India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News March 26, 2024
‘தக் லைஃப்’ படத்தில் துல்கர் சல்மானுக்கு பதில் சிம்பு?
கமல் நடிக்கும் ‘தக் லைஃப்’ படத்தில் இருந்து துல்கர் சல்மான் விலகியதால், அவருக்கு பதிலாக சிம்பு நடிக்க இருப்பதாக தகவல் கசிந்துள்ளது. மக்களவைத் தேர்தல் பிரசாரத்தில் கமல் ஈடுபட்டிருப்பதால், தேர்தல் முடிந்த பிறகு இப்படத்தின் படப்பிடிப்பு மீண்டும் தொடங்க உள்ளது. படப்பிடிப்பு தாமதமானதால் கால்ஷீட் பிரச்னை காரணமாக முதலில் துல்கர் சல்மான் படத்திலிருந்து விலக, அவரைத் தொடர்ந்து ஜெயம் ரவியும் விலகினார்.
News March 26, 2024
”மகளிர் உரிமைத் தொகை ₹1500ஆக உயரும்”
நாடாளுமன்றத் தேர்தலை கருத்தில் கொண்டுதான், திமுக அரசு தகுதியான குடும்ப பெண்களுக்கு மாதம் ₹1000 மகளிர் உரிமைத் தொகை வழங்குவதாக அண்ணாமலை விமர்சித்தார். அதுவும், 100 பெண்களில் 30 பேருக்கு மட்டும் தான் மகளிர் உரிமைத் தொகை கிடைக்கிறது. ஆனால், பாஜக வெற்றி பெற்றால், அனைத்து பெண்களுக்கும் இந்த உரிமைத் தொகை ₹1000இல் இருந்து ₹1500ஆக உயர்த்தி வழங்கப்படும் என்று தெரிவித்துள்ளார்.
News March 26, 2024
மயிலாடுதுறை காங்கிரஸ் வேட்பாளர் யார்?
மக்களவைத் தேர்தலில் புதுச்சேரி உட்பட 9 தொகுதிகளுக்கான வேட்பாளர்களை காங்கிரஸ் தலைமை அறிவித்துள்ளது. ஆனால், தற்போது வரை மயிலாடுதுறை வேட்பாளரை அறிவிக்காமல் இழுத்தடித்து வருகிறது. தமிழகத்தில் நாளையுடன் (மார்ச் 27) வேட்புமனு தாக்கல் நிறைவடைகிறது. இந்நிலையில், காங்., கட்சியின் தரவு பகுப்பாய்வு பிரிவுத் தலைவராக இருக்கும் பிரவீன் சக்ரவர்த்தி அங்கு வேட்பாளராக களமிறக்கப்பட உள்ளதாகக் கூறப்படுகிறது.
News March 26, 2024
உலக பணக்காரர்கள் பட்டியிலில் இணைந்த டிரம்ப்
உலகின் 500 பெரும் பணக்காரர்கள் பட்டியலில் முதல்முறையாக அமெரிக்க முன்னாள் அதிபர் டிரம்ப் இணைந்துள்ளார். அவர் மீதான நிதி மோசடி வழக்கின் விசாரணை முக்கிய கட்டத்தை எட்டியதால், பங்குச்சந்தையில் டிரம்ப் நிறுவனங்களின் மதிப்பு குறையும் என எதிர்பார்க்கப்பட்டது. ஆனால், அவரின் நிகர மதிப்பு ₹33,340 கோடிக்கும் அதிகமானது. இதனால், ₹54,175 கோடி சொத்து மதிப்புடன் உலக பணக்காரர்கள் பட்டியலில் டிரம்ப் இணைந்தார்.
News March 26, 2024
விராட் கோலிக்கு ஆரஞ்சு கேப்
அதிக ரன் குவித்தவருக்கான ஆரஞ்சு கேப்பை, பெங்களூரு வீரர் விராட் கோலி தட்டிச் சென்றுள்ளார். பஞ்சாபிற்கு எதிரான ஐபிஎல் போட்டியில், 11 பவுண்டரி, 2 சிக்சர்கள் என மொத்தமாக 77 ரன்கள் குவித்தார். அணியின் வெற்றிக்கு காரணமான அவருக்கு, ஆட்டநாயகன் விருதும் வழங்கப்பட்டது. நடந்து முடிந்த 2 போட்டிகளில் மொத்தமாக 98 ரன்கள் எடுத்த அவர், நடப்பு ஐபிஎல் தொடரின் அதிக ரன் குவித்த வீரர் என்ற பெருமையை பெற்றார்.
