India's largestHyperlocal short
news App
Get daily news updates that are tailored for you based on your preferred language & location.
download Way2News app now
Dindigul
News April 20, 2024
திண்டுக்கல்: பேரூராட்சி தலைவர் விரட்டியடிப்பு
திண்டுக்கல் மாவட்டம், அகரம் பேரூராட்சிக்குட்பட்ட கருங்கல்பட்டியில் இன்று தேர்தல் காழ்ப்புணர்ச்சி காரணமாக அதிமுகவை சேர்ந்த குழந்தை, ராஜமாணிக்கம், சவரிமுத்து ஞானமணி, ஆகிய மூன்று பேரை அகரம் பேரூராட்சி தலைவர் நந்தகுமார் கும்பலுடன் வீட்டுக்குள் புகுந்து தாக்கியுள்ளார். அலறல் சத்தம் கேட்டு வந்த மக்கள் பேரூராட்சி தலைவரை ஓட ஓட விரட்டியடித்தனர்.
News April 20, 2024
திண்டுக்கல் மாநகராட்சி பகுதியில் இறைச்சி கடை இயங்காது
திண்டுக்கல் மாநகராட்சி ஆணையர் இன்று 20.04.2024- வெளியிட்ட செய்திகுறிப்பில் நாளை 21.04.2024-மகாவீரர் ஜெயந்தியை முன்னிட்டு மாநகராட்சி பகுதியில் இறைச்சிக்கடை திறந்து விற்பனை செய்யக்கூடாது எனவும், ஆடு, மாடு, பன்றி போன்ற எந்த இறைச்சி கடையும் இயங்கினால் இறைச்சியை பறிமுதல் செய்து அபதாரம் விதிக்கப்படும் என அறிவித்துள்ளார். அதே போல் டாஸ்மாக் கடையும் இயங்காது என மாவட்ட நிர்வாகம் அறிவித்துள்ளது.
News April 20, 2024
திண்டுக்கல் பாராளுமன்ற தேர்தல் இ. வி. எம் இயந்திரம் வந்தது
திண்டுக்கல் மக்களவை தேர்தல் நேற்று முடிவடைந்தது.இன்று. 20.04.2024- காலை ஒவ்வொரு சட்ட மன்ற தொகுதியில் இருந்தும் (reser unit )மின்னணு வாக்குப்பதிவு இயந்திரங்கள் மாவட்ட ஆட்சியர் அலுவலக வளாகத்தில் உள்ள தேர்தல் இயந்திரம் வைப்பறைக்கு தேர்தல் அலுவலரும், வட்டாச்சியர் சரவணன் முன்னிலையில் வைக்கப்பட்டது. இந்த நிகழ்ச்சியில் அரசியல் பிரமுகர்கள் கலந்து கொண்டனர்.மேலும் அங்கு போலீசார் குவிக்கப்பட்டுள்ளனர்.
News April 20, 2024
திண்டுக்கல் மாவட்டத்தில் வாக்குபதிவு நிறைவு
திண்டுக்கல் மாவட்டத்தில் மக்களவைத் தேர்தலுக்கான வாக்குப் பதிவு 6 மணியுடன் நிறைவு பெற்றது. நேற்று காலை 7 மணிக்குத் தொடங்கிய தேர்தல் மாலை 6 மணி வரை நடைபெற்றது. காலை முதலே பொதுமக்கள் நீண்ட வரிசையில் நின்று 70%தங்களது ஜனநாயகக் கடமையை ஆற்றினர். இதில் சில பகுதிகளில் வாக்கு இயந்திரங்களில் கோளாறு ஏற்பட்டாலும், பெரும்பாலன இடங்களில் அமைதியான முறையில் வாக்குப் பதிவு நடந்ததாக அதிகாரிகள் கூறியுள்ளனர்.
News April 19, 2024
திண்டுக்கல்: பாதுகாப்பு பணி தீவிரம்
திண்டுக்கல்லில் இன்று மாலையுடன் வாக்குப்பதிவு முடிந்து மின்னணு வாக்குப்பதிவு இயந்திரங்கள் சத்திரம் அருகே உள்ள அண்ணா பொறியியல் கல்லூரியில் வைக்கப்பட உள்ளது. இதற்காக இங்கு நான்கு அடுக்கு பாதுகாப்பு வேலிகள் அமைக்கப்பட்டு வருகிறது. இரவிலும் பகல் போல் மின்விளக்குகள் அமைக்கப்பட்டு வருகிறது.
