India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 9, 2025
இந்தியாவிடம் வாலாட்டும் வங்கதேசம்! (2/2)
அண்மையில் சீனா சென்ற வங்கதேச இடைக்கால அரசின் தலைமை ஆலோசகர் முகமது யூனஸ், வடகிழக்கு இந்தியா நிலத்தால் சூழப்பட்டிருப்பதால், வங்கக் கடலுக்கு இனி டாக்கா தான் ராஜா என்ற தொனியில் பேசினார். இதனால், அதிருப்தியடைந்த இந்தியா, வ.தேசத்தின் வாலை நறுக்க, சரக்குகளை கையாளும் வசதியை ரத்து செய்திருக்கிறது. இதனால் நேபாளம், பூடான், மியான்மர் போன்ற நாடுகளுக்கு இனி வ.தேசத்தால் சரக்குகளை கொண்டு செல்லவே முடியாது!
News April 9, 2025
BREAKING: வெள்ளி விலை கிலோவுக்கு ₹2,000 அதிகரிப்பு
வெள்ளி <<16042772>>விலை <<>>இன்று ஒரே நாளில் கிலோவுக்கு ₹2,000 உயர்த்தப்பட்டுள்ளது. சென்னையில் நேற்று 1 கிராம் வெள்ளி ₹102-க்கும், 1 கிலோ ₹1.02 லட்சத்துக்கும் விற்பனை செய்யப்பட்டது. இன்று காலை விலை மாற்றப்படாத போதிலும் மதியத்தில் விலையில் மாற்றம் செய்யப்பட்டது. 1 கிராம் வெள்ளி ₹2 உயர்த்தப்பட்டு ₹104க்கு விற்கப்படுகிறது. இதேபோல் 1 கிலோ ₹2,000 அதிகரிக்கப்பட்டு ₹1.04 லட்சத்துக்கு விற்கப்படுகிறது.
News April 9, 2025
திருப்பதி-காட்பாடிக்கு ₹1,332 கோடியில் இரட்டை ரயில் பாதை
திருப்பதி-காட்பாடி இடையே ₹1,332 கோடியில் 104 கி.மீ. தூரத்திற்கு இரட்டை ரயில் பாதை அமைக்க மத்திய அமைச்சரவை ஒப்புதல் அளித்துள்ளது. டெல்லியில் இன்று மோடி தலைமையில் நடந்த மத்திய அமைச்சரவை கூட்டத்தில், திருப்பதி- காட்பாடி திட்டத்துக்கு ஒப்புதல் அளிக்கப்பட்டது. செய்தியாளர்களிடம் பேசிய மத்திய அமைச்சர் அஸ்வினி வைஷ்ணவ், ரயில் போக்குவரத்தை சீராக்க இந்த முடிவு எடுக்கப்பட்டதாகக் கூறினார்.
News April 9, 2025
USA-வை எதிர்க்க இந்தியாவை அழைக்கும் சீனா
அதிகவரி விதித்து உலக நாடுகளை டிரம்ப் அச்சுறுத்தி வருகிறார். இந்த அச்சுறுத்தல்களை சமாளிக்க இந்தியாவும், சீனாவும் பொருளாதார, வர்த்தக ரீதியில் இணைந்து செயல்பட வேண்டும் என டெல்லியில் உள்ள சீன தூதரகம் தெரிவித்துள்ளது. அமெரிக்காவின் இந்த ஒருதலைபட்சமான நடவடிக்கையை கூட்டாக எதிர்க்க வேண்டும் எனவும், பன்முகத்தன்மையை நிலைநாட்ட வேண்டும் எனவும் உலக நாடுகளுக்கு அழைப்பு விடுத்துள்ளது.
News April 9, 2025
அண்ணாமலை மாற்றம் உறுதி?
தமிழக பாஜக தலைவர் மாற்றப்படுவது உறுதியென்று டெல்லியில் இருந்து தகவல் வெளியாகியுள்ளது. இன்று டெல்லி பாஜக தலைமை அலுவலகத்தில் தமிழக பாஜக புதிய தலைவர் குறித்த ஆலோசனை நடைபெற்றது. இதற்காகத்தான் நயினார் நாகேந்திரன் டெல்லி சென்றிருந்தார். இந்நிலையில், புதிய தலைவர் தேர்வாகியிருப்பதாகவும் வரும் 11ஆம் தேதி அதிகாரப்பூர்வ அறிவிப்பு வெளியாகும் என்றும் தகவல் கசிந்துள்ளது.
