Coimbatore

News November 19, 2024

பெண் எஸ்பிக்கு மிரட்டல்: கோவை விசிக தலைவர் கைது

கோவை மாவட்டம் பொள்ளாச்சியில் பெண் கூடுதல் காவல் கண்காணிப்பாளரை, செல்போனில் அழைத்து தகாத வார்த்தையில் பேசிய விடுதலை சிறுத்தைகள் கட்சியின் கோவை தெற்கு மாவட்ட தலைவர் அசோக் குமாரை கைது செய்துள்ள காவல்துறையினர் இது குறித்து அவரிடம் தீவிர விசாரணை நடத்தி வருகின்றனர். இந்த சம்பவம் விடுதலை சிறுத்தைகள் கட்சியினர் மத்தியில் பெரும் பரபரப்பை ஏற்படுத்தியுள்ளது.

News November 19, 2024

கோவையில் சர்வதேச கார் பந்தய மைதானம் ரெடி

கருமத்தம்பட்டி அருகே ரூ.50 கோடி மதிப்பீட்டில் 111 ஏக்கரில் பாதுகாப்பு அம்சங்களுடன், அதிவேகம், தாக்குப்பிடிக்கும் திறன் உள்ளிட்ட சோதனைகளுக்கு ஏற்ற சர்வதேச தரத்திலான கார் பந்தய மைதானம் அமைக்கப்பட்டுள்ளது. வார நாட்களில் மதியம் 12 முதல் இரவு 9 மணி வரையும், வார இறுதி நாட்களில் காலை 10 முதல் இரவு 9 மணி வரை இதில் பயிற்சி பெறலாம் என டிராக் ஹெட் விசால் அரவிந்த் தெரிவித்துள்ளார்.

News November 18, 2024

சர்தார் வல்லபாய் படேல் மேலாண்மை கல்லூரியில் வேலைவாய்ப்பு

கோவையில் உள்ள சர்தார் வல்லபாய் படேல் ஜவுளி மற்றும் மேலாண்மை கல்லூரியில் நிர்வாகி, உதவியாளர் உள்ளிட்ட பணியிடங்களை நிரப்ப அறிவிப்பு வெளியிடப்பட்டுள்ளது. மொத்தம் 7 பணியிடங்கள் நிரப்பப்பட உள்ளன. இந்தப் பணியிடம் தற்காலிக அடிப்படையில் நிரப்பப்பட உள்ளது. தகுதியும் விருப்பமும் உள்ளவர்கள் 18.11.2024 க்குள் விண்ணப்பித்துக் எல்லாம் என்று தெரிவிக்கப்பட்டுள்ளது.

News November 18, 2024

லோக் அதாலத் எனப்படும் தேசிய மக்கள் நீதிமன்றம்

கோவை மாவட்ட சட்டப்பணிகள் ஆணைக்குழு செயலாளர் மற்றும் சார்பு நீதிபதி ரமேஷ் இன்று வெளியிட்டு உள்ள அறிக்கையில், கோவை மாவட்ட சட்டப்பணிகள் ஆணைக்குழு சார்பில் கோவை மாவட்ட ஒருங்கிணைந்த நீதிமன்ற வளாகத்திலும் மற்றும் மேட்டுப்பாளையம், பொள்ளாச்சி, வால்பாறை, சூலூர், மதுக்கரை, அன்னூர் நீதிமன்றங்களிலும் வருகிற 14.12.2024 அன்று தேசிய அளவிலான லோக் அதாலத் எனப்படும் தேசிய மக்கள் நீதிமன்றம் நடைபெற உள்ளது என்றார்.

News November 18, 2024

கோவை : குழிக்குள் சிக்கிய அரசு பேருந்து

கோவை மாவட்டம் காந்திபுரத்திலிருந்து சென்ற அரசு பேருந்து குப்பேபாளையத்தில் சாலை ஓரம் குடிநீர் பைப் பதிக்க தோண்டிய குழியில் இன்று சிக்கியது. டிரைவரின் சாமர்த்தியத்தால் பெரும் விபத்து தவிர்க்கப்பட்டது பின்னர் சிறிது நேரம் கழித்து பேருந்து பத்திரமாக மீட்கப்பட்டது. இதனால் அப்பகுதியில் சிறிது நேரம் போக்குவரத்து பாதிப்பு ஏற்பட்டது.

