India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 12, 2024
இபிஎஸ்ஸுக்கு வாழ்த்து சொன்ன விஜய்
அதிமுக பொதுச்செயலாளர் இபிஎஸ்ஸுக்கு, தவெக தலைவர் விஜய் பிறந்தநாள் வாழ்த்து கூறியுள்ளார். இபிஎஸ் இன்று தனது 70ஆவது பிறந்தநாளை கொண்டாடும் நிலையில், அவருக்கு அரசியல் தலைவர்கள், பிரபலங்கள் பலரும் வாழ்த்து தெரிவித்து வருகின்றனர். அந்தவகையில், விஜய் தனது எக்ஸ் பக்கத்தில், இபிஎஸ்ஸுக்கு வாழ்த்து கூறியுள்ளார். முன்னதாக, அவர் ஸ்டாலின், அன்புமணி ஆகியோருக்கும் பிறந்தநாள் வாழ்த்து கூறியது குறிப்பிடத்தக்கது.
News May 12, 2024
ஜெயக்குமார் மரணத்தில் சிக்கியது டார்ச்லைட்
மறைந்த காங்கிரஸ் நிர்வாகி ஜெயக்குமார் கடைசியாக வாங்கிய டார்ச் லைட், அவரது உடல் கண்டெடுக்கப்பட்ட பகுதியில் இருந்து மீட்கப்பட்டுள்ளது. முழுவதும் எரிந்த நிலையில் டார்ச்லைட் மீட்கப்பட்டதால், அது தடயவியல் ஆய்வுக்கு உட்படுத்தப்பட உள்ளது. அவர் கடைசியாக டார்ச்லைட் வாங்கிய சிசிடிவி காட்சிகள் அண்மையில் வெளியானது. முன்னதாக, அவரது வீட்டில் கிடைத்த டார்ச்சையும் பறிமுதல் செய்து போலீசார் விசாரித்தனர்.
News May 12, 2024
ஆந்திராவில் மும்முனை போட்டி
ஆந்திர மாநில சட்டசபை தேர்தலுக்கு நாளை வாக்குப்பதிவு நடைபெறவுள்ளது. இதில் தெலுங்கு தேசம் தலைமையிலான கூட்டணி, YSR காங்கிரஸ், காங்கிரஸ் என மும்முனை போட்டி நிலவுகிறது. தெலுங்கு தேசம் கூட்டணியில் பாஜகவும், பவன் கல்யாணின் ஜனசேனா கட்சியும் இடம்பெற்றுள்ளன. முதல்வரும், YSR காங்கிரஸ் தலைவருமான ஜெகன் மோகன் ரெட்டியின் சகோதரி ஷர்மிளாதான், காங்கிரஸ் கட்சியின் மாநிலத் தலைவர்.
News May 12, 2024
தோனிக்கு இன்று சென்னையில் கடைசிப் போட்டி?
சிஎஸ்கே அணியின் முன்னாள் கேப்டன் தோனிக்கு சென்னை மைதானத்தில் இன்று கடைசி போட்டியாக இருக்கலாம் என்று சொல்லப்படுகிறது. லீக் தொடரில் சென்னை மைதானத்தின் கடைசி போட்டி இன்று நடைபெறுகிறது. ஒருவேளை CSK அணி, ப்ளே-ஆஃப் சுற்றுக்குள் நுழையாவிட்டால் நடப்பு தொடரில் இதுவே கடைசி போட்டியாக அமையும். தோனி ஓய்வை அறிவித்தால் இன்றுதான் அவருக்கு சென்னையில் கடைசி போட்டியாக இருக்கும்.
News May 12, 2024
அன்னையர் தின சிறப்புத் திரைப்படங்கள்
அன்னையர் தினத்தில் பார்க்க வேண்டிய உணர்வுப்பூர்வமான தமிழ் படங்கள்: ▶தியாகராஜன் இயக்கத்தில் ரஜினி நடித்த ‘அன்னை ஓர் ஆலயம்’, ▶மோகன்ராஜா இயக்கத்தில் ஜெயம்ரவி நடித்த ‘எம்.குமரன் சன் ஆஃப் மகாலட்சுமி’, ▶அமீர் இயக்கத்தில் ஜீவா நடித்த ‘ராம்’, ▶சசிகுமார் இயக்கத்தில் விஜய் ஆண்டனி நடித்த ‘பிச்சைக்காரன்’, ▶மணிரத்னம் இயக்கத்தில் மாதவன் நடித்த ‘கன்னத்தில் முத்தமிட்டால்’, ▶தனுஷ் நடித்த வேலையில்லா பட்டதாரி’.