News April 9, 2025
26 ரஃபேல் போர் விமானங்களை வாங்குகிறது இந்தியா!
இந்திய கடற்படைக்காக 26 ரஃபேல் போர் விமானங்களை வாங்க மத்திய அமைச்சரவை ஒப்புதல் அளித்துள்ளது. இதன் மூலம் 63,000 கோடி மதிப்பிலான ஒப்பந்தம் இந்தியா – பிரான்ஸ் இடையே கையெழுத்தாகவுள்ளது. ஐஎன்எஸ் விக்ரமாதித்யா போர்க்கப்பலில் ஏற்கெனவே MiG-29K ரக போர் விமானங்கள் சேவையாற்றும் நிலையில், ரஃபேல் விமானங்களின் வரவு கடற்படைக்கு கூடுதல் பலத்தை சேர்க்கும் என எதிர்பார்க்கப்படுகிறது.
News April 9, 2025
அடுத்த 3 மணி நேரத்திற்கு மழை
தமிழகத்தில் இரவு 7 மணி வரை திருவாரூர், தேனி, கன்னியாகுமரி, திருநெல்வேலி ஆகிய மாவட்டங்களில் இடி, மின்னலுடன் கூடிய மிதமான மழை பெய்யக்கூடும் என்று MET தெரிவித்துள்ளது. மேலும், நீலகிரி, கோயம்புத்தூர், திருப்பூர், திண்டுக்கல், தென்காசி, தூத்துக்குடி, தஞ்சாவூர், நாகப்பட்டினம், மயிலாடுதுறை ஆகிய மாவட்டங்களில் லேசான மழை பெய்ய வாய்ப்புள்ளதாக கணிக்கப்பட்டுள்ளது.
News April 9, 2025
SBI ஏடிஎம்களில் இவர்களுக்கு கட்டணமில்லை.. இலவசம்
SBI வங்கி ஏடிஎம் கட்டண விதிகளை பிப்.1 முதல் மாற்றியமைத்தது அனைவரும் அறிந்ததே. இந்த விதியின்படி, SBI ஏடிஎம் கார்டு வைத்திருப்போர் 5 முறை SBI ஏடிஎம்களிலும், 10 முறை பிற ஏடிஎம்களிலும் இலவசமாக பரிவர்த்தனை செய்யலாம். அதேநேரத்தில் சேமிப்பு கணக்கில் சராசரியாக ரூ.1 லட்சம் வைத்திருப்போருக்கு SBI மற்றும் பிற வங்கி ஏடிஎம்களில் ஏடிஎம் பரிவர்த்தனை அன்லிமிடெட் இலவசமாகும். கட்டணம் வசூலிக்கப்படாது. SHARE IT
News April 9, 2025
ரஷ்யாவின் வெற்றி விழா: பிரதமர் மோடிக்கு அழைப்பு
ரஷ்யாவுக்கு வருமாறு பிரதமர் மோடிக்கு அதிபர் புடின் அழைப்பு விடுத்துள்ளார். 2ஆம் உலகப் போரில் வெற்றி வாகை சூடியதை ஆண்டுதோறும் மே 9 ஆம் தேதி ரஷ்யா கொண்டாடி வருகிறது. 80 ஆம் ஆண்டு வெற்றி விழாவில் பங்கேற்க வருமாறு பிரதமர் மோடிக்கு ரஷ்ய அதிபர் புடின் அழைப்பு விடுத்துள்ளார். கடைசியாக கடந்த ஆண்டு ஜூலை மாதம் பிரதமர் மோடி ரஷ்யாவுக்கு சென்றிருந்தார் என்பது குறிப்பிடத்தக்கது.
News April 9, 2025
குமரி அனந்தனின் நிறைவேறாத ஆசைகள்
நதிநீர் இணைப்பு, மது ஒழிப்பு ஆகியவை குமரி அனந்தனின் நீண்டநாள் கோரிக்கைகள். இதற்காக குமரி-சென்னைக்கு பல முறை அவர் பாத யாத்திரை மேற்கொண்டுள்ளார். கட்சி நிகழ்ச்சிகளில் பேசும்போதும் தனது விருப்பத்தை அவர் முன்வைக்க தவறியதே இல்லை. ஆனால் அவரது ஆசைகள் கடைசி வரை நிறைவேறவே இல்லை. குமரி அனந்தன் மறைந்தாலும், அவர் மேற்கொண்ட பாத யாத்திரைகள் என்றும் தமிழக வரலாற்றில் அவருக்கு புகழை பெற்றுத் தரும்.
Featured News
Sorry, no posts matched your criteria.