India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 7, 2025
செங்கோட்டையன் மீது நடவடிக்கையா?
மத்திய அமைச்சர் நிர்மலா சீதாராமனை, செங்கோட்டையன் 2வது முறையாக சந்தித்தது பல யூகங்களுக்கு வழிவகுத்துள்ளது. இதற்கிடையில், செல்வாக்கு இல்லாத செங்கோட்டையன் பற்றி பேசி நேரத்தை வீணடிக்க விரும்பவில்லை என அதிமுக செய்தித் தொடர்பாளர் வைகைச் செல்வன் சாடியிருந்தார். இந்நிலையில், பாஜக தலைவர்களுடன் நெருக்கம் காட்டும் செங்கோட்டையன் விவகாரத்திற்கு முற்றுப்புள்ளி வைக்க இபிஎஸ் திட்டமிட்டுள்ளதாக கூறப்படுகிறது.
News April 7, 2025
கடவுளுக்கு ஸ்பெஷல் ‘Boarding pass’
விமானத்தில் செல்ல, நமக்கு ‘Boarding pass’ கொடுப்பார்கள். ஆனால், இங்கு கடவுளுக்கும் ஸ்பெஷல் ‘Boarding pass’ கொடுத்து ஏற்றிவிட்டு இருக்கின்றனர். சீனாவின் 2 கடல் தெய்வங்களின் விக்கிரகங்களை தைவான் நாட்டுக்குக் கொண்டு செல்ல, Xiamen ஏர்லைன்ஸ் ஆபிசர்கள், இந்த ஏற்பாட்டை செய்துள்ளனர். விமானத்தில், தெய்வங்கள் அழகாக அமர்ந்து பயணித்த போட்டோஸ் வெளியாகி வைரலாகி வருகிறது. யாராக இருந்தாலும், ரூல்ச மீற முடியுமா!
News April 7, 2025
சொத்து விவரங்களை வெளியிட்ட நீதிபதிகள்!
டெல்லி ஐகோர்ட் நீதிபதி யஷ்வந்த் வர்மா வீட்டில் இருந்து அண்மையில் கட்டுக்கட்டாக கோடிக்கணக்கில் பணம் கண்டறியப்பட்டது. இதனால் நீதித் துறை மீதான நம்பகத்தன்மையை நிலைநாட்ட, சொத்து விவரங்களை பொதுவெளியில் வெளியிடுவதற்கு நீதிபதிகள் ஒப்புக் கொண்டனர். அதன் அடிப்படையில் நாட்டில் உள்ள 25 ஐகோர்ட்களில் இருக்கும் 769 நீதிபதிகளில் 95 பேர் சொத்து விவரங்களை வெளியிட்டுள்ளனர்.
News April 7, 2025
பிரபல ஹாலிவுட் நடிகர் ஜே நார்த் காலமானார்
குழந்தை நட்சத்திரமாக ஹாலிவுட்டில் அறிமுகமான நடிகர் ஜே நார்த்(73) பெருங்குடல் புற்றுநோய் பாதிப்பு காரணமாக காலமானார். இவர், பிரபலமான ‘Dennis the menace’ தொடரிலும், 1999ல் வெளிவந்த தி சிம்ப்சன்ஸ் படத்திலும் நடித்திருந்தார். தன்னுடைய அசாத்திய திறமையால் கால் நூற்றாண்டு ஹாலிவுட்டை கலக்கிய அவருக்கு, திரையுலகினரும், ரசிகர்களும் இரங்கலை தெரிவித்து வருகின்றனர். #RIP
News April 7, 2025
இன்று உலக சுகாதார நாள்..! ஹெல்த்தில் கவனம் வையுங்க!
மகிழ்ச்சியான வாழ்வுக்கு நல்ல உடல் ஆரோக்கியம் தேவை. 1948ல் உலக சுகாதார நிறுவனம் (WHO) நிறுவப்பட்டதன் நினைவாக ஒவ்வொரு ஆண்டும் ஏப்ரல் 7 ஆம் தேதி உலக சுகாதார தினம் அனுசரிக்கப்படுகிறது. இந்த ஆண்டின் கருப்பொருள், ‘Healthy beginnings, hopeful futures’. ஆகவே, தீயப்பழக்கத்தை இன்றே கைவிடுங்கள். நண்பர்களோடு சேர்ந்து செய்யும் போது ஸ்டைலாக, ஜாலியாக இருந்தாலும், பின் விளைவுகளை தனியாகவே சந்திக்கணும்.
