India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 28, 2024
பாஜகவில் இருந்து நீக்கப்பட்டவர் கைது
பிரதமர் மோடியின் இஸ்லாமியர்கள் குறித்த கருத்துக்களுக்கு எதிர்ப்புத் தெரிவித்த ராஜஸ்தான் பாஜக சிறுபான்மை அணித் தலைவர் உஸ்மான் கனி அண்மையில் கட்சியில் இருந்து நீக்கப்பட்டார். இந்நிலையில், இன்று வேறு ஒரு விவகாரத்திற்காக காவல் நிலையம் சென்ற அவர், போலீசாருடன் வாக்குவாதத்தில் ஈடுபட்டதாகத் தெரிகிறது. அதனைத்தொடர்ந்து, காவல் நிலையத்தில் புகுந்து அமைதியைக் குலைத்ததாக போலீசார் அவரை கைது செய்துள்ளனர்.
News April 28, 2024
பாக்., பயிற்சியாளராக கேரி கிர்ஸ்டன் நியமனம்
பாகிஸ்தான் கிரிக்கெட் அணியின் ஒருநாள் மற்றும் டி20 போட்டிகளுக்கான தலைமை பயிற்சியாளராக முன்னாள் தென்னாப்பிரிக்க வீரர் கேரி கிர்ஸ்டன் நியமிக்கப்பட்டுள்ளார். இவரது பயிற்சியின் கீழ்தான் இந்திய அணி 2011 ஒருநாள் உலகக்கோப்பைத் தொடரை வென்றது. மேலும், டெஸ்ட் அணியின் பயிற்சியாளராக ஆஸ்திரேலிய முன்னாள் வீரர் ஜேசன் கில்லெஸ்பி நியமிக்கப்பட்டுள்ளார்.
News April 28, 2024
மே 1ஆம் தேதி ஆரஞ்சு அலர்ட்
வட தமிழகத்தின் உள் மாவட்டங்களுக்கு மே 1ஆம் தேதி ஆரஞ்சு அலர்ட் விடுக்கப்பட்டுள்ளது. தமிழகத்தில் கோடை வெயில் கொளுத்துவதால் மக்கள் பல்வேறு இன்னல்களைச் சந்திக்கின்றனர். இந்த நிலையில், இன்று முதல் மே 1 வரை வட தமிழக உள் மாவட்டங்களில் ஓரிரு இடங்களில் வெப்ப அலை வீசும் என எச்சரித்துள்ள சென்னை வானிலை ஆய்வு மையம், மே 1ஆம் தேதி வழக்கத்தை விடக் கூடுதலாக அனல் காற்று வீசும் எனக் கூறியுள்ளது.
News April 28, 2024
ராகுல் குறித்து சர்ச்சைக் கருத்து, எம்எல்ஏ மீது வழக்குப்பதிவு
ராகுல் தொடர்பாக சர்ச்சைக் கருத்து தெரிவித்த கேரள சிபிஎம் எம்எல்ஏ அன்வர் மீது வழக்குப் பதியப்பட்டுள்ளது. காந்தியின் பெயரை ராகுல் பயன்படுத்தக்கூடாது என்ற அன்வர், ராகுலின் டிஎன்ஏவை பரிசோதிக்க வேண்டும் என்றும் கூறியிருந்தார். இது தொடர்பாக அவர் மீது புகாரளிக்கப்பட்ட நிலையில், போலீசார் 2 பிரிவுகளின் கீழ் வழக்குப் பதிவு செய்துள்ளனர். ராகுல் காந்தி வயநாடு தொகுதியில் போட்டியிடுவது குறிப்பிடத்தக்கது.
News April 28, 2024
இந்தியாவுக்கு No! சீனாவுக்கு Yes..!
டெஸ்லா நிறுவனத்தின் தலைமைச் செயல் அதிகாரி எலான் மஸ்க், மின்சார வாகனங்களின் 2ஆவது பெரிய சந்தையாக விளங்கும் சீனாவுக்குத் திடீர் பயணம் மேற்கொண்டுள்ளார். நடப்பு ஆண்டில் அவர் 2ஆவது முறையாக சீனா சென்றுள்ளார். பன்னாட்டு வணிகத்துக்கான சீன கவுன்சிலின் அழைப்பின் பேரில் அவர் சென்றுள்ளதாக தகவல்கள் தெரிவிக்கின்றன. முன்னதாக, கடும் பணிச் சுமையால் அவர் இந்திய பயணத்தை ரத்து செய்தது குறிப்பிடத்தக்கது.
