India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News March 26, 2025
திருப்பணியில் ஊழலா? பக்தர்கள் அதிர்ச்சி!
திருச்செந்தூரில் பக்தர்களுக்காக கட்டப்பட்ட கழிவறை தரமற்றதாக இருப்பதாக சர்ச்சை எழுந்தது. கோயில் பணியில் ஊழல் நடந்துள்ளதாக அண்ணாமலையும் சாடியிருந்தார். இந்நிலையில் வழக்கறிஞர் ராமநாத ஆதித்தன் என்பவர் RTI மூலம் பெற்ற தகவலில் ₹300 கோடி செலவில் நடக்கும் கோயில் திருப்பணிக்கு, வரைபடம் தயாரிக்க மட்டும் Pvt நிறுவனத்திற்கு ₹8 கோடி வழங்கியது தெரியவந்துள்ளது. இந்த தகவலால் பக்தர்கள் அதிர்ச்சியடைந்துள்ளனர்.
News March 26, 2025
திமுக கூட்டணி கட்சிகளை குறி வைக்கும் இபிஎஸ்?
ஆளும் திமுக கூட்டணியில் இருக்கும் கட்சிகள் அங்கேயே இருக்க போகிறதா என்ன?; தேர்தல் நேரத்தில் எல்லாம் நடக்கும் என்று இபிஎஸ் சூசகமாக தெரிவித்துள்ளார். சமீபகாலமாக, தவாக, விசிக, கம்யூ., கட்சிகள் திமுகவுக்கு எதிரான கருத்துகளை கூற தொடங்கியுள்ளன. இதையும், இபிஎஸ் சொல்வதையும் இணைத்து பார்த்தால் கணக்கு புரிகிறது. ஆனால், அதிமுக கூட்டணியில் பாஜக இருந்தால், இந்த கட்சிகள் கூட்டணிக்கு வருமா என்பது சந்தேகமே.
News March 26, 2025
இரானி கொள்ளையர்கள் சிக்கியது எப்படி?
சென்னையில் தொடர் செயின் பறிப்பு சம்பவங்களை தொடர்ந்து 100 சிசிடிவிக்கள் ஆய்வு செய்யப்பட்டதாக கமிஷனர் அருண் கூறியுள்ளார். பிடிபட்ட 3 குற்றவாளிகளும் ‘இரானி கொள்ளையர்கள்’ மக்களின் கவனத்தை திசை திருப்பி கொள்ளையடிப்பதில் திறமையானவர்கள் என்றார். நகைகள், பைக்கை பறிமுதல் செய்ய சென்றபோது தப்பிக்க முயன்றதால் <<15888455>>ஜாபரை<<>> சுட்டதாகக் கூறிய அவர், 26 சவரன் நகை, துப்பாக்கி ஒன்றை பறிமுதல் செய்துள்ளதாகவும் கூறினார்.
News March 26, 2025
இரண்டில் உங்களின் ஃபர்ஸ்ட் சாய்ஸ் எந்த படம்?
நாளை இரு பெரிய படங்கள் ட்ரீட் கொடுக்க காத்திருக்கின்றன. ‘சித்தா’ அருண்குமார் விக்ரம் கூட்டணியில் ‘வீர தீர சூரன்’ படம் எக்கச்சக்கமான எதிர்பார்ப்பை கொண்டுள்ளது. அதே நேரத்தில், மலையாள சினிமாவே பெரிய அளவில் எதிர்பார்க்கும் படமாக உள்ளது ‘எம்புரான்’. தமிழகத்திலும் இந்த படத்திற்கு ரசிகர்கள் மத்தியில் நல்ல டாக் இருக்கிறது. இரண்டுமே பெரிய எதிர்பார்ப்புகளை கொண்டுள்ள படங்கள். உங்களின் ஃபர்ஸ்ட் சாய்ஸ் எது?
News March 26, 2025
BJP ஆட்சியில் உ.பி. அமைதியாக இருக்கிறது: யோகி
உ.பியில் பாஜக ஆட்சிக்கு வந்தது முதல் எந்தவொரு மதக்கலவரமும் நடக்கவில்லை என CM யோகி ஆதித்யநாத் தெரிவித்துள்ளார். இந்துக்கள் பாதுகாப்பாக இருந்தால், முஸ்லிம்களும் பாதுகாப்பாக இருப்பார்கள். 100 இந்து குடும்பங்களுக்கு மத்தியில் வாழும் முஸ்லிம் குடும்பம் பாதுகாப்பாக இருக்கிறது. ஆனால், 100 முஸ்லிம் குடும்பங்கள் மத்தியில் 50 இந்துக்கள் பாதுகாப்பாக இருக்க முடியுமா? வங்கதேசமே சிறந்த உதாரணம் என்றார்.
