India's largestHyperlocal short
news App
Get daily news updates that are tailored for you based on your preferred language & location.
download Way2News app now
Krishnagiri
News September 16, 2024
கிருஷ்ணகிரி வனத்துறையினர் நடவடிக்கை
ஆண்டுதோறும் அக்டோபர் மாத இறுதியில் கர்நாடக மாநிலம் பன்னார்கட்டா வனப்பகுதியில் இருந்து 100-க்கும் மேற்பட்ட யானைகள், கிருஷ்ணகிரி மாவட்ட வனப்பகுதிக்குள் வருகின்றன. இந்நிலையில், அடுத்த மாத இறுதியில் யானைகளின் நடமாட்டத்தை கண்காணிக்க வனத்துறையினர் சிறப்பு ஏற்பாடு செய்துள்ளனர். இதற்காக வனப்பகுதியையொட்டிய கிராமங்களில் விழிப்புணர்வு மேற்கொள்ள வனத்துறையினர் நடவடிக்கைகளை மேற்கொண்டு வருகிறார்கள்.
News September 15, 2024
தடகள போட்டியில் அரசு பள்ளி மாணவர்கள் சாதனை
கிருஷ்ணகிரி மாவட்டம் மத்தூரில் நடைபெற்ற சரக அளவிலான தடகள போட்டியில், குணா மெட்ரிக் மேல்நிலைப்பள்ளி மாணவர்கள் மொத்தமாக 57 பக்கங்களை பெற்று சாதனை படைத்துள்ளனர். வெற்றி பெற்ற மாணவ, மாணவிகள், மாவட்ட அளவிலான போட்டிக்கு தகுதி பெற்றுள்ளனர்.போட்டியில் வெற்றி பெற்று பதக்கங்களை வென்ற மாணவர்களை, பள்ளியின் தாளாளர் குண வசந்த்தரசு, அறக்கட்டளை பொருளர் குண. தமிழ் ஆணந்த் உள்ளிட்ட ஆசிரியர்கள் வாழ்த்தினர்.
News September 15, 2024
ஓசூரில் இன்று விநாயகர் சிலைகள் ஊர்வலம்
. ஓசூரில் பல்வேறு இடங்களில் இந்து அமைப்புகள் மற்றும் பக்தர்கள் சார்பில் 100க்கும் மேற்பட்ட விதவிதமான பிரமாண்ட விநாயகர் சிலைகள் வைக்கப்பட்டு 9 நாட்கள் பூஜைகள் நடைபெற்றன. இந்து அமைப்புகள் மற்றும் பக்தர்கள் சார்பில் வைக்கப்பட்டுள்ள 80க்கும் மேற்பட்ட சிலைகள் ஊர்வலமாக கொண்டு சென்று நீர்நிலைகளில் இன்று கரைக்கப்பட உள்ளது. மேலும், 1,500 போலீசார் பாதுகாப்பு பணிக்காக குவிக்கப்பட்டு உள்ளனர்.
News September 15, 2024
கிருஷ்ணகிரியில் 4,286 பேர் தேர்வு எழுதவில்லை
டிஎன்பிஎஸ்சி குரூப் 2 மற்றும் குரூப் 2ஏ பதவிகளுக்கான எழுத்து தேர்வு நேற்று நடந்தது. கிருஷ்ணகிரி மாவட்டத்தில் அமைக்கப்பட்ட 52 தேர்வு மையங்களில் 15,248 பேர் தேர்வு எழுத அனுமதி சீட்டு வழங்கப்பட்டிருந்தது. இதில், 11,062 பேர் தேர்வு எழுதிய நிலையில் 4,286 பேர் தேர்வு எழுத வரவில்லை. மேலும், கிருஷ்ணகிரி அரசு ஆண்கள் பள்ளியில் மாவட்ட ஆட்சியர் சரயு நேரில் பார்வையிட்டு ஆய்வு செய்தார்
News September 14, 2024
அரசின் சாதனை விளக்க புகைப்படக் கண்காட்சி திறப்பு
கிருஷ்ணகிரி அரசு ஆடவர் கலைக் கல்லூரி மைதானத்தில் 30ஆவது அகில இந்திய மாங்கனி கண்காட்சி வளாகத்தில் செய்தி மக்கள் தொடர்புத்துறை சார்பாக அமைக்கப்பட்டுள்ள தமிழக அரசின் சாதனை விளக்க புகைப்படக் கண்காட்சியை உணவு மற்றும் உணவு பொருள் வழங்கல் துறை அமைச்சர் அர.சக்கரபாணி, மாவட்ட ஆட்சித்தலைவர் கே.எம்.சரயு இ.ஆ.ப., கிருஷ்ணகிரி எம்.பி. கே.கோபிநாத், பர்கூர் எம்எல்ஏ தே.மதியழகன் உள்ளிட்ட பலர் திறந்து வைத்தனர்.