News April 28, 2024
கேன்சரைத் தொடக்கத்திலேயே கண்டறியலாம்
உலகளவில் புற்றுநோயால் பாதிக்கப்படுவோரின் எண்ணிக்கை வேகமாக அதிகரித்து வருகிறது. இந்நிலையில், புற்றுநோயைத் தொடக்கத்திலேயே கண்டுகொண்டால் அதிலிருந்து எளிதாக விடுபடலாம் என்கிறார்கள் மருத்துவ நிபுணர்கள். பசியின்மை, திடீரென உடல் எடை குறைதல் அல்லது அதிகரித்தல், ரத்தத்தில் ஹீமோகுளோபின் மிகவும் குறைதல், சாப்பிட தொடங்கியதுமே வயிறு நிரம்பிய உணர்வு ஆகியவை புற்றுநோயின் பரவலான அறிகுறிகளாகும்.
News April 28, 2024
தீவிரவாதிகள் இறந்தால் கண்ணீர் வடிக்கும் காங்கிரஸ்
காங்கிரஸ் ஆட்சி அமைத்த பிறகே, பெங்களூருவில் குண்டு வெடித்ததாகப் பிரதமர் மோடி குற்றம்சாட்டியுள்ளார். கர்நாடகாவில் பிரசாரம் செய்த அவர், குண்டு வெடித்ததை சிலிண்டர் வெடித்ததாக காங்கிரஸ் அரசு கூறியதாகத் தெரிவித்தார். தீவிரவாதிகள் கொல்லப்படுவதற்காகக் கண்ணீர் வடிப்பதுதான் காங்கிரசின் சாதனை என விமர்சித்த அவர், டெல்லியில் இப்படியொரு சம்பவம் நடந்தபோதும் காங்கிரஸ் கண்ணீர் வடித்ததாகக் கூறினார்.
News April 28, 2024
சஞ்சு சாம்சனைதான் முதலில் தேர்வு செய்வேன்
இந்திய அணியின் தேர்வாளராக நான் இருந்தால் சஞ்சு சாம்சனை முதலில் தேர்வு செய்வேன் என இங்கிலாந்து முன்னாள் வீரர் கெவின் பீட்டர்சன் தெரிவித்துள்ளார். சில வாரங்களில் டி20 உலக்கோப்பையில் விளையாடச் செல்லும் இந்திய அணியின் விமானத்தில் சஞ்சு சாம்சன் கட்டாயம் இருக்க வேண்டும் என்று அவர் விருப்பம் தெரிவித்துள்ளார். லக்னோ அணிக்கு எதிரான நேற்றைய போட்டியில் சஞ்சு சாம்சன் 33 பந்துகளில் 71 ரன்கள் குவித்தார்.
News April 28, 2024
பரப்புரைப் பாடலை மாற்ற ஆம் ஆத்மிக்கு உத்தரவு
ஆம் ஆத்மி கட்சியின் தேர்தல் பரப்புரைப் பாடலை மாற்றுமாறு தேர்தல் ஆணையம் உத்தரவிட்டுள்ளது. கெஜ்ரிவால் சிறையில் அடைக்கப்பட்டிருப்பது குறித்து பாடல் எழுதியிருப்பது நீதித்துறையை அவமதிப்பது போல இருப்பதாகத் தேர்தல் ஆணையம் தெரிவித்துள்ளது. உத்தவ் தாக்கரேவிடமும் தேர்தல் ஆணையம் இதே போன்று பாடலை மாற்ற உத்தரவிட்ட நிலையில், அதனை அவர் நிராகரித்தார்.
News April 28, 2024
“ரேஷன் கடைகள் மூலம் வழங்குக”
தமிழகத்தில் வெப்பம் அதிகரித்து வரும் நிலையில், உடலின் நீர் சமநிலையை மேம்படுத்த பொதுமக்களுக்கு மாவட்டம் தோறும் ஓஆர்எஸ் கரைசல் பாக்கெட்டுகள் வழங்க பொது சுகாதாரத்துறை உத்தரவிட்டுள்ளது. ORS பாக்கெட் வழங்கப்படும் இடங்கள் குறித்து தெளிவாக குறிப்பிடவில்லை. இதனால், தேவையில்லாத அலைச்சலை குறைக்கும் வகையில், ரேஷன் கடைகள் மூலமாக ORS பாக்கெட்டுகளை வழங்க வேண்டும் என கோரிக்கை எழுந்துள்ளது.
Featured News
Sorry, no posts matched your criteria.