India's largestHyperlocal short
news App
Get daily news updates that are tailored for you based on your preferred language & location.
download Way2News app now
Dindigul
News March 24, 2024
மக்கள் கூடும் இடங்களில் விழிப்புணர்வு பலகை
திண்டுக்கலில் இன்று மாநகராட்சிக்குட்பட்ட காமராஜர் பேருந்து நிலையத்திலும், ரயில்வே நிலையம், மேலும் மக்கள் அதிகம் கூடும் அரசு அலுவலகங்கள், திரையரங்கம், அரசு அலுவலகம், அரசு மருத்துவமனை போன்ற இடங்களில் வாக்களிப்பது குறித்த விழிப்புணர்வு பலகை மாவட்ட தேர்தல் அலுவலர் மற்றும் மாவட்ட ஆட்சியர் சார்பில் விழிப்புணர்வு பலகைகள் வைக்கப்பட்டுள்ளது.
News March 24, 2024
கொடைக்கானல் மலையில் கடும் புகை மூட்டம்
பழனி சவாரிக்கு மலைப்பகுதியில் காட்டு தீ பற்றி எரிந்தது. வனத்துறையினர், கிராம மக்கள் போராடிய தீயை அனைத்து நிலையில் இன்று புகை மூட்டமாக காணப்பட்டது. மலையிலிருந்து வெளியேறிய புகை வின்னி முட்டும் அளவிற்கு சென்றது. காட்டு தீயால் ஏராளமான மரங்கள், மூலிகை செடிகள் கருகி நாசமாகின. வனத்துறையினர் அடர் வனப்பகுதியில் தீ பிடிக்காமல் தடுக்க கண்காணிப்பு பணியை மேற்கொண்டுள்ளனர்.
News March 24, 2024
பழனியில் விழாக்கோலம் பூண்டது
திண்டுக்கல் மாவட்டம் பழனி அருள்மிகு தண்டாயுதபாணி திருக்கோவிலில் இன்று மாலை பங்குனி உத்திர திருவிழாவின் முக்கிய நிகழ்வான பங்குனி உத்திர தேரோட்டம் நடைபெற உள்ளது. இதனை முன்னிட்டு பல்லாயிரக்கணக்கான பக்தர்கள் காவடி எடுத்தும், பால்குடம் எடுத்தும் பழனியை நோக்கி குவிந்த வண்ணம் உள்ளனர். அவர்கள் தீர்த்தம் எடுத்தும் காவடி எடுத்தும் ஆடிப்பாடி வருவதால் பழனி நகரமே விழாக்கோலம் பூண்டது.
News March 24, 2024
வாக்களிக்க ஊதியத்துடன் விடுமுறை
தமிழ்நாடு, புதுச்சேரியில் ஒரே கட்டமாக ஏப்ரல் 19 இல் வாக்குப் பதிவு நடைபெறுகிறது. 1951 இல் உருவாக்கப்பட்ட மக்கள் பிரதிநிதித்துவ சட்டம் பிரிவு 135-பி இன் கீழ் வாக்காளர்கள் வாக்களிப்பதற்கு வசதியாக தேர்தல் தினத்தன்று அனைத்து வகையான நிறுவனங்களில் பணிபுரியும் பணியாளர்களுக்கு சம்பளத்துடன் கூடிய விடுப்பு அளிக்க வேண்டும். இந்த விதிகளை மீறும் நிறுவனங்களுக்கு ரூ.500 வரை அபராதம் விதிக்கப்படும்.
News March 24, 2024
திண்டுக்கல்: 978 துப்பாக்கிகள் ஒப்படைப்பு
2024 மக்களவை தேர்தலை முன்னிட்டு திண்டுக்கல் தாலுகா போலீஸ் இன்ஸ்பெக்டர் சந்திரமோகன் முன்னிலையில் 88 துப்பாக்கிகளும், நத்தம் போலீஸ் இன்ஸ்பெக்டர் தங்க முனியசாமி, சாணார்பட்டி போலீஸ் சப்-இன்ஸ்பெக்டர் ராஜேந்திரன் ஆகியோர் முன்னிலையில் 25 துப்பாக்கிகளும் என திண்டுக்கல் மாவட்டத்தில் 36 போலீஸ் நிலையத்தில் 978 துப்பாக்கிகளும் அந்தந்த காவல் நிலையத்தில் ஒப்படைக்கப்பட்டது.