News September 14, 2024
இலவச கண் சிகிச்சை பரிசோதனை முகாம்
கிருஷ்ணகிரி நகராட்சிக்கு உட்பட்ட வார்டு எண் 27ல் சபரி கண் மருத்துவமனை சார்பில் இலவச கண் பரிசோதனை முகாம் நடைபெற்றது. இந்நிகழ்ச்சியில் சிறப்பு அழைப்பாளராக கிருஷ்ணகிரி நகர மன்ற தலைவர் பரிதா நவாப் அவர்கள் இலவச கண் சிகிச்சை முகாமை துவக்கி வைத்தார். ரசூல் கமிட்டி தலைவர்கள் மற்றும் நகர மன்ற உறுப்பினர் பிரதோஸ்கான் மற்றும் பொதுமக்கள் கலந்து கொண்டு இலவச கண் சிகிச்சை முகாமில் பயன்பெற்றனர்.
News September 14, 2024
கிருஷ்ணகிரியில் இன்று குருப் 2, குருப் 2ஏ தோ்வு
கிருஷ்ணகிரி மாவட்டத்தில் இன்று குருப் 2, குருப் 2ஏ தோ்வு நடைபெறுகிறது. இந்த தோ்வை எழுத கிருஷ்ணகிரி வட்டத்தில் 6,784 போ், ஒசூா் வட்டத்தில் 5,280 போ், போச்சம்பள்ளி வட்டத்தில் 3,284 போ் என மொத்தம் 52 தோ்வு மையங்களில் 15,348 போ் விண்ணப்பித்துள்ளதாக ஆட்சியர் தெரிவித்துள்ளார். தேர்வர்கள் காலை 9 மணிக்குள் தேர்வு மையத்திற்கு வர வேண்டும் என அறிவுறுத்தப்பட்டுள்ளது.
News September 14, 2024
கிருஷ்ணகிரியில் 30-வது அகில இந்திய மாங்கனி கண்காட்சி
கிருஷ்ணகிரியில் சென்னை சாலையில் உள்ள அரசு ஆடவர் கலை கல்லூரியில் 30-வது அகில இந்திய மாங்கனி கண்காட்சி தொடக்க விழா நேற்று நடந்தது. இதற்கு கலெக்டர் சரயு தலைமை தாங்கினார். கோபிநாத் எம்.பி., எம்.எல்.ஏ.க்கள் டி.மதியழகன், டி.ராமச்சந்திரன் ஆகியோர் முன்னிலை வகித்தனர். விழாவில் தமிழக உணவுத்துறை அமைச்சரும், மாவட்ட பொறுப்பு அமைச்சருமான அர.சக்கரபாணி கலந்து கொண்டு கண்காட்சியை தொடங்கி வைத்தார்.
News September 13, 2024
உயர் நீதிமன்றத்தில் தமிழக அரசு விளக்கம்
கிருஷ்ணகிரி பாலியல் விவகாரம் மிகவும் தீவிரமானது என்று சென்னை உயர்நீதிமன்றத்தில் நேற்று நடந்த வழக்கு விசாரணையில் நீதிமன்றம் பக்கத்தில் நாங்களும் நிற்கிறோம். நீதிமன்ற உத்தரவுப்படி பாதிக்கப்பட்ட மாணவிகளுக்கு இடைக்கால நிவாரணம் வழங்கிவிட்டோம். பள்ளி முதல்வர் மற்றும் தாளாளர் தனக்கு பாலியல் தொல்லை அளித்ததாக மாணவி வாக்குமூலம் தந்துள்ளதாக சென்னை உயர்நீதிமன்றத்தில் தமிழக அரசு தனது வாதத்தில் தெரிவித்துள்ளது.
News September 13, 2024
ராயக்கோட்டை அருகே விபத்தில் பெண் பலி
சொன்னம்பட்டி கிராமத்தை சேர்ந்தவர் கண்ணூரம்மாள்(28). சூளகுண்டா கிராமத்தை சேர்ந்தவர் மாதம்மாள்(24). இவர்கள் இருவரும் ராயக்கோட்டை அருகே உள்ள டாடா எலெக்ட்ரானிக் கம்பெனியில் செக்குரிட்டியாக வேலை செய்து வந்தனர். இன்று அதிகாலை ஸ்கூட்டரில் வேலைக்கு சென்ற 2 பேரும் சாலை சென்டர் மீடியனில் மோதி விழுந்ததில் கண்ணூரம்மாள் பலியானார். தொடர்ந்து மாதம்மள் மருத்துவமனையில் சிகிச்சை பெற்று வருகிறார்.
Featured News
Sorry, no posts matched your criteria.