India's largestHyperlocal short
news App
Get daily news updates that are tailored for you based on your preferred language & location.
download Way2News app now
Chennai
News November 12, 2024
சென்னையில் கனமழை; முன்னெச்சரிக்கை ஏற்பாடுகள்
கனமழையை எதிர்கொள்ள தேவையான முன்னெச்சரிக்கை நடவடிக்கை செய்யப்பட்டுள்ளது. 129 நிவாரண மையங்கள், 20 உணவு தயாரிப்பு மையங்கள் தயார் நிலையில் உள்ளன. காலை 9.30 மணி நிலவரப்படி எந்த பகுதியிலும் தண்ணீர் தேங்கவில்லை எனவும் மழை பாதிப்பு குறித்த புகார்கள் மீது உடனடியாக நடவடிக்கை எடுக்கப்படுகிறது என துணை முதல்வர் உதயநிதி ஸ்டாலின் தெரிவித்துள்ளார்.
News November 12, 2024
சென்னையில் 21 சுரங்கப்பாதைகளிலும் மழைநீர் தேங்கவில்லை
சென்னையில் காலை 6 மணி வரை சராசரியாக 2.5 சென்டிமீட்டர் மழை பதிவாகி உள்ளது. அதிகபட்சமாக மடிப்பாக்கத்தில் 6 செ.மீ., அடையாரில் 5 செ.மீ., ஆலந்தூர் மற்றும் பெருங்குடியில் தலா 4 செ.மீ. மழை பதிவாகி உள்ளது. சென்னையில் உள்ள 21 சுரங்கப்பாதைகளிலும் மழைநீர் தேங்கவில்லை. மழை தொடர்பான அனைத்து புகார்கள், உதவிகளுக்கு 1913 என்ற உதவி எண்ணை அழைக்கலாம் என்று சென்னை மாநகராட்சி அறிவித்துள்ளது.
News November 12, 2024
சென்னைக்கு வரும் ரயில்கள் ஒரு மணி நேரம் தாமதம்
தென் மாவட்டங்களில் இருந்து சென்னைக்கு வரும் அனைத்து ரயில்களும் ஒரு மணி நேரம் தாமதமாக வரும் என தெற்கு ரயில்வே சார்பில் தெரிவிக்கப்பட்டுள்ளது. என்ஜினில் பழுது ஏற்பட்டு கொல்லம் விரைவு ரயில் விழுப்புரம் அருகே நிற்பதால் சென்னைக்கு வரும் ரயில்கள் தாமதம் ஆகி உள்ளது. மாற்று எஞ்சின் மூலம் ரயிலை இயக்க ரயில்வே அதிகாரிகள் தற்போது ஏற்பாடு செய்து வருகின்றனர்.
News November 12, 2024
சென்னையில் போலீசாருக்கு கத்திக்குத்து
அமைந்தகரையில் 2ம் நிலை காவலராக உள்ள ராஜ்குமார் நேற்று இரவு பேருந்துக்காக நின்று கொண்டிருந்தபோது அங்கு காரில் வந்த ஆறுமுகம் என்பவர் மது போதையில் தகராறு செய்துள்ளார்.இருவருக்கும் வாக்குவாதம் முற்றிய நிலையில் ராஜ்குமாரை கழுத்து மற்றும் இடுப்பில் ஆறுமுகம் கத்தியால் குத்திவிட்டு தப்பி சென்றுள்ளார்.காயமடைந்த ராஜ்குமார் மருத்துவமனையில் அனுமதிக்கப்பட்ட நிலையில்,ஆறுமுகம் கைது செய்யப்பட்ட்டார்.
News November 12, 2024
சென்னையில் இரவு முதல் பலத்த மழை
தென்மேற்கு வங்கக் கடல் பகுதிகளில் குறைந்த காற்றழுத்த தாழ்வுப் பகுதி உருவானதாக இந்திய வானிலை ஆய்வு மையம் அறிவித்துள்ளது.இந்நிலையில் நேற்று இரவு முதல் சென்னையின் பல பகுதிகளில் பலத்த மழை பெய்து வருகிறது.வேளச்சேரி, ஆலந்தூர் பட்டினப்பாக்கம், மயிலாப்பூர், மந்தைவெளி, திருவொற்றியூர், சைதாப்பேட்டை, நந்தனம் உள்ளிட்ட பகுதியில் பலத்த காற்றுடன் கூடிய கனமழை பெய்து வருகிறது.
