India's largestHyperlocal short
news App
Get daily news updates that are tailored for you based on your preferred language & location.
download Way2News app now
Coimbatore
News November 9, 2024
கோவை இளைஞர்களுக்கு அழைப்பு
முன்னணி ஐடி நிறுவனங்களில் ஒன்றாக காக்னிசண்ட் (Cognizant) உள்ளது. Cognizant Technology Solutions Corporation எனும் இந்த நிறுவனம் கோவையில் இயங்கி வருகிறது. கோவையில் செயல்பட்டு வரும் காக்னிசண்ட் ஐடி நிறுவனம் சார்பில் புதிய வேலைவாய்ப்பு குறித்த அறிவிப்பு வெளியாகி உள்ளது. Excel-ல் 0 முதல் 1 ஆண்டு பணி அனுபவம் கொண்டவர்கள் விண்ணப்பம் செய்யலாம் என்று தெரிவிக்கப்பட்டுள்ளது.
News November 9, 2024
கோவை செல்வராஜ் மறைவு: ஓபிஎஸ் இரங்கல்
கோவையின் முன்னாள் எம்எல்ஏவும், முன்னாள் அதிமுக செய்தித் தொடர்பாளராகவும் கோவை செல்வராஜ் இருந்தார். அதிமுகவில் இருந்து ஓபிஎஸ் பிரிந்தபோது அவரது அணியில் இருந்து வந்தார். அண்மையில் திமுகவில் தன்னை இணைத்துக் கொண்டார். இந்நிலையில் அவர் இன்று மாரடைப்பால் உயிரிழந்தார். இதனிடையே முன்னாள் முதல்வர் ஓபிஎஸ் கோவை செல்வராஜ் மறைவிற்கு இரங்கல் தெரிவித்துள்ளார்.
News November 9, 2024
வரைவு வாக்காளர் பட்டியலில் இடம் பெற அழைப்பு
வரைவு வாக்காளர் பட்டியலில் சுருக்கமுறை திருத்தம் செய்ய நவ. 16, 17. 23, 24 ஆகிய 4 நாட்கள் சிறப்பு முகாம்கள் கோவையிலுள்ள,10 சட்டசபை தொகுதிகளுக்குட்பட்ட அனைத்து ஓட்டுச்சாவடிகளிலும் நடத்தப்படுகிறது. காலை 10 மணி முதல் மாலை 5 மணி வரை நடக்கும் சிறப்பு முகாம்களில் பங்கேற்கலாம். இதில் பங்கேற்று வாக்காளர்கள் தகுந்த படிவங்களில் விண்ணப்பிக்கலாம் என்று கோவை மாவட்ட ஆட்சியர் கிராந்திகுமார் தெரிவித்துள்ளார்.
News November 9, 2024
கோவை Ex கலெக்டர் தலைமை தேர்தல் அலுவலராக நியமனம்
தமிழக தலைமை தேர்தல் அலுவலராக இருந்த சத்திய பிரகாஷ் சாகு சற்று முன்னர் கால்நடை துறைக்கு செயலாளராக இடமாற்றம் செய்யப்பட்டார். இதனைத் தொடர்ந்து, தமிழக தலைமை தேர்தல் அலுவலராக அர்ச்சனா பட்நாயக் ஐஏஎஸ் நியமிக்கப்பட்டுள்ளார். அர்ச்சனா பட்நாயக் ஐஏஎஸ் இதற்கு முன்னர் சில ஆண்டுகள் கோவை மாவட்ட கலெக்டராக பணிபுரிந்து வந்தார் என்பது குறிப்பிடத்தக்கது.
News November 8, 2024
தமிழில் பெயர்ப்பலகை எழுத அறிவுறுத்தல்
கோவை மாவட்டத்தில் செயல்படும் அனைத்து நிறுவனங்கள், கடைகள் தங்களது பெயர்ப் பலகையில் முதலில் தமிழில் எழுத வேண்டும். பின்னர் ஆங்கிலம், அவரவர் விரும்பும் பிற மொழிகளில் பெயர்ப்பலகைகளை வைத்துக் கொள்ளலாம். மேலும்புலம்பெயர் தொழிலாளர் விவரங்களை labour.tn.gov.in/ism என்ற தளத்தில் பதிவு செய்ய வேண்டும்.என்று கோவை தொழிலாளர் உதவி கமிஷனர் காயத்ரி, தெரிவித்துள்ளார்
News November 8, 2024
முன்னாள் எம்எல்ஏ கோவை செல்வராஜ் மாரடைப்பால் மரணம்
கோவை திமுக முன்னாள் எம்எல்ஏ கோவை செல்வராஜ் சற்று முன் மாரடைப்பால் மரணமடைந்தார்.திருப்பதி ஏழுமலையான் கோவிலில் தனது மகன் திருமண விழாவை முடித்துவிட்டு காரில் இருந்து கீழே இறங்கும்போது மாரடைப்பு ஏற்பட்டு உயிர் பிரிந்ததாக தகவல்கள் வெளியாகி உள்ளன. அதிமுகவின் செய்தி தொடர்பாளர்களில் ஒருவராக இருந்த முன்னாள் எம்எல்ஏ கோவை செல்வராஜ் கட்சி பிரிந்தஙபோது ஓபிஎஸ் அணியில் இருந்தார். தற்போது திமுகவில் உள்ளார்.
