India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 1, 2024
சந்தையில் பட்டியலிடப்படாத கோத்ரெஜ் சொத்துகள் யாருக்கு?
கோத்ரெஜ் பங்கு பிரிப்புக்குப் பிறகு, ஜம்ஷித் மற்றும் ஸ்மிதா ஆகியோருக்கு சந்தையில் பட்டியலிடப்படாத கோத்ரெஜ் எண்டர்பிரைசஸான கோத்ரெஜ் மற்றும் போய்ஸ் உள்ளிட்ட துணை நிறுவனங்கள் வழங்கப்படவுள்ளன. இதன் தலைவராக ஜம்ஷித் கோத்ரெஜ் இருப்பார். அவரது சகோதரி ஸ்மிதாவின் மகள் நைரிகா ஹோல்கர் நிர்வாக இயக்குநராக இருப்பார். மேலும், மும்பையில் உள்ள 3,400 ஏக்கர் நிலம் உள்ளிட்ட பிரதான சொத்துகளையும் அவர்கள் பெறவுள்ளனர்.
News May 1, 2024
ரேவந்த் ரெட்டி ஆஜராக மாட்டார்
டெல்லி போலீசாரின் சம்மனுக்கு தெலங்கானா முதல்வர் ரேவந்த் ரெட்டி ஆஜராகமாட்டார் எனத் தகவல் வெளியாகியுள்ளது. அமித்ஷாவின் எடிட் செய்யப்பட்ட வீடியோவை பகிர்ந்து அவதூறு பரப்பியதாக அவருக்கு சம்மன் அனுப்பப்பட்டது. இந்த விவகாரத்தில் முதல்வரின் வழக்கறிஞர் நேரில் ஆஜராகி விளக்கமளிக்க உள்ளார். இந்த வீடியோவை பரப்பியதாக சிலர் கைதான நிலையில், தன்னையும் கைது செய்ய முயற்சி நடப்பதாக ரேவந்த் ரெட்டி தெரிவித்திருந்தார்.
News May 1, 2024
தமிழகத்தில் வெப்பநிலை 5°C வரை உயரும்
தமிழகத்தில் வெப்ப அலை வீசக்கூடும் என்றும், உள் மாவட்டங்களில் ஒருசில இடங்களில் அடுத்த 3 நாள்களுக்கு 2 முதல் 4°C வரை வெப்பம் அதிகரிக்கும் எனவும் வானிலை ஆய்வு மையம் எச்சரித்துள்ளது. அதிகபட்ச வெப்பநிலை 39-42°C-ஐ ஒட்டி இருக்கக்கூடும் என்றும், மே 4, 5ஆம் தேதிகளில் வெப்பநிலை குறையும் எனவும் கூறப்பட்டுள்ளது. சென்னையில் அதிகபட்ச வெப்பநிலை 39-40°C ஒட்டி இருக்கக்கூடும் என்றும் தெரிவிக்கப்பட்டுள்ளது.
News May 1, 2024
இனி 20 மணி நேரம் மட்டுமே வேலை செய்ய முடியும்
கனடாவில் படிக்கும் வெளிநாட்டு மாணவர்கள் பணத் தேவைக்காக பகுதிநேர வேலை செய்கின்றனர். அவர்கள் இனி வாரத்திற்கு 20 மணி நேரம் மட்டுமே வேலை செய்ய வேண்டும் என அந்நாட்டு அரசு உத்தரவிட்டுள்ளது. கொரோனா காலத்தில் 24 மணி நேரம் வரை வேலை செய்ய அனுமதிக்கப்பட்டது. இதனால், வேலை செய்யும் நோக்கத்தோடு கனடா வரும் மாணவர்களின் எண்ணிக்கை அதிகரிப்பதாகக் கூறி அரசு இந்த விதியை அரசு மீண்டும் அமலுக்கு கொண்டு வந்துள்ளது.
News May 1, 2024
இரண்டாக பிரிகிறது கோத்ரெஜ் குழுமம்
127 ஆண்டுகள் பாரம்பரியம் கொண்ட கோத்ரெஜ் குழுமம், 2ஆக பிரியவுள்ளது. கோத்ரெஜ் இண்டஸ்ட்ரீஸ் குழுமத்தை ஆதி கோத்ரெஜ் மற்றும் அவரது சகோதரர் நாதிர் ஆகியோரும், கோத்ரெஜ் எண்டர்பிரைசஸ் குழுமத்தை ஜம்ஷித் கோத்ரெஜ், ஸ்மிதா ஆகியோரும் நிர்வகிப்பார்கள் என அறிவிக்கப்பட்டுள்ளது. இதன் மூலம் பல வருட பங்கு உரிமைப் பிரச்னை சுமுகமாக முடிவுக்கு வந்துள்ளது. செபி ஒப்புதல் கிடைத்ததும் இதற்கான மற்ற பணிகள் தொடங்கும்.
