India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 20, 2024
சென்னையில் ஆசிட் வீசிய நபர் கைது
சென்னையில் நேற்று ஆசிட் வீச்சில் ஈடுபட்ட நபரை போலீசார் இன்று கைது செய்தனர். ஈக்காட்டுதாங்கல் அருகே கணேஷ் என்பவர் தனது குடும்பத்துடன் ப்ளாட்பாரத்தில் அமர்ந்து பேசிக்கொண்டிருந்தார். அப்போது அங்கு வந்த ராஜா என்பவர், தனது கையில் வைத்து இருந்த ஆசிட் பாட்டிலை வீசியதில் கணேஷின் 5 வயது மகள் காயமடைந்தார். இது தொடர்பாக வழக்குப் பதிவு செய்த கிண்டி போலீசார், சம்பவத்தில் ஈடுபட்ட ராஜாவை கைது செய்தனர்.
News May 20, 2024
பாஜக சிறுபான்மையினருக்கு எதிரான கட்சி அல்ல
பாஜக சிறுபான்மையினருக்கு எதிரான கட்சி அல்ல என்று மோடி தெரிவித்துள்ளார். பிடிஐ செய்தி நிறுவனத்துக்கு அளித்துள்ள பேட்டியில், அனைத்து மதத்தினரையும் ஒன்றாகவே பாஜக கருதுவதாகவும், யாரையும் உயர்ந்த குடிமக்களாக கருதவில்லை என்றும் கூறியுள்ளார். பாஜகவுக்கு மக்களின் மிகப்பெரிய ஆதரவு இருப்பதாகவும், அதனால் இந்த மக்களவைத் தேர்தலில் சாதனை எண்ணிக்கையில் பாஜக வெல்லும் என்றும் அவர் குறிப்பிட்டுள்ளார்.
News May 20, 2024
இந்தியாவில் அதிகரித்து வரும் புற்றுநோய் பாதிப்பு
இந்தியாவில் தலை மற்றும் கழுத்தில் புற்றுநோயால் பாதிக்கப்படுபவர்களின் எண்ணிக்கை அதிகரித்து வருவதாக தகவல் வெளியாகியுள்ளது. இதற்கு புகையிலைப் பொருட்கள் பயன்படுத்துவதே முக்கிய காரணம் என்றும், 15 வயதுக்கு மேற்பட்டவர்கள் பல்வேறு விதங்களில் புகையிலைகளை எடுத்து வருவதாகவும் ஆய்வுகள் கூறுகின்றன. குறிப்பாக புகையிலை மற்றும் மதுப்பழக்கத்திற்கு ஆளானவர்களுக்கு கூடுதல் பாதிப்பு ஏற்படுவதும் தெரியவந்துள்ளது.
News May 20, 2024
5ஆம் கட்ட தேர்தலில் 57.5% வாக்குப்பதிவு
மக்களவைத் தேர்தலுக்கான 5ஆம் கட்ட வாக்குப்பதிவில் 57.47% வாக்குகள் பதிவாகியுள்ளதாக தேர்தல் ஆணையம் அறிவித்துள்ளது. 8 மாநிலங்களில் நடந்த வாக்குப்பதிவில், அதிகபட்சமாக மேற்கு வங்கத்தில் 73.00% வாக்குகளும், குறைந்தபட்சமாக மகாராஷ்டிராவில் 48.88% வாக்குகளும் பதிவாகியுள்ளன. பிஹார்- 52.60%, காஷ்மீர்- 54.49%, ஜார்கண்ட்- 63.00%, லடாக்- 67.15%, ஒடிஷா- 60.72%, உ.பி. – 57.79% வாக்குகளும் பதிவாகியுள்ளன.
News May 20, 2024
சிலந்தி ஆற்றில் தடுப்பணை தமிழகத்தை பாலைவனமாக்கும்
கேரளாவில் உள்ள சிலந்தி ஆற்றின் குறுக்கே தடுப்பணை கட்டும் செயல் தமிழகத்தை பாலைவனமாக்கும் சூழ்ச்சி என சீமான் கண்டனம் தெரிவித்துள்ளார். இச்செய்தி தமிழக மக்களை அதிர்ச்சியடைய செய்துள்ளதாக கூறிய அவர், திமுக அரசு பொறுப்பேற்ற பின் தமிழக ஆற்று நீர் உரிமை பறிபோவது தொடர் கதையாகிவிட்டதாக விமர்சித்துள்ளார். அத்துடன், நதிநீர் உரிமை பறிபோகாமல் உச்சநீதிமன்றத்தில் அரசு வழக்கு தொடர வேண்டும் எனவும் வலியுறுத்தினார்.
