India's largestHyperlocal short
news App
Get daily news updates that are tailored for you based on your preferred language & location.
download Way2News app now
Cuddalore
News August 31, 2024
கடலூர் பழைய கலெக்டர் அலுவலகம் செயல்பட கோரிக்கை
கடலூரில் வாடகை கட்டடங்களில் இயங்கும் அரசு அலுவலகங்கள் ஆங்கிலேயர் காலத்தில் கட்டப்பட்ட பழைய கலெக்டர் அலுவலகத்தில் செயல்பட கலெக்டர் நடவடிக்கை எடுக்க வேண்டும் என, கோரிக்கை எழுந்துள்ளது. புதிய கலெக்டர் அலுவலகம் கட்டப்பட்டதால், 127 ஆண்டுகள் கடந்த பழைய கலெக்டர் அலுவலகம் பராமரிப்பு இன்றி உள்ளது. அரசு அலுவலகங்களை பழைய கலெக்டர் அலுவலகத்திற்கு கொண்டு வந்தால் பழைய நினைவுச் சின்னமாக இந்த கட்டடம் விளங்கும்.
News August 30, 2024
தீட்சிதர்கள் ரூ.200 வசூல் – பெண் புகார்
சிதம்பரம் நடராஜர் கோயிலில் கனசபை மீது ஏறி தரிசனம் செய்ய உயர்நீதிமன்றம் உத்தரவிட்டிருந்தது. இந்நிலையில், கனகசபை மீது ஏறி சாமி தரிசனம் செய்ய, பக்தர்களிடம் ரூ.200 வசூலிப்பதாக தீட்சிதர்கள் மீது ஜெயஷீலா எனும் பக்தர் புகார் அளித்துள்ளார். இதன் மூலம் இந்த விவகாரம் மீண்டும் வெடித்திருக்கிறது. பக்தர் தொடர்ந்த புகாரில் வழக்கு பதிவு செய்யப்பட்டு விசாரணை நடைபெற்று வருகிறது.
News August 30, 2024
கடலூர் மாவட்டத்தில் மழை அளவு நிலவரம்
கடலூர் மாவட்டத்தில் நேற்று இரவு முதல் இன்று காலை வரை இடி-மின்னலுடன் பலத்த மழை பெய்தது. இதில் இன்று காலை நிலவரப்படி வேப்பூரில் 54 மி.மீ மழையும், கீழ்செருவாயில் 29 மி. மீ, மே.மாத்தூரில் 28 மி.மீ, பெலாந்துறையில் 24.2 மி.மீ, ஸ்ரீமுஷ்ணத்தில் 23.2 மி.மீ, கடலூரில் 19.1 மி.மீ, குறிஞ்சிப்பாடியில் 18 மி.மீ மழை பதிவாகியது.
News August 30, 2024
கடலூர் மத்திய சிறையில் கஞ்சா பறிமுதல்
மத்திய சிறையில் நேற்று சிறை காவலர்கள் ரோந்து சென்றனர். அப்போது முதல் பகுதி சிறை வளாகத்தில் உள்ள மருத்துவமனை அருகில் உள்ள கட்டிடத்தில் கிடந்த கஞ்சா பொட்டலங்களை கைப்பற்றி சிறை அதிகாரிகளிடம் ஒப்படைத்தனர். புகாரின் பேரில் பலத்த பாதுகாப்பு மீறி சிறை மருத்துவமனை கட்டிடத்தில் கஞ்சா பொட்டலம் எப்படி வந்தது என்பது குறித்து கடலூர் முதுநகர் காவல் துறையினர் விசாரித்து வருகின்றனர்.
News August 30, 2024
ரவுடிகளை பிடிக்க எஸ்.பி. அதிரடி நடவடிக்கை
கடலூர் மாவட்டத்தில் கடந்த 7 மாதங்களில் நடந்த 135 திருட்டு சம்பவங்களில் 118 வழக்குகளில் குற்றவாளிகள் கைது செய்யப்பட்டுள்ளனர். மேலும் ரவுடிகளை கட்டுப்படுத்த சிறப்பு படை அமைக்கப்பட்டுள்ளது. இந்த சிறப்பு படையினர் குற்ற செயல்களில் ஈடுபடும் ரவுடிகளை பிடித்து போலீஸ் நிலையத்தில் ஒப்படைக்கும் பணியில் ஈடுபடுவார்கள் என மாவட்ட எஸ்.பி. ராஜாராம் தெரிவித்துள்ளார்.