News November 18, 2024

அவிநாசி டு மேட்டுப்பாளையம் 4 வழி சாலையாக தரம் உயர்வு

கோவையில் உள்கட்டமைப்புகளை மேம்படுத்தத் தமிழ்நாடு அரசு பல்வேறு நடவடிக்கைகளை எடுத்து வருகிறது. அதன் ஒரு பகுதியாகத் திருப்பூர் மாவட்டம் அவிநாசியில் இருந்து மேட்டுப்பாளையம் வரை இருக்கும் சாலையை நான்கு வழிச்சாலையாகத் தரம் உயர்த்த தமிழ்நாடு அரசு முடிவு செய்துள்ளது. இதற்கான பணிகள் விரைவில் தொடங்கும் என்றும் தகவல் வெளியாகியுள்ளது. இதனால் கோவை திருப்பூர் மாவட்ட மக்கள் மகிழ்ச்சி அடைந்துள்ளனர்.

News November 18, 2024

கோவையில் நடிகர் சிவகுமார் கலந்துகொண்ட நிகழ்ச்சி

கோவை உப்பிலிபாளையம் பகுதியில் உள்ள காவலர் பயிற்சி பள்ளி வளாகத்தில் நேற்று முன்னாள் காவல்துறை பொது நல அறக்கட்டளை சார்பாக, காவல்துறையினரின் குழந்தைகளின் கல்வி மேம்பாட்டு நிதி ஒரு கோடி வசூலிக்கப்பட்டுள்ளது. இதனை மாநகர காவல் ஆணையர் பாலகிருஷ்ணன் தகுதியான காவல்துறையினரின் குழந்தைகளின் உயர்கல்வி க்காக வழங்கினார். இதில் நடிகர் சிவகுமார் கலந்துகொண்டு இதனை வழங்கினார்.

News November 18, 2024

அர்ஜுன் சம்பத் அறிக்கைக்கு கண்டனம்

அனைத்திந்திய ஜனநாயக மாதர் சங்கம் சார்பில் வருகின்ற நவம்பர் 21ஆம் தேதி ஈஷா யோகா மையத்தை கண்டித்து ஆர்ப்பாட்டம் நடத்த திட்டமிட்டுள்ள நிலையில், இந்து மக்கள் கட்சியின் தலைவர் அர்ஜுன் சம்பத் ஈசாவுக்கு ஆதரவாக ஒரு அறிக்கையை வெளியிட்டுள்ளார். இதனை கண்டித்து அனைத்திந்திய மாதர் சங்கத்தினர் இந்து மக்கள் கட்சியின் தலைவர் அர்ஜூன் சம்பத் அறிக்கைக்கு கண்டனம் தெரிவித்துள்ளனர்.

News November 18, 2024

கோவையில் ரூ.6.72 கோடி கடன்: கலெக்டர் தகவல்

தமிழ்நாடு சிறுபான்மையினர் பொருளாதார மேம்பாட்டுக்கழகம் (டாம்கோ) வாயிலாக 590 பயனாளிகளுக்கு ரூ.6.72 கோடி கடன் வழங்கப்பட்டுள்ளதாக கோவை கலெக்டர் கிராந்திகுமார் பாடி தெரிவித்துள்ளார். கடந்த மூன்றரை ஆண்டுகளில் டாம்கோ வாயிலாக மொத்தம் 481 பயனாளிகளுக்கு ரூ.4.70 கோடி மதிப்பில் தனிநபர் கடன்களும், 205 பயனாளிகளுக்கு ரூ.2.02 கோடி மதிப்பில் குழு கடன்களும் வழங்கப்பட்டுள்ளதாக நேற்று தகவல் தெரிவித்துள்ளார்.

News November 18, 2024

உதவித்தொகையுடன் ஆராய்ச்சி திட்டத்தில் சேர அழைப்பு

பாரதியார் பல்கலையின் உதவித்தொகையுடன் ஒன்றரை ஆண்டுகள் சுற்றுச்சூழல் துறையில், ஆராய்ச்சி திட்டம் செயல்படுத்தப்பட உள்ளது. இந்த சிறப்பு திட்டத்தில் பணிபுரிய உதவி ஆய்வாளர் மற்றும் கள உதவியாளராக பணிபுரிய ஆட்கள் தேர்வு செய்யப்பட உள்ளனர். இதற்கு தகுதியான நபர்கள் வரும், 28ம் தேதிக்குள் அவர்களது சுயவிவர பட்டியலை, arulpragasan@buc.edu.in என்ற மின்னஞ்சலுக்கு அனுப்ப அறிவுறுத்தப்பட்டுள்ளது.

1

…

Featured News

Sorry, no posts matched your criteria.

↑