India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 13, 2024
இடைத்தேர்தலில் விஜய் கட்சி போட்டி?
விக்கிரவாண்டி இடைத்தேர்தலில், விஜய்யின் தவெக போட்டியிட உள்ளதாக தகவல் வெளியாகியுள்ளது. MLA புகழேந்தி சமீபத்தில் காலமானதால், அந்தத் தொகுதிக்கு விரைவில் இடைத்தேர்தல் நடக்க உள்ளது. இதுகுறித்து, விழுப்புரம் மாவட்ட நிர்வாகிகளுடன் ஆலோசித்த விஜய், இடைத்தேர்தல் வேலைகளை ஆரம்பிக்க உத்தரவிட்டுள்ளதாக தெரிகிறது. 2026 சட்டப் பேரவைத் தேர்தலுக்கு முன்னோட்டமே இந்த ஏற்பாடு என அரசியல் வட்டாரங்களில் பேசப்படுகிறது.
News April 13, 2024
IPL: 147 ரன்கள் மட்டுமே எடுத்த பஞ்சாப்
ராஜஸ்தான் அணிக்கு எதிரான ஐபிஎல் போட்டியில் பஞ்சாப் அணி 20 ஓவரில் 147/8 ரன்கள் மட்டுமே எடுத்துள்ளது. தொடக்கம் முதலே அடுத்தடுத்து விக்கெட்டுகளை இழந்த PBKS அணியில் ஜிதேஷ் ஷர்மா 29, அஷுதோஷ் ஷர்மா 31 ரன்கள் அடித்தனர். RR தரப்பில் சிறப்பாக பந்து வீசிய ஆவேஷ் கான் 2, கேசவ் மகாராஜ் 2 விக்கெட்டுகளை வீழ்த்தினர். இதையடுத்து RR அணிக்கு 148 ரன்கள் இலக்கு நிர்ணயிக்கப்பட்டுள்ளது.
News April 13, 2024
முதலீட்டாளர்களே கவனமாக இருங்கள்
கடந்த நிதியாண்டின் 4ஆவது காலாண்டிற்கான முடிவுகளை நிறுவனங்கள் வெளியிட்டு வருகின்றன. அந்த வகையில், அடுத்த வாரம் மொத்தம் 63 நிறுவனங்களின் முடிவுகள் வெளியாகவுள்ளன. குறிப்பாக பஜாஜ் ஆட்டோ, இன்ஃபோசிஸ், ரிலையன்ஸ் இண்டஸ்ட்ரீஸ், அலோக் இண்டஸ்ட்ரீஸ், விப்ரோ, எச்டிஎஃப்சி வங்கி உள்ளிட்ட நிறுவனங்களின் முடிவுகள் வெளியாகிறது. முடிவுகளை பொருத்து அந்நிறுவன பங்குகளின் விலையில் தாக்கம் ஏற்படலாம்.
News April 13, 2024
8 மாவட்டங்களில் மழைக்கு வாய்ப்பு
தமிழகத்தின் வடமாவட்டங்களில் வெயில் வாட்டி வதைத்துவரும் நிலையில், தென் மாவட்டங்களில் ஒரு சில இடங்களில் மழை பெய்துவருகிறது. இந்நிலையில், அடுத்த 1 மணி நேரத்திற்கு 8 மாவட்டங்களில் இடி, மின்னலுடன் மிதமான மழை பெய்ய வாய்ப்புள்ளதாக வானிலை ஆய்வு மையம் தெரிவித்துள்ளது. இதன்படி, திருச்சி, நாமக்கல், கரூர், மதுரை, விருதுநகர், சிவகங்கை, ராமநாதபுரம், தூத்துக்குடி ஆகிய மாவட்டங்களில் மழைக்கு வாய்ப்புள்ளது.
News April 13, 2024
ராம் சரணுக்கு கெளரவ டாக்டர் பட்டம்
தெலுங்கு திரைத்துறையில் முன்னணி நடிகராக இருப்பவர் ராம் சரண். இவருக்கு வேல்ஸ் பல்கலைக்கழகம் கெளரவ டாக்டர் பட்டம் வழங்கியுள்ளது. வேல்ஸ் பல்கலைக்கழகத்தின் 14ஆம் ஆண்டு பட்டமளிப்பு விழாவில் பங்கேற்ற அவர் கெளரவ டாக்டர் பட்டத்தைப் பெற்றுக் கொண்டார். பொழுதுபோக்கு துறைக்கு அவர் அளித்த பங்களிப்பை கெளரவிக்கும் விதமாக இந்தப் பட்டம் வழங்கப்பட்டுள்ளது. திரைத்துறையில் பலர் கெளரவ டாக்டர் பட்டம் பெற்றுள்ளனர்.
