India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News March 17, 2025
நடிகை ரன்யா ராவ் குறித்து அசிங்கமாக பேசிய எம்எல்ஏ
தங்கக் கடத்தல் வழக்கில் சிக்கிய நடிகை ரன்யா ராவ் குறித்து பாஜக எம்எல்ஏ பசன்கவுடா பாட்டீல் அறுவறுப்பாக பேசியிருப்பது சர்ச்சையை ஏற்படுத்தியுள்ளது. உடலில் எங்கெல்லாம் ஓட்டைகள் இருக்கிறதோ, அங்கெல்லாம் தங்கத்தை பதுக்கி கடத்தினார் என அவர் அறுவறுப்பாக பேசியதற்கு கண்டனங்கள் எழுந்துள்ளன. அதே சமயம் இந்த வழக்கில் தொடர்புடைய மாநில அமைச்சர்களின் பெயர்களை அம்பலப்படுத்தப் போவதாகவும் அறிவித்துள்ளார்.
News March 17, 2025
ஆடு பகை… குட்டி உறவு..!
EPSஐ தொடர்ந்து புறக்கணித்து வரும் செங்கோட்டையன், இன்றைய சட்டப்பேரவை நடவடிக்கைகளில் கலந்து கொண்டார். அப்போது, கடம்பூர் ராஜூவுடன் அவர் தீவிரமாக பேசிக் கொண்டிருந்த காட்சிகள் இணையத்தில் வைரலாகியுள்ளன. தலைமையுடன் மோதல் போக்கை கடைபிடித்து வரும் செங்கோட்டையன், மற்ற தலைவர்களையும் தன் வசம் இழுக்கிறார் என்று பேச்சு அடிபடும் வேளையில், இந்த வீடியோ வெளியாகியிருக்கிறது. என்னதான் நடக்கிறது அதிமுக கூடாரத்தில்!
News March 17, 2025
வெள்ளி விலை வரலாறு காணாத உச்சம்!
சென்னையில் வெள்ளி விலை புதிய உச்சத்தைத் தொட்டுள்ளது. இன்று (மார்ச் 17) காலை வர்த்தகப்படி கிராம் ஒன்றுக்கு ₹1 உயர்ந்து ₹113க்கு விற்பனையாகிறது. இது வரலாறு காணாத புதிய உச்சமாகும். இதனால், பார் வெள்ளி ஒரு கிலோ ₹1,13,000க்கு விற்பனையாகிறது. கடந்த 1ஆம் தேதி ஒரு கிராம் வெள்ளி ₹105க்கு விற்பனையான நிலையில், 17 நாள்களில் கிராமுக்கு 8 ரூபாயும், கிலோவுக்கு ₹8,000 ரூபாயும் உயர்ந்திருப்பது கவனிக்கத்தக்கது.
News March 17, 2025
குடிநீரால் நின்ற திருமணம்.. கண்ணீரில் மணமக்கள்!
இதுக்கெல்லாமா கல்யாணம் நிற்கும் எனச் சிந்திக்க வைக்கிறது இந்த சாம்ராஜ்நகர் சம்பவம். கர்நாடகாவின் ஹிரியூரில் மனோஜ் – அனிதா ஜோடிக்கு நேற்று திருமணம் செய்ய கோலாகலமாக ஏற்பாடுகள் நடந்தன. நேற்று முன்தினம் இரவு நடந்த வரவேற்பு விழாவுக்கு தாமதமாக வந்த சிலருக்கு தண்ணீர் பாட்டில் வைக்கவில்லையாம். இதனால் ஏற்பட்ட மோதலால் கல்யாணமே நின்றுபோய் கடைசியில் கண்ணீருடன் இளம்ஜோடி மண்டபத்தை காலி செய்த அவலம் நடந்துள்ளது.
News March 17, 2025
பாஜகவின் வினோஜ் பி.செல்வம் கைது
டாஸ்மாக் ஊழலுக்கு பொறுப்பேற்று அமைச்சர் செந்தில் பாலாஜி பதவி விலகக்கோரி, அண்ணாமலை தலைமையில் இன்று போராட்டம் நடைபெறவுள்ளது. சென்னையில் உள்ள டாஸ்மாக் தலைமை அலுவலக முற்றுகைப்போராட்டத்தில் கலந்துகொள்ள ரெடியாக இருந்த பாஜக மாநில செயலாளர் வினோஜ் பி.செல்வத்தை கைதுசெய்து தனியார் மண்டபத்திற்கு போலீசார் அழைத்துச்சென்றனர். அதேபோல், பல மாவட்டங்களை சேர்ந்த பாஜகவினர் வீட்டுக்காவலில் வைக்கப்பட்டுள்ளனர்.
