India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News March 28, 2025
போதைப்பொருள் பயன்படுத்துவோருக்கு எய்ட்ஸ்!
கேரளாவில் போதைப்பொருள் பயன்படுத்தும் 10 பேருக்கு AIDS தொற்று கண்டறியப்பட்டுள்ளது. HIV தொற்றுக்கு அதிக வாய்ப்புள்ள பாலியல் தொழிலாளிகள், போதைப்பொருள் பயன்படுத்துவோரிடம் மலப்புரம் எய்ட்ஸ் கட்டுப்பாட்டுச் சங்கம் நடத்திய வழக்கமான பரிசோதனையில் இது கண்டறியப்பட்டுள்ளது. போதைப்பொருள் பயன்படுத்தும் குழுவைச் சேர்ந்தவர்கள் ஒரே ஊசியைப் பயன்படுத்தியதே தொற்று பரவக் காரணம் எனத் தெரியவந்துள்ளது. போதை வேண்டாமே..!
News March 28, 2025
லேட்டா வந்தாலும் வசூலை குவிக்கும் வீர தீர சூரன் 2!
பெரும் பிரச்னையைத் தொடர்ந்து விக்ரமின் ‘வீர தீர சூரன்’ படம் நேற்று மாலை முதல் திரையிடப்பட்டது. தில், தூள், சாமி போன்ற ஆக்ஷன் ரோலில் சியான் மாஸ் காட்டியதாக ரசிகர்கள் சிலாகித்து வருகின்றனர். தாமதமாக வெளியாகினாலும், முதல் நாளில் ₹3.25 கோடி வசூல் செய்துள்ளதாக தகவல் வந்துள்ளது. தொடர் விடுமுறை வருவதால், படத்தின் வசூல் அதிகரிக்கும் என்கிறார்கள். நீங்க படம் பாத்துட்டீங்களா.. எப்படி இருக்கு?
News March 28, 2025
CBSE பாடப்புத்தகங்கள் மாற்றம்
புதிய கல்விக் கொள்கையின்படி, CBSE பள்ளிகளில் இந்தாண்டு 4 வகுப்புகளுக்கு புதிய பாடப்புத்தகங்கள் மாற்றப்படவுள்ளதாக தகவல் வெளியாகியுள்ளது. சி.பி.எஸ்.இ பள்ளிகளுக்கான NCERT பாடப்புத்தகங்கள் மாற்றப்பட்டு வருகின்றன. ஏற்கனவே பால் வாடிகா(Bal vatika), 1, 2, 3 மற்றும் 6ம் வகுப்புகளுக்கான புத்தகங்கள் மாற்றப்பட்டன. இந்தாண்டு 4, 5, 7 மற்றும் 7ம் வகுப்புகளுக்கு புதிய பாடப் புத்தகங்கள் அறிமுகம் செய்யப்படவுள்ளன.
News March 28, 2025
லீக்கான பிரைவேட் வீடியோ: மனம் திறந்த நடிகை!
‘சிறகடிக்க ஆசை’ நடிகையின் பிரைவேட் வீடியோ என ஒன்று வெளியானது. இது குறித்து இன்ஸ்டாவில் பதிவிட்டுள்ள அந்த நடிகை, மற்றவர்களுக்கு இது ஜோக் என்றாலும், தனக்கு மிகவும் சோதனையாக கட்டம் என வேதனையுடன் குறிப்பிட்டுள்ளார். இதனை ஒரு AI deepfake வீடியோ எனக் குறிப்பிட்டு, ‘நானும் ஒரு பெண் தானே’ என உருக்கமாக பதிவிட்டுள்ளார். தயவு செய்து இது போன்ற வீடியோக்களை ஷேர் செய்யாதீர்கள் என்றும் கேட்டுக்கொண்டுள்ளார்.
News March 28, 2025
ALERT: நடைப்பயிற்சியின் போது இதைச் செய்யாதீர்
ஆரோக்கியமாக இருக்க நடைப்பயிற்சி அவசியம் என மருத்துவர்கள் கூறுகின்றனர். ஆனால், அதில் சில தவறுகள் செய்தால் அது இதயத்தைப் பாதிக்கும் என்றும் எச்சரித்துள்ளனர். அதன்படி, *மிக வேகமாக நடப்பது *வார்ம் – அப் செய்யாமல் நடப்பது *குனிந்து நடப்பது *நடைபயிற்சிக்கு முன்/பின் தண்ணீர் அருந்தாமல் இருப்பது *அதிகமாக சாப்பிடுவது *மாசுபட்ட பகுதிகளில் நடப்பது ஆகிய தவறுகளைத் தவிர்க்குமாறு அறிவுறுத்தியுள்ளனர்.
