India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 27, 2024
ஸ்ட்ராங் ரூமில் செயலிழந்த சிசிடிவி கேமராக்கள்
நீலகிரியில் வாக்குப்பதிவு இயந்திரங்கள் வைக்கப்பட்டுள்ள அறையிலிருந்த சிசிடிவி கேமராக்கள் சில நிமிடங்கள் செயலிழந்தன. ஒரே நேரத்தில் 173 சிசிடிவி கேமராக்களும் செயல்படாமல் போனதால் பாதுகாப்பு அதிகாரிகள் அதிர்ச்சி அடைந்தனர். சுமார் 20 நிமிடங்களுக்கு பிறகு சிசிடிவி வேலை செய்ய துவங்கியது. அதீத வெப்பம் காரணமாக சிசிடிவி கேமராக்கள் செயலிழந்திருக்கலாம் என நீலகிரி ஆட்சியர் தெரிவித்துள்ளார்.
News April 27, 2024
பவுலர்களுக்கு அழுத்தம் ஏற்படுகிறது
டி20 போட்டிகளில் பேட்ஸ்மேன்கள் கை ஓங்கும்போது, பந்துவீச்சாளர்கள் அழுத்தத்துடன் செயல்படுவதாக ஹர்திக் பாண்டியா தெரிவித்துள்ளார்.
முன்பெல்லாம் போட்டியின் முடிவை மாற்ற 2 அல்லது 3 ஓவர்கள் போதும் என்றிருந்த நிலைமாறித் தற்போது 2, 3 பந்துகளே போட்டியை வேறு திசைக்கு கொண்டு செல்வதாக அவர் தெரிவித்தார். டெல்லிக்கு எதிரான இன்றைய போட்டியில் மும்பை 247 ரன்கள் எடுத்தும், 10 ரன் வித்தியாசத்தில் தோல்வி அடைந்தது.
News April 27, 2024
ராஜஸ்தான் அணிக்கு 197 ரன்கள் இலக்கு
ராஜஸ்தான் அணிக்கு எதிரான ஐபிஎல் போட்டியில் 20 ஓவர்கள் முடிவில் லக்னோ அணி 5 விக்கெட்டுகள் இழப்பிற்கு 196 ரன்கள் எடுத்துள்ளது. LSG சார்பில் சிறப்பாக ஆடிய கே.எல்.ராகுல் 76, ஹூடா 50 ரன்கள் எடுத்தனர். கடைசியில் க்ருணால் பாண்டியா 13, பதோனி 18 ரன்கள் எடுக்கவே அந்த அணி சிறப்பான ரன்களை எட்டியது. RR சார்பில் சந்தீப் ஷர்மா 2 விக்கெட்டுகளும், ஆவேஷ் கான், அஷ்வின், போல்ட் தலா 1 விக்கெட் வீழ்த்தினர்.
News April 27, 2024
ஃபேஷியல் செய்த பெண்களுக்கு எச்.ஐ.வி பாதிப்பு
நியூ மெக்சிகோவில் வாம்பயர் ஃபேஷியல் செய்துகொண்ட 3 பெண்கள் எச்.ஐ.வி தொற்றால் பாதிக்கப்பட்டுள்ளது கண்டறியப்பட்டுள்ளது. நோய் கட்டுப்பாடு & தடுப்பு மையம் நடத்திய விசாரணை அறிக்கையில், ஏற்கெனவே பயன்படுத்திய ஊசிகளை பயன்படுத்தியதன் காரணமாக எச்.ஐ.வி பாதிப்பு ஏற்பட்டிருக்கலாமெனக் கூறப்பட்டுள்ளது . இந்த ஃபேஷியலில், ரத்தத்திலிருந்து பிரித்து எடுக்கப்படும் பிளேட்லெட்டுகளை முகத்தில் செலுத்தி சிகிச்சை அளிப்பர்.
News April 27, 2024
ஐசிஐசிஐ வங்கியின் வட்டி வருவாய் ரூ.19,093 கோடி
ஐசிஐசிஐ வங்கி கடந்த நிதியாண்டின் 4ஆவது காலாண்டு முடிவுகளை வெளியிட்டுள்ளது. அதன்படி, வங்கியின் நிகர லாபம் 17% உயர்ந்து ரூ.10,707 கோடியாக அதிகரித்துள்ளது. இது அதற்கு முந்தைய ஆண்டில் ரூ.9,122 கோடியாக இருந்தது. நிகர வட்டி வருவாய் 8% அதிகரித்து ரூ.17,667 கோடியிலிருந்து ரூ.19,093 கோடியாக உயர்ந்துள்ளது. வாராக் கடனைப் பொறுத்தமட்டில் 2.81%இல் இருந்து 2.16%ஆக குறைந்துள்ளது.
