India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 26, 2025
IPL: அட்டகாசமான சாதனை படைத்த ஷமி..!
ஐபிஎல் தொடரில் SRH வீரர் முகமது ஷமி புதிய சாதனை படைத்துள்ளார். CSK அணிக்கு எதிரான போட்டியில் முதல் பந்திலேயே ஷேக் ரஷீத்தை அவர் அவுட்டாக்கினார். தான் வீசிய முதல் பந்திலேயே அதிக முறை விக்கெட் வீழ்த்தியவர்கள் பட்டியலில் ஷமி(4) முதலிடம் பிடித்துள்ளார். அவருக்கு அடுத்து, உமேஷ் யாதவ், போல்ட், பிரவீன் குமார், மலிங்கா, புவனேஷ்குமார், டின்டா ஆகியோர் 3 முறை முதல் பந்தில் விக்கெட் எடுத்துள்ளனர்.
News April 26, 2025
அதிகமாக டீ, காபி குடிப்பீங்களா… கவனியுங்க!
‘லைட்டா தலை வலிக்குது.. வா டீ குடிப்போம்’ என சொல்லாத ஆட்களே கம்மிதான். ஒரு நாளைக்கு 3-5 கப் டீ அல்லது காபி குடிப்பது ஆண்களின் ஆரோக்கியத்திற்கு நல்லது என நிபுணர்கள் கூறுகின்றனர். ஆனால், ஒரு அபாய எச்சரிக்கையும் கொடுக்கிறார்கள். அதாவது, ஒரு நாளைக்கு 400 மி.கி. அளவுக்கு அதிகமாக caffeine எடுத்துக்கொண்டால், அது நாளடைவில் அமைதியின்மை, தூக்கமின்மையை அதிகரிக்குமாம். நீங்க டெய்லி எத்தனை கப் குடிப்பீங்க?
News April 26, 2025
மாதம் ரூ.1,000 உதவித் தாெகை பெறும் 9.19 லட்சம் மாணவர்கள்
அரசு பள்ளிகளில் 6-12ம் வகுப்பு வரை பயின்று உயர்கல்விகளில் சேரும் மாணவிகளுக்காக புதுமைப் பெண் திட்டம், மாணவர்களுக்காக தமிழ் புதல்வன் திட்டத்தை தமிழக அரசு செயல்படுத்துகிறது. இதன்கீழ் மாதம் ரூ.1,000 வழங்கப்படுகிறது. இதில் எத்தனை மாணவிகள், மாணவர்கள் பயனடைந்துள்ளனர் என்ற விவரத்தை உயர்கல்வித்துறை வெளியிட்டுள்ளது. அதில் 4,93,689 மாணவிகள், 4,25,346 மாணவர்கள் பயனடைவதாக கூறப்பட்டுள்ளது.
News April 26, 2025
தமிழ் சினிமாவில் கால்பதிக்கும் ஜான்வி கபூர்
பாலிவுட் சினிமாவை கலக்கி வரும் நடிகை ஸ்ரீதேவியின் மகள் ஜான்வி கபூர் விரைவில் கோலிவுட் சினிமாவிலும் அடியெடுத்து வைக்கவுள்ளார். அட்டகத்தி தினேஷை ஹீரோவாக வைத்து பா. ரஞ்சித் இயக்கி வரும் புதிய படத்தில் ஜான்வி கபூரை நடிக்க வைக்க பேச்சுவார்த்தை நடந்துள்ளதாம். விரைவில் அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது. இதனால், ஜான்வியை விரைவில் தமிழ் சினிமாவில் பார்க்கலாம்.
News April 26, 2025
சனி தொல்லையில் இருந்து பாதுகாக்கும் அனுமன் வழிபாடு
சனி பகவானின் தொல்லையில் இருந்து விடுபட சனிக்கிழமை அனுமன் வழிபாடு மிகவும் உதவும். காலையில் குளித்து அருகில் உள்ள அனுமன் கோயில் அல்லது அனுமன் சன்னதிக்கு சென்று நல்லெண்ணெய் தீபம் ஏற்றவும். அதனைத் தொடர்ந்து, 11 முறை அனுமனின் சன்னதியை, அனுமன் சாலிசாவை சொல்லியபடியே சுற்றி வரவும். பிறகு, துளசி மாலையை அனுமனுக்கு போட்டு, ராம நாமத்தை சொல்லி வேண்டிக்கொள்ளுங்கள். இது சனி தொல்லையை நீக்கும் என்பது ஐதீகம்.
News April 26, 2025
KKR vs PBKS: வெற்றி வாகை சூடப் போவது யார்?
