India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 9, 2025
BREAKING: குமரி அனந்தன் உடல் தகனம்
காங்கிரஸ் EX MP குமரி அனந்தனின் உடல், அரசு மரியாதைக்கு பிறகு தகனம் செய்யப்பட்டது. சென்னையில் தமிழிசையின் இல்லத்தில் அஞ்சலிக்காக வைக்கப்பட்டிருந்த குமரி அனந்தனின் உடல், பிறகு வாகனத்தில் ஊர்வலமாக வடபழனிக்கு எடுத்து வரப்பட்டது. இதையடுத்து மின்மயானத்தில் அரசு மரியாதை அளிக்கப்பட்டது. 72 குண்டுகள் முழங்க போலீசார் மரியாதை செலுத்தினர். பின்னர் இறுதிச்சடங்கு நடத்தப்பட்டு, அவர் உடல் தகனம் செய்யப்பட்டது.
News April 9, 2025
பாஜக தலைவர் ரேசில் முந்தும் ஆனந்தன் அய்யாசாமி
தமிழகத்துக்கான பாஜக தலைவர் யார் என்று வரும் 11ஆம் தேதி அமித் ஷா அறிவிக்கவுள்ளார். அந்த ரேசில் நான் இல்லையென்று அண்ணாமலை ஏற்கெனவே அறிவித்திருக்கும் நிலையில், நயினார் நாகேந்திரன், தமிழிசை சௌந்தரராஜன் பெயர்கள் அடிபட்டன. இந்நிலையில், தென்காசியைச் சேர்ந்த ஆனந்தன் அய்யாசாமி ரேசில் முந்துவதாக தகவல் வெளியாகியுள்ளது. தலித் வகுப்பைச் சேர்ந்த இவர், அமெரிக்காவில் பணிபுரிந்தவர்.
News April 9, 2025
இந்தியாவிற்கு அடுத்த ஷாக்.. டிரம்ப் எடுத்த முடிவு
அமெரிக்காவில் மருந்து பொருள்கள் இறக்குமதிக்கும் அதிக வரிவிதிக்க உள்ளதாக டிரம்ப் தெரிவித்துள்ளார். இது இந்திய மருந்து துறைக்கு பெரிய பாதிப்பை ஏற்படுத்தும் எனவும், இதனால் அமெரிக்க நுகர்வோருக்கு அதிக விலையேற்றம் ஏற்படும் எனவும் நிபுணர்கள் கணித்துள்ளனர். 2024 நிதியாண்டில் இந்தியா ஏற்றுமதி செய்த $27.9 பில்லியன் மதிப்பிலான மருந்துகளில், 31% அமெரிக்காவிற்கு மட்டும் ஏற்றுமதி செய்துள்ளது.
News April 9, 2025
பெட்ரோலுக்கு இவளோ வரி கட்டுறோமா!
நாம் பயன்படுத்தும் ஒவ்வொரு லிட்டர் பெட்ரோலுக்கும் நாம் ₹43.68 வரியாக செலுத்துகிறோம். அதாவது, நாம் செலுத்தும் ₹102-ல் கிட்டத்தட்ட ₹58 மட்டுமே பெட்ரோலின் விலை. இந்த வரியில் மத்திய அரசுக்கு 21.90 ரூபாயும், மாநில அரசுக்கு 21.78 ரூபாயும் வரியாக செல்கிறது. பெட்ரோல் & டீசலை GSTக்குள் கொண்டு வந்தால் அதிகபட்சம் 28% மட்டுமே வரி விதிக்க முடியும் என்பதால்தான் மத்திய, மாநில அரசுகள் அத்திட்டத்தை எதிர்க்கின்றன.
News April 9, 2025
அரசியலுக்கு அப்பாற்பட்டவர் குமரி அனந்தன்
மறைந்த EX எம்பி குமரி அனந்தன் காங்கிரஸ் முன்னாள் மாநில தலைவராவார். அவரின் மகள் தமிழிசை செளந்தரராஜன் பாஜகவை சேர்ந்தவர். எனினும் குமரி அனந்தன் அரசியலுக்கு அப்பாற்பட்ட முகமாகவே அனைவராலும் பார்க்கப்பட்டார். காங்கிரஸ், பாஜக, திமுக, அதிமுக என அனைத்து கட்சியினராலும் மதிக்கப்பட்டார். குமரி அனந்தனின் உடலுக்கு கட்சி பாகுபாடில்லாமல் அஞ்சலி செலுத்திய தலைவர்களை பார்த்தாலே இதை அறிய முடியும்.