News March 17, 2025
தமிழ்நாடு சட்டப்பேரவை மீண்டும் கூடியது
விடுமுறைக்குப் பின் தமிழ்நாடு சட்டப்பேரவை இன்று காலை மீண்டும் கூடியது. அப்போது, மறைந்த மருத்துவர் செரியன், முன்னாள் உறுப்பினர்கள் பி.ஆர்.சுந்தரம், கோவிந்தராஜலு, குணசீலன் ஆகியோரது மறைவுக்கு அஞ்சலி செலுத்தப்பட்டது. பின்னர், பட்ஜெட் மீதான விவாதம் நடைபெறவுள்ளது. மேலும், சபாநாயகர் அப்பாவு மீது அதிமுக கொண்டுவந்த நம்பிக்கை இல்லா தீர்மானத்தின் மீதும் இன்று விவாதம் நடத்தப்படவுள்ளது.
News March 17, 2025
தங்கம் விலை சவரனுக்கு ₹80 குறைந்தது
சென்னையில் ஆபரணத் தங்கத்தின் விலை இன்று (மார்ச் 17) சவரனுக்கு ₹80 குறைந்துள்ளது. இதனால், 22 கேரட் தங்கம் ஒரு கிராம் ₹8,210க்கும், சவரன் ₹65,680க்கும் விற்பனையாகிறது. கடந்த வாரத்தில் ஏறுமுகத்திலிருந்த தங்கம் வாரத்தின் முதல் நாளிலேயே விலை சற்று சரிவைக் கண்டுள்ளது நகைப்பிரியர்களுக்கு சற்று நிம்மதியை அளித்துள்ளது.
News March 17, 2025
3 மொழி கற்பது நல்லது தான்: இன்ஃபோசிஸ் EX CFO
மும்மொழிக் கொள்கை விவகாரம் தமிழகத்தில் பற்றி எரிந்து வரும் சூழலில், அதற்கு இன்ஃபோசிஸின் முன்னாள் CFO மோகன்தாஸ் பாய் ஆதரவு தெரிவித்துள்ளார். இந்தியா முழுவதும் பணியாற்ற கூடுதல் மொழி அறிவு நிச்சயம் பயன்படும் என அவர் கூறியுள்ளார். மும்மொழிக் கொள்கை இந்தியர்களின் பணித்திறனுக்கும் பெரும் உதவியாக இருக்கும் என அவர் தெரிவித்திருக்கிறார். உங்கள் கருத்து என்ன? கமெண்ட் செய்யுங்கள்!
News March 17, 2025
பரபரப்பான சூழலில் இபிஎஸ் அவசர ஆலோசனை
தலைமைச் செயலகத்தில் அதிமுக எம்.எல்.ஏக்களுடன் இபிஎஸ் அவசர ஆலோசனை நடத்தினார். இந்தக் கூட்டத்தையும் செங்கோட்டையன் புறக்கணித்துள்ளார். சபாநாயகருக்கு எதிராக அதிமுக கொண்டு வந்துள்ள நம்பிக்கையில்லாத் தீர்மானம் மீதான விவாதம் இன்று நடைபெறவுள்ள நிலையில், அது குறித்து இந்தக் கூட்டத்தில் ஆலோசிக்கப்பட்டுள்ளது. மேலும், இக்கூட்டத்தொடரில் எழுப்ப வேண்டிய முக்கிய பிரச்னைகள் குறித்து ஆலோசனை நடத்தியதாகத் தெரிகிறது.
News March 17, 2025
பெண்களுக்கு அடையாள அட்டை
மகளிர் சுய உதவிக்குழுவில் இடம்பெற்றுள்ள 54 லட்சம் பேருக்கு அடையாள அட்டை வழங்கும் பணி தீவிரப்படுத்தப்பட்டுள்ளது. இதற்காக விவரங்களை சேகரிக்கும் பணியை ஒரு மாதத்துக்குள் முடிக்க வேண்டும் என மாவட்ட ஆட்சியர்களுக்கு அரசு உத்தரவிட்டுள்ளது. அடையாள அட்டை வழங்கிய பின், வங்கிகளில் எளிதாக கடன் பெற முடியும். அதேபோல், அரசின் பல்வேறு நல உதவிகளும், அவ்வப்போது அறிவிக்கப்படும் பலன்களும் சென்றடைய வழி ஏற்படும்.
Featured News
Sorry, no posts matched your criteria.