News March 26, 2024
தீ மிதித்து வழிபாடு செய்த அதிமுக வேட்பாளர்
கோவை மக்களவைத் தேர்தலில் பாஜக வேட்பாளர் அண்ணாமலையை எதிர்த்து போட்டியிடும் அதிமுக வேட்பாளர் சிங்கை ராமச்சந்திரன், வீடு வீடாக சென்று வாக்குச் சேகரிப்பில் ஈடுபட்டுள்ளார். இதற்கிடையில் வரும் தேர்தலில் வெற்றிபெற வேண்டி, பாப்பநாயக்கன்பாளையம் பண்ணாரி அம்மன் குண்டத் திருவிழாவில், தீ மிதித்து வழிபாடு செய்தார். பின், கோயிலுக்கு வந்த பக்தர்களிடமும் அவர் வாக்கு சேகரித்தார்.
News March 26, 2024
கெஜ்ரிவால் கைதை கண்டித்து பிரதமர் வீடு முற்றுகை
கெஜ்ரிவால் கைதை கண்டித்து பிரதமர் வீட்டை முற்றுகையிட போவதாக ஆம் ஆத்மி அறிவித்துள்ளதால் பரபரப்பு ஏற்பட்டுள்ளது. மதுபான கொள்கை வழக்கில் டெல்லி முதல்வர் ஜெக்ரிவாலை 21ஆம் தேதி ED கைது செய்தது. இந்த கைதை கண்டித்து பலகட்ட போராட்டங்களை ஆம் ஆத்மி முன்னெடுத்த நிலையில், இன்று பிரதமர் வீட்டை முற்றுகையிட போவதாக அறிவித்திருந்தனர். இதனால் பிரதமரின் இல்லம் முன்பு பாதுகாப்பு அதிகரிக்கப்பட்டுள்ளது.
News March 26, 2024
காங்கிரஸ் பெண் நிர்வாகிக்கு கங்கனா பதிலடி
தனது கவர்ச்சிப் படத்தை பதிவிட்டு விமர்சித்த காங்கிரஸை சேர்ந்த சுப்ரியாவுக்கு பாஜக மண்டி தொகுதி வேட்பாளர் கங்கனா ரனாவத் பதிலடி கொடுத்துள்ளார். ஒரு நடிகையாக அனைத்து விதமான கேரக்டரில் நடிப்பதே என்னுடைய பணி. கவர்ச்சியாக, வீரமாக, பெண்ணியவாதியாக என அனைத்து விதமாகவும் இந்த 20 ஆண்டுகளில் நடித்துள்ளேன். எனவே, கவர்ச்சிப் படத்தைப் போட்டு கொச்சைப்படுத்த முயற்சிக்க வேண்டாம் என தெரிவித்துள்ளார்.
News March 26, 2024
பாஜக ஆட்சி தொடர்ந்தால் திருமணம் கூட நடக்காது
பாஜக ஆட்சி மேலும் 10 ஆண்டுகள் நீடித்தால் இளைஞர்களுக்கு திருமணம் நடப்பது சந்தேகம் தான் என சமாஜ்வாதி தலைவர் அகிலேஷ் யாதவ் கூறியுள்ளார். பாஜக ஆட்சி அமைந்ததில் இருந்து இளைஞர்களுக்கு வேலை வாய்ப்பு வழங்கவில்லை. வேலை வாய்ப்பை உருவாக்கும் திட்டமும் பாஜகவிடம் இல்லை. வேலைக்காக இளைஞர்கள் காத்திருந்தே அவர்களுக்கு வயதாகி விட்டது. எதற்கும் பயனில்லாத பாஜக அரசை அகற்றுவதே இதற்கு தீர்வு என அவர் கூறினார்.
News March 26, 2024
ஆபரணத் தங்கத்தின் விலை குறைவு
கடந்த ஒருவாரமாக அதிகரித்த ஆபரணத் தங்கத்தின் விலை சற்று குறைந்துள்ளது. 22 கேரட் ஆபரணத் தங்கத்தின் விலை சவரனுக்கு ₹40 குறைந்து ₹49,600க்கும், கிராமுக்கு ₹5 குறைந்து ₹6,200க்கும் விற்பனையாகிறது. அதேபோல், ஒரு கிரா, வெள்ளியின் விலை 30 காசுகள் குறைந்து ₹80.50க்கும், கிலோ வெள்ளி ₹300 குறைந்து ₹80,500க்கும் விற்பனையாகிறது.
Featured News
Sorry, no posts matched your criteria.