News April 9, 2025
இந்தியாவிற்கு அழைத்து வரப்படும் தீவிரவாதி
2008 மும்பை தீவிரவாதி தாக்குதலுக்கு மூளையாக செயல்பட்ட தஹாவூர் ராணா, இன்று இரவு அல்லது நாளை காலை இந்தியாவிற்கு கொண்டுவரப்பட உள்ளதாக தகவல் வெளியாகியுள்ளது. நாடு கடத்துவதற்கு தடை கோரிய ராணாவின் மனுவை அமெரிக்க உச்சநீதிமன்றம் தள்ளுபடி செய்த நிலையில், சிறப்பு விமானம் மூலம் அவர் இந்தியாவிற்கு அழைத்துவரப்பட உள்ளார். மும்பையில் லஷ்கர்- இ- தொய்பா தீவிரவாதிகள் நடத்திய தாக்குதலில் 175 பேர் கொல்லப்பட்டனர்.
News April 9, 2025
உச்சமடையும் வர்த்தக போர்: சீனாவின் அதிரடி பதிலடி
அமெரிக்க இறக்குமதி பொருள்களுக்கு சீனா 84% வரிவிதித்துள்ளது. இந்த புதிய வரிவிதிப்பு நாளை முதல் அமலுக்கு வரும் எனவும் சீனா தெரிவித்துள்ளது. சீன இறக்குமதி பொருள்களுக்கு டிரம்ப் 104% வரிவிதித்த மறுநாள், சீனா இந்த அறிவிப்பை வெளியிட்டுள்ளது. முன்னதாக சீனா 34% வரிவிதித்திருந்தது. உலகின் 2 பெரிய பொருளாதார நாடுகளுக்கு இடையேயான வர்த்தக போர் தற்போது உச்சநிலையை அடைந்துள்ளது.
News April 9, 2025
GPay, Paytm யூசர்களுக்கு ஹேப்பி நியூஸ்!
UPI பரிவர்த்தனையின் தினசரி வரம்பை அதிகரிக்க ரிசர்வ் வங்கி, NPCI-க்கு அனுமதி வழங்கியுள்ளது. இதனால், P2M பரிவர்த்தனை (தனிநபர் to வணிகர்கள்) செய்யும் பரிவர்த்தனையை ₹2 லட்சத்தில் இருந்து, ₹5 லட்சமாக உயர வாய்ப்புள்ளது. ஆனால், P2P பரிவர்த்தனை (தனிநபர் to தனிநபர்) வரம்பு அதிகரிக்க வாய்ப்பில்லை எனவும் தகவல் வெளிவந்துள்ளது. நீங்க ஒரு நாளைக்கு UPI பரிவர்த்தனை எந்த அளவிற்கு செய்யுறீங்க?
News April 9, 2025
வேலையே செய்யவேண்டாம்.. ஒரு வருட சம்பளம் தருகிறோம்
வேலை செய்பவர்களுக்கே பல கம்பெனிகள் சம்பளம் சரியாக கொடுப்பதில்லை. ஆனால், கூகுள் நிறுவனம் தனது Ex-ஊழியர்களுக்கு 1 வருட சம்பளம் தருகிறதாம். AI துறையில் அதிகரிக்கும் போட்டியை சமாளிக்க, தங்கள் நிறுவனத்தில் இருந்து வெளியேறும் Ex-ஊழியர்களால், நிறுவனத்தின் தகவல்கள் கசிந்து விடாமல் இருக்க, இந்த முன்னெச்சரிக்கை நடவடிக்கையை மேற்கொள்வதாக கூறப்படுகிறது. உங்களுக்கு என்ன தோணுது?
News April 9, 2025
இந்தியாவிடம் வாலாட்டும் வங்கதேசம்! (1/2)
வங்கதேசத்தில் இருந்து பொருள்களை ஏற்றுமதி செய்ய வேண்டுமெனில், இந்தியாவின் உதவி அவசியம். ஏனெனில், கப்பலில் வந்திறங்கும் சரக்குகள், இந்திய தரை வழியாக கொண்டு செல்லப்பட்டே, விமானம் மூலம் மற்ற நாடுகளுக்கு எடுத்துச் செல்ல முடியும். இதற்காக சரக்குகளை கையாளும் வசதியை இந்தியா, வங்கதேசத்துக்கு வழங்கியிருந்தது. ஆனால், திடீரென அந்த வசதியை ரத்து செய்திருக்கிறது இந்தியா. அதற்கு என்ன காரணம்? பார்க்கலாம்!
Featured News
Sorry, no posts matched your criteria.