India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 10, 2024
இந்தியாவில் 14% ஐபோன்கள் தயாரிப்பு
கடந்த நிதியாண்டில் 14 மில்லியன் டாலர் மதிப்பிலான ஐபோன்களை இந்தியாவில் தயாரித்துள்ளதாக ஆப்பிள் நிறுவனம் தெரிவித்துள்ளது. இது மொத்த தயாரிப்பில் 14% ஆகும். இந்தியாவில் தயாரிக்கப்பட்ட போன்களில் ஃபாக்ஸ்கான் நிறுவனம் ஏறக்குறைய 67% போன்களையும், பெகாட்ரான் கார்ப் நிறுவனம் 17% போன்களையும் தயாரித்துள்ளன. இதனிடையே, தமிழ்நாட்டின் ஓசூரில் மற்றொரு ஆலை நிறுவும் பணிகள் தீவிரமாக நடைபெற்று வருகின்றன.
News April 10, 2024
IPL: பழைய ஃபார்முக்கு திரும்புவாரா மேக்ஸ்வெல்?
நடப்பு ஐபிஎல் தொடரில், RCB வீரர் மேக்ஸ்வெல் பெரியளவில் ஜொலிக்காததால் ரசிகர்கள் அதிருப்தியில் உள்ளனர். நடந்து முடிந்த 5 போட்டிகளில், 0, 3, 28, 1, 0 என சொற்ப ரன்களே எடுத்துள்ளதால், அணியின் பேட்டிங் லைனில் பின்னடைவு ஏற்பட்டுள்ளது. இதனால் சமூக வலைதளங்களில் பல்வேறு விமர்சனங்கள் எழுந்துள்ள நிலையில், மும்பைக்கு எதிராக நாளை நடைபெறும் போட்டியில் தன்னை நிரூபிப்பாரா? என ரசிகர்கள் எதிர்பார்ப்பில் உள்ளனர்.
News April 10, 2024
அரவிந்த் கெஜ்ரிவால் பதவி விலக வேண்டும்
டெல்லி முதல்வர் அரவிந்த் கெஜ்ரிவால் பதவி விலக கோரி மாநில பாஜக தலைவர்கள் போராட்டம் நடத்தி வருகின்றனர். இது குறித்து பேசிய பாஜக எம்எல்ஏ ராம்வீர் சிங் பிதுரி, சிறை நெறிமுறைகள் அவரை சிறையில் இருந்து ஆட்சி செய்ய அனுமதிக்காது. அதனால், அவர் உடனடியாக முதல்வர் பதவியை ராஜினாமா செய்ய வேண்டும் என்றார். இல்லையெனில், சட்டம் தன் கடமையை செய்யும் என எச்சரித்தார்.
News April 10, 2024
சர்ச்சையில் சிக்கிய மெட்ரோ ரயில் நிர்வாகம்
பெங்களூருவில் சுத்தமான ஆடை அணியாத இளைஞரை மெட்ரோ ரயிலில் ஏற அதிகாரிகள் அனுமதி மறுத்தது அதிர்ச்சியை ஏற்படுத்தியுள்ளது. சட்டையின் மேல் பட்டன் அணியும்படி அறிவுறுத்திய அதிகாரிகள், சுத்தமான ஆடை அணிந்து வரும்படி வலியுறுத்தியுள்ளனர். இந்த சம்பவம் சர்ச்சையை ஏற்படுத்திய நிலையில், அந்த நபர் போதையில் இருந்ததாக அதிகாரிகள் சந்தேகித்ததாகவும், பிறகு அனுமதித்ததாகவும் மெட்ரோ நிர்வாகம் விளக்கம் அளித்துள்ளது.
News April 10, 2024
BREAKING: வானிலை மாறுகிறது .. மக்களுக்கு ஹேப்பி நியூஸ்
கடந்த 2 வாரமாக வெயில் வெளுத்து வாங்கி வரும் நிலையில் அடுத்த 5 நாளுக்கு வெப்பநிலை 2 டிகிரி – 5 டிகிரி செல்சியஸ் வரை குறையும் என மக்களுக்கு நிம்மதியான செய்தியை சென்னை வானிலை மையம் வெளியிட்டுள்ளது. மேலும், நாளை தென் தமிழகம், டெல்டா, அதையொட்டிய மாவட்டங்களில் மிதமான மழை பெய்யும் என்றும் ஏப்.13 முதல் 3 நாள்களுக்கு மழை தொடரும் எனவும் தெரிவித்துள்ளது. இதனால், வெயிலின் தாக்கம் வெகுவாக குறைய வாய்ப்புள்ளது.
