India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News March 30, 2024
எடப்பாடிக்கு தைரியம் இருக்கிறதா?
மோடியா லேடியா என ஜெயலலிதா கேட்டது போல், மோடியா எடப்பாடியா எனக் கேட்கும் தைரியம் இபிஎஸ்-க்கு உள்ளதா என பாஜக மாநில பொதுச்செயலாளர் ராம சீனிவாசன் சவால் விடுத்துள்ளார். மேலும், ஜெயலலிதாவைப் போல தனித்து தேர்தலை சந்திக்கும் துணிச்சல் இபிஎஸ்-க்கு உள்ளதா? என கேள்வி எழுப்பிய அவர், தேர்தலுக்குப் பின் அதிமுக என்ற கட்சி இருக்கவே இருக்காது என கடுமையாகத் தாக்கி பேசியுள்ளார்.
News March 30, 2024
மக்களவைத் தேர்தலில் 950 பேர் போட்டி
மக்களவைத் தேர்தலில் போட்டியிடும் தமிழக வேட்பாளர்களின் இறுதி வேட்பாளர்கள் பட்டியல் வெளியிடப்பட்டது. மொத்தம் 1085 வேட்பு மனுக்கள் ஏற்கப்பட்ட நிலையில், 135 பேர் தங்களது வேட்பு மனுக்களை வாபஸ் பெற்றனர். இதனால் மொத்தம் 950 பேர் தேர்தலில் போட்டியிடுகின்றனர். இதில் 874 ஆண்கள் மற்றும் 76 பெண்கள் அடங்கும். தமிழகத்தில் முதல்கட்டமாக ஏப்ரல் 19ஆம் தேதி மக்களவைத் தேர்தல் நடைபெறுகிறது.
News March 30, 2024
4ஆவது காலாண்டில் ஜிடிபி 8% வளர்ச்சியடையும்
நடப்பு நிதியாண்டின் நான்காவது காலாண்டில் இந்தியாவின் ஜி.டி.பி 8 % அல்லது அதற்கு மேல் வளர்ச்சியடையும் என நிதியமைச்சர் நிர்மலா சீதாராமன் நம்பிக்கை தெரிவித்துள்ளார். மும்பையில் நடைபெற்ற நிகழ்ச்சியில் பங்கேற்று பேசிய அவர், ‘பணவீக்கத்தை கட்டுப்படுத்தி, பருப்பொருளாதார நிலைத்தன்மை ஆகிய காரணிகளால் 2023-24ஆம் நிதியாண்டிற்கும் இதேயளவுக்கு 8% ஜி.டி.பி வளர்ச்சியை எதிர்ப்பார்க்கலாம்’ என்றார்.
News March 30, 2024
போட்டியிட பாஜகவில் வேட்பாளர்கள் கூட இல்லை
தமிழகத்தில் மக்களவைத் தேர்தலில் போட்டியிட பாஜகவில் வேட்பாளர்கள் கூட இல்லையென முதல்வர் ஸ்டாலின் விமர்சித்துள்ளார். சேலத்தில் நடைபெற்ற பிரசார பொதுக்கூட்டத்தில் பங்கேற்று பேசிய அவர், ‘பாஜகவில் வேட்பாளர்கள் இல்லையென்பதால் முன்னாள் ஆளுநர், எம்.எல்.ஏக்கள் தேர்தலில் போட்டியிடுகின்றனர். தேர்தல் பத்திர ஊழலுக்கு பின் பாஜக தோற்குமென்ற உளவுத்துறை அறிக்கையால் மோடி தூக்கத்தை தொலைத்து நிற்கிறார்’ என்றார்.
News March 30, 2024
புதுச்சேரி சிங்கப்பூர் போல மாற்றப்படும்
அதிமுக வெற்றிபெற்றால் புதுச்சேரி சிங்கப்பூர் போல மாற்றப்படும் என இபிஎஸ் தெரிவித்துள்ளார். புதுச்சேரியில் தேர்தல் பரப்புரையில் பேசிய அவர், ‘புதுச்சேரி துணைநிலை ஆளுநரின் கட்டுப்பாட்டில் உள்ளதால் மக்களால் தேர்ந்தெடுக்கப்படும் அரசு முழுமையாக செயல்பட முடியாத நிலையில் உள்ளது. புதுச்சேரியில் அதிமுக வெற்றிபெற்றால் புதுச்சேரிக்கு மாநில அந்தஸ்து பெற நாடாளுமன்றத்தில் அழுத்தம் தரப்படும்’ என கூறினார்.
News March 30, 2024
WC டி20 இந்திய அணி ஏப்ரல் இறுதியில் அறிவிப்பு?