News August 30, 2024
கடலூர் மார்க்கெட்டில் ஆட்சியர் ஆய்வு
பண்ருட்டி மார்க்கெட் பகுதியினை மாவட்ட ஆட்சித்தலைவர் சிபி ஆதித்யா செந்தில்குமார் அவர்கள் நேற்று (29.08.2024) பார்வையிட்டு ஆய்வு செய்தார். அப்போது அவர் அங்கு விற்பனை செய்யப்படும் காய்கறி உள்ளிட்டவற்றை பார்வையிட்டு ஆய்வு செய்ததுடன், மார்க்கெட்டில் உள்ள அடிப்படை வசதிகள் குறித்து ஆய்வு செய்தார். அப்போது அரசு அதிகாரிகள் பலர் உடன் இருந்தனர்.
News August 30, 2024
மின்சாரம் தாக்கி கேஸ் உரிமையாளர் உயிரிழப்பு
பண்ருட்டி பகுதியை சார்ந்த பிரபுராஜ் பிரபல கேஸ் நிறுவனம் நடத்தி வருகிறார். இன்று இரவு அப்பகுதியில் திடீரென மழை பொழிந்த நிலையில் வெளியில் சென்று வீடு திரும்பிய பிரபுராஜ் தனது வீட்டில் வெளியில் இரும்பு கேட்டை திறந்த பொழுது எதிர்பாராத மின்சாரம் தாக்கி கீழே விழுந்தார். அவரை மீட்டு பண்ருட்டி அரசு மருத்துவமனை கொண்டு சென்றபோது அவர் ஏற்கனவே இறந்துவிட்டதாக மருத்துவர்கள் தெரிவித்தனர்.
News August 30, 2024
விருதாச்சலத்தில் செங்கல்பட்டு மண்டல இயக்குநர் ஆய்வு
ம் நகராட்சியில் செயல்படுத்தப்படும் பல்வேறு பணிகள் குறித்து செங்கல்பட்டு நகராட்சி நிர்வாக மண்டல இயக்குநர் சரவணன் இன்று ஆய்வு மேற்கொண்டார். அப்போது விருதாச்சலம் நகர் மன்ற தலைவர் அன்புமணி முருகதாஸ் நகராட்சி நிர்வாக மண்டல இயக்குநரை சந்தித்தார். சந்திப்பின் போது நகராட்சி ஆணையாளர் மற்றும் பொறியாளர் உடனிருந்தனர்.
News August 30, 2024
விருத்தாசலம் விற்பனை கூடத்திற்கு இன்றைய வரத்து
விருத்தாசலம் ஒழுங்குமுறை விற்பனை கூடத்தில் தினந்தோறும் மார்க்கெட் நிலவரம் அறிவிப்பு மாறுபட்டு வருகிறது. இன்று மணிலா வரத்து 120 மூட்டை, நெல் வரத்து 3100 மூட்டை, எள் வரத்து 140 மூட்டை, உளுந்து வரத்து 25 மூட்டை, கம்பு வரத்து 20 மூட்டை, மக்காச்சோளம் வரத்து 20 மூட்டை, தேங்காய் பருப்பு 10, தட்டை பயிர் 1 மூட்டை என மொத்தம் 3436 வந்துள்ளது.
News August 29, 2024
திருக்குறள் ஒப்புவித்தல் போட்டி – ஆட்சியர் அறிவிப்பு
கடலூர் மாவட்டத்தில் 20224 ஆம் ஆண்டிற்கான 1330 திருக்குறள் ஒப்புவித்தல் போட்டி நடைபெறவுள்ளது. கடலூர் மாவட்டத்தை சேர்ந்த பள்ளி மாணவ மாணவிகள் இதில் பங்கு பெறலாம், மேலும் கடலூர் ஆட்சியரகத்தில் அமைந்துள்ள தமிழ் வளர்ச்சி உதவி இயக்குனர் அலுவலகத்தில் தங்கள் விண்ணப்பங்களை அளிக்கலாம். மேலும் விண்ணப்பிக்க நாளை கடைசி நாள் என மாவட்ட ஆட்சியர் அறிவித்துள்ளார்.
Featured News
Sorry, no posts matched your criteria.