India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 2, 2024
சொன்னதையே திரும்பச் சொல்கிறது பாஜக
சொன்னதையே திரும்பத் திரும்ப பாஜக சொல்வதாக ஆர்ஜேடி தலைவர் தேஜஸ்வி யாதவ் விமர்சித்துள்ளார். இதுகுறித்து கூறிய அவர், பாஜகவிடம் பேச எந்த விசயமும் இல்லாததால், சொன்னதையே திரும்பச் சொல்வதாகக் குற்றம்சாட்டினார். 3,000 பெண்கள் வன்கொடுமைக்கு ஆளாக்கப்பட்டு இருப்பதாகத் தெரிவித்த தேஜஸ்வி, ஆனால் பிரதமர் மோடியோ பாலியல் குற்றச்சாட்டுக்கு ஆளானவரை வெளிப்படையாக ஆதரிப்பதாகவும் கூறினார்.
News May 2, 2024
ராஜஸ்தான் அணிக்கு 202 ரன்கள் இலக்கு
ராஜஸ்தான் அணிக்கு 202 ரன்களை இலக்காக நிர்ணயித்தது ஹைதராபாத் அணி. டாஸ் வென்று முதலில் பேட்டிங் செய்த SRH, அதிரடியாக விளையாடியது. டிராவிஸ் ஹெட் 58, நிதிஷ் குமார் 76, க்ளாசென் 42 ரன்கள் குவித்ததால் 3 விக்கெட் இழப்புக்கு 201 ரன்களை SRH குவித்தது. RR தரப்பில் ஆவேஷ் கான் 2, சந்தீப் ஷர்மா ஒரு விக்கெட் வீழ்த்தினர். இந்தப் போட்டியில் எந்த அணி வெல்லும்?
News May 2, 2024
14 கோடி மைலுக்கு அப்பால் இருந்து வந்த லேசர் ஒளி
14 கோடி மைல்கள் தொலைவுக்கு அப்பால் இருந்து பூமிக்கு லேசர் சிக்னல் வந்ததாக நாசா விஞ்ஞானிகள் தெரிவித்துள்ளனர். 2023ஆம் ஆண்டு ‘சைக்கி’ என்ற் விண்கலத்தை அனுப்பிய நாசா, அதனை செவ்வாய் – வியாழனுக்கு இடையே நிலை நிறுத்தி லேசர் பரிமாற்றத்தை ஆய்வு செய்து வருகிறது. அந்த வகையில், இந்த லேசர் சிக்னல் கிடைத்ததாகக் கூறியுள்ள விஞ்ஞானிகள், விண்வெளி ஆராய்ச்சில் இதனை ஒரு சாதனையாக கருதுகின்றனர்.
News May 2, 2024
சேலத்தில் இருதரப்பினர் மோதலால் பதற்றம்
சேலம் தீவட்டிப்பட்டியில் உள்ள மாரியம்மன் கோயில் திருவிழாவில் இரு தரப்பினரிடையே ஏற்பட்ட மோதல் கலவரமாக மாறியதால், அங்குப் பதற்றம் நிலவுகிறது. கோயிலுக்குள் ஒரு தரப்புக்கு அனுமதி மறுக்கப்பட்டதாகக் கூறப்படுகிறது. இதனால் ஆத்திரமடைந்த அவர்கள் கோயில் அருகே உள்ள கடைகள் மற்றும் வாகனங்களுக்குத் தீ வைத்துள்ளனர். இதனையடுத்து நிகழ்விடத்தில் குவிக்கப்பட்ட போலீசார், 17 பேரைக் கைது செய்து விசாரித்துவருகின்றனர்.
News May 2, 2024
அண்ணாமலை வாழ்க்கை வரலாறு படத்தில் விஷால்?
தமிழக பாஜக தலைவர் அண்ணாமலை வாழ்க்கை வரலாறு படமாக எடுக்கப்பட இருப்பதாகவும், அதில் அண்ணாமலை கதாபாத்திரத்தில் விஷால் நடிக்க இருப்பதாகவும் தகவல் வெளியாகியுள்ளது. அரசியலுக்கு வருவதற்கு முன்பு காவல்துறை அதிகாரியாக அண்ணாமலை இருந்தார். இந்தப் பின்னணியை வைத்துப் படம் எடுக்கப்பட இருப்பதாகவும், இதில் விஷால் நடிக்க இருப்பதாகவும் பரவி வரும் தகவல் சினிமா வட்டாரத்தில் பேசு பொருளாகியுள்ளது.
