India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 20, 2024
BREAKING: ஹைதராபாத் அணி அபார வெற்றி
DC அணிக்கு எதிரான ஆட்டத்தில் SRH அணி 67 ரன்கள் வித்தியாசத்தில் அபார வெற்றி பெற்றது. 17ஆவது ஐபிஎல் தொடரின் 35ஆவது லீக் போட்டியில், டாஸ் வென்ற DC அணி பந்துவீச்சை தேர்வு செய்ததையடுத்து முதலில் பேட்டிங் செய்த SRH அணி 7 விக்கெட்டுகள் இழப்பிற்கு 266 ரன்கள் எடுத்தது. அடுத்ததாக, 267 ரன்களை இலக்காக துரத்திய DC அணி, 19.1 ஓவர்கள் முடிவில் அனைத்து விக்கெட்களையும் இழந்து 199 ரன்கள் மட்டுமே எடுத்தது.
News April 20, 2024
‘கல்கி’ அமிதாப் பச்சனின் போஸ்டர் வெளியானது
பிரபாஸ் நாயகனாக நடித்துவரும் ‘கல்கி 2898 கி.பி’ படத்தில் அமிதாப் பச்சன், கமல்ஹாசன் ஆகியோர் முக்கிய வேடத்தில் நடித்து வருகின்றனர். இந்நிலையில், இப்படத்தில் இடம்பெற்றுள்ள அமிதாப்பின் போஸ்டரை படக்குழுவினர் சற்றுமுன் வெளியிட்டுள்ளனர். அதில் முகத்தை முழுவதும் துணியால் மறைத்தவாறு அவர் அமர்ந்துள்ளார். மேலும், நாளை இரவு 7:15 மணிக்கு இப்படத்தின் அப்டேட்டை வெளியிடுவதாக அந்த போஸ்டரில் தெரிவிக்கப்பட்டுள்ளது.
News April 20, 2024
காவி நிறத்தை எப்படி அனுமதிக்கலாம்?
தூர்தர்சன் லோகோவை காவி நிறமாக மாற்றியதற்கு மேற்கு வங்க முதல்வர் மம்தா பானர்ஜி கடும் கண்டனம் தெரிவித்துள்ளார். மக்கள் தேர்தலில் கவனம் செலுத்திவரும் நிலையில், தேர்தல் நடத்தைகளை மீறி பாஜகவின் கொடூர காவிமயமாக்கலை தேர்தல் ஆணையம் எப்படி அனுமதிக்கலாம் என கேள்வி எழுப்பியுள்ளார். மேலும், தேர்தல் ஆணையம் இதன்மீது நடவடிக்கை எடுத்து, லோகோவை பழையபடி நீல நிறத்திற்கு மாற்ற வேண்டும் என கேட்டுக்கொண்டுள்ளார்.
News April 20, 2024
ரசிகர்கள் அறியாத ‘கில்லி’ பட ரகசியம்
20 ஆண்டுகள் கழித்து ரீரிலீஸ் ஆன ‘கில்லி’ படம் உலகம் முழுவதும் பட்டையை கிளப்பி வருகிறது. “ஆல் ஏரியாவிலும் கில்லிடா…” என்பது போல வசூல் அமோகமாக இருப்பதாகக் கூறப்படுகிறது. இந்நிலையில், இப்படத்தில் விஜய் வீடு அமைந்துள்ள ஏரியா சென்னையில் எங்கு இருக்கிறது என ரசிகர்கள் தேடத் தொடங்கியுள்ளனர். ஆனால், உண்மையில் அது மாமல்லபுரத்தில் தத்ரூபமாக அமைக்கப்பட்ட செட் என்பது தற்போது தெரியவந்துள்ளது.
News April 20, 2024
சனி பார்வையால் கோடிகள் கொட்டப் போகும் ராசிகள்
நவகிரகங்களின் நீதிமானான சனி பகவானின் அஸ்தமன செயல்பாடு 12 ராசிகளுக்கும் தாக்கத்தை ஏற்படுத்தினாலும், சில ராசிகளுக்கு அள்ளி அள்ளிக் கொடுக்கும். அந்த வகையில், மிதுனம், கடகம், சிம்மம், மீனம் ராசியினருக்கு கோடி கோடியாக பணம் கொட்டப் போகிறது. குறையில்லாத செல்வம், வியாபாரத்தில் லாபம், புதிய தொழில் தொடங்கும் யோகம், வெளிநாட்டு வேலை வாய்ப்பு போன்ற பல சுப பலன்கள் மேற்கண்ட ராசியினரை தேடி வரப்போகிறது.
