India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 1, 2024
ஏப்ரல் 1: வரலாற்றில் இன்று
1867 – சிங்கப்பூர் பிரிட்டனின் குடியேற்ற நாடாக அறிவிக்கப்பட்டது.
1924 – இராணுவப் புரட்சியில் ஈடுபட்ட குற்றத்திற்காக, ஹிட்லருக்கு 5 ஆண்டுகள் சிறை தண்டனை வழங்கப்பட்டது.
1935 – இந்திய ரிசர்வ் வங்கி தொடங்கப்பட்டது.
1937 – ஏடன் பிரிட்டனின் குடியேற்ற நாடாக அறிவிக்கப்பட்டது.
1946 – ஹவாய் தீவுகளில் ஏற்பட்ட ஆழிப்பேரலையில் 157 பேர் உயிரிழந்தனர்.
1957 – இந்தியாவில் 1 பைசா நாணயம் அறிமுகப்படுத்தப்பட்டது.
News April 1, 2024
தேர்தல் அறிக்கை வெளியிட்ட தமிழ் மாநில காங்கிரஸ்
பாலியல் வன்கொடுமை குற்றவாளிகளுக்கு மரண தண்டனை விதிக்கப்படும் என்று தமாகா தேர்தல் அறிக்கையில் தெரிவிக்கப்பட்டுள்ளது. மத்திய அரசுடன் இணைந்து நிதி நெருக்கடியை சரி செய்வோம். போதை பொருட்களை முழுமையாக தடை செய்ய சட்ட நடவடிக்கை கொண்டு வரப்படும். பொருளாதாரத்தில் பின்தங்கிய முஸ்லிம் பெண்களின் திருமணத்திற்கு ரூ.50,000 மானியமாக வழங்க நடவடிக்கை எடுக்கப்படும் உள்பட 23 வாக்குறுதிகளை வெளியிட்டுள்ளது.
News April 1, 2024
‘G.O.A.T’ படத்தின் டீசர் எப்போது?
வெங்கட் பிரபு இயக்கி வரும் G.O.A.T. படத்தின் டீசரை, நடிகர் விஜய்யின் பிறந்தநாளன்று (ஜூன் 22) வெளியிட படக்குழு முடிவு செய்துள்ளதாக இணையத்தில் தகவல் கசிந்துள்ளது. தற்போது படத்தின் படப்பிடிப்பு இறுதிக்கட்டத்தை எட்டியுள்ளது. இந்நிலையில், படத்தின் அடுத்தகட்ட படப்பிடிப்புக்காக படக்குழு ரஷ்யா செல்ல உள்ளதாக தெரிவிக்கப்பட்டுள்ளது. இந்த வாரம் படக்குழு ரஷ்யா செல்லும் என எதிர்பார்க்கப்படுகிறது.
News April 1, 2024
தினம் ஒரு திருக்குறள்
▶குறள் பால்: அறத்துப்பால்
▶இயல்: இல்லறவியல்
▶அதிகாரம்: அடக்கமுடைமை
▶குறள் எண்: 122
▶குறள்: காக்க பொருளா அடக்கத்தை ஆக்கம்
அதனினூஉங் கில்லை உயிர்க்கு.
▶பொருள்: அடக்கத்தை சிறந்த செல்வமாக எண்ணி காக்க வேண்டும். அதைவிட சிறந்த செல்வம் வேறு எதுவும் இல்லை.
News April 1, 2024
தமிழக மக்களை அதிமுக, பாஜக கொச்சைப்படுத்துகிறது
அனைவரும் பயன் அடையும் வகையில் ஆட்சியை நடத்தி வருகிறோம் என முதல்வர் ஸ்டாலின் கூறியுள்ளார். ஈரோட்டில் பரப்புரை மேற்கொண்ட அவர், “மக்களுக்கான அரசாக திமுக ஆட்சி நடந்து வருகிறது. ஒவ்வொரு திட்டத்தையும் வடிவமைத்து செயல்படுத்துகிறோம். இதனைப் பொறுத்துக்கொள்ள முடியாத அதிமுக, பாஜக கட்சிகள் அரசை குறை கூறுகின்றனர். அரசை குறை கூறுவதாக நினைத்து, மக்களை கொச்சைப்படுத்துகிறார்கள்” எனத் தெரிவித்துள்ளார்.