டி20 உலகக் கோப்பைக்கான இந்திய அணியை ஏப்ரல் இறுதியில் பிசிசிஐ அறிவிக்கும் எனத் தெரிகிறது. உலகக் கோப்பைக்கான தங்கள் வீரர்களை அறிவிக்க ஐசிசி மே 1 வரை அவகாசம் அளித்துள்ளது. அதற்கு முன்பாகவே இந்திய அணி தங்கள் வீரர்களை அறிவிக்கும் எனத் தெரிகிறது. ஐபிஎல்லில் சிறப்பாக விளையாடும் வீரர்களுக்கு அணியில் இடம் கிடைக்கும் என கூறப்படுகிறது. யாரெல்லாம் அணியில் இடம் பிடிப்பார்கள் என நினைக்கிறீர்கள்?
News March 30, 2024
பாஜகவில் வாரிசு அரசியல் இல்லையா?
பாஜகவில் வாரிசு அரசியல் இல்லையா? என பெரம்பலூர் திமுக வேட்பாளர் அருண் நேரு கேள்வி எழுப்பியுள்ளார். இது தொடர்பாக பேசிய அவர், “அரசியல் ரீதியாக திமுகவை பலகீனப்படுத்த வேண்டும் என்பதற்காக இந்த குற்றச்சாட்டுக்களை முன்வைக்கிறார்கள். பாஜகவில் வாரிசு அரசியல் அதிகம் இருக்கிறது. எடியூரப்பா மகன் தான் கர்நாடக பாஜக தலைவர். வாரிசு அரசியல் என்பது திமுகவை எதிர்கொள்ள முடியாதவர்கள் வைக்கும் குற்றச்சாட்டு” என்றார்.
News March 30, 2024
KYC அப்டேட் பண்ண நாளை கடைசி
ஃபாஸ்டேக் (Fastag) கணக்குகளில் KYC-யை அப்டேட் செய்வதற்கான கால அவகாசம் நாளையுடன் (மார்ச் 31) முடிவடைகிறது. முன்னர் பிப்.29 வரை அவகாசம் அளிக்கப்பட்ட நிலையில், பின்னர் அவகாசம் மார்ச் 31 வரை நீட்டிக்கப்பட்டது. ‘ஒரே வாகனம், ஒரே Fastag’ என்ற திட்டத்தின் மூலம், ஒரே Fastag-ஐ பல வாகனங்களுக்கு பயன்படுத்துவது, ஒரே வாகனத்திற்கு பல Fastag-களை பயன்படுத்துவதைத் தவிர்க்க முடியும். உடனே KYC அப்டேட் பண்ணுங்க.
News March 30, 2024
5 ஓபிஎஸ்களுக்கு எந்தெந்த சின்னம் ஒதுக்கீடு?
ராமநாதபுரம் தொகுதியில் முன்னாள் முதல்வர் ஓபிஎஸுக்கு பலாப்பழம் சின்னம் ஒதுக்கப்பட்டுள்ளது. ஓபிஎஸுக்கு எதிராக போட்டியிடும் 5 ஓபிஎஸ்களுக்கு ,1. திருமங்கலம் ஒ.பன்னீர்செல்வம் – வாளி, 2. ராமநாதபுரம் ஒ.பன்னீர் செல்வம் – கண்ணாடி டம்ளர், 3. கங்கைகொண்டான் ம.பன்னீர் செல்வம் – பட்டாணி, 4. சோலையழகுபுரம் ஒ.பன்னீர் செல்வம் – திராட்சை, 5. உசிலம்பட்டி ஒ.பன்னீர்செல்வம் – கரும்பு விவசாயி சின்னம் ஒதுக்கப்பட்டுள்ளது.
News March 30, 2024
டேனியல் பாலாஜி மறைவிற்கு கமல் உருக்கமாக இரங்கல்
மாரடைப்பால் நேற்றிரவு காலமான நடிகர் டேனியல் பாலாஜியின் மறைவிற்கு மநீம தலைவர் கமல் உருக்கமாக இரங்கல் தெரிவித்துள்ளார். இது குறித்து, “இளவயது மரணங்களின் வேதனை பெரிது. கண் தானம் செய்ததனால் மறைந்த பின்னும் அவர் வாழ்வார். ஒளியை கொடையளித்துச் சென்றிருக்கும் பாலாஜிக்கு என் அஞ்சலி” என X தளத்தில் பதிவிட்டுள்ளார். டேனியல் பாலாஜி, கமலுடன் இணைந்து வேட்டையாடு விளையாடு படத்தில் நடித்திருந்தார்.
Featured News
Sorry, no posts matched your criteria.