India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 14, 2024
யூடியூபர் ஜோடி தற்கொலை
ஹரியானாவின் பஹதுர்கர் பகுதியைச் சேர்ந்த கார்விட் (25), நந்தினி (22) தம்பதி அடுக்குமாடி குடியிருப்பின் 7ஆவது மாடியில் இருந்து குதித்து தற்கொலை செய்து கொண்டனர். யூடியூப் சேனல் நடத்தி வரும் இவர்கள், படப்பிடிப்பு முடித்து வீட்டிற்கு திரும்பிய நிலையில் விபரீத முடிவெடுத்துள்ளனர். யூடியூப் & பேஸ்புக் மூலம் பிரபலமான இவர்களின் தற்கொலை முடிவுக்கான காரணம் குறித்து போலீசார் விசாரித்து வருகின்றனர்.
News April 14, 2024
மோடி வருகை… ட்ரோன்கள் பறக்க தடை
நெல்லை மாவட்டம் அகஸ்தியர்பட்டியில் வரும் 15ஆம் தேதி நடைபெறும் பிரசார கூட்டத்தில் பிரதமர் மோடி பங்கேற்கிறார். இதற்காக காவல்துறை பல்வேறு பாதுகாப்பு நடவடிக்கைகளை மேற்கொண்டு வருகிறது. பேருந்து நிலையங்கள், ரயில் நிலையங்கள் என பல இடங்களில் பாதுகாப்பு பலப்படுத்தப்பட்டுள்ள நிலையில், நாளை & நாளை மறுநாள் அகஸ்தியர்பட்டியை சுற்றி 5 கி.மீ. சுற்றளவில் ட்ரோன்கள் பறக்க தடை விதிக்கப்பட்டுள்ளது.
News April 14, 2024
வெயிட் லாஸுக்கு உதவும் வாழைத்தண்டு ஜூஸ்!
உடலில் உள்ள நச்சுக்களை வெளியேற்றவும், மலச்சிக்கல், அசிடிட்டி, அஜீரணம் பிரச்னைகளிலிருந்து விடுபடவும் வாழைத்தண்டு உதவி புரிகிறது. உடல் எடையை குறைக்க முயற்சிப்போர் வாரத்திற்கு 3 நாள்கள், வாழைத்தண்டை பொடியாக நறுக்கிவிட்டு சிறிது தண்ணீர் விட்டு அரைத்து எடுத்து கொள்ளுங்கள். அரைத்தெடுத்த ஜூஸில் சிறிது சீரகத்தூள், சிறிது மிளகுத்தூள், சிறிது கல் உப்பு சேர்த்து வெறும் வயிற்றில் காலையில் குடிக்கலாம்.
News April 14, 2024
கங்கனாவை எதிர்த்து அமைச்சரே களம் இறங்குகிறார்
மக்களவைத் தேர்தலுக்கான 16 வேட்பாளர்களை காங்கிரஸ் அறிவித்துள்ளது. அதன்படி இமாச்சலின் மண்டி தொகுதியில் பாஜக வேட்பாளர் கங்கனா ரனாவத்தை எதிர்த்து இமாச்சல் அமைச்சர் விக்ரமாதித்ய சிங்கை காங்கிரஸ் களம் இறக்கியுள்ளது. இவர் இமாச்சல் முன்னாள் முதல்வர் வீரபத்ரசிங்கின் மகன். இவரது தாய் பிரதீபா சிங், மண்டி தொகுதியின் தற்போதைய எம்.பி. ஆவார். இதன் மூலம் மண்டி தொகுதி நட்சத்திர தொகுதியாக மாறியுள்ளது.
News April 13, 2024
தேர்தல் பத்திரம் அளித்த நிறுவனம் மீது வழக்கு
ஒப்பந்த பணிகளுக்கு லஞ்சம் கொடுத்த வழக்கில் ஹைதராபாத்தைச் சேர்ந்த மேகா இன்ஜினியரிங் மற்றும் இன்ஃப்ராஸ்ட்ரக்சர் லிமிடெட் நிறுவனம் மீது சிபிஐ வழக்குப்பதிவு செய்துள்ளது. இந்நிறுவனம் தேர்தல் பத்திரம் மூலம் நன்கொடை வழங்கிய 2ஆவது பெரிய நிறுவனமாகும். அதிகபட்சமாக BRSக்கு ₹195 கோடி, திமுகவுக்கு ₹85 கோடி உள்பட ₹966 கோடியை இந்நிறுவனம் தேர்தல் பத்திரம் மூலம் நன்கொடையாக அளித்துள்ளது.
