெரிவித்துள்ளது. அதன்படி, கிருஷ்ணகிரி மாவட்டத்தில் இன்று கனமழை பெய்ய வாய்ப்பு உள்ளதாக எச்சரிக்கை விடுக்கப்பட்டுள்ளது.

News October 1, 2024

கிருஷ்ணகிரி முதன்மை கல்வி அலுவலருக்கு பதவி உயர்வு

முதன்மைக் கல்வி அலுவலர் மற்றும் அதனையொத்த பதவிகளில் பணிபுரியும் அலுவலர்களுக்கு தமிழ்நாடு பள்ளி கல்வித்துறை சார்பில் பதவி உயர்வு வழங்கப்பட்டுள்ளது. அந்த அடிப்படையில் கிருஷ்ணகிரி மாவட்டத்தில் முதன்மை கல்வி அலுவலராக பணிபுரிந்து வந்த மகேஸ்வரிக்கு இணை இயக்குனர் (பணியாளர்) அரசு தேர்வுகள் இயக்கம் ஆக பதவி உயர்வு பெற்றுள்ளதாக பள்ளிக்கல்வி இயக்குனர் அறிவித்துள்ளார்.

News September 30, 2024

ஓசூரில் டாடா எலக்ட்ரானிக்ஸ் விரிவாக்கம்

ஓசூரில் உள்ள டாடா எலக்ட்ரானிக்ஸ் செல்போன் உற்பத்தி ஆலை ரூ.3,699 கோடியில் விரிவாக்கம் செய்யப்படவுள்ளது. தற்போது 1.49லட்சம் சதுர மீட்டர் பரப்பளவில் உள்ள ஆலை, மேலும் 5 லட்சம் சதுர மீட்டர் பரப்பளவில் விரிவாக்கம் செய்யப்படுவதாக தெரிவிக்கப்பட்டுள்ள நிலையில், ஐ-போன்கள் உற்பத்தி செய்யப்பட உள்ளதாகவும், இதன் மூலம் புதிதாக 80,000 பேருக்கு வேலைவாய்ப்பு கிடைக்கும் எனவும் தெரிவிக்கப்பட்டுள்ளது. ஷேர் பண்ணுங்க.

News September 30, 2024

கிருஷ்ணகிரியில் மக்கள் குறைதீர் கூட்டம்

கிருஷ்ணகிரி மாவட்ட ஆட்சியர் அலுவலக கூட்டரங்கில் நடைபெற்ற மக்கள் குறை தீர்க்கும் நாள் கூட்டத்தில் மாவட்ட ஆட்சித்தலைவர் கே.எம்.சரயு இன்று (30.09.2024) பொதுமக்களிடம் கோரிக்கை மனுக்களை பெற்றுக்கொண்டார். உடன், மாவட்ட வருவாய் அலுவலர் சாதனைக்குறள், தனித்துணை ஆட்சியர் (சமூக பாதுகாப்புத்திட்டம்) பன்னீர்செல்வம் உள்ளிட்ட பலர் இருந்தனர்.

News September 30, 2024

தீ விபத்து தொடர்பாக விரைவிசாரணை துவக்கம்

கிருஷ்ணகிரி மாவட்டம் ஓசூர் அருகே உள்ள திம்ஜே பள்ளியில் டாடா எலக்ட்ரானிக்ஸ் தயாரிப்பு தொழிற்சாலையில் சனிக்கிழமை ஏற்பட்ட தீ விபத்து குறித்து அரசு தடயவியல் துறை அதிகாரிகள் விசாரணையை தொடங்க உள்ளனர். தற்போது தீ முற்றிலும் அணைக்கப்பட்டு உள்ளதாகவும், மருத்துவமனையில் அனுமதிக்கப்பட்ட தொழிலாளர்கள் விரைவில் டிஸ்சார்ஜ் செய்யப்படுவார்கள் எனவும் மாவட்ட ஆட்சியர் சரயு தெரிவித்துள்ளார்.

News September 30, 2024

கல்வி மற்றும் திருமண உதவித்தொகை வழங்கிய ஆட்சியர்

கிருஷ்ணகிரி மாவட்ட ஆட்சியர் அலுவலக கூட்டரங்கில் நடைபெற்ற மக்கள் குறை தீர்க்கும் நாள் கூட்டத்தில், தாட்கோ துறை சார்பாக 8 பயனாளிகளுக்கு ரூ.76 ஆயிரத்து 500 மதிப்பில் தற்காலிக ஊனம், கல்வி மற்றும் திருமண உதவித்தொகைக்கான காசோலைகளை மாவட்ட ஆட்சித்தலைவர் கே.எம்.சரயு இன்று (30.09.2024) வழங்கினார். உடன், மாவட்ட வருவாய் அலுவலர் சாதனைக்குறள், தாட்கோ மாவட்ட பொது மேலாளர் வேல்முருகன் ஆகியோர் உள்ளனர்.

