India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News March 14, 2025
தமிழ்நாட்டை சீண்டிய பவன் கல்யாண்
தமிழ்நாடு அரசின் இருமொழிக் கொள்கை விவகாரத்தில் பவன் கல்யாண் கருத்து தெரிவித்துள்ளார். தனது கட்சி விழாவில் தமிழ், கன்னடம், மராத்தி, ஹிந்தி மொழிகளில் பேசியவர், ஏன் இத்தனை மொழிகளில் பேசுகிறேன் என கேட்டார். தொடர்ந்து, தமிழ்நாடு மட்டுமல்ல, தேசத்திற்கே பல மொழிகள் தேவை எனவும், அப்போதுதான் ஒரு மாநிலத்தவரை, பிற மாநிலத்தவர் புரிந்து கொண்டு அன்பை பரிமாறிக் கொள்ள முடியும் என அவர் தெரிவித்தார்.
News March 14, 2025
நாளை தேர்வு எழுத முடியாதா… சிபிஎஸ்இ மீண்டும் வாய்ப்பு
ஹோலி பண்டிகை இன்று கொண்டாடப்பட்டது. மேலும் சில மாநிலங்களில் நாளை (மார்ச் 15) கொண்டாடப்படவுள்ளது. இதனால் நாளை நடைபெறவுள்ள சிபிஎஸ்இ இந்தித் தேர்வுகளில் அந்த மாநில மாணவர்களால் பங்கேற்க முடியாது. அத்தகைய மாணவர்கள் பயப்படத் தேவையில்லை, தேசிய, சர்வதேச போட்டிகளில் பங்கேற்கும் மாணவர்களுக்காக நடத்தப்படும் சிறப்புத் தேர்வுகளின்போது இவர்கள் அந்த தேர்வுகளை எழுதலாம் எனக் கூறியுள்ளது.
News March 14, 2025
வறுமையில் வாடும் முகலாயப் பேரரசரின் கொள்ளுப் பேத்தி
கடைசி முகலாயப் பேரரசரான பகதூர் ஷா, 1837இல் ஆங்கிலேயர்களால் ஆட்சியிலிருந்து அகற்றப்பட்டார். பின்னர் 1857இல் சிப்பாய் புரட்சிக்கு காரணமென ரங்கூனுக்கு நாடு கடத்தப்பட்டு 1862இல் உயிரிழந்தார். அவரின் கொள்ளுப் பேத்தியான சுல்தானா பேகம், காெல்கத்தா அருகே குடிசை வீட்டில் வசிக்கிறார். அரண்மனையில் வாழ வேண்டிய அவர், தற்போது வறுமையில் வாடுகிறார். அவருக்கு அரசு உதவியும் கிடைக்கவில்லை என கூறப்படுகிறது.
News March 14, 2025
ஐபோன் வைத்திருப்பவர்களுக்கு அவசர அறிவிப்பு
மற்ற ஸ்மார்ட்ஃபோன்களை ஒப்பிடுகையில், ஆப்பிள் நிறுவனத்தின் ஐபோன்கள் பாதுகாப்பு அம்சங்கள் மிக்கவை என பரவலாக நம்பப்படுகிறது. இந்நிலையில், ஆப்பிள் நிறுவனம் ஒரு அவசர அறிவிப்பை வெளியிட்டுள்ளது. அதன்படி, ஐபோன்களையும், ஐபேடுகளையும் வைத்திருப்பவர்கள் அவற்றை உடனடியாக அப்டேட் செய்யுமாறு வலியுறுத்தியுள்ளது. சைபர் தாக்குதலில் இருந்து தற்காத்துக் கொள்வதற்காக இதை செய்யுமாறு அது அறிவுறுத்தியுள்ளது.
News March 14, 2025
டேய் நகருடா டேய்.. அள்ளு விடும் ‘கூலி’ போட்டோஸ்
லோகேஷ் கனகராஜ் பிறந்தநாளை முன்னிட்டு, ‘கூலி’ படத்தின் ஷூட்டிங் ஸ்பாட் போட்டோக்களை படக்குழு வெளியிட்டுள்ளது. நாகர்ஜூனா, உபேந்திரா, சத்யராஜ், ஸ்ருதிஹாசன் ஆகியோரின் மாஸ் கெட்டப், படத்தின் மீதான எதிர்பார்ப்பை எகிறச் செய்துள்ளது. அதேபோல், இப்படத்தில் நடிக்கும் அமீர்கானுக்கும் இன்று பிறந்தநாள் என்பதால், அவருடன் ஷூட்டிங் ஸ்பாட்டில் எடுத்துக் கொண்ட போட்டோவை லோகேஷ் பகிர்ந்துள்ளார்.