News April 13, 2024
ராகுகாலம் பார்க்காமல் வேட்புமனு செய்தது உண்டா?
ராகு காலம் பார்க்காமல் எந்தவொரு திமுக வேட்பாளராவது வேட்புமனு தாக்கல் செய்தது உண்டா? என தென் சென்னை தொகுதி பாஜக வேட்பாளர் தமிழிசை கேள்வி எழுப்பியுள்ளார். தென் சென்னை தொகுதிக்குட்பட்ட பகுதிகளில் வாக்கு சேகரித்த தமிழிசை, இந்துக்களின் ஓட்டுகளை வாங்கிய நீங்கள் தீபாவளிக்கு ஏன் வாழ்த்து சொல்ல மறுக்கிறீர்கள்?, தமிழர்களை பற்றி பேச முதல்வர் ஸ்டாலினுக்கு உரிமை இல்லை எனவும் கடுமையான சாடியுள்ளார்.
News April 13, 2024
தமிழ் புத்தாண்டு அன்று இதை செய்யாதீர்கள்
உலகம் முழுவதும் உள்ள தமிழர்கள் சித்திரை மாதம் முதல் நாளை (ஏப்.14) தமிழ் புத்தாண்டாக கொண்டாடுகின்றனர். இந்த நாளன்று, அதிகாலையில் எழுந்து குளித்துவிட்டு மத வழிபாட்டுத் தலங்களுக்கு செல்வது நல்லது. அதே வேளையில், யாருக்கும் கடன் கொடுக்கவோ, வாங்கவோ வேண்டாம். பொதுவாகவே புத்தாண்டு என்பது ஒரு புதிய தொடக்கத்தின் தருணம் என்பதால் நீங்கள் செய்யும் செயல்கள், உங்களுக்கு அதிர்ஷ்டம் வழங்குவதாக இருக்க வேண்டும்.
News April 13, 2024
ராகுலின் வருகையினால் மோடியின் தூக்கம் காலி
ராகுல் காந்தியின் ஒரு நாள் வருகை பிரதமர் மோடியின் மொத்த பிரசாரத்தையும் காலி செய்துவிட்டது என முதல்வர் ஸ்டாலின் கூறியுள்ளார். திருப்பூர் பொதுக்கூட்டத்தில் பேசிய அவர், கோவையில் நேற்று நடைபெற்ற பொதுக்கூட்டம் பாகுபலி படத்தைப்போல பிரமாண்டமாக இருந்தது. இந்தியாவில் ஜனநாயகம் தழைக்க I.N.D.I.A கூட்டணி ஆட்சி அமைய வேண்டும். பாஜக மீண்டும் ஆட்சிக்கு வந்தால் இடஒதுக்கீட்டை ரத்து செய்வார்கள் என்றார்.
News April 13, 2024
ரூ.1000 கோடி மதிப்பிலான தங்கம் பறிமுதல்
தேர்தல் நடைபெற உள்ள நேரத்தில் தமிழ்நாட்டில் ரூ.1,000 கோடி மதிப்பிலான தங்கம் பறிமுதல் செய்யப்பட்டது அதிர்ச்சியை ஏற்படுத்தியுள்ளது. ஸ்ரீபெரும்புதூர் அருகே உரிய ஆவணங்கள் இன்றி லாரியில் கொண்டு செல்லப்பட்ட தங்க கட்டிகளை பறக்கும்படை அதிகாரிகள் பறிமுதல் செய்துள்ளனர். இதன் மதிப்பு 1,000 கோடிக்கும் மேல் இருக்கும் என கணிக்கப்பட்டுள்ளது. இது யாருக்கு சொந்தமானது என்பது குறித்து விசாரணை நடைபெற்று வருகிறது.
News April 13, 2024
தனிநபர் வங்கிக் கடன் வட்டி விகிதங்கள்
அவசரத் தேவைக்காக பெறப்படும் தனிநபர் வங்கிக் கடன் மற்றும் அதன் வட்டி விவரம்
*SBI-11.15%-(₹1 லட்சத்திற்கு EMI ₹2,532) (தவணை காலம் 4 ஆண்டுகள்)
*ICICI-10.8%-(₹1 லட்சத்திற்கு EMI ₹2,575)
*ஆக்ஸிஸ்-10.75%-(₹1 லட்சத்திற்கு EMI ₹2,572)
*YES BANK-10.99%-(₹1 லட்சத்திற்கு EMI ₹2,584)
*PNB-12.4%-(₹1 லட்சத்திற்கு EMI ₹2,653)
*UBOI-11.75%-(₹1 லட்சத்திற்கு EMI ₹2,621)
*BOB-11.4%-(₹1 லட்சத்திற்கு EMI ₹2,604)
Featured News
Sorry, no posts matched your criteria.