News September 30, 2024

ஓசூர் மாநகராட்சியுடன் இணைக்கப்பட்ட 9 ஊராட்சிகள்

ஓசூர் மாநகராட்சியுடன், அச்செட்டிப்பள்ளி, பேகேப்பள்ளி, சென்னசந்திரம், கொத்தகொண்டப்பள்ளி, நல்லூர், ஒன்னல்வாடி, தொரப்பள்ளி, பேரண்டப்பள்ளி, பூனப்பள்ளி ஆகிய 9 ஊராட்சிகளை இணைக்க அரசு முடிவு செய்து நேற்று அறிவிப்பை வெளியிட்டுள்ளது. மாநகராட்சியில் கடந்த 2011 மக்கள் தொகை கணக்கின்படி, 2,45,354 பேர் வசித்து வருகின்றனர். இந்த 9 ஊராட்சிகளையும் இணைத்ததால் மக்கள் தொகை எண்ணிக்கை 2,98,164 ஆக உயரும்.

News September 30, 2024

பயிர்களை சேதப்படுத்தி காட்டு யானைகள் அட்டகாசம்

கிருஷ்ணகிரி மாவட்டம் தேன்கனிக்கோட்டை அருகே உள்ள ஆலள்ளி வனப்பகுதியில் சுற்றி திரிந்த 2 காட்டு யானைகள் அப்பகுதியில் விவசாயிகள் பயிரிட்டிருந்த விளை பயிர்களை சேதப்படுத்தியது. மேலும் அங்கிருந்து குடிநீர் பைப்புகளையும் சேதப்படுத்தியது. இதனால் அப்பகுதி விவசாயிகள் வேதனை அடைந்துள்ளனர். சேதமான பயிர்களுக்கு. இழப்பீடுகளை வழங்க வேண்டும் என விவசாயிகள் வனத்துறைக்கு கோரிக்கை விடுத்துள்ளனர்.

News September 30, 2024

குங்ஃபூ போட்டிகளில் வென்ற மாணவர்களுக்கு பாராட்டு

உத்தரபிரதேசம் மாநிலத்தில் கடந்த 19, 20 மற்றும் 21 ஆகிய தேதிகளில் 15 வது ஆண்டு தேசிய அளவிலான குங்ஃபூ போட்டிகள் நடைபெற்றது. இதில் ஓசூரை சேர்ந்த 18 மாணவர்கள் பங்கேற்று 9 தங்கம், 10 வெள்ளி மற்றும் 14 வெண்கல பதக்கங்களை வென்றனர். அவர்களை ஓசூர் மாநகராட்சி துணை மேயர் ஆனந்தய்யா மாமன்ற உறுப்பினர் மஞ்சம்மாள் மற்றும் கிரிபாபு, கார்த்தி, எலோரா மணி ஆகியோர் நேற்று பாராட்டி வாழ்த்தினர்.

News September 30, 2024

ஆட்சியர் அலுவலக கட்டுப்பாட்டு அறையில் ஆய்வு

கிருஷ்ணகிரி மாவட்டம், தேன்கனிக்கோட்டை வட்டம், ஊடேதுர்க்கம் ஊராட்சி திம்ஜேபள்ளியில் இயங்கி வரும் டாடா எலக்ட்ரானிக்ஸ் நிறுவனத்தில் ஏற்பட்ட தீ விபத்தையட்டி கிருஷ்ணகிரி மாவட்ட ஆட்சியர் அலுவலகத்தில் அமைக்கப்பட்டுள்ள கட்டுப்பாட்டு அறையினை கிருஷ்ணகிரி மாவட்ட தேசிய சுகாதார இயக்க கண்காணிப்பு பணி இயக்குநர் ஷில்பா பிரபாகர் ஆய்வு மேற்கொண்டு தீயணைப்பு பணிகள் குறித்து கிருஷ்ணகிரி ஆட்சியரிடம் கேட்டறிந்தார்.

…

20

…

Featured News

Sorry, no posts matched your criteria.

↑