India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News March 20, 2024
இன்று மாலை அறிவிக்கிறார் ஓபிஎஸ்
எந்தெந்த தொகுதியில் போட்டி என்பது குறித்த தகவலை இன்று மாலை அறிவிப்பதாக முன்னாள் முதல்வர் ஓபிஎஸ் தெரிவித்துள்ளார். மதுரை விமான நிலையத்தில் பத்திரிகையாளர்களிடையே பேசிய அவர், பாஜக கூட்டணியில் இணைந்து தேர்தலை சந்திக்க உள்ளோம். எந்த சின்னத்தில் போட்டி என்பது குறித்து இன்று மாலை அறிவிப்போம் எனக் கூறியுள்ளார். இன்னும் ஓரிரு நாட்களில் பாஜகவின் இறுதிப் பட்டியல் வெளியாகும் எனக் கூறப்படுகிறது.
News March 20, 2024
10 எம்.பிக்களுக்கு மீண்டும் வாய்ப்பு
திமுகவில் தற்போதுள்ள 10 எம்.பிக்களுக்கு மீண்டும் வாய்ப்பு வழங்கப்பட்டுள்ளது. அதன்படி, 1. வட சென்னை – கலாநிதி வீராசாமி 2. மத்திய சென்னை – தயாநிதி மாறன் 3. தென் சென்னை – தமிழச்சி 4. ஸ்ரீபெரும்புதூர் – டி.ஆர்.பாலு 5. காஞ்சிபுரம் – செல்வம் 6. அரக்கோணம் – ஜெகத்ரட்சகன், 7. வேலூர் – கதிர் ஆனந்த் 8. நீலகிரி – ஆ.ராசா 9. தூத்துக்குடி – கனிமொழி 10. தி.மலை – அண்ணாதுரை ஆகியோர் மீண்டும் போட்டியிடுகின்றனர்.
News March 20, 2024
வாரிசுகள் மோதும் களமான தென் சென்னை
மக்களவைத் தேர்தலில் திமுக சார்பில் தென் சென்னை தொகுதியில் அமைச்சர் தங்கம் தென்னரசின் மூத்த சகோதரியான தமிழச்சி தங்கப்பாண்டியன் மீண்டும் தேர்தலில் போட்டியிட உள்ளார். 2024இல் தென் சென்னையில் 2ஆவது முறையாக போட்டியிடுகிறார். மறைந்த திமுக முன்னாள் அமைச்சர் தங்கப்பாண்டியனின் வாரிசான இவர் அதிமுக முன்னாள் அமைச்சர் ஜெயக்குமாரின் மகனான ஜெ.ஜெயவர்த்தனாவை எதிர்த்து 2ஆவது முறையாக போட்டியிடவுள்ளார்.
News March 20, 2024
நீட் தேர்வு குறித்து 2வது முறையாக திமுக வாக்குறுதி
கடந்த தேர்தலைப் போல இந்த முறையும், நீட் தேர்வு ரத்து குறித்து தனது மக்களவைத் தேர்தல் அறிக்கையில் திமுக வாக்குறுதி அளித்துள்ளது. சட்டப்பேரவைத் தேர்தலில் திமுக வென்றால் நீட் உடனடியாக ரத்து செய்யப்படும் என வாக்குறுதியளித்தது. எனினும் தமிழ்நாட்டுக்கு இதுவரை விலக்கு கிடைக்கவில்லை. இதை எதிர்க்கட்சிகள் விமர்சித்து வந்த நிலையில், 2வது முறையாக தற்போது தேர்தல் அறிக்கையில் திமுக வாக்குறுதி அளித்துள்ளது.