News April 27, 2024
‘ஸ்டார்’ டிரெய்லரைப் புகழ்ந்த கவுதம் மேனன்
ஸ்டார் படத்தின் டிரெய்லரைப் பார்க்கும் போதே படத்தை பார்க்க வேண்டும் எனத் தோன்றுவதாக கவுதம் மேனன் தெரிவித்துள்ளார். படத்தின் காட்சி மற்றும் தோற்றும் சிறப்பாக உள்ளதாக தெரிவித்த அவர், ஒரு நல்ல படமாக இது நிச்சயம் இருக்கும் என்று நம்பிக்கை ஏற்படுவதாகவும் தெரிவித்துள்ளார். கவின் நடித்துள்ள இந்த படம் மே 10ஆம் தேதி ரிலீஸ் ஆகவுள்ளது. யுவன் இசையில் இப்படத்தின் பாடல்கள் நல்ல வரவேற்பை பெற்றுள்ளது.
News April 27, 2024
பிரதமர் மோடிக்கு எதிராக எஸ்.டி.பி.ஐ போராட்டம்
சமீபத்தில் ராஜஸ்தான் பரப்புரையில், இஸ்லாமியர்கள் குறித்துப் பிரதமர் மோடி பேசியது சர்ச்சையானது. இதற்கு எதிராகப் பிரதமர் மீது பல்வேறு வழக்குகள் பதிவாகியுள்ள நிலையில், பிரதமரைக் கண்டித்து SDPI கட்சியினர் இன்று சென்னையில் போராட்டம் நடத்தினர். அப்போது நடத்தை விதிகளை மீறிப் பேசிய பிரதமர் மீது நடவடிக்கை எடுக்கக் கோரித் தேர்தல் ஆணைய அலுவலகத்தை முற்றுகையிட முயன்ற அவர்களைக் காவல்துறையினர் கைது செய்தனர்.
News April 27, 2024
வாகனங்களுக்கு கட்டுப்பாடு விதித்தது தமிழக அரசு
அரசால் அங்கீகரிக்கப்படாத ஸ்டிக்கர்களை தனியார் வாகனங்களில் ஒட்டினால், மே 2ஆம் தேதி முதல் அபராதம் விதிக்கப்படும் என தமிழக அரசு எச்சரிக்கை விடுத்துள்ளது. நம்பர் பிளேட்டில் ஸ்டிக்கர், சின்னம் ஒட்டுவது எதிர்மறை தாக்கத்தை ஏற்படுத்தலாம் என கருத்துத் தெரிவித்துள்ள தமிழக அரசு, தனியார் வாகனங்களின் நம்பர் பிளேட்டை சரிசெய்ய மே 1ஆம் தேதி வரை கால அவகாசம் வழங்குவதாக தெரிவித்துள்ளது.
News April 27, 2024
முதலில் இருந்து தொடங்கியதைப் போல உணர்ந்தேன்
ஹாலிவுட்டில் தனது ஆரம்ப நாள்கள் இருண்ட காலம் எனப் பிரியங்கா சோப்ரா தெரிவித்துள்ளார். பாலிவுட்டில் புறக்கணிக்கப்படுவதாகக் குற்றம்சாட்டி 2016ஆம் ஆண்டு நாட்டை விட்டு வெளியேறிய இவர், ஹாலிவுட் படங்களில் நடித்து வருகிறார். இந்நிலையில், அண்மையில் பேட்டி அளித்த அவர், தொடக்கத்தில் நியூயார்க் நகரம் அச்சுறுத்தியதாகவும், எல்லாவற்றையும் முதலில் இருந்து தொடங்குவதைப் போல உணர்ந்ததாகவும் தெரிவித்தார்.
News April 27, 2024
கே.எல்.ராகுல், ஹூடா அடுத்தடுத்து அரை சதம்
ராஜஸ்தான் அணிக்கு எதிராக சிறப்பாக ஆடிவரும் LSG வீரர்கள் KL.ராகுல், ஹூடா அடுத்தடுத்து அரை சதம் அடித்துள்ளனர். KL.ராகுல் இன்று ஐபிஎல்லில் 4,000 ரன்களைக் கடந்து, தொடக்க வீரராகக் களமிறங்கி 4,000 ரன்களைக் கடந்த 5ஆவது வீரர் என்ற பெருமையையும் பெற்றுள்ளார். கே.எல்.ராகுல் 60*, ஹூடா 50* ரன்களுடன் விளையாடி வருகின்றனர். தற்போது வரை LSG 12 ஓவர்கள் முடிவில் 2 விக்கெட்டுகள் இழப்பிற்கு 126 ரன்கள் எடுத்துள்ளது.
Featured News
Sorry, no posts matched your criteria.