• Download our app

Dharmapuri

News May 3, 2024

குடிநீர் பிரச்சனை அதிகாரிகள் ஆலோசனை

image

தருமபுரி கலெக்டர் அலுவலக கூட்ட அரங்கில் தர்மபுரி, கிருஷ்ணகிரி, சேலம் ஆகிய 3 மாவட்டங்களில் கோடை காலத்தில் சீரான குடிநீர் வழங்குவது குறித்து ஆய்வு கூட்டம் நடைபெற்றது. ஊராட்சி துறை முதன்மை செயலாளர் செந்தில்குமார் தலைமையில் நடந்த கூட்டத்தில், தருமபுரி கலெக்டர் சாந்தி, கிருஷ்ணகிரி கூடுதல் ஆட்சியர் வந்தனா கார்க், சேலம் கூடுதல் ஆட்சியில் உள்ளிட்டர் கலந்து கொண்டனர்.

News May 3, 2024

தர்மபுரியில் கனமழைக்கு வாய்ப்பு

image

தர்மபுரியில் அடுத்த 4 நாட்களுக்கு (மே.6) இடி, மின்னலுடன் கூடிய பலத்த காற்றுடன் (மணிக்கு 30 கி.மீ முதல் 40 கி.மீ வரை) ஓரிரு இடங்களில் மழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. மேலும், தர்மபுரி மாவட்டத்தில் மே.7 ஆம் தேதி கனமழைக்கு வாய்ப்புள்ளதாக தகவல் வெளியாகியுள்ளது. நேற்று (மே.02), தர்மபுரியில் ஓரிரு இடங்களில் காற்றுடன் பலத்த மழை பெய்தது குறிப்பிடத்தக்கது.

News May 3, 2024

தீ தடுப்பு மற்றும் தொழிலக பாதுகாப்பு குழு கூட்டம்

image

தருமபுரி கலெக்டர் அலுவலக கூட்டரங்கில் மாவட்ட தீ தடுப்பு மற்றும் தொழிலக பாதுகாப்பு குழு கூட்டம் மாவட்ட ஆட்சியர் சாந்தி தலைமையில் இன்று நடைபெற்றது. மாவட்ட ஆட்சியரின் நேர்முக உதவியாளர் சையது முகைதின் இப்ராகிம், வருவாய் கோட்டாட்சியர்கள் வில்சன் ராஜசேகர், காயத்ரி, மருத்துவம்
மற்றும் ஊரக நலப்பணிகள்
இணை இயக்குநர் சாந்தி மற்றும் அரசு உயர் அலுவலர்கள், வெடி மருந்து குடோன் உரிமையாளர்கள் கலந்து கொண்டனர்.

News May 3, 2024

அரூர்: மது விற்ற வழக்கில் 87 பேர் கைது

image

அரூர் மதுவிலக்கு அமல் பிரிவு இன்ஸ்பெக்டர் வசந்தா
தலைமையிலான போலீசார் கடந்த மாதம் முழுவதும் அரூர் கோட்டத்தில் பல்வேறு பகுதிகளில் சோதனையில் ஈடுபட்டனர். இதில் சாராயம், மதுபாட்டில்களை கள்ளத்தனமாக அதிக விலைக்குவிற்ற வழக்கில் 12 பெண்கள் உள்பட 87 பேரை கைது செய்துள்ளனர். அவர்களிடமிருந்து 1,869 மதுபாட்டில்கள், 110 லிட்டர் சாராயம், 900 லிட்டர் சாராய ஊறல் 3 டூவிலர் ஆகியவற்றை பறிமுதல் செய்துள்ளனர்.

News May 2, 2024

தர்மபுரி சுற்றுவட்ட பகுதியில் சாரல் மழை

image

தர்மபுரி மாவட்டத்தில் நாளுக்கு நாள் வெயிலின் தாக்கம் அதிகரித்து வருகிறது. இந்நிலையில் இன்று அதே போல் தருமபுரி மாவட்டத்தில் இன்று வெயிலின் தாக்கம் 108 டிகிரியாக அதிகரித்தது. அதே போல் இன்று மாலை 5 மணி அளவில் மேகங்கள் கருமேகம் கூட்டம் சாய்ந்து உள்ளது. தற்போது ஆறு மணி அளவில் தர்மபுரி சுற்றுவட்ட பகுதியில் சாரல் மழை பெய்து வருகிறது. இதனால் பொதுமக்களும் விவசாயிகளும் மகிழ்ச்சி அடைந்துள்ளனர்.