News April 20, 2024
வாக்கு சதவீதத்தில் வித்தியாசம் வந்தது ஏன்?
தமிழ்நாட்டில் நேற்று இரவு 7 மணி நிலவரப்படி 72.09% வாக்குப்பதிவு நடந்ததாக அறிவிக்கப்பட்ட நிலையில், தற்போது 69.46% எனக் குறைத்து அறிவிக்கப்பட்டது விவாதமாகியுள்ளது. இது குறித்து விளக்கிய முன்னாள் தலைமைத் தேர்தல் ஆணையர் என்.கோபால்சாமி, வாக்குச்சாவடியின் அதிகாரிகள் அளிக்கும் தோராயக் கணக்கே ஊடகத்திடம் அளிக்கப்படும். இறுதியாகவே 17சி படிவத்தில் கையெழுத்திட்ட வாக்காளர்களின் எண்ணிக்கை தெரியும் என்றார்.
News April 20, 2024
தொண்டை கரகரப்பு, இருமல் பாதிப்பு குறைய…
சுற்றுச்சூழல் மாசுபாடுகள் போன்ற பல காரணங்களால் ஏற்படும் தொண்டை சார்ந்த பிரச்சனைகளான தொண்டை வலி, தொண்டை தொற்று அல்லது அழற்சிக்கு சுடு நீரில் உப்பு போட்டு வாய் கொப்பளிப்பது மிகவும் பயனுள்ளதாக இருக்கும். மேலும் இந்த உப்பு நீர், தொண்டை வலி அல்லது எரிச்சல் தொடர்புடைய தொல்லைகளில் இருந்தும் நிவாரணம் அளிக்கிறது. சளி, சைனஸ் தொற்றுகளை தடுக்கவும் இந்த உப்பு கரைசல் உதவி புரிகிறது.
News April 20, 2024
பெண்ணாக மாறிய பிரபல நடிகர்
இளன் இயக்கத்தில் உருவாகியுள்ள ‘ஸ்டார்’ படத்தில் கவின் ஹீரோவாக நடித்துள்ளார். இந்தப் படத்தின் “மெலடி…” என்ற பாடலின் வீடியோவை படக்குழு இன்று வெளியிட்டது. அதில், பெண் வேடமிட்டு குத்தாட்டம் போடு கவின், பார்ப்பதற்கு அச்சு அசலாக பெண் போலவே காட்சியளிக்கிறார். இது குறித்து சமூக வலைதளத்தில் பதிவிட்டு வரும் நெட்டிசன்கள், கவினைப் பார்க்க மீரா மிதுன் போலவே இருப்பதாக கூறி வருகின்றனர்.
News April 20, 2024
நிம்மதியான உறக்கத்திற்கு…
ஒரு தேக்கரண்டி கசகசாவை எடுத்து இரண்டு முந்திரி பருப்பு சேர்த்து அரைத்து, பசும்பாலில் கலந்து காய்ச்சி சிறிது கற்கண்டு சேர்த்து பருகினால் நிம்மதியான உறக்கத்தை பெறலாம். வெள்ளரி பிஞ்சு, இளநீர், மோர், நீராகாரம், லெமன் ஜூஸ் ஆகியவை சிறுநீரகத்தை குளுமைப்படுத்தும். தும்பைப்பூ, சுக்கு, காயம் இவற்றை எடுத்து நைத்து கடுகு எண்ணெயில் போட்டு காய்ச்சி காதில் சில துளிகள் விட்டால் காது வலி குணமாகும்.
News April 20, 2024
மோடிக்கு வாக்கு கேட்ட வெளிநாட்டு பிரபலம்
இந்தியாவின் பிரதமராக மோடியை மூன்றாம் முறையாக தேர்ந்தெடுக்கும் வகையில் இந்தியர்கள் அவருக்கே வாக்களிக்கும்படி, அமெரிக்கப் பாடகியான மேரி மில்பென் கோரிக்கை வைத்திருக்கிறார். மோடி கடந்த வருடம் அமெரிக்கா சென்றிருந்தபோது, அவர் முன்பாக இந்திய தேசிய கீதத்தை பாடி, மோடியை மெய்சிலிர்க்க வைத்தார். அதற்காக மில்பென்க்கு மோடி பாராட்டு தெரிவித்தபோது, மோடியின் பாதங்களைத் தொட்டு மில்பென் வணங்கினார்.
Featured News
Sorry, no posts matched your criteria.