News May 2, 2024
இன்று ஒரே நாளில் 417 வழக்குகள் பதிவு
சென்னையில் வாகனங்களின் நம்பர் பிளேட்களில் ஸ்டிக்கர் ஒட்டியதாக ஒரே நாளில் 471 வழக்குகள் பதிவு செய்துள்ளது போக்குவரத்துக் காவல்துறை. இதில் 121 போலீஸ் வாகனங்களும் அடக்கம். முதல்நாளில் பிடிபட்டோருக்கு ரூ.500 அபராதம் விதித்து அறிவுரை வழங்கிய போலீசார், அடுத்த முறை பிடிபட்டால் ரூ.1,500 அபராதம் விதிக்கப்படுமென எச்சரித்து அனுப்பினர். வாகன நம்பர் பிளேட்களில் ஸ்டிக்கர் ஒட்டத் தடை இன்று அமலுக்கு வந்தது.
News May 2, 2024
உமா ரமணன் உடல் தகனம்
உடல்நலக் குறைவால் காலமான, தமிழ் சினிமா பின்னணி பாடகி உமா ரமணின் உடல் தகனம் செய்யப்பட்டது. MSV, இளையராஜா உள்ளிட்டோரின் இசையில் நூற்றுக்கணக்கான பாடல்களைப் பாடி புகழ்பெற்றவர் உமா ரமணன். சென்னை அடையாறில் வசித்து வந்த அவர், நேற்று உடல்நலக் குறைவால் காலமானார். இதைத் தொடர்ந்து பல்வேறு தரப்பினரும் அஞ்சலி செலுத்தியதைத் தொடர்ந்து பெசன்ட் நகரில் உள்ள மின் மயானத்தில் அவரது உடல் தகனம் செய்யப்பட்டது.
News May 2, 2024
தாமஸ் கோப்பை காலிறுதியில் இந்தியா தோல்வி
தாமஸ் கோப்பை ஆண்கள் குழு பேட்மிண்டன் தொடரின் காலிறுதியில் நடப்பு சாம்பியனான இந்தியா தோல்வியைத் தழுவியது. சீனாவின் செங்டு நகரில் நடைபெற்ற ஆண்களுக்கான 33ஆவது தாமஸ் கோப்பை இரட்டையர் பிரிவு காலிறுதிச் சுற்றில் சீனாவை எதிர்கொண்ட இந்தியா 1-3 என்ற செட்களில் தோல்வியடைந்தது. ஒற்றையர் பிரிவில் மட்டும் இந்தியாவின் லக்ஷ்யா சென், சீனாவின் லி ஷி ஃபெங்கை 13-21, 21-8,21-14 என்ற செட்களில் வீழ்த்தினார்.
News May 2, 2024
எனது சவாலுக்கு காங்கிரஸ் இன்னும் பதிலளிக்கவில்லை
9 நாள்களாகியும் தமது சவால்களுக்கு காங்கிரஸ் கட்சி பதிலளிக்கவில்லை என்று பிரதமர் மோடி சாடியுள்ளார். மத அடிப்படையில் இடஒதுக்கீடு அளிக்க மாட்டோம் என காங்கிரஸ் உறுதியளிக்க முடியுமா என்று மோடி சவால் விடுத்திருந்தார். இதுகுறித்து குஜராத்தில் நடந்த பிரசாரக் கூட்டத்தில் பேசிய மோடி, தாம் சவால் விடுத்தும் காங்கிரஸ் இதுவரை பதிலளிக்கவில்லை என்றும், இது சந்தேகத்தை அளிக்கிறது என்றும் குறிப்பிட்டார்.
News May 2, 2024
கோலிக்கு ஆதரவாக குரல் கொடுத்த டி வில்லியர்ஸ்
கோலியின் ஸ்ட்ரைக் ரேட் குறித்துப் பேசுவோர் கிரிக்கெட்டைப் பற்றி அறியாதவர்கள் என டி வில்லியர்ஸ் விமர்சித்துள்ளார். கிரிக்கெட்டின் மிகச் சிறந்த வீரரான கோலியை விமர்சிப்பவர்கள், இதுவரை எத்தனை சதங்கள் அடித்துள்ளனர் என்றும் அவர் கேள்வி எழுப்பியுள்ளார். இந்த ஐபிஎல் தொடரில் அதிக ரன்கள் அடித்தோர் பட்டியலில் கோலி 2ஆவது இடத்தில் இருந்தும், ஸ்ட்ரைக் ரேட் தொடர்பாக அவர் விமர்சனத்தைச் சந்தித்து வருகிறார்.
Featured News
Sorry, no posts matched your criteria.