News March 20, 2024
BREAKING: திமுகவில் 11 புதுமுகங்கள்
மக்களவைத் தேர்தலில் திமுகவில் 11 புதுமுகங்களுக்கு வாய்ப்பு வழங்கப்பட்டுள்ளது. அதன்படி, 1. பொள்ளாச்சி – கே.ஈஸ்ரவசாமி 2. தென்காசி – ராணிஸ்ரீகுமார் 3. தஞ்சாவூர் – முரசொலி 4. தருமபுரி – ஆ.மணி 5. சேலம் – செல்வகணபதி 6. ஈரோடு – கே.பிரகாஷ் 7.கள்ளக்குறிச்சி – மலையரசன் 8. கோவை – கணபதி 9. தேனி – தங்க தமிழ்செல்வன் 10. ஆரணி – தரணிவேந்தன் 11. பெரம்பலூர் – அருண்நேரு
News March 20, 2024
தேசிய ஊரக வேலை நாள் எண்ணிக்கை உயர்த்தப்படும்
மகாத்மா காந்தி தேசிய ஊரக வேலைவாய்ப்பு நாள் எண்ணிக்கை 100-இல் இருந்து150-ஆக உயர்த்தப்படும் என திமுகவின் தேர்தல் அறிக்கையில் வாக்குறுதி அளிக்கப்பட்டுள்ளது. அக்கட்சியின் தேர்தல் அறிக்கையில் கூறப்பட்டிருப்பதாவது, ” வேலை நாள் எண்ணிக்கை 100-இல் இருந்து150-ஆக உயர்த்தப்படும். ஊதியமும் ரூ.400-ஆக உயர்த்தப்படும். ஜி.எஸ்.டி. சட்டத்தில் சீர்திருத்தம் கொண்டு வரப்படும்” எனக் கூறப்பட்டுள்ளது.
News March 20, 2024
மகனுக்கு மீண்டும் சீட் வாங்கிய ஜெயக்குமார்
மக்களவைத் தேர்தலில் அதிமுக சார்பில் தென் சென்னை தொகுதியில் முன்னாள் அமைச்சர் ஜெயக்குமார் மகன் ஜெ. ஜெயவர்த்தன் மீண்டும் தேர்தலில் போட்டியிட உள்ளார். முன்னதாக 2014 (வெற்றி), 2019 (தோல்வி) தேர்தல்களில் தென் சென்னையில் போட்டியிட்ட அவர், தற்போது 3ஆவது முறையாக போட்டியிடுகிறார். 2014 இல் ஜெயவர்த்தன் தனது 26 வயதில் வெற்றி பெற்றதன் மூலம் இந்தியாவின் இளைய எம்.பி என்ற பெருமையைப் பெற்றது குறிப்பிடத்தக்கது.
News March 20, 2024
பொது சிவில் சட்டம் அமல்படுத்தப்படாது
I.N.D.I.A. கூட்டணி அரசு அமைந்தால், பொது சிவில் சட்டம் அமல்படுத்தப்படாது என்று திமுக உறுதியளித்துள்ளது. அக்கட்சியின் தேர்தல் அறிக்கையில், “எங்கள் கூட்டணி அரசு அமைந்தால் பொது சிவில் சட்டம் அமல்படுத்தப்படாது. இலங்கை தமிழர்களுக்கு குடியுரிமை அளிக்கப்படும். ஒரே நாடு, ஒரே தேர்தல் திட்டம் கைவிடப்படும்” எனக் கூறப்பட்டுள்ளது.
News March 20, 2024
சென்னையில் 3வது ரயில் முனையம்
சென்னையில் 3வது ரயில் முனையம் அமைக்கப்படும் என்று திமுக வாக்குறுதி அளித்துள்ளது. அக்கட்சியின் தேர்தல் அறிக்கையில் கூறப்பட்டிருப்பதாவது, “சென்னையில் 3வது ரயில் முனையம் அமைக்கப்படும். தேசிய நெடுஞ்சாலைகளில் உள்ள சுங்கச்சாவடிகள் முழுவதும் அகற்றப்படும். ரயில்வே துறையில் கட்டணச் சலுகைகள் மீண்டும் வழங்கப்படும். விமானக் கட்டணம் முறைப்படுத்தப்படும்” எனக் கூறப்பட்டுள்ளது.
News March 20, 2024
சமையல் சிலிண்டர் விலை ரூ.500ஆக குறைக்கப்படும்
I.N.D.I.A. கூட்டணி அரசு மத்தியில் அமைந்தால், சமையல் சிலிண்டர் விலை ரூ.500ஆக குறைக்கப்படுமென திமுக தேர்தல் அறிக்கையில் தெரிவிக்கப்பட்டுள்ளது. மேலும், அதில், திருக்குறள் தேசிய நூலாக அறிவிக்கப்படும். வங்கியில் குறைந்தபட்ச தொகை இல்லையெனில் பிடிக்கப்படும் அபராதம் ரத்து செய்யப்படும். பொது சிவில் சட்டம் கொண்டு வரப்படாது. சென்னையில் உச்சநீதிமன்ற கிளை அமைக்கப்படும் எனத் தெரிவிக்கப்பட்டுள்ளது.
Featured News
Sorry, no posts matched your criteria.