News April 7, 2025
கே.என்.நேருவின் மகன், சகோதரர் வீட்டில் ED சோதனை
அமைச்சர் கே.என்.நேருவின் சகோதரர் கே.என்.ரவிச்சந்திரனுக்கு சொந்தமான TVH கட்டுமான நிறுவனத்தில் அமலாக்கத்துறை(ED) அதிகாரிகள் சோதனை நடத்தி வருகின்றனர். சென்னையில் அதிகாலை முதலே 5 இடங்களில் இந்த சோதனையானது நடைபெற்று வருகிறது. அதேபோல், பெரம்பலூர் தொகுதி எம்.பியும், கே.என்.நேருவின் மகனுமான அருண் நேரு வீட்டிலும் சோதனை நடத்தப்படுவதாக தகவல் வெளியாகியுள்ளது.
News April 7, 2025
வெறும் 6 அடி பஸ்ஸில் 7 அடி கண்டக்டர்…!
அரசு வேலை கிடைச்சிடுச்சு.. இனி உனக்கு என்ன கஷ்டம் எனக் கேட்டால், இவருக்கு அந்த வேலையே கஷ்டமாக மாறிவிட்டது. பஸ்ஸில் டிக்கெட் கொடுக்க, இவர் எந்திரிச்சி நின்றால், பஸ்ஸின் மேற்கூரையில் தலை இடிக்கும். கழுத்தை சாய்த்தப்படியே டிக்கெட் கொடுக்கிறார். பஸ்ஸின் உயரம் 6 அடி, இவரோ 6.4. தெலங்கானாவில் சொல்ல முடியாமல் தவிக்கும் இவருக்கு வேறோரு சரியான வேலைக் கொடுக்கும்படி கோரிக்கைகள் வலுத்து வருகின்றன.
News April 7, 2025
5ஆம் வகுப்பு வரை இன்று முழு ஆண்டு தேர்வு தொடக்கம்
கோடை வெயில் காரணமாக, 1 – 5 ஆம் வகுப்புகளுக்கு இறுதி பருவத் தேர்வு இன்று முதல் 17ஆம் தேதி வரை நடைபெறவுள்ளது. அதன்படி, 1,2,3ஆம் வகுப்புகளுக்கு காலை 10 முதல் 12 மணி வரையும், 4,5ஆம் வகுப்புகளுக்கு மதியம் 2 முதல் 4 மணி வரையும் தமிழ் உட்பட மொழிப்பாட தேர்வுகள் நடைபெறவுள்ளன. 1-3ஆம் வகுப்புக்கு ஏப்.12ஆம் தேதியும், 4-5ஆம் வகுப்பு ஏப்.18ஆம் தேதியும் கோடை விடுமுறை தொடங்கவுள்ளது.
News April 7, 2025
ஹாஸ்பிடலில் SRH பவுலர்!
SRH பவுலர் ஹர்ஷல் படேல், நோய் பாதிப்பின் காரணமாக ஹாஸ்பிடலில் அனுமதிக்கப்பட்டுள்ளார் என தகவல் வெளிவந்துள்ளது. ஆனால், அவருக்கு கரெக்ட்டாக என்ன பிரச்னை என்ற தகவல் ஏதும் இல்லை. இதனால்தான் அவர், GT அணிக்கு எதிரான போட்டியில் களமிறங்கவில்லை. IPL ஏலத்தில் ₹8 கோடிக்கு ஹர்ஷல் படேலை SRH வாங்கியது. பவுலிங்கில் தடுமாறி வரும் SRHல், அவர் விளையாடி இருக்க வேண்டும் என SRH ஃபேன்ஸ் பறிதவித்து வருகின்றனர்.
News April 7, 2025
ராகுலுக்கு கேரள பாஜக கண்டனம்!
பாஜக, RSSன் பார்வை சர்ச் நிலங்கள் மீது திரும்பியிருப்பதாக ராகுல் காந்தி கூறியிருந்தார். முதலில் அரசமைப்பை நன்கு படியுங்கள் என கேரள பாஜக தலைவர் ராஜீவ் சந்திரசேகர் அதற்கு கண்டனம் தெரிவித்துள்ளார். ரயில்வே, தேயிலை தோட்ட உரிமையாளர்கள் போல சொந்தமாக நிலங்கள் வைத்திருப்பது தவறல்ல. கர்நாடக காங்கிரஸ் தலைவர்கள் போல மக்களிடம் இருந்து பறிப்பதுதான் தவறு. அதைதான் வக்பு வாரியம் செய்தது என விமர்சித்துள்ளார்.
Featured News
Sorry, no posts matched your criteria.