India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News March 28, 2025
தினமும் 15-16 மணி நேரம் வேலை.. மரணம்!
சாம்சங் எலக்ட்ரானிக்ஸ் துணை CEO ஹான் ஜாங் ஜி (63), அதீத வேலை பிரஷரால் ஏற்பட்ட மாரடைப்பாலே உயிரிழந்துள்ளதாக தகவல் வெளியாகியுள்ளது. தினமும் 15- 16 மணி நேரம் வேலை செய்ததே அவருக்கு தீவிர உடல்நலக் குறைபாட்டை ஏற்படுத்தியுள்ளது. அதிக நேரம் மொபைல், லேப்டாப் ஸ்கிரீன் பார்த்ததன் காரணமாகவே, கடந்த 2023ல் அவருக்கு நரம்பியல் பிரச்னை ஏற்பட்டுள்ளது. இந்த ஆண்டின் தொடக்கத்தில் உடல்நிலை மோசமடைந்துள்ளது.
News March 28, 2025
எல்பிஜி லாரி வேலை நிறுத்தம்: பேச்சுவார்த்தை தோல்வி
தென் மண்டல எல்.பி.ஜி டேங்கர் லாரி உரிமையாளர்களின் வேலை நிறுத்தம் தொடரும் என அறிவிக்கப்பட்டுள்ளது. கோவையில் ஐ.ஓ.சி, பி.பி.சி, எச்.பி.சி.எல் உள்ளிட்ட எண்ணெய் நிறுவனங்களுடன் நடைபெற்ற பேச்சுவார்த்தை தோல்வி அடைந்தது. பழைய முறையில் வாடகை நிர்ணயம் செய்ய வேண்டும் உள்ளிட்ட கோரிக்கைகள் தொடர்பாக பேச்சுவார்த்தை நடைபெற்றது. மீண்டும் பேச்சுவார்த்தை நடத்தப்படும் என தகவல் வெளியாகியுள்ளது.
News March 28, 2025
செவ்வாய் தோஷம் நீங்க…
செவ்வாய் தோஷத்தால் திருமணம் தடைப்படுகிறது என கவலையில் மனம் வாடுவோர் செவ்வாய்க்கிழமையில் வரும் சதுர்த்தி திதி நாளில் பிள்ளையார்பட்டி கற்பக விநாயகர் திருக்கோயிலின் தீர்த்தத்தில் நீராடி, ஆனைமுகனுக்கு அருகம்புல் மாலை சாற்றி, 32 தீபங்களை ஏற்றி, முக்குறுணி மோதகம் படைத்து வழிபட்டால் நன்மைகள் உண்டாகும். குறிப்பாக இந்த வழிபாடு செய்த கையோடு 5 ஏழைகளுக்கு அன்னதானம் செய்தால் செவ்வாய் தோஷம் விலகும் என ஐதீகம்.
News March 28, 2025
பிளே ஆப் செல்லும் அணிகள் எவை? இர்பான் கணிப்பு
ஐ.பி.எல்.2025 ஐபிஎல் தொடரில் பிளே ஆப் சுற்றுக்கு முன்னேறும் அணிகள் குறித்து முன்னாள் வீரர் இர்பான் பதான் தனது கணிப்பை வெளியிட்டுள்ளார். சென்னை சூப்பர் கிங்ஸ், ராயல் சேலஞ்சர்ஸ் பெங்களூரு, மும்பை இந்தியன்ஸ் மற்றும் டெல்லி கேப்பிடல்ஸ் உள்ளிட்ட அணிகள் பிளே ஆப் சுற்றுக்கு செல்ல அதிக வாய்ப்புள்ளதாகவும் அவர் தெரிவித்துள்ளார். இன்னும் சில வாரங்களில் இதற்கான விடை நமக்கு கிடைத்துவிடும்.
News March 28, 2025
தினமும் காலையில் 2 முட்டை சாப்பிடுங்க
முட்டையில் 13 வகையான வைட்டமின்கள், தாதுக்கள், ஒமேகா-3 போன்றவை நிறைந்துள்ளது. அதனால் எந்த சந்தேகமும் இல்லாமல் தினசரி காலை 2 முட்டையை சாப்பிடுவது நல்லது. முட்டையின் மஞ்சள் கரு நல்ல கண்பார்வையை தரும். மூளை செயல்பாட்டை மேம்படுத்துவது, உடல் ஆரோக்கியத்தை பராமரிப்பது, குழந்தையின் வளர்ச்சிக்கு உதவுவது என பல்வேறு நன்மைகளை தரும். மேலும், நோய் எதிர்ப்பு சக்தி மற்றும் உடல் வளர்ச்சியை ஊக்குவிக்க உதவும்.