News April 19, 2024
முதல் தலைமுறை வாக்காளர்கள்
மக்களவை தேர்தலை முன்னிட்டு இன்று (ஏப்ரல்-19) திண்டுக்கல் ஆர்.எம்.காலனி பகுதியில் உள்ள ஜான்பால் பள்ளியின் வாக்குச்சாவடி மையத்தில் தங்களது முதல் வாக்கை பதிவு செய்ய ஆர்வமுடன் பெண்கள் வந்திருந்தனர். வரிசையில் நின்று தங்களது வாக்கை செலுத்தினர். பின்னர் அனைவரும் ஒன்றாக நின்று வாக்காளர் அட்டையை கையில் வைத்தபடி செல்ஃபி எடுத்து கொண்டனர்.
News April 19, 2024
திண்டுக்கல்: சர்கார் பட பாணியில் கள்ள ஓட்டு?
பழனி அருகே ஆயக்குடி 44 வது வாக்குச்சாவடியில் விஜய் ரசிகர் மன்றம் ( தமிழக வெற்றி கழகம்) நகர துணை தலைவர் சரவணன் வாக்கு செலுத்த வந்தபோது சரவணன் உடைய வாக்கை வேறொருவர் செலுத்தி விட்டதாக கூறியதால் அதிர்ச்சி அடைந்தார். இதனால் வாக்களிக்க முடியாமல் போன இளைஞருக்கு ஆதரவாக பொதுமக்கள் வாக்குவாதத்தில் ஈடுபட்டனர். இச்சம்பவம் அப்பகுதியில் பெரும் பரபரப்பை ஏற்படுத்தியுள்ளது.
News April 19, 2024
திண்டுக்கல்: குடும்பத்துடன் வந்த முன்னாள் அமைச்சர்
திண்டுக்கல் அரசு பள்ளியில் அதிமுக முன்னாள் அமைச்சர் திண்டுக்கல் சீனிவாசன் தனது குடும்பத்துடன் வாக்கு செலுத்த வருகை தந்தார். காலையில் வாக்கு சாவடிக்கு மனைவி மற்றும் மகன்களுடன் முன்னாள் அமைச்சர் சீனிவாசன் வருகை தந்தார். பின்னர் மக்களுடன் மக்களாக நீண்ட வரிசையில் நின்று வாக்கு செலுத்தி விட்டுச் சென்றனர்.
News April 19, 2024
திண்டுக்கல்: கருப்பு கொடிகட்டி தேர்தல் புறக்கணிப்பு
திண்டுக்கல் மாநகராட்சிக்கு உட்பட்ட 10வது வார்டு சின்ன அயன்குளம் பகுதியில் குடிநீர், சாக்கடை கழிவறை உள்ளிட்ட அடிப்படை வசதிகள் இல்லை என கூறப்படுகிறது. இதனால், வாக்களிக்க செல்ல போவதில்லை எனக்கூறி கருப்பு கொடி கட்டி தேர்தல் புறக்கணிப்பு செய்வதாக 10 வார்டு பொதுமக்கள் தெரிவித்துள்ளனர். இச்சம்பவம் அப்பகுதியில் பெரும் பரபரப்பை ஏற்படுத்தியுள்ளது.
News April 19, 2024
திண்டுக்கல்: 102 வயதில் வாக்களித்த மூதாட்டி
இன்று தமிழகம் முழுவதும் பாராளுமன்ற தேர்தல் காலை முதல் தொடங்கி விறுவிறுப்பாக நடைபெற்று வருகிறது. இதன் அடிப்படையில் திண்டுக்கல் மாவட்ட ரெட்டியார்சத்திரம் அருகே ராமலிங்கம் பட்டியில் 102 வயது மூதாட்டி சின்னம்மாள், காலையிலேயே வரிசையில் நின்று தனது வாக்கை செலுத்தினார். முதியோர்கள் வாக்களிக்க அந்த மையத்தில் அனைத்து ஏற்பாடுகளும் செய்யப்பட்டு இருந்தது.
Featured News
Sorry, no posts matched your criteria.