News May 2, 2024

தருமபுரி: பெற்றோருக்கு பாத பூஜை செய்த மாணவர்கள்

image

கிருஷ்ணா பாரா மெடிக்கல் கல்லூரியில் இன்று முதல் பாரா மெடிக்கல் கல்லூரி பல்கலைகழக தேர்வுகள் நடைபெற உள்ளது. இதில் இக்கல்லூரி மாணவ மாணவிகள் 267 பேர் தேர்வு எழுதுகின்றனர். இந்த தேர்வுகள் 11ம் தேதி வரை நடைபெறுகிறது. முன்னதாக பள்ளி வளாகத்தில் தங்களது பெற்றோர்களை, மாணவ மாணவிகள் வரிசையாக நிற்க வைத்து அவர்களின் பாதங்களது பாதங்களை கழுவி குங்குமம் வைத்து மலர் தூவி ஆசி பெற்றனர்.

News May 2, 2024

தருமபுரி மாவட்டத்திற்கு ஆரஞ்சு அலர்ட்!

image

வடமாநிலங்களுக்கு மட்டுமே கொடுக்கப்பட்டு வந்த வெப்ப அலைக்கான ஆரஞ்சு அலர்ட் தற்போது முதன்முதலாக தமிழகத்தில் விடுக்கப்பட்டுள்ளது. அதன்படி தருமபுரிக்கு இன்று (மே.02) ஆரஞ்சு அலர்ட் விடுக்கப்பட்டுள்ளது. இன்றும் நாளையும் வெப்ப அலை வீசக்கூடும் என வானிலை ஆய்வு மையம் தெரிவித்துள்ளது. இதனால் மக்கள் கூடுதல் கவனத்துடன் இருக்க வேண்டும் என அறிவுறுத்தப்படுகின்றனர்.

News May 2, 2024

அரூர்: இளைஞர்கள் அமைத்த தெருவிளக்கு

image

அரூர் அருகே உள்ள சோரியம்பட்டி புதூர் மெயின் ரோட்டில் தெரு மின்விளக்கு அமைத்து தர வலியுறுத்தி கடந்த 3 ஆண்டுகளாக அப்பகுதி மக்கள் மோப்பிரிபட்டி பஞ்சாயத்து கிராம சபை கூட்டத்தில் வலியுறுத்தியுள்ளனர்‌.
ஆனால் பஞ்சாயத்து நிர்வாகம் சார்பில் எந்த ஒரு நடவடிக்கையும் எடுக்காத நிலையில் நேற்று(மே 1) அப்பகுதி இளைஞர்கள் ஒன்று சேர்ந்து அப்பகுதிக்கு மின்விளக்கு அமைத்துள்ளனர்.

News May 1, 2024

பென்னாகரம் அருகே பேருந்து ஏறி விவசாயி பலி

image

பென்னாகரம் நல்லாம்பட்டியை சேர்ந்தவர் விவசாயி ஆறுமுகம். இவர் சொந்த வேலை காரணமாக நேற்று(ஏப்.30) மாலை தன பைக்கில் வண்ணாத்திப்பட்டி அருகே வந்தபோது எதிரே வந்த பைக் மோதி தூக்கி வீசப்பட்டு, பின்னால் வந்த அரசு பேருந்து சக்கரத்தில் சிக்கி சம்பவ இடத்திலேயே உயிரிழந்தார். தகவல் அறிந்து வந்த பென்னாகரம் போலீசார் வழக்குப் பதிவு செய்து விசாரணை நடத்தி வருகின்றனர்.

News April 30, 2024

தருமபுரி அருகே பெரியாண்டவர் கோவில் திருவிழா

image

தர்மபுரி வட்டம்,
ஏ.கொல்ல அள்ளி ஊராட்சி குளியனுர் கிராமத்தில் பெரியாண்டவர் திருவிழா இன்று (30.424) 30-க்கும் மேற்பட்ட கிராம மக்கள் ஒன்று சேர்ந்து நூற்றுக்கும் மேற்பட்ட கிடாவெட்டி கோலாகலமாக கொண்டாடினர். இவ்விழாவில் ஆயிரக்கணக்கான பக்தர்கள் கலந்து கொண்டு சாமி தரிசனம் செய்தனர். இவ்விழாவில் கலந்து கொண்ட அனைவருக்கும் விழா குழு சார்பாக அன்னதானம் வழங்கப்பட்டது.

Featured News

Sorry, no posts matched your criteria.

↑