News May 20, 2024
கனமழையால் வெள்ளக்காடானது
தமிழகத்தில் பல்வேறு மாவட்டங்களில் இன்று கனமழை வெளுத்து வாங்கியது. திருச்சி, ஈரோடு உள்பட பல்வேறு பகுதிகளில் 3 மணி நேரத்திற்கும் மேலாக கனமழை கொட்டித் தீர்த்ததால் பல இடங்கள் வெள்ளக்காடாக மாறின. குறிப்பாக, சமயபுரம் கோயிலைச் சுற்றியுள்ள பகுதிகளில் சுமார் 10 செ.மீ., அளவுக்கு மழை கொட்டித் தீர்த்தது. இதனால் மாரியம்மன் கோயிலைச் சுற்றி சூழ்ந்த தண்ணீரை வெளியேற்றும் பணியில் கோயில் பணியாளர்கள் ஈடுபட்டுள்ளனர்.
News May 20, 2024
‘கருடன்’ டிரெய்லர் நாளை வெளியாகிறது
சசிகுமார், சூரி நடிப்பில் உருவாகியுள்ள ‘கருடன்’ திரைப்படத்தின் இசை மற்றும் டிரெய்லர் நாளை வெளியாக உள்ளதாக படக்குழு அறிவித்துள்ளது. படத்தின் கதையை இயக்குநர் வெற்றிமாறன் எழுதியுள்ள நிலையில், துரை செந்தில்குமார் இயக்கியுள்ளார், யுவன் சங்கர் ராஜா இசையமைத்துள்ளார். மலையாள நடிகர் உன்னி முகுந்தன், சமுத்திரக்கனி உள்ளிட்ட பலர் நடித்துள்ள இப்படம் மே 31ம் தேதி திரையரங்குகளில் வெளியாக உள்ளது.
News May 20, 2024
₹8.75 லட்சம் மின்கட்டணம் என விவசாயிக்கு குறுஞ்செய்தி
வீட்டுக்கு மின் கட்டணமாக ₹8.75 லட்சம் செலுத்தக்கோரி வந்த குறுஞ்செய்தியை கண்டு விவசாயி ஒருவர் அதிர்ச்சியடைந்துள்ளார். கிருஷ்ணகிரி மாவட்டம் சின்னட்டியை சேர்ந்த விவசாயி வெங்கடேஷ், ₹100 மட்டுமே மின் கட்டணம் செலுத்தி வந்தநிலையில் ₹8.75 லட்சம் செலுத்தக்கோரி மின்வாரியத்திலிருந்து குறுஞ்செய்தி வந்துள்ளது. இதுதொடர்பாக மின்வாரியத்திடம் அவர் புகார் அளித்த நிலையில், பிரச்னை சரி செய்யப்பட்டுள்ளது.
News May 20, 2024
அண்ணாமலையின் தேர்தல் சுற்றுப்பயணத்தின் பின்னணி
தமிழகத்தில் மக்களவைத் தேர்தல் முடிவடைந்த நிலையில், வெளிமாநிலங்களுக்கு சென்று பாஜகவினரை ஆதரித்து அண்ணாமலை பிரசாரம் செய்கிறார். தேர்தல் பணிக்கு ஒதுக்கப்பட்ட நிதியை பல மாவட்ட நிர்வாகிகள் பதுக்கி விட்டதாகவும், இதேபோல் தேர்தலில் பல இடங்களில் வேலை செய்யவில்லை என்றும் கூறப்படுகிறது. இதுதொடர்பான கேள்விக்கு பதிலளிக்க விரும்பாமல்தான், அண்ணாமலை சுற்றுப்பயணம் சென்றதாக சொல்லப்படுகிறது.
News May 20, 2024
மறு சீரமைக்கப்பட்ட FD வட்டி விகிதம்
SBI வங்கியில் மறு சீரமைக்கப்பட்ட FD வட்டி விகிதங்கள் (₹2 கோடிக்கும் குறைவாக) மே 15 முதல் அமலானது. அதன் விவரம்.
*7-45 நாள்கள் – மக்களுக்கு 5%, மூத்த குடிமக்களுக்கு 5.75% வட்டி.
*46-129 நாள்கள் – மக்களுக்கு 6.25%, மூத்த குடிமக்களுக்கு 6.75% வட்டி.
*180-210 நாள்கள் – மக்களுக்கு 6.6%, மூத்த குடிமக்களுக்கு 7.1% வட்டி.
*211 நாள்கள் – ஒரு வருடம் வரை – மக்களுக்கு 6.25%, மூத்த குடிமக்களுக்கு 6.75% வட்டி
Featured News
Sorry, no posts matched your criteria.