News March 28, 2025
ATM சேவைக் கட்டணம் உயருகிறது
மற்ற வங்கிகளின் ஏடிஎம் மையங்களில் 5 முறைக்கு மேல் பணம் எடுத்தால் தற்போது ₹17 கட்டணம் வசூலிக்கப்படுகிறது. இதனை, ₹19ஆக உயர்த்த RBI அனுமதி அளித்துள்ளது. பேலன்ஸ் செக் செய்வதற்கான கட்டணம் ₹6இல் இருந்து ₹7ஆக உயர்த்தப்படவுள்ளது. இதனால், ATM சேவையை குறைவாக கொண்ட வங்கிகளில் கணக்கு வைத்திருப்போர் பாதிக்கப்படுவர். இந்தக் கட்டண உயர்வு மே 1ஆம் தேதி முதல் அமலுக்கு வரவுள்ளது.
News March 28, 2025
தவெகவின் முதல் பொதுக்குழு.. என்ன பேசுவார் விஜய்?
TVK முதல் பொதுக்குழு கூட்டம் இன்று நடைபெறும் சூழலில், விஜய் என்ன பேசப் போகிறார் என்ற எதிர்பார்ப்பு அதிகளவில் உள்ளது. திமுக, பாஜகவை விமர்சித்து வரும் விஜய், இன்றும் அதனை தொடருவார் என்கின்றனர். அதே நேரத்தில், அதிமுக, பாஜக கூட்டணியை நோக்கி நகர்வதாக கூறப்படும் சூழலில், இனி அதிமுகவையும் அட்டாக் செய்வார் எனக் கூறப்படுகிறது. பொருத்திருந்து பார்ப்போம்!. விஜய் என்ன பேசுவார் என நினைக்குறீங்க?
News March 28, 2025
டெய்லி மேட்ச் பாக்குறீங்களா? கொஞ்சம் உஷார்!
IPL ஜுரம் ரசிகர்களைத் தொற்றிக் கொண்டு விட்டது. டெய்லி மேட்ச் பார்ப்பதை வழக்கமாக கொள்ளும் பலர், ஒரு மேட்சின் முடிவை, ரொம்ப சீரியஸாகவும் எடுத்துக் கொள்கின்றனர். அது மூளையில் மகிழ்ச்சி, மன அழுத்த ஹார்மோன்களில் ஏற்ற இறக்கங்களை உண்டாக்குவதாக நிபுணர்கள் கூறுகின்றனர். தங்களின் டீம் தோற்றுவிட்டால், பலரும் மன அழுத்தத்திற்கும் ஆளாகின்றனர். இந்த வெற்றி தோல்விகள் தற்காலிகமானது தான் என்பதை உணருங்கள்.
News March 28, 2025
திமுக கூட்டணியை நோக்கி நகர்கிறதா தேமுதிக?
தேமுதிகவின் அண்மைக்கால நகர்வுகள் DMK கூட்டணியில் சேருவதற்கான சமிக்ஞை என அரசியல் நோக்கர்கள் கூறுகின்றனர். ராஜ்யசபா சீட்டு விவகாரத்திலிருந்து அதிமுகவுடன் சற்று விலகியிருக்கும் பிரேமலதா விஜயகாந்த், ஆளுங்கட்சியின் செயல்பாடுகளை பாராட்டி ஆதரவு நிலைப்பாட்டை எடுத்துள்ளார். குறிப்பாக நேற்று முன்தினம் சென்னையில் நடந்த என்கவுன்டரை பாராட்டியதைக் கூட, பலரும் கூட்டணி கணக்கு என்கின்றனர். உங்கள் கருத்து என்ன?
News March 28, 2025
அரசு பஸ்களில் தானியங்கி கதவுகள்: அமைச்சர் உறுதி
சட்டப்பேரவையில் நேற்று ADMK உறுப்பினர் ஜெயக்குமார், படிக்கட்டுகளில் பயணித்து பள்ளி மாணவர்கள் உயிரிழப்பதைத் தடுக்க பஸ்களில் தானியங்கி கதவுகள் அமைக்குமாறு கோரிக்கை விடுத்தார். இதற்கு பதிலளித்த அமைச்சர் சிவசங்கர், சென்னையில் உள்ள பஸ்களுக்கு தானியங்கி கதவுகள் அமைக்கும் பணி முடிந்துள்ளதாகவும், தமிழகத்தின் மற்றப் பகுதிகளிலும் பஸ்களில் படிப்படியாக தானியங்கி கதவுகள் அமைக்கப்படும் என்றும் உறுதியளித்தார்.
Featured News
Sorry, no posts matched your criteria.