India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 8, 2025
BREAKING: தீ விபத்தில் பவன் கல்யாணின் மகன் காயம்!
சிங்கப்பூரில் ஏற்பட்ட தீ விபத்தில் AP Dy CM பவன் கல்யாணின் மகன் மார்க் சங்கர் காயமடைந்தார். பள்ளியில் நடந்த இந்த விபத்தில் அவரது கைகள், கால்களில் காயங்களுடன் ஹாஸ்பிடலில் அனுமதிக்கப்பட்டுள்ளார். அதிகாரிகள் பவன் கல்யாணை உடனடியாக சிங்கப்பூர் செல்ல அறிவுறுத்தியும், பழங்குடி மக்களுக்கு உறுதியளித்தபடி இன்று குரிடி கிராமத்திற்கு சென்றுவிட்டு பின்னர் சிங்கப்பூர் செல்வதாக அவர் பதில் அளித்துள்ளார்.
News April 8, 2025
நேற்று கருப்பு பேட்ஜ்.. இன்று கருப்புச் சட்டை!
சட்டப்பேரவைக்கு கருப்பு சட்டை அணிந்தபடி அதிமுகவினர் இன்று வந்தனர். டாஸ்மாக்கில் நடந்த ஊழலை கண்டித்தும், யார் அந்த தியாகி என கேள்வி எழுப்பியும் நேற்று கருப்பு பேட்ஜ் அணிந்து அதிமுகவினர் பேரவைக்கு சென்றிருந்தனர். அப்போது பதாகைகளை ஏந்தி பேரவைக்குள் அமளியில் ஈடுபட்டதால், இபிஎஸ் உள்ளிட்ட அதிமுகவினர் சஸ்பெண்ட் செய்யப்பட்டனர். 2வது நாளாக இன்று கருப்புச் சட்டை அணிந்தபடி பேரவைக்கு வருகை புரிந்துள்ளனர்.
News April 8, 2025
Health Tips: மாதவிடாய் சுழற்சியை சீராக்கும் பப்பாளி
பெண்களுக்கு மாதவிடாய் நெருங்கிவரும் நாட்களில், பப்பாளி சாப்பிட்டால் உடனே மாதவிடாய் வர வாய்ப்புள்ளது. இதற்கு சூடு மட்டுமே காரணமல்ல. பழமாகாத பப்பாளியில் இருக்கும் papain, carpaine என்ற சத்துகள், கருப்பை சுருங்கி கரு முட்டைகள் உடைய தூண்டலாம் என டாக்டர்கள் கூறுகின்றனர். இதிலுள்ள, வைட்டமின் சி, பீட்டா- கரோட்டின் போன்றவை ஹார்மோன் உற்பத்தியை தூண்டி மாதவிடாய் சுழற்சியை சீராக வைக்க உதவுகிறது. SHARE IT.
News April 8, 2025
‘பிளாக்மெயில்’ செய்வதை ஏற்க முடியாது: சீனா அதிரடி!
வரிக்கு மேல் வரி விதித்து ‘பிளாக்மெயில்’ செய்வதை ஏற்க முடியாது என அமெரிக்காவுக்கு, சீனா எச்சரிக்கை விடுத்துள்ளது. அமெரிக்க பொருட்கள் மீதான பரஸ்பர வரியை வாபஸ் பெறாவிட்டால் கூடுதலாக 50% வரியை சீனப் பொருட்களுக்கு விதிப்போம் என டிரம்ப் எச்சரித்திருந்தார். இதனால், எரிச்சலடைந்த சீனா, ‘பிளாக்மெயில்’ செய்வதற்கு பதிலாக, பேச்சுவார்த்தை மூலம் பிரச்னைக்கு தீர்வு காண முன்வர வேண்டும் என வலியுறுத்தியுள்ளது.
News April 8, 2025
பீன்ஸ் விலை திடீர் சரிவு!
சென்னை கோயம்பேடு சந்தையில் பீன்ஸ் விலை சரிவைக் கண்டுள்ளது. நேற்று ஒரு கிலோ ₹100-க்கு விற்பனையான நிலையில், இன்று ₹60க்கு விற்பனையாகிறது. அதேவேளையில் மாநிலம் முழுவதும் கடந்த சில நாள்களாகப் பெய்து வரும் மழை காரணமாகத் தக்காளி விலை சற்று உயர்ந்து 1 கிலோ தக்காளி ₹40க்கு விற்பனையாகிறது. மேலும், 1 கிலோ கேரட் – ₹50, உருளைக்கிழங்கு – ₹20, சின்ன வெங்காயம் – ₹70, பெரிய வெங்காயம் – ₹25க்கு விற்பனையாகிறது.