புள்ளிப் பட்டியலில் 5-வது இடத்திலுள்ள PBKS மற்றும் 7-வது இடத்தில் இருக்கும் KKR ஆகிய அணிகள் இன்றிரவு 7.30 மணிக்கு பலப்பரீட்சை நடத்தவுள்ளன. கொல்கத்தாவில் போட்டி நடப்பது KKR அணிக்கு சாதகம். அதேநேரம், PBKS பேட்டிங், பவுலிங் இரண்டிலும் சிறப்பாக விளையாடி வருகிறது. முன்னாள் அணியை ஷ்ரேயஸ் பழிதீர்ப்பாரா?, ரஹானே தலைமையிலான அணி சொந்த மண்ணில் வெல்லுமா? கமெண்ட் பண்ணுங்க.
News April 26, 2025
தங்கம் விலை மேலும் சரியும்.. நகைப்பிரியர்கள் மகிழ்ச்சி
<<16212631>>தங்கம்<<>> விலை மேலும் சரியக்கூடும் என தகவல் வெளியாகியுள்ளதால், நகைப்பிரியர்கள் மகிழ்ச்சி அடைந்துள்ளனர். தங்கம் விலை 42% உயர்ந்து, கடந்த 22-ம் தேதி உச்சம் தொட்டது. எனினும் 23, 24-ம் தேதிகளில் தங்கம் விலை சவரனுக்கு ரூ.2,280 சரிந்தது. நேற்று விலையில் மாற்றமில்லை. USA டாலர் மீதான முதலீடு அதிகரிப்பதும், சீனா-USA வர்த்தக போர் தீவிரம் குறைவதாலும், தங்கம் விலை மேலும் குறையலாம் எனக் கூறப்படுகிறது.
News April 26, 2025
வாட்சப் புது அப்டேட்.. இனிமேல் அதை பண்ண முடியாது!
வாட்சப்பில் பயனர்களின் தரவுகளை பாதுகாக்க புதிய அப்டேட்டை மெட்டா நிறுவனம் கொண்டுவந்துள்ளது. ADVANCED CHAT PRIVACY அம்சம் மூலம் நாம் அனுப்பும் குறுஞ்செய்தி, புகைப்படங்களை பார்க்க மட்டுமே முடியும். பகிர முடியாது. தனிநபர், குழு உரையாடல் இரண்டிலும் இந்த அம்சம் வேலை செய்யும். பீட்டா வெர்ஷனில் அறிமுகமாகியுள்ள இது, விரைவில் அனைவருக்கும் கொண்டுவரப்படும் எனத் தெரிவிக்கப்பட்டுள்ளது. அருமை..!
News April 26, 2025
5 திமுக அமைச்சர்களுக்கு நெருக்கடி
SC-ன் கெடுபிடியால் செந்தில்பாலாஜியின் அமைச்சர் பதவிக்கு சிக்கல் எழுந்துள்ளது. சர்ச்சை கருத்து பேசிய பொன்முடிக்கு எதிரான வழக்கில் TN அரசு விளக்கமளிக்க ஐகோர்ட் உத்தரவிட்டுள்ளது. துரைமுருகன், MRK பன்னீர்செல்வத்துக்கு எதிரான சொத்துக் குவிப்பு வழக்குகள் மீண்டும் விசாரணைக்கு வருகின்றன. KN நேரு சகோதரருக்கு எதிரான வழக்கில் ED-க்கு அனுமதி அளிக்கப்பட்டுள்ளது. இதனால், 5 அமைச்சர்களும் சிக்கலில் உள்ளனர்.
News April 26, 2025
மஞ்சள் படையின் பிளே ஆஃப் கனவு கலைந்தது?
7 தோல்விகளுடன் புள்ளிப் பட்டியலில் கடைசியாக இருக்கும் CSK-க்கு, பிளே ஆஃப் வாய்ப்பு மங்கியுள்ளது. இந்த சீசனில் தொடக்கம் முதலே அந்த அணி சொதப்பி வருகிறது. எஞ்சி இருக்கும் 5 போட்டிகளில் வென்றாலும் கூட அடுத்த சுற்றுக்கு முன்னேறுவது கடினம்தான். இதற்கு முன்பு 2020, 2022, 2024 ஆகிய ஆண்டுகளில் லீக் சுற்றுடன் CSK நடையை கட்டி இருக்கிறது. இந்தாண்டும் அதேநிலை தொடர்கிறது. CSK-ன் சொதப்பலுக்கு காரணம் என்ன?
Featured News
Sorry, no posts matched your criteria.