News March 26, 2025
கள்ளக்காதல்: யோகா டீச்சரை தீர்த்துக் கட்டிய வீட்டு ஓனர்!
ஹரியானாவில் மாயமான யோகா டீச்சர் ஜெகதீப் 3 மாதங்களுக்குப் பின் சடலமாக கண்டெடுக்கப்பட்டுள்ளார். 7அடி ஆழ போர்வெல் பள்ளத்தில் கை, கால்கள் கட்டப்பட்டு, வாயில் டேப் ஒட்டப்பட்ட நிலையில் உயிருடன் புதைக்கப்பட்டிருக்கிறார். இந்த கொடூரமான கொலையை செய்தவர் ஜெகதீப் குடியிருந்த வீட்டு ஓனர் ஹர்தீப். தனது மனைவியுடன் தகாத உறவில் இருந்ததால் தீர்த்துக் கட்டியதாக போலீஸ் விசாரணையில் தெரிவித்துள்ளார்.
News March 26, 2025
துக்க வீட்டில் கோஷம் எதற்கு..?
ஒரு பிரபலம் மரணமடைந்து விட்டால், அன்று அவர்கள் வீட்டில் கூட்டம் அலைமோதும். அஞ்சலி செலுத்த வருகிறார்களோ, இல்லையோ, வரும் மற்ற பிரபலங்களைக் காணவே கூட்டம் குவிகிறது. இதில், யாராவது வந்தால், கூச்சலிட்டு கோஷமும் எழுப்புவார்கள். அங்கே வேதனையில் தவிப்பவரின் நிலை, கொஞ்சம் கூட உணர முடியாதா. அவர்களும் மனிதர்கள் தானே. இனியாவது கொஞ்சம் கண்ணியம் காப்போமே. துக்க வீட்டில், ரசிகர்களின் கோஷமும் எதற்கு?
News March 26, 2025
ஹிந்தி Commentary கேவலமாக உள்ளதா? ஹர்பஜன் பதில்
விறுவிறுப்பாக நடைபெற்று வரும் ஐபிஎல் போட்டிகள் இந்தி, தமிழ், ஆங்கிலம் என பல இந்திய மொழிகளில் ஒளிப்பரப்பாகி வருகின்றன. இதில் ஹிந்தி Commentary அறிவு சார்ந்ததாக இல்லாமல், வெறுமனே கிண்டல், கேலியாக மட்டும் உள்ளதாக சமூக வலைதளங்களில் ரசிகர்கள் சாடினர். இதனிடையே ரசிகர் ஒருவரின் கருத்துக்கு பதில் அளித்துள்ள ஹர்பஜன், “உங்களது கருத்துக்கு நன்றி.. கண்டிப்பாக மாற்றிக்கொள்கிறோம்” என தெரிவித்துள்ளார்.
News March 26, 2025
முன்னாள் MLA மறைவு: ஸ்டாலின் இரங்கல்
முன்னாள் MLA கருப்பசாமி பாண்டியன் மறைவையொட்டி, ஸ்டாலின் உருக்கமாக இரங்கல் தெரிவித்துள்ளார். 1977இல் ஆலங்குளம், 1980இல் பாளையங்கோட்டை, 2006இல் தென்காசி தொகுதியில் இருந்து MLA-ஆக தேர்வாகி மக்களுக்காக உழைத்தவர். நீண்டகாலம் சட்டப்பேரவையின் உறுப்பினராக இருந்த அவரது மறைவு அதிர்ச்சியளிக்கிறது. அவரை இழந்து வாடும் குடும்பத்தினருக்கு ஆழ்ந்த இரங்கலையும், ஆறுதலையும் தெரிவித்துக் கொள்வதாக கூறியுள்ளார்.
News March 26, 2025
பிரேசிலை புரட்டி எடுத்த அர்ஜென்டினா.. 2026 WC தகுதி
2026 உலகக்கோப்பைக்கான தகுதி சுற்றுப் போட்டியில் நடப்பு சாம்பியனான அர்ஜென்டினா, பிரேசிலை எதிர்கொண்டது. இதில் 3வது நிமிடத்திலேயே முதல் கோலை அர்ஜென்டினா அடித்தது. தொடர்ந்து அதிரடி காட்டிய அந்த அணி 4 கோல்களை அடித்து பிரேசிலை நிலைகுலைய வைத்தது. பதிலுக்கு ஒரு கோல் மட்டுமே பிரேசிலால் அடிக்க முடிந்தது. இதன் மூலம் 4 – 1 என்ற நிலையில் வெற்றி பெற்று அர்ஜென்டினா 2026 ஃபிஃபா உலகக்கோப்பைக்கு தகுதி பெற்றது.
Featured News
Sorry, no posts matched your criteria.