News November 12, 2024
குப்பை கொட்டுவதில் விதிமீறல்; ரூ.92.18 லட்சம் அபராதம்
சென்னையில் விதிகளை மீறி குப்பை கொட்டியவர்களிடம் இருந்து ரூ.92.18 லட்சம் அபராதம் வசூல் செய்யப்பட்டுள்ளது. அதிக பட்சமாக கோடம்பாக்கம் மண்டலத்தில் ரூ.12.53 லட்சம் வரை அபராதம் வசூலாகியுள்ளது. விதிகளை மீறி குப்பைகளை கொட்டுபவர் மற்றும் அதனை எரிப்பவர்கள் மீது டிஜிட்டல் முறையில் ஸ்பாட் பைன் விதிக்கும் முறை அமல்படுத்தப்பட்டுள்ளது என்று தெரிவிக்கப்பட்டுள்ளது.
News November 12, 2024
சென்னையில் 18,996 மரங்கள் சீரமைக்கப்பட்டுள்ளன
பெருநகர சென்னை மாநகராட்சி சார்பில் சென்னையில், அக்டோபர் 16 முதல் நவம்பர் 11 வரை, கனமழையின் போது ஏற்படும் விபத்துகளைத் தடுக்க, 18,996 மரங்கள் சீரமைக்கப்பட்டுள்ளன. அக்டோபர் 1 முதல் நவம்பர் 11 வரை, நகரம் முழுவதும் விழுந்த 121 மரங்கள் அகற்றப்பட்டன. கத்தரித்தல் அல்லது அகற்றுதல் தேவைப்படும் மரத்தைக் கண்டறிய 1913 என்ற உதவி எண்ணை அழைக்கவும்.
News November 12, 2024
சென்னை இரவு காவல் ரோந்து பணி விவரம்
சென்னையில் இன்று இரவு 11.00 மணி முதல் காலை 6.00 மணி வரை இரவு ரோந்து பணிக்கு நியமிக்கப்பட்டுள்ள காவலர்களின் விவரங்கள் மேலே உள்ள புகைப்படத்தில் பகுதி வாரியாக உள்ளது. மக்கள் தங்களுக்கு அருகில் உள்ள உங்கள் உட்கோட்ட பகுதியில் ரோந்து பணியில் உள்ள காவலர்களை அவசர காலத்திற்கு அழைக்கலாம். தொடர்பு எண்களும் மேலே கொடுக்கப்பட்டுள்ளன.
News November 12, 2024
முதல்வரை சந்தித்த நடிகர் எஸ்வி சேகர்
எஸ்.வி.சேகர் தனது 7 ஆயிரமாவது நாடக விழாவிற்கு தலைமையேற்க முதலமைச்சர் மு.க.ஸ்டாலினை நேரில் சந்தித்து அழைப்பு விடுத்தார். அதன்பிறகு பேசிய “எஸ்.வி. சேகர், இனி தான் பாஜகவில் இல்லை. இனி நான் அரசியலில் ஈடுபட போவதில்லை. எல்லோருக்கும் நண்பனாக, ஒரு இந்தியனாக, ஒருதமிழனாக, ஒரு திராவிடனாகவே இருக்க விரும்புகிறேன்” என்று தெரிவித்தார்.
News November 11, 2024
மாநகராட்சி கழிவறையில் மது விற்ற 2 பேர் கைது
மயிலாப்பூர் பகுதியில் மாநகராட்சி கழிவறையில் வைத்து சட்டவிரோதமாக மதுபானம் விற்பனை நடைபெறுவதாக போலீசாருக்கு ரகசிய தகவல் கிடைத்தது. அதன் அடிப்படையில், தீவிரமாக கண்காணித்த போலீசார், பெண் உள்பட 2 பேரை கைது செய்தனர். மேலும், அவர்களிடம் இருந்து விற்பனைக்காக வைத்திருந்த 450 மது பாட்டில்களை கைப்பற்றினர்.
Featured News
Sorry, no posts matched your criteria.