News March 24, 2024
நாம் தமிழர் வேட்பாளர் அறிவிப்பு
நாம் தமிழர் கட்சி சார்பில் தமிழ்நாடு மற்றும் புதுச்சேரி மக்களவைத் தொகுதியில் போட்டியிடும் வேட்பாளர்களை அக்கட்சியின் ஒருங்கிணைப்பாளர் சீமான் அறிமுகம் செய்து வைத்தார். அதன்படி, திண்டுக்கல்லில் மருத்துவர் கைலைராஜன் துரைராஜன் போட்டியிடுவதாக அறிவிக்கப்பட்டுள்ளது.இத்தேர்தலில் கரும்பு விவசாயி சின்னம் வேறு கட்சிக்கு ஒதுக்கப்பட்டதால், நாம் தமிழர் கட்சிக்கு மைக் சின்னம் ஒதுக்கப்பட்டுள்ளது குறிப்பிடத்தக்கது.
News March 24, 2024
திண்டுக்கல்: இருவர் மீது சரமாரி தாக்குதல்
பழனி அடிவாரம் பகுதியைச் சேர்ந்த பாலசுப்பிரமணியம், மணி ஆகிய இருவரும் நேற்று சாலையில் நடந்து சென்றனர். அப்போது அவ்வழியே மதுபோதையில் வந்த 5 பேர் கொண்ட கும்பல் வழிமறித்து தாக்குதல் நடத்தியதில் இருவரும் ரத்தகாயத்துடன் பழனி அரசு மருத்துவமனையில் அனுமதிக்கப்பட்டனர். இச்சம்பவம் குறித்து போலீசார் வழக்குப்பதிவு செய்து தீவிர விசாரணை நடத்தி வருகின்றனர்.
News March 23, 2024
பழனி தேரோட்டத்தை காண எல்.ஈ. டி.திரை
பழனியில் பங்குனி திருவிழா வெகு விமர்சையாக நடைபெற்று வருகிறது. இதில் ஏராளமான பக்தர்கள் காவடி எடுத்து முருகப்பெருமானை தரிசனம் செய்து வருகின்றனர். நாளை பங்குனி தேரோட்டம் நடைபெறுவதை முன்னிட்டு ஏராளமான பக்தர்கள் வருகை தருவர்என எதிர்பார்க்கப்படுகிறது. இதனையடுத்து திருக்கோயில் நிர்வாகம் சார்பில் பக்தர்கள் தேரோட்ட நிகழ்வை காண 4 இடங்களில் எல்.ஈடி.திரை பொருத்தும் பணி நடைபெற்று வருகிறது.
News March 23, 2024
திண்டுக்கல்: எஸ்டிபிஐ வேட்பாளர் அறிமுக கூட்டம்!
மக்களவைத் தேர்தலில் திண்டுக்கல் மக்களவைத் தொகுதியில் அதிமுக கூட்டணி சார்பில் எஸ்டிபிஐ கட்சி போட்டியிடுகிறது. இந்த கட்சி சார்பில் முகமது முபாரக் வேட்பாளராக அறிவிக்கப்பட்டுள்ளார். இதையொட்டி திண்டுக்கல் நத்தம் சாலையில் உள்ள அதிமுக கட்சி அலுவலகத்தில் வேட்பாளர் அறிமுக கூட்டம் இன்று நடைபெற்றது. இதில் மாவட்டத்தின் பல்வேறு பகுதிகளில் இருந்து கட்சி பொறுப்பாளர்கள் வருகை தந்திருந்தனர்.
News March 23, 2024
திண்டுக்கல்: பாமக வேட்பாளர் அறிமுக கூட்டம்
திண்டுக்கல் மாவட்டத்தில் NDA கூட்டணியில் பாமக சார்பில் போட்டியிடும் வேட்பாளர் அறிமுக கூட்டம் இன்று நடைபெற்றது. இதில், பாஜக நிர்வாகிகள், பாமக வேட்பாளர் திலக பாமா உள்ளிட்ட பலரும் கலந்துகொண்டனர். பின்பு செய்தியாளர்களை சந்தித்த நிர்வாகிகள், பாஜக மக்களின் ஆதரவை பெற்று வெற்றி பெறும் என தெரிவித்தனர்.
Featured News
Sorry, no posts matched your criteria.