News November 8, 2024
அமரன் திரைப்படத்தை தடை செய்ய வலியுறுத்தி போராட்டம்
இஸ்லாமியர்களை தீவிரவாதிகளாக சித்தரித்து வெளிவந்துள்ள அமரன் திரைப்படத்தை கண்டித்தும், அமரன் திரைப்படத்தை முதல்வர் பாராட்டியதுடன் இஸ்லாமியர்கள் பற்றி தவறான கருத்துக்கள் அதில் குறிப்பிடப்பட்டுள்ளதை, நீக்க அறிவிக்காததை கண்டித்து எஸ்டிபிஐ கட்சி சார்பில் அமரன் திரைப்படம் திரையிடப்பட்டுள்ள கோவை சாந்தி திரையரங்கை முற்றுகையிட்டு போராட்டம் நடத்தினர்.
News November 8, 2024
கோவை மாநகர் பேருந்துகளில் பஸ் கட்டண உயர்வு
கோவை மாவட்ட மாநகர பேருந்துகளில் தனியார் டவுன் பேருந்துகள் குறைந்தபட்ச கட்டணமாக பத்து ரூபாய் வசூலித்து வருவதால் பொதுமக்கள் அச்சமடைந்துள்ளனர். தட்டி கேட்டாலும் நீங்கள் யாரிடம் வேணா சொல்லுங்கள் என திமிராகவும் தெனாவட்டாகவும் மக்களை பேசி உதாசீனப்படுத்தி வருகிறார்கள். இதற்கு அரசு சிறப்பு கவனம் செலுத்தி பொதுமக்களின் குறைகளை நிவர்த்தி செய்ய வேண்டும் என சமூக ஆர்வலர்கள் கேட்டுக்கொள்கின்றனர்.
News November 8, 2024
சபரிமலை செல்லும் பக்தர்களுக்கு மகிழ்ச்சியான செய்தி
சபரிமலை ஐயப்பன் கோவிலின் மண்டல பூஜை ஒட்டி சபரிமலை செல்லும் பக்தர்களுக்கு கோவையில் இருந்து சிறப்பு பேருந்துகள் நவம்பர் 15ஆம் தேதி முதல் ஜனவரி 16ம் தேதி வரை இயக்கப்படும் என அரசு விரைவு போக்குவரத்து கழகம் அறிவித்துள்ளது. மேலும் SETC இணையதளம் மூலம் 60 நாட்களுக்கு முன்பே முன்பதிவு செய்யும் வசதியும் ஏற்படுத்தப்பட்டுள்ளது. மேலும் தொடர்புக்கு 9445014452, 9445014463 என்ற உதவி எண்ணை தொடர்பு கொள்ளவும்.
News November 8, 2024
கோவை: 8 மாணவா்களுக்கு ரூ.85.89 லட்சத்திற்கு கடன் ஆணை
மாணவர்களுக்கான கல்வி கடன் முகாம் கோவை பிஎஸ்ஜி தொழில்நுட்ப கல்லூரியில் நடைபெற்றது. முகாமில் கோவை கலெக்டர் கிராந்திகுமார் பாடி சிறப்பு விருந்தினராக கலந்து கொண்டு 8 மாணவர்களுக்கு ரூ.85.89 லட்சம் மதிப்பிலான கடன் பெறுவதற்கான ஆணைகளை வழங்கினார். மாநகராட்சி கமிஷனர் சிவகுரு பிரபாகரன், கல்லூரி முதல்வர் பிரகாசம், முன்னோடி வங்கி மேலாளர் ஜிதேந்திரன், கனரா வங்கி துணை மேலாளர் காஞ்சனாஸ்ரீ உள்ளிட்ட பலர் இருந்தனர்.
Featured News
Sorry, no posts matched your criteria.