News May 12, 2024
Fact Check: ராகுல் காந்தியை புகழ்ந்தாரா பாபா ராம்தேவ்?
காங்கிரஸ் மூத்த தலைவர் ராகுல் காந்தியை பாபா ராம்தேவ் புகழ்ந்து பேசும் வீடியோ இணையத்தில் வைரலாகி வருகிறது. அந்த வீடியோவில் ராகுலின் உடற்தகுதி குறித்து அவர் பாராட்டி பேசுகிறார். இந்நிலையில், காங்கிரஸ் ஆட்சி அமைக்கப்போவதை உணர்ந்து, ராகுலை பாஜக ஆதரவாளரான பாபா ராம்தேவ் பாராட்டியுள்ளதாக காங்கிரஸ் கட்சியினர் பதிவிட்டு வருகின்றனர். ஆனால், வீடியோவை ஆராய்ந்ததில், அது பழைய வீடியோ எனத் தெரியவந்துள்ளது.
News May 12, 2024
சென்னையில் குழந்தைகளை கொன்ற தந்தை
சென்னை மேற்கு மாம்பலத்தில் பெற்ற குழந்தைகளையே கொன்றுவிட்டு தந்தை தற்கொலை செய்துகொண்ட விவகாரம் பரபரப்பை ஏற்படுத்தியுள்ளது. இரும்பு வியாபாரம் செய்துவந்த மோகன் ராஜ்க்கு (47) மனைவி யமுனா (37) மீது சந்தேகப் பார்வை இருந்துள்ளது. அது பூதாகரமாகவே, 14 வயது மகளையும், 6 வயது மகனையும் கொன்றுவிட்டு தற்கொலை செய்து கொண்டார் மோகன் ராஜ். இதுபற்றி மோகன்ராஜ் எழுதிய கடிதம் சிக்கியுள்ளது.
News May 12, 2024
‘G.O.A.T’ பட இசை வெளியீட்டு விழாவால் ரசிகர்கள் சோகம்
வெங்கட் பிரபு இயக்கத்தில் உருவாகும் விஜய்யின் ‘G.O.A.T’ படத்தின் படப்பிடிப்பு இறுதிக்கட்டத்தை எட்டியுள்ளது. இப்படத்தின் 2ஆவது பாடல் விஜய்யின் பிறந்தநாளான ஜூன் 22ஆம் தேதி வெளியாகும் எனக் கூறப்படுகிறது. இந்நிலையில், இப்படத்தின் இசை வெளியீட்டு விழாவை மலேசியாவில் நடத்த படக்குழு திட்டமிட்டுள்ளதாக தகவல் வெளியாகியுள்ளது. இதனால், இந்நிகழ்ச்சியில் நேரில் பங்கேற்க முடியாத ரசிகர்கள் சோகத்தில் உள்ளனர்.
News May 12, 2024
வனப்பகுதி மக்கள் மீதான வன்முறை கண்டனத்திற்குரியது
ஒகேனக்கல் அருகே வனப்பகுதி மக்களை தாக்கிய காவல்துறையின் செயலுக்கு இபிஎஸ் கடும் கண்டனம் தெரிவித்துள்ளார். பூர்வகுடி மக்களை வெளியேற்ற அவர்களின் வீடுகளை உடைத்து வனத்துறை, காவல்துறை அராஜகம் செய்துள்ளதாக சாடிய அவர், மனிதாபிமானம் இன்றி வன்முறையில் ஈடுபடுவது எந்தவகையிலும் ஏற்புடையதல்ல என்று கண்டித்தார். மேலும், பூர்வகுடி மக்கள் அச்சுறுத்தலின்றி வாழ அரசு நடவடிக்கை எடுக்கவும் அவர் வலியுறுத்தினார்.
News May 12, 2024
சண்டே சமையல் டிப்ஸ்…
* இறைச்சியை வேக வைக்கும்போது சிறிது பாக்கு சேர்த்து வேக வைத்தால் சீக்கிரம் வெந்து விடும். *புளிக்குழம்பு வைக்கும் போது கடைசியில் மிளகு, சீரகத்தை அரைத்து சேர்த்தால் சுவையாக இருக்கும். *சீடை செய்யும்போது அதை ஊசியால் குத்திய பிறகு எண்ணெய்யில் போட்டால் வெடிக்காது. *வறுத்த வெந்தயத்தை சாம்பாரில் போட்டால் சாம்பார் சுவையாகவும், வாசனையாகவும் இருக்கும்.
Featured News
Sorry, no posts matched your criteria.