News May 1, 2024
50 மாணவர்களின் உயிரைக் காப்பாற்றிய சிறுவன்
குஜராத் மாநிலம் அல்தான் பகுதியில் 50 மாணவர்களுடன் பயணித்த தனியார் பள்ளிப் பேருந்து, கட்டுப்பாட்டை இழந்து சாலையில் தாறுமாறாக ஓடியது. பேருந்தில் இருந்த 1 – 12ஆம் வகுப்பு மாணவர்கள் பயத்தில் அலறிய நிலையில், சிலர் காயம் அடைந்தனர். இந்நிலையில், ஓட்டுநர் மதுபோதையில் இருப்பது அறிந்ததை அடுத்து, 10ஆம் வகுப்பு மாணவர் ஒருவர் ஓட்டுநரை வலுக்கட்டாயமாகப் பேருந்தை நிறுத்தச் செய்து மாணவர்களைக் காப்பாற்றினார்.
News May 1, 2024
வன்கொடுமை குற்றவாளிக்கு மோடி பாதுகாப்பு அளிக்கிறார்
கர்நாடக பெண்களுக்கு எதிரான கொடூரமான குற்றங்கள் குறித்து பிரதமர் மோடி மௌனம் காப்பது வெட்கக்கேடானது என ராகுல் காந்தி கண்டித்துள்ளார். பாஜக கூட்டணியில் உள்ள JDS கட்சியின் வேட்பாளர் பிரஜ்வால் நாட்டை விட்டு எப்படி வெளியேறினார் என கேள்வி எழுப்பிய ராகுல், எல்லாம் தெரிந்திருந்தும் வாக்குக்காக கைசர்கஞ்ச் முதல் கர்நாடகா வரையில் உள்ள, வன்கொடுமை குற்றவாளிகளுக்கு மோடி பாதுகாப்பு அளிக்கிறார் எனச் சாடினார்
News May 1, 2024
தமிழகப் பயணிக்கு கர்நாடகா அரசு ₹1 லட்சம் இழப்பீடு
கடந்த ஆண்டு கர்நாடக அரசுப் பேருந்தில் விழுப்புரத்தைச் சேர்ந்த தெய்வசிகாமணி பெங்களூருவுக்கு பயணித்தார். அப்போது, அவர் கொண்டு சென்ற சமையல் எண்ணெய்க்கு ₹200 லக்கேஜ் கட்டணம் செலுத்தும்படி நடத்துநர் கேட்டுள்ளார். அவர் ₹50 தர முன்வந்ததால், பாதி வழியிலேயே இறக்கிவிடப்பட்டார். இந்த வழக்கை விசாரித்த விழுப்புரம் நுகர்வோர் நீதிமன்றம் அவருக்கு ₹1 லட்சம் இழப்பீடு வழங்க கர்நாடக அரசுக்கு உத்தரவிட்டுள்ளது.
News May 1, 2024
பாஜக வென்றால் மோடி பிரதமராகக் கூடாது
மோடி மீண்டும் பிரதமராகக் கூடாது என சுப்பிரமணியன் சாமி தெரிவித்துள்ளார். பாஜக மீண்டும் ஆட்சிக்கு வந்தால் மோடி அல்லாத வேறு ஒருவர் அந்த பதவிக்கு பொறுப்பேற்க வேண்டும் என்ற அவர், மோடி ஆட்சியில் இந்தியாவில் எந்தவொரு துறையும் வளர்ச்சி அடையவில்லை என்றார். மேலும் பேசிய அவர், பிரதமரின் பொறுப்பற்ற ஆட்சியால், இந்தியாவுடன் நட்பாக இருந்த நாடுகள் கூட, தற்போது எதிர்ப்பதாகவும் தெரிவித்தார்.
News May 1, 2024
விருதுநகர் கல்குவாரி உரிமையாளர் கைது
விருதுநகர் அருகே கல்குவாரியில் வெடிபொருட்களை இறக்கும்போது ஏற்பட்ட விபத்தில் 3 பேர் உயிரிழந்தனர். இவ்விபத்தில், மேலும் சிலர் சிக்கியுள்ளதாகக் கூறப்படும் நிலையில், மீட்புப் பணியில் தொய்வு ஏற்பட்டுள்ளது. தொடர்ந்து, குவாரியை நிரந்தரமாக மூடக்கோரி அப்பகுதி மக்கள் போராட்டத்தில் ஈடுபட்டுள்ளனர். இதனிடையே, குவாரியின் உரிமையாளர் தலைமறைவான நிலையில், தீவிர தேடுதலுக்கு பின் போலீசார் அவரை கைது செய்தனர்.
Featured News
Sorry, no posts matched your criteria.