News March 14, 2025
லக்ஷயா சென் தோல்வி… காலிறுதியுடன் முடிந்த பயணம்!
இங்கிலாந்து பேட்மின்டன் தொடரில், சிறப்பான ஆட்டத்தை வெளிப்படுத்தி காலிறுதிக்கு முன்னேறி இருந்தார் இந்திய இளம் நட்சத்திரம் லக்ஷயா சென். காலிறுதியில் சீன வீரர் லி ஷி ஃபெங்கை எதிர்கொண்ட அவருக்கு அதிர்ச்சி காத்திருந்தது. 10-21 என்ற கணக்கில் முதல் செட்டையும், 16- 21 என்ற கணக்கில் அடுத்த செட்டையும் பறிகொடுத்து லக்ஷயா சென் தோல்வியடைந்தார். இதன்மூலம், தொடரில் இருந்து அவர் வெளியேறியுள்ளார்.
News March 14, 2025
RSS, பாஜகவை மன்னிக்க மாட்டேன்: காந்தி பேரன்
RSS, பாஜகவை மன்னிக்க மாட்டேன், சொன்ன கருத்துக்களையும் திரும்ப பெற மாட்டேன் என காந்தியின் கொள்ளு பேரன் துஷார் காந்தி தெரிவித்துள்ளார். RSS- பாஜக உள்நாட்டு எதிரிகள், துரோகிகள், ஆபத்தானவர்கள் என துஷார் விமர்சித்து இருந்தார். மேலும், அவர்களை எதிர்ப்பது விடுதலை போராட்டத்தை விட முக்கியமானது என கூறியிருந்தார். இந்த கருத்துகளுக்காக துஷாரைக் கைது செய்ய பாஜக வலியுறுத்தியிருந்தது.
News March 14, 2025
540 கோடி VIEWS… ஹாட்ஸ்டாரில் சாம்பியன்ஸ் டிராபி சூப்பர் ஹிட்
சாம்பியன்ஸ் டிராபி போட்டிகளை உலகம் முழுவதும் ஜியோ ஹாட்ஸ்டார் செயலியில் மொத்தம் 540 கோடி பேர் பார்த்துள்ளனர். குறிப்பாக, பைனலில் இந்தியா, நியூசிலாந்து மோதிய போட்டியை 124.2 கோடி பேர் பார்த்துள்ளனர். இந்தியா, பாகிஸ்தான் போட்டியை 60.2 கோடி, இந்தியா, ஆஸி. போட்டியை 66.9 கோடி பேர் பார்த்துள்ளனர். இந்திய விளையாட்டுப் போட்டிகள் லைவில் இதுவொரு புதிய சாதனையாகக் கருதப்படுகிறது.
News March 14, 2025
மனைவியிடம் சில்மிஷம்: கணவன் தந்த தண்டனை
உ.பி.,யைச் சேர்ந்த சதீஷின் (45) மனைவிக்கு உடல்நலக் குறைவு ஏற்பட்டுள்ளது. இதையடுத்து, அப்பெண் அருகில் இருந்த கிளினிக்கிற்கு சென்றுள்ளார். அப்போது அங்கு ஊழியராக இருந்த தர்மேந்திர மாவி, அப்பெண்ணுக்கு பாலியல் தொந்தரவு கொடுத்துள்ளான். இதை அப்பெண் கணவனிடம் கூற, அவர் உறவினர்களுடன் சென்று மாவியின் ஆணுறுப்பை கத்தியால் வெட்டியுள்ளார். இது சரியான தண்டனை என்கின்றனர் நெட்டிசன்கள். நீங்க என்ன சொல்றீங்க?
News March 14, 2025
பிரபல மலையாள எழுத்தாளர் கே.கே. கொச்சு மறைந்தார்
பிரபல மலையாள எழுத்தாளரும், சமூக செயல்பாட்டாளருமான கே.கே. கொச்சு காலமானார். நீண்ட நாட்களாக புற்றுநோய்க்கு சிகிச்சை எடுத்து வந்த நிலையில், அவர் உயிரிழந்தார். கே.கே. கொச்சு, கேரள சாகித்ய அகாடமி உள்ளிட்ட விருதுகளை பெற்றுள்ளார். நெருக்கடி நிலையின்போது 16 நாட்கள் சிறையில் இருந்தார். அவர் எழுதிய தலித்தியன், கேரளா ஸ்டோரி, டிஸ்டன்ஸ் ஆப் புத்தா உள்ளிட்ட புத்தகங்கள் முக்கியமானவை ஆகும்.
Featured News
Sorry, no posts matched your criteria.