News April 10, 2024
செல்போனுக்கு அழைப்போரை அடையாளம் காண புதிய வசதி
செல்போனுக்கு அழைக்கும் நபரை அடையாளம் கண்டுபிடிக்க புதிய இணையதள பக்கத்தை ட்ரூ காலர் அறிமுகம் செய்துள்ளது. ட்ரூ காலர் செயலி, ஆன்ட்ராய்டு தள இணையதள பக்கம் மட்டும் தற்போது உள்ளது. இந்நிலையில் அனைத்து ப்ரவுசர்களிலும் செயல்படும் இணையதள பக்கத்தை ட்ரூ காலர் தற்போது அறிமுகம் செய்துள்ளது. இதை பயன்படுத்தி, செல்போனுக்கு அழைப்போரை அடையாளம் காண முடியும். இதில் குறுந்தகவல் வசதியும் உள்ளது.
News April 10, 2024
OnThisDay: மும்பை அணிக்காக களமிறங்கிய ரோஹித்
2011ஆம் ஆண்டு இதே நாளில், ரோஹித் ஷர்மா மும்பை இந்தியன்ஸ் அணிக்காக முதல் முறையாக களமிறங்கினார். ஹைதராபாத் அணியில் விளையாடி கொண்டிருந்த அவரை, ஐபிஎல் ஏலத்தில் சுமார் 2 மில்லியன் டாலருக்கு மும்பை அணி வாங்கியது. 2013இல் மும்பை அணியின் கேப்டனாக பொறுப்பேற்ற அவர், பல்வேறு சாதனைகளை படைத்துள்ளார். குறிப்பாக, 5 முறை (2013, 2015, 2017, 2019, 2020) ஐபிஎல் சாம்பியன் பட்டத்தை பெற்று கொடுத்துள்ளார்.
News April 10, 2024
முழு சொத்து விவரங்களையும் வெளியிட தேவை இல்லை
தேர்தலில் போட்டியிடும் வேட்பாளர்கள் அனைத்து சொத்து விவரங்களையும் வெளியிட வேண்டிய அவசியம் இல்லை என உச்சநீதிமன்றம் தீர்ப்பளித்துள்ளது. வேட்பாளர்களுக்கும் தனிநபர் சுதந்திரம் உள்ளதாக கூறிய நீதிமன்றம், விலை உயர்ந்த முக்கிய சொத்துகள் குறித்து மட்டும் தெரிவித்தால் போதும் என தெரிவித்துள்ளது. வேட்பாளரின் விவரங்களை வாக்காளர் அறிய வேண்டுமென்றாலும், தனியுரிமையையும் கருத்தில் கொள்ள வேண்டும் எனக் கூறியுள்ளது.
News April 10, 2024
திமுகவிற்கு ஒரு ஓட்டுக் கூட கிடைக்காது
பிரித்தாலும் சூழ்ச்சியை மக்கள் புரிந்துக் கொண்டால் திமுகவிற்கு ஒரு ஓட்டுக் கூட கிடைக்காது என பிரதமர் மோடி தெரிவித்துள்ளார். வேலூரில் பிரசாரம் செய்த அவர், கைது செய்யப்பட்ட போதைப்பொருள் மாஃபியாக்களுக்கு பாதுகாப்பு அளிப்பது யார்? என கேள்வி எழுப்பினார். இனம், மதம், சாதியின் பெயரால் திமுக மக்களை தூண்டி விடுகிறது. திமுகவின் மோசமான அரசியலை மக்கள் மத்தியில் தொடர்ந்து அம்பலப்படுத்துவேன் என சூளுரைத்தார்.
News April 10, 2024
உத்தராகண்ட் அரசுக்கு உச்ச நீதிமன்றம் கடும் கண்டனம்
விளம்பர வழக்கில் பதஞ்சலி நிறுவனம் மீது நடவடிக்கை எடுக்காத உத்தராகண்ட் அரசுக்கு உச்ச நீதிமன்றம் கடும் கண்டனம் தெரிவித்துள்ளது. பதஞ்சலி மீதான அனைத்து புகார்களையும் மாநில அரசுக்கு அனுப்பியதாக தெரிவித்த நீதிபதிகள், புகார் குறித்து ஆய்வாளர்கள் அறிக்கை அளிக்காமல் அமைதி காப்பதைக் கண்டித்தனர். மேலும், சம்பந்தப்பட்ட அதிகாரிகளை உடனடியாக சஸ்பெண்ட் செய்யும்படி மாநில அரசுக்கு நீதிபதிகள் உத்தரவிட்டனர்.
Featured News
Sorry, no posts matched your criteria.