News March 28, 2025
மன அழுத்தத்தின் அறிகுறிகள்
பொதுவாக ஒருவர் மன அழுத்தத்தில் இருந்தால் சிலருக்கு தற்கொலை எண்ணம் தோன்றும். எனவே ஆரம்ப நிலையிலேயே இதை கண்டறிந்து மருத்துவரிடம் சென்றால் அவரை குணப்படுத்தி விடலாம். மன அழுத்த அறிகுறிகள் இவைதான்.
➤எரிச்சல் உணர்வு
➤அதிக தூக்கமின்மை
➤எதிலும் ஆர்வமின்மை
➤சோர்வு, உடல் எடை மாற்றங்கள்
➤அமைதியின்மை, அதிகம் பேசுதல்,
➤உடல் வலி, பசியிழப்பு
News March 28, 2025
காஷ்மீரில் 2 பயங்கரவாதிகள் சுட்டுக்கொலை
ஜம்மு-காஷ்மீரில் என்கவுண்ட்டரில் 2 பயங்கரவாதிகள் சுட்டுக்கொலை செய்யப்பட்டனர். கதுவா மாவட்டத்தில் உள்ள காட்டுப் பகுதியில் பயங்கரவாதிகள் 5 பேர் ஊடுருவியதாக போலீசாருக்கு ரகசிய தகவல் கிடைத்தது. இதனையடுத்து நடைபெற்ற தேடுதல் வேட்டையில், 2 பேர் சுட்டுக்கொல்லப்பட்டனர். 5 போலீசாருக்கு காயம் ஏற்பட்டுள்ளது. காயமடைந்த வீரர்கள் மருத்துவமனையில் அனுமதிக்கப்பட்டுள்ளனர்.
News March 28, 2025
இன்றைய பொன்மொழிகள்
▶கண்டனத்தைத் தாங்கிக்கொள்ளும் திடமனம் இல்லையென்றால் கடமையை நிறைவேற்ற முடியாது ▶எதிரிகள் தாக்கித் தாக்கி தங்கள் வலுவை இழக்கட்டும், நீங்கள் தாங்கித் தாங்கி வலுவைப் பெற்றுக்கொள்ளுங்கள் ▶ஒன்றே குலம், ஒருவனே தேவன் ▶ விதியை நம்பி, மதியை பறிகொடுத்து பகுத்தறிவற்ற மனிதர்களாக வாழ்வது மிக மிக கேடு ▶உலகின் பிளவு குடும்பத்தில் ஆரம்பிக்கிறது.
News March 28, 2025
காம சிந்தனைகளால் ஏற்படும் வஞ்சித தோஷம் நீங்க…
ஜாதகத்தில் சந்திரன் நிலை கெட்டிருந்தாலும், காம சிந்தனைகளால் மதி திசைமாறி நடப்பதாலும் வஞ்சித தோஷம் ஏற்படுகிறது. அதை போக்க வளர்பிறை வெள்ளிக்கிழமையன்று விரதம் இருந்து மேல்மலையனூர் அங்காளம்மன் கோயிலின் தீர்த்தத்தில் நீராடி, சிவப்பு நிற வஸ்திரம் அனைத்து 48 தீபங்களை ஏற்றி அம்மனை வழிபட்டு 11 ஏழைப் பெண்களுக்கு உணவிட்டு, சேலை தானம் அளித்தால் வஞ்சித தோஷம் விலகும் என ஐதீகம்.
News March 28, 2025
மியாமி ஓபன் டென்னிஸ்: அரையிறுதியில் டிமித்ரோவ்
மியாமி ஓபன் டென்னிஸ் தொடரில் பல்கேரியாவின் கிரிகோர் டிமித்ரோவ் அரையிறுதிக்கு போட்டிக்கு முன்னேறினார். ஆண்கள் ஒற்றையர் பிரிவின் காலிறுதி சுற்றில், அவர் அர்ஜெண்டினாவின் பிரான்சிஸ்கோ உடன் மோதினார். இதில், டிமித்ரோவ் 6-7 (6-8), 6-4, 7-6 (7-3) என வென்று அரையிறுதி சுற்றுக்கு முன்னேறினார்.
Featured News
Sorry, no posts matched your criteria.