News April 13, 2024
BREAKING: ராஜஸ்தான் அணி த்ரில் வெற்றி
PBKS அணிக்கு எதிரான ஆட்டத்தில் RR அணி 3 விக்கெட்டுகள் வித்தியாசத்தில் வெற்றி பெற்றது. 17ஆவது ஐபிஎல் தொடரின் 27 ஆவது போட்டியில், டாஸ் வென்ற RR பந்துவீச்சை தேர்வு செய்தது. இதையடுத்து முதலில் பேட்டிங் செய்த PBKS அணி 8 விக்கெட்டுகள் இழப்பிற்கு 147 ரன்கள் எடுத்தது. இதனையடுத்து, 148 ரன்கள் இலக்கை துரத்திய RR அணி, 20 ஓவர்கள் முடிவில் 7 விக்கெட்டுகள் இழப்பிற்கு 152 ரன்கள் எடுத்து த்ரில் வெற்றி பெற்றது.
News April 13, 2024
ஆசியாவிலேயே பணவீக்கம் இங்கு தான் அதிகம்
ஆசியாவிலேயே அதிக பணவீக்கம் கொண்ட நாடுகளில் பாகிஸ்தான் முதலிடம் பிடித்துள்ளதாக ஆசிய வளர்ச்சி வங்கி தெரிவித்துள்ளது. கடும் நிதி நெருக்கடியில் சிக்கி தவிக்கும் பாகிஸ்தானில் 25% அளவுக்கு பணவீக்கம் இருப்பதாக ஆசிய வளர்ச்சி வங்கி குறிப்பிட்டுள்ளது. மேலும், பணவீக்கம் அதிகரிப்பு, வளர்ச்சி குறைவால் நடப்பு நிதியாண்டிலும் பாகிஸ்தானின் பொருளாதார வளர்ச்சி 1.9% ஆக இருக்குமெனவும் தனது அறிக்கையில் தெரிவித்துள்ளது.
News April 13, 2024
புத்தாண்டிலிருந்து பணம் கொட்டப் போகும் ராசிகள்
சித்திரை மாதம் முதல் நாள் (ஏப்ரல் 14) தமிழ் புத்தாண்டு கொண்டாடப்படுகிறது. குரோதி ஆண்டு என்று அழைக்கப்படும் இந்த ஆண்டு 12 ராசிகளுக்கும் நற்பலன்களை அளித்தாலும் ரிஷபம், மிதுனம், துலாம், மீன ராசியினருக்கு ஓஹோவென்று அமையப் போகிறது. தொழிலில் லாபம், முதலீடுகளில் இரட்டிப்பு வருமானம், செய்யும் செயலில் வெற்றி, உறவினர்களின் ஆதரவு என மேற்கண்ட ராசியினருக்கு இந்த ஆண்டு முழுவதுமே பணம் கொட்டப் போகிறது.
News April 13, 2024
கல்வீச்சு சம்பவத்திற்கு ஸ்டாலின் கண்டனம்
ஆந்திர முதல்வர் ஜெகன் மோகன் மீதான கல்வீச்சு தாக்குதல் சம்பவத்திற்கு முதல்வர் ஸ்டாலின் கண்டனம் தெரிவித்துள்ளார். இது குறித்து ட்விட்டரில் பதிவிட்டுள்ள அவர், அரசியல் வேறுபாடுகள் வன்முறையாக மாறக்கூடாது எனத் தெரிவித்துள்ளார். ஜனநாயகத்திற்கான செயல்பாட்டில் ஈடுபடும்போது நாகரீகத்தையும், மரியாதையையும் நிலைநாட்ட வேண்டும். அவர் விரைந்து குணமடைய விழைகிறேன் எனப் பதிவிட்டுள்ளார்.
News April 13, 2024
ஒவ்வொரு குடும்பத்திற்கும் மாதம் ரூ.5,000
திமுக ஆட்சியில் ஒவ்வொரு குடும்பமும் மாதம் ரூ.5,000 அளவிற்கு பயனடைவதாக முதல்வர் ஸ்டாலின் தெரிவித்துள்ளார். வீட்டில் உள்ள முதியோருக்கு மாதம் ரூ.1,200, குடும்பத் தலைவிக்கு மாதம் ரூ.1,000, புதுமைப்பெண் திட்டத்தில் கல்லூரி செல்லும் பெண்களுக்கு மாதம் ரூ.1,000, இலவச பேருந்து மூலம் மாதம் ரூ.2,000 என மொத்தமாக ஒரு மாதத்திற்கு ரூ.5,000 வரை பயனடைகின்றனர் எனத் தெரிவித்துள்ளார்.
Featured News
Sorry, no posts matched your criteria.