News April 1, 2024
பாஜகவை விரட்டும் வரை தூங்க மாட்டோம்
வாக்கு இயந்திரத்தில் நீங்கள் வைக்கும் ஓட்டு தான், மோடிக்கு வைக்கும் வேட்டு என அமைச்சர் உதயநிதி கூறியுள்ளார். புதுச்சேரியில் பிரசாரம் மேற்கொண்ட அவர், “கடந்த முறை ஒரே அணியாக இருந்த எதிரிகள், இம்முறை பிரிந்து வருகின்றனர். முதல்வருக்கும் தூக்கம் போய்விட்டதாக பிரதமர் மோடி சொல்கிறார். உண்மைதான். பாஜகவை வீட்டுக்கு அனுப்பும் வரை திமுகவும், கூட்டணி கட்சியினரும் தூங்க மாட்டோம்” எனத் தெரிவித்துள்ளார்.
News April 1, 2024
‘ரஜினி 171’ படத்தின் பெயர் இதுவா?
லோகேஷ் கனகராஜ் இயக்கத்தில் ரஜினி நடிக்கும் 171ஆவது படத்தின் தலைப்பு குறித்து, இணையத்தில் தகவல் கசிந்துள்ளது. சன் பிக்சர்ஸ் நிறுவனம் தயாரிக்கும் இந்தப் படத்திற்கு, ‘கழுகு’ எனப் பெயரிட்டுள்ளதாகக் கூறப்படுகிறது. மேலும், இப்படம் பான் இந்திய தரத்தில் உருவாக உள்ளதால், படத்தின் பெயரை ஆங்கிலத்தில் வைக்கவும் வாய்ப்பு இருப்பதாக கூறப்படுகிறது. ஆனால், அதிகாரப்பூர்வ அறிவிப்பு ஏப்.22ஆம் தேதி வெளியாகும்.
News April 1, 2024
பிறந்தநாள் வாழ்த்து போட்டோ அனுப்புங்க
இன்று (ஏப்ரல் 1) பிறந்தநாள் காணும் அனைவருக்கும் வாழ்த்துகள். பிறந்தநாளுக்கு வாழ்த்து சொல்ல விரும்புபவர்களின் போட்டோவை Email -way2tamilusers@way2news.com-க்கு அனுப்புங்க. Note: பிறந்தநாளுக்கு முந்தைய நாள் இரவு 11 மணிக்குள் வாழ்த்துகளை அனுப்பவும். முதலில் அனுப்பும் 20 நபர்களின் புகைப்படங்கள் மட்டும் இதில் இடம்பெறும். உங்கள் அன்புக்குரியவர்களை வாழ்த்துங்கள். பிறந்தநாள் வாழ்த்து போட்டோ அனுப்புங்க
News April 1, 2024
ஒரே ஓவரில் 20 ரன்கள்… தோனி அசத்தல்
டெல்லிக்கு எதிரான 13ஆவது ஐபிஎல் போட்டியில், தோனி அதிரடி காட்டியுள்ளார். நடப்பு ஐபிஎல் தொடரில் முதல்முறையாக பேட்டிங் செய்த அவர், 4 பவுண்டரி, 3 சிக்சர்கள் என விளாசி அசத்தினார். குறிப்பாக, கடைசி (20ஆவது) ஓவரில், 4 6 0 4 0 6 என மொத்தமாக 20 ரன்கள் குவித்து மைதானத்தையே அதிர வைத்தார். இருப்பினும், குறித்த பந்துகளில் இலக்கை எட்ட முடியாமல், சென்னை அணி தோல்வி அடைந்தது. இது சென்னை அணியின் முதல் தோல்வி ஆகும்.
News April 1, 2024
பாஜக நிர்வாகி மீது போக்சோ வழக்குப்பதிவு
பள்ளி மாணவிக்கு பாலியல் தொல்லை கொடுத்த பாஜக நிர்வாகி மீது போக்சோ சட்டத்தின் கீழ் வழக்குப்பதிவு செய்யப்பட்டுள்ளது. மதுரை பாஜக பொருளாதார பிரிவு மாநில தலைவரான எம்.எஸ்.ஷா., 15 வயது சிறுமியிடம் வாட்ஸ் அப் மூலமாக நான் அழைக்கும் இடத்திற்கு வந்து என்னுடன் தங்கினால் பைக் வாங்கித் தருகிறேன் என்று கூறி பாலியல் தொந்தரவு கொடுத்துள்ளார். இதுகுறித்த புகாரின் பேரின் போலீசார் தீவிர விசாரணை நடத்தி வருகின்றனர்.
Featured News
Sorry, no posts matched your criteria.