News April 8, 2025
மாநிலங்களவையில் அன்புமணி ‘அதிக நாள் ஆப்சென்ட்’
நடந்து முடிந்த நாடாளுமன்ற பட்ஜெட் கூட்டத்தொடரில், ( ஜன.31 to ஏப்.4) தமிழ்நாட்டைச் சேர்ந்த மாநிலங்களவை MPக்களின் வருகைப்பதிவு விவரம் வெளியாகியுள்ளது. மொத்தம் 26 நாட்கள் அவை நடந்துள்ள நிலையில், அதிகபட்சமாக திமுக MPக்கள் திருச்சி சிவா, கிரிராஜன், அதிமுக MP தம்பிதுரை ஆகியோர் அனைத்து நாட்களும் வருகை தந்துள்ளனர். ஆனால், மிக குறைந்தபட்சமாக, அன்புமணி வெறும் 6 நாள் மட்டுமே அவைக்கு சென்றுள்ளார்.
News April 8, 2025
பயங்கர நிலநடுக்கம்
இந்தோனேசியாவில் சக்தி வாய்ந்த நிலநடுக்கம் ஏற்பட்டுள்ளது. வடக்கு டக்கு சுமத்ரா தீவில் நள்ளிரவு 1.19 மணிக்கு பூமிக்கு அடியில் 37 கிலோ மீட்டர் ஆழத்தில் ஏற்பட்ட இந்த நிலநடுக்கம் ரிக்டர் அளவுகோலில் 5.7ஆக பதிவாகியுள்ளது. நிலநடுக்கத்தை அடுத்து, அலறிக் கொண்டு வீட்டை விட்டு வெளியேறிய மக்கள், சாலையில் தஞ்சமடைந்தனர். இதன் பாதிப்பு குறித்தும், சுனாமி எச்சரிக்கை குறித்தும் உடனடியாக எந்த தகவலும் வெளியாகவில்லை.
News April 8, 2025
இளசுகளை சுண்டி இழுக்கும் கயாதுவின் க்ளிக்ஸ்…!
டிராகன் படம் மூலம் இளைஞர்களை கிறங்க வைத்தவர் நடிகை கயாது லோஹர். சோஷியல் மீடியாவில் எப்பவும் ஆக்டிவாக இருக்கும் அவர், தனது இன்ஸ்டகிராம் பக்கத்தில் புதிய புகைப்படங்களை பதிவிட்டுள்ளார். புன்னகை பூக்கும் முகத்துடன் இருக்கும் அவரை கண்டு ரசிகர்கள் கமெண்ட்டில் ஹார்ட்டின் விட்டு வருகின்றனர். அவர் தற்போது இதயம் முரளி, சிம்புவின் புதிய படத்தில் நடித்து வருகிறார். நடிகை கயாதுவை உங்களுக்கு பிடிக்குமா?
News April 8, 2025
ரேஷன் கடை ஊழியர்கள் இன்று ஸ்டிரைக்!
PDS-க்கு தனித் துறை, ஊதிய உயர்வு உள்ளிட்ட 30 அம்ச கோரிக்கைகளை வலியுறுத்தி இன்று ரேஷன் கடை ஊழியர்கள் ஸ்டிரைக்கில் ஈடுபடவுள்ளனர். பல துறைகளின் கட்டுப்பாட்டில் ரேஷன் கடைகள் இயங்குவதால் பல்வேறு சிக்கல்கள் உள்ளதாகவும், இதனைக் களைய வேண்டும் என அனைத்து மாவட்டத் தலைநகரங்களில் கருப்புச் சட்டை அணிந்து இன்று ஆர்ப்பாட்டத்தில் ஈடுபடவுள்ளனர். இதனால், ரேஷன் கடைகள் இயங்குவதில் சிக்கல் ஏற்பட்டுள்ளது.
News April 8, 2025
கண் பார்வைையை பாதிக்கும் ரீல்ஸ்: டாக்டர்கள் ‘அலர்ட்’
ரீல்ஸ் பார்க்கும் பழக்கம் பரவலாக அதிகரித்து வருகிறது. இது மிகவும் ஆபத்தானது என எச்சரிக்கின்றனர் டாக்டர்கள். ரீல்ஸ் சிறியதாக இருந்தாலும், கண் ஆரோக்கியத்தில் வாழ்நாள் முழுக்க பெரிய பாதிப்பை ஏற்படுத்தும் என அலர்ட் செய்கின்றனர். எனவே, குழந்தைகளை அதிக நேரம் மொபைலில் மூழ்கவிடாமல் தடுக்க வேண்டும் என வலியுறுத்துகின்றனர். பெரியவர்களும் மொபைல் பயன்பாட்டை குறைப்பது நல்லது என அட்வைஸ் செய்கின்றனர்.
Featured News
Sorry, no posts matched your criteria.